لخبراء بورسعيد ....برجاء المساعدة

[yalahwy2010]

كنت عايز أشترى ملابس الشتاء من بورسعيد
جواكت وبلوفرات .......
انا ماعرفش حاجة فى بورسعيد غير تقريبا الشارع التجارى ومش فاكر حاجة تانية كدة بس مش فاكر الاسم
ممكن لو حد يعرف الأماكن اللى فيها لبس حلو يقوللى ......
وشكرا مقدما

[mensho]

بص يا سيدى عندك التجارى دة هتلاقى فية هدوم كتير واسعارة مش غالية قوى
لو حبيت تجيب حاجات انضف شوية
انزل شارع الجمهورية و طرح البحر دول شارعين فيهم محلات نضيفة بس غالية شوية
شوف كدة لو عايز حاجة تانية قول

[yalahwy2010]

بص يا سيدى عندك التجارى دة هتلاقى فية هدوم كتير واسعارة مش غالية قوى
لو حبيت تجيب حاجات انضف شوية
انزل شارع الجمهورية و طرح البحر دول شارعين فيهم محلات نضيفة بس غالية شوية
شوف كدة لو عايز حاجة تانية قول

ربنا يخليك يا منشو
طيب المحلات اللى فى طرح البحر ....هحس بالفرق بينها وبين المحلات اللى فى القاهرة
يعنى الحاجة اللى هناك تستاهل ان يبقى سعرها غالى؟؟؟
ولا هتبقى زيها زى اللى فى القاهرة؟

وألف شكر للاهتمام

[alfath8]

نصيحة منى اشترى من القنطرة افضل وارخص
ده اللى الناس بتعمله الوقتى ولو عايز تنزل بورسعيد انا تحت امرك
محمد مصطفى

[halika76]

بص يا سيدى عندك كذا مكان كويس تجيب منه ... سور قرية مرحبا بشارع طرح البحر ... وفى أخر سور القرية من ناحية سندوتش مؤمن كام محل بجوار سندوتش مؤمن ... وفى شارع 23 يوليو أمام جامع لطفى شبارة فى كام محل ... وطبعاً شارع الجمهورية وشارع الثلاثينى وشارع التجارى من أشهر الشوارع