إعـــــــلان

Collapse

.

,
See more
See less

وعرفت ساعتها ان احساس الام مبيخيبش :)

Collapse
X
 
  • Filter
  • الوقت
  • Show
Clear All
new posts

  • وعرفت ساعتها ان احساس الام مبيخيبش :)

    وعرفت ساعتها ان احساس الام مبيخيبش

    من حوالي اسبوعين وانا راجع البيت في شارع البحر الاعظم لقيت شاب في العشرينات سايق عربيه هيونداي اكسيل لونها اخضر ..ماشي بالراحه وبيحاول يسأل على حاجه فهديت جنبه بالعربيه ولقيته بقولي باسلوب مهذب جدا ولهجة تنم عن انه ابن ناس ف....ش "سلامو عليكو .. (بدأ يقلبها صعبانيات) معلش بس والمصحف الشريف هتقطع مني بنزين (وهنا قلبت شحتفه) والله العظيم انا مش من هنا ومش عارف ايه وايه وايه "

    - وطبعا عشان انا طول عمري شاب محترم وجدع وخير وطيب وكريم بطبعي ومبحبش اتكلم عن نفسي كتير يعني زي مانتو عارفين عشان انا اصلا متواضع ولذيذ ومهذب وابن ناس واقدس الحياه الزوجيه واشارك في الاثاث والاعمال المنزليه وكده يعني.....-

    المهم راحت كل الصفات دي نقحت عليا - وانا اصلا مبحبش اتكلم عن نفسي -.. واديتله 20 جنيه للاسف كانت اقل حاجه معايا ساعتها - عشان زي مانتو عارفين اني راجل جامد وغني فحت ومبقدرش اشيل مبالغ اقل من كده وكده يعني... -

    الغريب بقى ان اليوم ده والدتي كانت راكبه جنبي العربيه وعلى غير عادتها قالتلي" سيبك منه "
    - على الرغم من انها اساسا كريمه جدا وطيبه وحبوبه وطبيخها هايل ودمها خفيف ومبتحبنيش اتكلم عن نفسها برضو زيي كده بالظبط - .... لكن هي ساعتها قالتلي "سيبك منه" وانا طبعا مسمعتش كلامها ساعتها

    امبارح بقى وانا مروح وواقف في اشارة شارع الدقي اللي عند جنينه الاورمان بعد سمسمه بتاع السندوتشات - اللي انا باحب اشتري من عنده دايما شيش طاووق وشاورمه شامي وكوردن بلو عشان انا عامل دايت - لقيت نفس ذات الشاب ده بنفس ذات العربيه الاكسيل الخضراء جنبي وسبحان الله بدا يتكلم معايا وعاوز يسالني وبدأها برضو وهو غلبان كده وقالي "سلامو عليكو" رحت انا عشان غبي قلتله على فكره انت وقعت معايا قبل كده
    قالي بسرعه وارتباك لأ انا مش عاوز حاجه انا بس بسأل على مديرية امن الجيزه
    قلتله الدخله اللي جايه شمال ومشيت وانا متغاظ جدا
    وعرفت ساعتها ليه امي الطيبه الحنينه اللي كلمتكو عنها قبل كده ماستريحتلوش تماما
    واتاري قلب الام ده حاجه عظيمه واتاريني انا طلعت عبيط

    المهم بقى انا من هذا المزنق احب اقول لكل شاب وكل فتاه بيسوق عربيات في الجيزة وضواحيها وفروق التوقيت لو قابلكو الشاب ابن الناس اللي راكب عربيه هيونداي اكسيل خضرا .. امانه عليكو تجيبولي منه العشرين جنيه عشان احنا في اخر الشهر "والمصحف انا عاوز احط بنزين عشان ممكن تقطع مني بنزين وانا اصلا مش من هنا ... عااااااااااااااااااااااااااااااااااااااااااااااااا ااا"
    [CENTER][URL="http://2.bp.blogspot.com/_DPkKMMsPCgw/TTK6U_3eChI/AAAAAAAAANU/odzQfG8n188/s1600/IMAG006411111.jpg"]
    [/URL][/CENTER]
    [CENTER][SIZE=3]سبحان الله وبحمده ... سبحان الله العظيم[/SIZE][/CENTER]

  • #2
    المشاركة الأصلية كتبت بواسطة sakr122 مشاهدة المشاركة
    وعرفت ساعتها ان احساس الام مبيخيبش

    من حوالي اسبوعين وانا راجع البيت في شارع البحر الاعظم لقيت شاب في العشرينات سايق عربيه هيونداي اكسيل لونها اخضر ..ماشي بالراحه وبيحاول يسأل على حاجه فهديت جنبه بالعربيه ولقيته بقولي باسلوب مهذب جدا ولهجة تنم عن انه ابن ناس ف....ش "سلام عليكم .. (بدأ يقلبها صعبانيات) معلش بس والمصحف الشريف هتقطع مني بنزين (وهنا قلبت شحتفه) والله العظيم انا مش من هنا ومش عارف ايه وايه وايه "

    - وطبعا عشان انا طول عمري شاب محترم وجدع وخير وطيب وكريم بطبعي ومبحبش اتكلم عن نفسي كتير يعني زي مانتو عارفين عشان انا اصلا متواضع ولذيذ ومهذب وابن ناس واقدس الحياه الزوجيه واشارك في الاثاث والاعمال المنزليه وكده يعني.....-

    المهم راحت كل الصفات دي نقحت عليا - وانا اصلا مبحبش اتكلم عن نفسي -.. واديتله 20 جنيه للاسف كانت اقل حاجه معايا ساعتها - عشان زي مانتو عارفين اني راجل جامد وغني فحت ومبقدرش اشيل مبالغ اقل من كده وكده يعني... -

    الغريب بقى ان اليوم ده والدتي كانت راكبه جنبي العربيه وعلى غير عادتها قالتلي" سيبك منه "
    - على الرغم من انها اساسا كريمه جدا وطيبه وحبوبه وطبيخها هايل ودمها خفيف ومبتحبنيش اتكلم عن نفسها برضو زيي كده بالظبط - .... لكن هي ساعتها قالتلي "سيبك منه" وانا طبعا مسمعتش كلامها ساعتها

    امبارح بقى وانا مروح وواقف في اشارة شارع الدقي اللي عند جنينه الاورمان بعد سمسمه بتاع السندوتشات - اللي انا باحب اشتري من عنده دايما شيش طاووق وشاورمه شامي وكوردن بلو عشان انا عامل دايت - لقيت نفس ذات الشاب ده بنفس ذات العربيه الاكسيل الخضراء جنبي وسبحان الله بدا يتكلم معايا وعاوز يسالني وبدأها برضو وهو غلبان كده وقالي "سلام عليكم" رحت انا عشان غبي قلتله على فكره انت وقعت معايا قبل كده
    قالي بسرعه وارتباك لأ انا مش عاوز حاجه انا بس بسأل على مديرية امن الجيزه
    قلتله الدخله اللي جايه شمال ومشيت وانا متغاظ جدا
    وعرفت ساعتها ليه امي الطيبه الحنينه اللي كلمتكو عنها قبل كده ماستريحتلوش تماما
    واتاري قلب الام ده حاجه عظيمه واتاريني انا طلعت عبيط

    المهم بقى انا من هذا المزنق احب اقول لكل شاب وكل فتاه بيسوق عربيات في الجيزة وضواحيها وفروق التوقيت لو قابلكو الشاب ابن الناس اللي راكب عربيه هيونداي اكسيل خضرا .. امانه عليكم تجيبولي منه العشرين جنيه عشان احنا في اخر الشهر "والمصحف انا عاوز احط بنزين عشان ممكن تقطع مني بنزين وانا اصلا مش من هنا ... عااااااااااااااااااااااااااااااااااااااااااااااااا ااا"


    هههههههههههههههههههههه
    بحد انت مشكله
    بس انت تستاهل ..............زادى كذات اللى ميسمعش كلمه ماما تقولها هههههههه
    احمد ربنا انها جت على قد ال 20 جنيه ان حيبك منأحش عليك وان فولتهالو كانت هتبقى 80 ده على اساس انه بيحط 92 تخيل بقى لو زنقق لما تخشو البنزينه وقالك 95 ونبى يا عمو
    وطبعا كان هيقولها بكل العبنيات اللى فى الدنيا وانت عارف نفسك كويس .............
    شاب محترم وجدع وخير وطيب وكريم بطبعي ومبحبش اتكلم عن نفسي كتير يعني زي مانتو عارفين عشان انا اصلا متواضع ولذيذ ومهذب وابن ناس واقدس الحياه الزوجيه واشارك في الاثاث والاعمال المنزليه وكده يعني.....-
    هههههههههههههههه
    انت مشكله
    Wael Kamel
    سبحان الله والحمدلله والله اكبر

    wael_kamel سابقا

    Comment


    • #3
      عشان المواضيع اللي زي دي بحب الاجتماعي :)))
      لا إله إلا أنت. سبحانك. إني كنت من الظالمين

      Comment


      • #4
        ماشالله اسلوب تحفه
        وماتأخذنيش انته طلعت تحفه لما دفعت ال20 بلبل

        Comment


        • #5
          ههههههههههه
          باريت الى يجيب العشرين دول يجبلى 10 معاه
          قابلنى نفس الشخص ادام داخلة المعادى على الكورنيش بالاكسيل الخضرا والشكل المهذب (شاب رفيع وشكلة مهندم وابن ناس - شكلة فقط - فعلا زى ما حضرتك بتقول ودخل نفس الدخلة الى بتبدأ بحلفان بالمحصف ) وزوجتى جامبى وهى عضو فى نفس الفريق بتاع والدة حضرتك وقعدت تقلى سيبك منه
          وانا طبعا كنت خط وسط فى فريق حضرتك وبرضه طيب وامير وشهم وما سمعتلهاش ودفعت 10 جنيه زى الباشا ...
          انا كنت شاكك فيه بنسبة 90% عشان كده اديته اقل مبلغ ممكن
          أن شاء الله هيبقى حظه زى الزفت لو اتكعبلت فيه تانى
          [B]الوا السياسة مهلكة بشكل عــــــــــــــام...و بحورها يا بني خشنة مش ريش نعام.
          غوص فيها تلقي الغرقانين كلهــــــــــم. شايلين غنايم ...و الخفيف اللي عـــــام[/B]

          Comment


          • #6
            ههههههههههههههههههههههههههههههه
            جامد جامد يا عم حامد
            بصراحه انا لو منك كنت اديته 2 لتر بنزين من العربيه بتاعتى يمشى حاله بيها لاقرب بنزينه
            صحيح حيبقى بنزين 80 ... لكن يحمد ربنا بقى
            موقفك ده فكرنى بواحد شحات برضه قابلته زمان لما كنت بشتغل فى رمسيس و طالع من محطه المترو برضه دخل عليا دخله "انا ابن ناس و مش عارف ايه ... و عاوز فلوس اروح الشرقيه " فاديته 5 جنيه (على قدى بقى ) و مشيت
            بعدها باسبوع قابلته تانى و دخل عليا نفس الدخله قولتله ايه ياعم انتا لحقت تصرف 5 جنيه بتاعت المره اللى فاتت

            مره تانيه كنت طالع الصبح من بيتنا و لاقيت راجل كبير لابس جلابيه بيضا و عليها بقع دم و ماسك فى ايده كيس بتاع قسطره و فيها (لامؤخذه بيبى ) و شكله كان يقطع القلب طبعا صعب عليا و اديته 20 جنيه
            بس اتحركت خطوتين و بعد كده فكرت - هو لو كان صحيح مركب القسطره اللى ماشى بيها دى ماكنشى عرف يتحرك اصلا - يعنى ده نصاب و اتنصب عليك ياهبل
            لااااااااااااااااااااع مش انا اللى يتنصب عليا ده انا صعيدي
            فندهته و قولتله "هات ال 20 جنيه اللى ادتهالك كده " و فتحت المحفظه و مسكت ورقه ب 200 جنيه(كانت لسه طالعه جديد) قال يعنى حديهاله
            هو طبعا لما شاف 200 جالى جرى و هو فاتح بقه مبتسم و بيديلى ال 20 جنيه
            انا اخت منه ال 20 حطيتها جنب الورقه ام 200 و قفلت المحفظه و حطيتها فى جيبي و قولتله سلامو عليكم
            هو بصلى فى ذهول و كان حيجرى ورايا يضربنى و لولا انى خلعت بسرعه كان حدف عليا كيس البيبى (عدة الشغل )

            Comment


            • #7
              ههههههههههههههه
              انا برضة وقعت في موقف زي كده ودفعت 20 جنية
              بس من يومها بطلت ادي فلوس لأي شحات ايا كان.
              اللي عايز يعمل خير او يطلع صدقة يشوف حد جنبة في المنطقة ويكون حد معروف لكن شحاتين ترانزيت تاني نو
              [CENTER][SIZE=3]قدرنا كمصريين ان نصنع التاريخ ولا نعيشة
              أن نضيء للأمم الدرب ونتعثر في دياجير الظلام[/SIZE][FONT=Tahoma][SIZE=3][COLOR=#006800][SIZE=2]
              [/SIZE][/COLOR][/SIZE][/FONT] [/CENTER]

              Comment


              • #8
                المشاركة الأصلية كتبت بواسطة khaled sabry مشاهدة المشاركة
                ههههههههههههههههههههههههههههههه
                جامد جامد يا عم حامد
                بصراحه انا لو منك كنت اديته 2 لتر بنزين من العربيه بتاعتى يمشى حاله بيها لاقرب بنزينه
                صحيح حيبقى بنزين 80 ... لكن يحمد ربنا بقى
                موقفك ده فكرنى بواحد شحات برضه قابلته زمان لما كنت بشتغل فى رمسيس و طالع من محطه المترو برضه دخل عليا دخله "انا ابن ناس و مش عارف ايه ... و عاوز فلوس اروح الشرقيه " فاديته 5 جنيه (على قدى بقى ) و مشيت
                بعدها باسبوع قابلته تانى و دخل عليا نفس الدخله قولتله ايه ياعم انتا لحقت تصرف 5 جنيه بتاعت المره اللى فاتت

                مره تانيه كنت طالع الصبح من بيتنا و لاقيت راجل كبير لابس جلابيه بيضا و عليها بقع دم و ماسك فى ايده كيس بتاع قسطره و فيها (لامؤخذه بيبى ) و شكله كان يقطع القلب طبعا صعب عليا و اديته 20 جنيه
                بس اتحركت خطوتين و بعد كده فكرت - هو لو كان صحيح مركب القسطره اللى ماشى بيها دى ماكنشى عرف يتحرك اصلا - يعنى ده نصاب و اتنصب عليك ياهبل
                لااااااااااااااااااااع مش انا اللى يتنصب عليا ده انا صعيدي
                فندهته و قولتله "هات ال 20 جنيه اللى ادتهالك كده " و فتحت المحفظه و مسكت ورقه ب 200 جنيه(كانت لسه طالعه جديد) قال يعنى حديهاله
                هو طبعا لما شاف 200 جالى جرى و هو فاتح بقه مبتسم و بيديلى ال 20 جنيه
                انا اخت منه ال 20 حطيتها جنب الورقه ام 200 و قفلت المحفظه و حطيتها فى جيبي و قولتله سلام عليكم
                هو بصلى فى ذهول و كان حيجرى ورايا يضربنى و لولا انى خلعت بسرعه كان حدف عليا كيس البيبى (عدة الشغل )
                هههههههههههههههههههههه
                الناس ديه بتجيب الافكار بنت التييييييييييييييييييييييت ديه منين
                Wael Kamel
                سبحان الله والحمدلله والله اكبر

                wael_kamel سابقا

                Comment


                • #9
                  المشاركة الأصلية كتبت بواسطة wael_kamel مشاهدة المشاركة
                  هههههههههههههههههههههه
                  بحد انت مشكله
                  >>>>>>
                  هههههههههههههههه
                  انت مشكله
                  المشاركة الأصلية كتبت بواسطة mado83 مشاهدة المشاركة
                  ماشالله اسلوب تحفه
                  وماتأخذنيش انته طلعت تحفه لما دفعت ال20 بلبل
                  المشاركة الأصلية كتبت بواسطة khaled sabry مشاهدة المشاركة
                  ههههههههههههههههههههههههههههههه
                  جامد جامد يا عم حامد
                  تصدقو نسيت اكتب الصفات دي فيا .. بس ملحوقه ان شاء الله الموضوع اللي جاي بقى .. واكيد هيعجبكو برضو عشان انا شاب مشكله وتحفه وجامد وحامد وكل دوول
                  [CENTER][URL="http://2.bp.blogspot.com/_DPkKMMsPCgw/TTK6U_3eChI/AAAAAAAAANU/odzQfG8n188/s1600/IMAG006411111.jpg"]
                  [/URL][/CENTER]
                  [CENTER][SIZE=3]سبحان الله وبحمده ... سبحان الله العظيم[/SIZE][/CENTER]

                  Comment


                  • #10
                    المشاركة الأصلية كتبت بواسطة madyyuri مشاهدة المشاركة
                    ههههههههههههههه
                    انا برضة وقعت في موقف زي كده ودفعت 20 جنية
                    بس من يومها بطلت ادي فلوس لأي شحات ايا كان.
                    اللي عايز يعمل خير او يطلع صدقة يشوف حد جنبة في المنطقة ويكون حد معروف لكن شحاتين ترانزيت تاني نو
                    انك تبطل تدي فلوس لأي شحات مش كفايه على فكره
                    انا بافكر جديا ابتدي ادور على كل الشحاتين اللي نصبو عليا واخد فلوسي منهم تاني
                    [CENTER][URL="http://2.bp.blogspot.com/_DPkKMMsPCgw/TTK6U_3eChI/AAAAAAAAANU/odzQfG8n188/s1600/IMAG006411111.jpg"]
                    [/URL][/CENTER]
                    [CENTER][SIZE=3]سبحان الله وبحمده ... سبحان الله العظيم[/SIZE][/CENTER]

                    Comment


                    • #11
                      المشاركة الأصلية كتبت بواسطة khaled sabry مشاهدة المشاركة
                      مره تانيه كنت طالع الصبح من بيتنا و لاقيت راجل كبير لابس جلابيه بيضا و عليها بقع دم و ماسك فى ايده كيس بتاع قسطره و فيها (لامؤخذه بيبى ) و شكله كان يقطع القلب طبعا صعب عليا و اديته 20 جنيه
                      بس اتحركت خطوتين و بعد كده فكرت - هو لو كان صحيح مركب القسطره اللى ماشى بيها دى ماكنشى عرف يتحرك اصلا - يعنى ده نصاب و اتنصب عليك ياهبل
                      لااااااااااااااااااااع مش انا اللى يتنصب عليا ده انا صعيدي
                      فندهته و قولتله "هات ال 20 جنيه اللى ادتهالك كده " و فتحت المحفظه و مسكت ورقه ب 200 جنيه(كانت لسه طالعه جديد) قال يعنى حديهاله
                      هو طبعا لما شاف 200 جالى جرى و هو فاتح بقه مبتسم و بيديلى ال 20 جنيه
                      انا اخت منه ال 20 حطيتها جنب الورقه ام 200 و قفلت المحفظه و حطيتها فى جيبي و قولتله سلام عليكم
                      هو بصلى فى ذهول و كان حيجرى ورايا يضربنى و لولا انى خلعت بسرعه كان حدف عليا كيس البيبى (عدة الشغل )
                      عليا النعمه انت اللي جامد يا ريتني عملت كده لما شفتو المره التانيه :d
                      [CENTER][URL="http://2.bp.blogspot.com/_DPkKMMsPCgw/TTK6U_3eChI/AAAAAAAAANU/odzQfG8n188/s1600/IMAG006411111.jpg"]
                      [/URL][/CENTER]
                      [CENTER][SIZE=3]سبحان الله وبحمده ... سبحان الله العظيم[/SIZE][/CENTER]

                      Comment


                      • #12
                        المشاركة الأصلية كتبت بواسطة khaled online مشاهدة المشاركة
                        عشان المواضيع اللي زي دي بحب الاجتماعي :)))

                        شكرا يا كبير
                        وعلى فكره الاجتماعي كمان بيحبك وبيقول عليك كلام زي الفل :)
                        [CENTER][URL="http://2.bp.blogspot.com/_DPkKMMsPCgw/TTK6U_3eChI/AAAAAAAAANU/odzQfG8n188/s1600/IMAG006411111.jpg"]
                        [/URL][/CENTER]
                        [CENTER][SIZE=3]سبحان الله وبحمده ... سبحان الله العظيم[/SIZE][/CENTER]

                        Comment


                        • #13
                          تحية لشاب الاكسيل اللى نصب عليكوا وممكن نعدل استيكر المنتدى ونحط فيه صورة الشاب ده ونكتب المنصوب عليهم تيم
                          A.Saad

                          Comment


                          • #14
                            انا بهزر معاكوا اوعوا تزعلوا
                            A.Saad

                            Comment


                            • #15
                              المشاركة الأصلية كتبت بواسطة sakr122 مشاهدة المشاركة
                              شكرا يا كبير
                              وعلى فكره الاجتماعي كمان بيحبك وبيقول عليك كلام زي الفل :)
                              طيب عال عال عال (إيموشن حسني مبارك) ههههه
                              لا إله إلا أنت. سبحانك. إني كنت من الظالمين

                              Comment

                              Working...
                              X