إعـــــــلان

Collapse

.

,
See more
See less

محتاج نصيحة بخصوص شركات الحج السياحى

Collapse
X
 
  • Filter
  • الوقت
  • Show
Clear All
new posts

  • محتاج نصيحة بخصوص شركات الحج السياحى


    أرجو منكم يا جماعة المساعدة بخصوص شركات الحج السياحى ... عايز أعرف لو حد اتعامل مع شركة كويسة و ملتزمة قبل كدة يقولى اسمها و يا ريت لو كانت فى اسكندرية ... أنا أهم حاجة بأدور عليها انها تكون شركة ملتزمة فى كلامها و ناس محترمة .. يعنى الفنادق اللى بيقول عليها هى اللى بينزل فيها فعلاً ... عدد الأفراد بكل حجرة لا يزيد عن ما تم الاتفاق عليه ... الالتزام بالبرنامج المعلن و الأسعار المعلنة ... أنا حتى الآن متردد ما بين عدة شركات منها شركة اسمها "كاشا للسياحة" بجليم و أخرى اسمها "بلقيس" بالأزاريطة و ثالثة اسمها "ممفيس" تابعة لوزارة النقل البحرى بشارع فؤاد أمام المحافظة ... لو حد اتعامل مع أى منهم قبل كدة يا ريت ميبخلش علينا بمعلومات ... و لو فى اقتراحات لشركات تانية بناءً على تجربة يبقى جزاكم الله كل خير ... يالا بقى منتظر نصايحكم و ربنا ينولنا جميعاً زيارة بيته الحرام و مسجد رسوله صلى الله عليه و سلم.
    الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

  • #2
    حضرتك انا اعرف كذا شركة لكن فى القاهرة, هما ناس ممتازين جدا

    لو حضرتك عاوز تفاصيلهم انا تحت امرك فى اى وقت
    [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

    Comment


    • #3
      كنت اتمنى افادتك ولكن من قال لا اعلم فقد افتى , ان شاء الله ربنا ييسرلك وتحج بيت الله الحرام عقبالنا يا رب العالمين ولا تنسانا من دعائك يا اخى, وقفقك الله لما يحب ويرضى.
      [CENTER][SIZE=3][B][FONT=Arial Black]"اللهم يا رب المسلمين والنصارى اجعلنا نحن المسلمين لك وللوطن أنصاراً، واجعلنا نحن نصارى لك، وللوطن مسلمين"[/FONT][/B][/SIZE][/CENTER]

      Comment


      • #4

        معاذ باشا ... ممكن تقوللى عليهم؟ أنا طبعاً بأفضل لو شركات من اسكندرية بس لو من القاهرة و مضمونين مفيش مانع طبعاً
        الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

        Comment


        • #5
          انا اعرف اتنين تلاتة كده
          هجمع لحضرتك كل كل البيانات علشان تتصل بيهم و ربنا يوفقك ان شاء الله
          [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

          Comment


          • #6
            استاذ احمد, اولا انا اسف جدا بسبب التأخير. ده عنوان و تليفون شركة من الاتنين اللى اعرفهم

            دول كذا حد طلع معاهم و شكر فيهم

            الشركة: لاكى تورز

            العنزان: 36 ش عبد الخالق ثروت, وسط البلد

            التليفون: 23908308 / 23908407 (برجاء اضافة 02 لو حضرتك هتتصل من اسكندرية)

            يومين و اجيب لحضرتك عنوان واحدة تانية, بس التانية بيشكروا فيها اكتر
            [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

            Comment


            • #7

              معاذ باشا ... ألف شكر على الرد .. أنا فى خلال الفترة دى كنت سألت ناس كتير و فعلاً لاكى تورز من الشركات اللى ناس كتير شكرت فيها لكن أسعارها كانت غالية شوية (هى ليها فرع فى سموحة - اسكندرية) ... و استقريت فى الآخر على شركة اسمها باسكو تورز تابعة لجامعة الدول العربية و برامجها ممتازة و أسعارها معقولة جداً و ناس كتير شكروا فيها بشدة ... لو حد حابب يعرف التفاصيل ممكن أكتب تفاصيل البرامج بتاعتهم هنا.
              الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

              Comment


              • #8
                الحمد لله ان حضرتك لقيت حاجة كويسة

                حج مبرور و ذنب مغفور مقدما ان شاء الله

                يا ريت لو حضرتك تذكر تفاصيل عن العرض ده, و هل لهم فرع فى القاهرة و لا لأ؟
                [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

                Comment


                • #9
                  حج مبرور وذنب مغفور مقدما وأحب أن أقولك شىء أنا حسيته زيارة بيت الله الحرام وتأدية مناسك الحج من أحلى وأمتع الأشياء وفرحتها لا تعادل أى فرحة أخرى ( نجاح - جواز - عمل - أولاد - ترقية - شراء سيارة جديدة - شراء شقة جديدة) وحستنى ردك عندما تعود بأذن الله
                  أنا الحمدلله قمت السنه الماضية برحلة الحج مع أحد شركات السياحة من القاهرة بمنطقة باب اللوق على الرغم من اننى اعيش بالأسكندرية ولكن بالفعل الشركة ممتازة وتم تنفيذ كل ما فى العقد بل وأكثر من ما هو منصوص عليه لدرجة أننى قمت بالتوسط لهذه الشركة لتتولى تنظيم رحلات العمرة للعاملين بالشركة الذى أعمل بها وايضا عدد من أصدقائى (6) قد حجزوا للحج هذا العام مع هذه الشركة 4 برى و2 طيران .
                  أخوكم فى الله محمد مبروك

                  Comment


                  • #10
                    برجاء ياجماعة ممكن تذكروا الاسعار كام

                    Comment


                    • #11

                      شكراً للردود الجميلة دى و ربنا يرزقنا جميعاً حج بيته الحرام

                      بالنسبة لتفاصيل العرض اللى أنا حجزت فيه فهى كالتالى:

                      الإنتقـــال : الإسكندريه/القاهره/الإسكنديه بالسيارات السياحية المكيفة.
                      وسيلةالسفـر: على الخطوط السعوديه أو مصر للطيران القاهره/المدينه/جده/القاهره من (14/12/2007 م إلى 28/12/2007 م) الموافق 4 ذو الحجه إلى18 ذو الحجة
                      الإنتقـالات الداخلية : طيران داخلى وباص مرابط خلال فترة المشاعر.

                      المدينـة المنــورة : الإقامة بفندق الحارثيه شيراتون أو مدينه موده . فى الفترة من 14ديسمبر إلى 18 ديسمبر (4 إلى 8 ذو الحجه) لمدة 4 ليال نصف إقامة (إفطار + عشاء).

                      جـــــــد ه : الإقامة بفندق البرج أو الازهر أو جـده ترايدنت اوبروى فى الفترة من20 ديسمبر إلى 23 ديسمبر (10 إلى 13 ذو الحجة ) لمدة 3 ليال نصف إقامة (إفطار + غذاء).

                      مكـــه المكرمـه :الإقامة بفندق أجياد مكه أو نوفوتيل إيلاف الهدى. فى الفترة من 23 ديسمبر إلى 28ديسمبر (13 إلى 18 ذو الحجه) لمدة 5 ليال نصف إقامة (إفطار + غذاء).

                      المنــــاسك
                      * عرفــــات : هناجر مكيفه بعرفات مفروشه بالسجاد وحمـامـات خاصة و بوفيه فندقى مفتوح ، تليفزيون وبث مباشر للقنوات الفضائيه.
                      * منــــــى : خيام مضاده للحريق مجلدة بحوائط صناعية و مفروشه بالسجاد والكنب ووجبات خاصة.
                      الإنتقالت الداخلية بالمشاعر: سيارات سياحية مكيفة ومجهزة موديلات حديثة.

                      قيمة الإشتراك للفرد :
                      الفرد فى غرفة مزدوجة 38000.00 جنيه
                      الفرد فى غرفة ثلاثيـة 36000.00 جنيه
                      الفرد فى غرفة رباعية 35000.00 جنيه

                      مش عارف بصراحة هل الشركة لها فرع بالقاهرة أم لا لكن حسألهم ان شاء الله فى أقرب زيارة ليهم.
                      الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

                      Comment

                      Working...
                      X