إعـــــــلان

Collapse

.

,
See more
See less

★*... هو ازعاج المصري ...*★ واجب وسنة ولا فرض كفاية !!

Collapse
X
 
  • Filter
  • الوقت
  • Show
Clear All
new posts

  • ★*... هو ازعاج المصري ...*★ واجب وسنة ولا فرض كفاية !!


    ★*... ...*★


    ★*... هو ازعاج المصري ...*★
    واجب وسنة ولا فرض كفاية !!

    اي اذا قام به البعض سقط عن الاخررررر .... ياجماعة بجد بجد مش معقول كدة !!!
    انا طههههههقت. حياتي خلاص .... طبعاً انا لا اقصد ازعاج الاطفال ... لان الاطفال مقدور عليهم وكلنا عندنا عيال والي معندهوش اهو عندو اخواتوا او عيال جيرانوا .... بس بجد وحقيقةً لايوجد مادة في الدستور. مادة واحدة تحمي المواطن في منزلة من ازعاج الجيراااااان ودوشتهم .... الناس بقه عندوهم قلت زوق فضيعة. ولا مبالاة بشكل غريب ومريب .... وتلامة مابعدها تلامة .... وتخلص من دوشة واحد تخش في دوشة التاني. تخلص من دوشة التاني يطلعك التالت وهكذا .... المحصلة النهائية عدم راحة في بيتك .... والاقي كل يوم كوكتيل دوشة في دماغي .... ده حتى في مدرسة جمب شغلي بسم الله مشاء الله ركبو ميكروفنات دي جيه. .... وعلشان هما متحضرين قاموا جابوا بيانووو .... وعلشان كل الفصول تسمع والاهالي تسمع ان في المدرسة دي فيها بيانوا قاموا حطوا البيانوا جمب الميكروفون يعني كل يوم اسمع عزف على البايانو. ناس تقول ااااااااااله ده شيء عظيم. ده شيء جميل. .... ماهو الزفت الي بيعزف على البيانو مبيعزيفش انا قلبي دليلي. ولا بيعزف انتا عمري ولا بهواك واتمنى لو انساك لاكن قاعد يعزف اغنية تيني نانه تيني نانه ... تيني نانه وعلى هذا الحااااال ونفس الجملة ونفس الموال من الساعه ٨ الصبح للساعه ١٢ الظهررررررررررررررررررر لغايت ميوتر اعصاب امي واعصاب ام الي حوليا ...



    ارجع البيت العصرية اقول خليني اقيلي شووية .... والي يدحك اني بقول لعيال. لو البيت بيوووووولع محدش يجي يصحيني .... واخش انام ملحقش اغمض عيوني. .... وغير اسمع صوت المدام هوا الي يصحيني وهيا بتشخط في العيال وبتقولهم هووووووووووش ابوكم نايم يا عيال.

    ارجع انام واسمع صوت بتاع الانابيب تيك تيك تيك تيك بالمفتاح على انبوبة من الي معاه ... وايه ورى بعض ورى بعض كدة يصحيني من نومي ادعي عليه وارجع تاني .... ( واقول إلاهي تفرقع في وش مامتك الانبووبة الي بتخبط عليها دي يابعيد ) وارجع انام في جيران لينا فيومين جمعوا مع بعضيهم ورنا واشترو الارض الي ورانا وبنوها عمااارة وبعيد عنكم بقالها اربع سنين بيبنو في العمارة دي طووووبة طوبة وشغالين فيها بما انهم فاضين ٢٤ ساعة. بقوة. عمال تالت عمال

    ويادوبك يسكتووو من هنا في عيل جمبنا تييييييييييت. ابوه جايبلو سب وفر ... بيفضل مشغل اغاني لوش الفجر. ولمن اشتكينا امووو. ينعل ابو ----- قالتلي معليش ياخويا. اصلوا عندوا لطف حبيتين ....

    المهم سيبكم انتوا هحكيلكم ايه ولا ايه ولا ايه ولايه
    القصد كلوووو ايمتى يعملوا بقه قانون. لاقلاق راحت السكان حبس شهرررر مثلاً .... الناس اغلبها بتشتكي من جيرناها وازعاج جيرنها ولازم يكون عندك في كل حته جيران اعووووذ بالله يطلعوا عين الي خلفووك .... والغريب ان يبقى ٩٠٪ من جيرانك ناس محترمة وراقية ولازم يطلعلك كده ١٪ من جيرانك يمغص عليك حياتك ده حتى يوم الجمعة اليوم الوحيد الي بتقول هترتاح فيه. تبص تلاقي المؤذن الي جمب منك يفتح ميكروفنات الجامع على الراديو ... وتيجي تكلموا يقلك لا علشان الناس تصحى وتستعد لصلاة الجمعة. ياعم الحج هنستعد ايه بس هو احنا مسافرييين وفي حد بيستعد من الساعه ٨الصبح برضو .... وبعدين لو مشغل قران هنقول ماشي ونسكت بس الاذاعة مشغلة برامج دينية واتنين بيتكلموا ... وهو كان ايام الرسول ولا السلف الصالح بيعملووو كدة !!!! ولا حتى في السعودية دولة الاسلام. بيعملووو كدة بس تقول لمين. واقول استحمل وخلاص هيا جيت عليه

    بس بسئل نفسي سؤال لحد ايمتى المواطن المصري. ازعاجوا واجب وفرض .كفاية ان قام به البعض سقط عن الاخريين ... لحد ايمتى هنفضل على الموال ده وكل يوم خبط وزمر .... هل ياربي اروح. اتبرع بالدم يمكن ابقى معنديش دم زيهم ... ولا اعمل ايه ياربي .... ده بيقولك يا اخي الاحساس نعممممممممممممة. لحد ايمتى الناس دي هتبقى معندهاش احساس. لحد ايمتى .... وتحياتي


    [SIGPIC][/SIGPIC]
    [SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]

  • #2
    ياريس باشا :)
    إزعاج المصري فرض عين على كل مصري بالغ عاقل! هههههههههه
    لا إله إلا أنت. سبحانك. إني كنت من الظالمين

    Comment


    • #3
      المشاركة الأصلية كتبت بواسطة khaled online مشاهدة المشاركة
      ياريس باشا :)
      إزعاج المصري فرض عين على كل مصري بالغ عاقل! هههههههههه
      اه واللهِ يا خالد يا أخويا ... ده في ناس متستمتعش بحياتها غير اذا ازعجوا الناس ... واذا مكنش الواحد فيهم كده يصحى من النوم الصبح يقرف عشرة خمستاطشر اوسبعطاشر او حتى عشرين مواطن مصري كده على الصبح .... يحس ان اليوم كلو ضاع ومعملش حاجة فيه ومستفدش من يوموا ههههههههههه
      [SIGPIC][/SIGPIC]
      [SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]

      Comment


      • #4
        هاهاهاهاهاهاهاهاهاهاهاهاهاهاهاهاهاهاها ارحمني من اسلوبك ده
        انا وقعت علي الارض من كتر الضحك و زمايلي مفكرني مجنون

        المشاركة الأصلية كتبت بواسطة khaled online مشاهدة المشاركة
        ياريس باشا :)
        إزعاج المصري فرض عين على كل مصري بالغ عاقل! هههههههههه
        هاهاهاهاهاهاهاهاهاهاهاهاهاهاهاهاها علي اساس ان اللي مش هيزعج غيره هيخش النار ؟

        Comment


        • #5
          انا كنت عايش في عذاب قبل ما ننقل
          بيتنا القديم في الدور الارضي و الاول
          حاجه كده غير طبيعيه من الازعاج
          لدرجه اللي ماشي في الشارع من غير ما يعمل حاجه لو حد غريب عندنا بيفتكر انه ماشي في الشقه
          و العيال اللي بتلعب تحت شباك اوضتي...
          غير اللي عمال يبلبع كل انواع الحاجات تحت الشباك برضوا
          و كله كوم و العيال اللي بتلعب 24 ساعه كوره كوم تاني و بهدله العربيه كوم تالت منهم
          الميكانيكي الله يكرمه بيصلح برضوا تحت شباكي و يسيب عربيه عامله عمره شغاله ساعات...و يقعد مع الحلاق يدردشوا برضوا تحت الشباك...
          ماتسالنيش الجيران كانت دوشتها ايه...لأني كنت قاعد في الشارع ....فا مش هيفرق صوت الجيران
          الله يلعن الدوشه واللي اخترعها

          [SIGPIC][/SIGPIC]

          [CENTER]خلوها تصـــــــــــــدي و موديلها يعـــــــــــــــدي[/CENTER]

          Comment


          • #6
            المشاركة الأصلية كتبت بواسطة khaled_legend مشاهدة المشاركة
            هاهاهاهاهاهاهاهاهاهاهاهاهاهاهاهاهاهاها ارحمني من اسلوبك ده
            انا وقعت علي الارض من كتر الضحك و زمايلي مفكرني مجنون




            هاهاهاهاهاهاهاهاهاهاهاهاهاهاهاهاها علي اساس ان اللي مش هيزعج غيره هيخش النار ؟
            ههههههههههههههه
            طب واللهِ انتا بتقول فيها يا خالد باشا.... الناس بالذات من بعد الثورة بقت عندهم عقدة اسمها الحرررررية.... مش مهم بقة الحرية. ايه بالطول بالعرض مش فارقه معاه وحاسس ان الف باء الحرية والديمقراطية. انو يزعجك باي صورة من الاشكال ... عارف رووح اوقف على النيل. في اهدى مكان فيه حته هوس هوس .كده .... هتلاقي اي حد يشوفك قاعد متسلطن على النيل هيجري عليك واحد بحاجة ساقعة. ويزعجك هوبا هتلاقي عربية تيرمس بتجري عليك ثم يليه بتاع البطاطا ثم يتبعوا بتاع الحلابيسة .... خلاصت منهم كلهم. هتلاقي واحد بيتمشى ياعيني. وفي حالوا اول مايشوفك قاعد هتبص تلاقيه ساب الكورنيش كلو وجه يقعد جمبك ويطلع الموبايل والعدة الصيني من جيبوا ويشغلك. احسن اغاني في الدنيا تدوشك .. طبعاً انتا هتستحمل ولا على بالك هتبص تلاقي برضو عربية فيت ١٢٨ او ١٣١ او حتى لانسر شافوكم انتواىالاتنين قاعدين وعمالين تسمعو ازعاج الموبايل الصيني ومش محوق فيكم يقوموا راكنين واركم على الكورنيش وينزلوا. ويشغلوا السب بتاعهم ويقولوا يمكن يحوء فيكم. .... المهم طبعاً انتا تستحمل وتقول معليش. هوبا تعدي عربية فيرنا وتشوفك قاعدين وشباب واقفين تقوم ركنه هيا كمان ومشغل نجوم اف ام بصوت عالي وعلشان تدوش اكتر يفتح بيبان العربية. وكبوت الشنطة علشان الصووت يلع لع كده هههههههههه. الازعاج حلووو برضو
            [SIGPIC][/SIGPIC]
            [SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]

            Comment


            • #7
              انا معاك فى موضوع حبس شهر للازعاج ده على الاقل حيبقى نصف الشعب محبوس والنص التانى عايش مأنتخ هههههههههههههههههههههههههه
              [CENTER] اللهم صل على محمد وعلى آله وصحبه أجمعين
              [/CENTER]

              Comment


              • #8
                المشاركة الأصلية كتبت بواسطة y a r i s مشاهدة المشاركة
                اه واللهِ يا خالد يا أخويا ... ده في ناس متستمتعش بحياتها غير اذا ازعجوا الناس ... واذا مكنش الواحد فيهم كده يصحى من النوم الصبح يقرف عشرة خمستاطشر اوسبعطاشر او حتى عشرين مواطن مصري كده على الصبح .... يحس ان اليوم كلو ضاع ومعملش حاجة فيه ومستفدش من يوموا ههههههههههه
                ههههههههه ينهار أبيض عالضحك! هههههههه بص أنا اللي بيخليني أستغرب فعلا إن نبقى قاعدين في أمان الله والناس اللي معايا في المكتب يقفلوا التكييف ويفتحوا الإزاز !!! لأ وإيه جمبنا مدرسة وكل شوية وان تو سري (بالسين) فور! والعيال كأنها في معسسكرات الجيش ورا المستر وان تو سري فووووووور!
                طيب ليه نفتح الإزاز (ونقرف نفسنا)؟! الرد الجميل: ده أنا مش سامعة صوت خالص على فكرة!!!!
                كأن في ناس مبيتمزجوش إلا لما الدوشة تكون حواليهم!

                المشاركة الأصلية كتبت بواسطة khaled_legend مشاهدة المشاركة
                اهاهاهاهاهاهاهاهاهاهاهاهاهاهاهاها علي اساس ان اللي مش هيزعج غيره هيخش النار ؟
                ههههههههه تقريبا دي العقيدة الجديدة اللي عند الناس! ده أنا جبت سدادات الودان اللي بتتباع في الصيدلية وغمامة العين اللي بيلبسوها في الطيارة وبلف مخدتين حوالين راسي عشان لما أدفن نفسي بالليل أعرف أنام
                لا إله إلا أنت. سبحانك. إني كنت من الظالمين

                Comment


                • #9
                  الكوميديا السوداء فى الموضوع ان. ولا واحد من اللى بيعملوا الإزعاج ده مقتنع انه بيعمل حاجه غلط اصلا و لا ان ده إزعاج . لو حضرتك جئت تكلمه هتلاقيه باصصلك باندهاش و براءه الأطفال فى عينيه و معاه المزعجين اللى زيه و مش مصدقين ان الله بيعمله ده ممكن يزعج اى حد و بيبصوا للى بيتكلم كأنه مخلوق فضائى و ده أصعب حاجه فى التعامل مع الناس دى لانى مضطر فى الاول انى اقنعه ان ده إزعاج ثم انه يفهم و يقتنع و أخيرا يبطل ده لو اقتنع طبعا وطبعا لو الكلام ما عجبوش هيزود الإزعاج كنوع من الغلاسه.

                  Comment


                  • #10
                    ههههههههههههههههه
                    متألق يا هندسة كالعادة ما شاء الله...
                    فكرتني بأخويا.. جللي على مصر يومين وسافر بعدها اسبانيا اسبوع ورجع...
                    لقيته غط في نومه عميقه..
                    بقوله خير مكنتش بتنام قالي لا للأسف بقوله ايه السبب؟!
                    بيقولي... حطيت دماغى عالمخده وهدوء قاتل!!
                    متعود ينام في الدوشه والزمامير...
                    ههههههههههه
                    اما عن نفسي.. فيبريشن الموبايل كان بيصحيني!!
                    مره كنت ساكن في الدور الاول ويوم جمعه الساعة 7 الصبح واحد معندوش دم جاي يبيع نعناع!!!
                    وربنا صحيت على صوته..
                    زحت فاتح الشباك ومزعق امشي يا تييييييت من هنا واوعى ترجع تاني...
                    ههههههههههههههههههه

                    Sent from my SE Arc S using Forum Runner
                    don't judge a car unless you have driven it

                    hm414 سابقا

                    Comment


                    • #11
                      المشاركة الأصلية كتبت بواسطة 3mr farrag مشاهدة المشاركة
                      انا كنت عايش في عذاب قبل ما ننقل
                      بيتنا القديم في الدور الارضي و الاول
                      حاجه كده غير طبيعيه من الازعاج
                      لدرجه اللي ماشي في الشارع من غير ما يعمل حاجه لو حد غريب عندنا بيفتكر انه ماشي في الشقه
                      و العيال اللي بتلعب تحت شباك اوضتي...
                      غير اللي عمال يبلبع كل انواع الحاجات تحت الشباك برضوا
                      و كله كوم و العيال اللي بتلعب 24 ساعه كوره كوم تاني و بهدله العربيه كوم تالت منهم
                      الميكانيكي الله يكرمه بيصلح برضوا تحت شباكي و يسيب عربيه عامله عمره شغاله ساعات...و يقعد مع الحلاق يدردشوا برضوا تحت الشباك...
                      ماتسالنيش الجيران كانت دوشتها ايه...لأني كنت قاعد في الشارع ....فا مش هيفرق صوت الجيران
                      الله يلعن الدوشه واللي اخترعها

                      المصيبة يا عزيزي لمن تهرب من البلد وتروح في مدن من المدن الجديدة علشان الدوشة وتكتشف. ان واحد كمان هربان وجي وراك علشان مش لاقي مكان يفتح ورشة في البلد هههههههه وجي يفتحها فين حبكت جي يفتحها جمب منك هههههه وفوق نفوخي ههههه

                      وفكرتني بالعيال الي بتحب تلعب كورة. .... ماهو هما دول العيال الي في الورشة بعد مايخلصو شغل. ويلاقوا الدنيا بقت هدووء وفراغ وملل والدنيا بقت هوس هوس ينادو على عيال السكان ويكملوا دوشة للساعة ٢ بالليل لعب كورة كتكملة للبرجرام بتاع دوشة اليوم. .... علشان ممكن كان واحد من السكان ياعيني كان بره بيتوا طول النهار فيلحق دوشة اخر الليل ههههههههه
                      [SIGPIC][/SIGPIC]
                      [SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]

                      Comment


                      • #12
                        المشاركة الأصلية كتبت بواسطة omaroof مشاهدة المشاركة
                        انا معاك فى موضوع حبس شهر للازعاج ده على الاقل حيبقى نصف الشعب محبوس والنص التانى عايش مأنتخ هههههههههههههههههههههههههه
                        هههههههه
                        ماهو المشكلة لو الناس الي بتعمل دوشة اتحبسيت .... الناس هتحس ان في حاجة. غريبة ناقصهم ويعملوا هما الدوشة بنفسهم ههههه
                        [SIGPIC][/SIGPIC]
                        [SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]

                        Comment


                        • #13
                          المشاركة الأصلية كتبت بواسطة land_cruiser مشاهدة المشاركة
                          الكوميديا السوداء فى الموضوع ان. ولا واحد من اللى بيعملوا الإزعاج ده مقتنع انه بيعمل حاجه غلط اصلا و لا ان ده إزعاج . لو حضرتك جئت تكلمه هتلاقيه باصصلك باندهاش و براءه الأطفال فى عينيه و معاه المزعجين اللى زيه و مش مصدقين ان الله بيعمله ده ممكن يزعج اى حد و بيبصوا للى بيتكلم كأنه مخلوق فضائى و ده أصعب حاجه فى التعامل مع الناس دى لانى مضطر فى الاول انى اقنعه ان ده إزعاج ثم انه يفهم و يقتنع و أخيرا يبطل ده لو اقتنع طبعا وطبعا لو الكلام ما عجبوش هيزود الإزعاج كنوع من الغلاسه.
                          اااااااااااه يلاند يا حبيبي
                          ااااه لو تعرف المرار الي فيا .... ده انا مرة ابني كان مشغل فيلم على الكمبيوتر والسب صوتوا عالي صحيت من النوم. رحت بهدلتوا ويا حبيبي ما يصحش. نااااام وبكرة شوف الفيلم وهجيب امك واتفرج معاك او وطي الصوت واتفرج عليه بصوت واطي .... بصيت لقيتوا وطى الصوت على الاخر شوية. بقيت حاطط راسي على المخدة وسامع صوووت بوووم. دووووم. بوووووم. بيز جامد قمت صاحي من النوم وبارم السلك ونازل فيه ضرب وبعد ماضربتوا وجلدتوا بالسلك .... رجعت انام تاني وكانت الساعه بقت ٢ بالليل وشية بصيت لقيت شباب في العمارة الي جمبنا نازلين من عربية اوبل واظاهر راحعين من السهرة وحبو يكملوها تحت البيت . وتشيك شاك شاك شاك بوووم هههههه. ودييب بووم دييب بووم وهكزا ... المهم بصيت من الشباك لقيت شوية عيال بس كل وا حد منهم عضلاتوا ايه ده دراعهم كل واحد قد فخدت العجل كده .... بس انتبهت للمعلومة دي بعد ماطلعت وزعقتتتت من الشباك وانا بقول ياكاااااااااابتيييييين
                          فراحوا بصولي كلهم كده وعنيهم كلها شرار ... فرحت قلتلهم. بعد ئزنوكوا. علوووو صوووت الكاسيت شووية مش عارفين نسمع كويس ههههههههههه
                          [SIGPIC][/SIGPIC]
                          [SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]

                          Comment


                          • #14
                            جوز سدادات ودان بجوز جنيهات فى ودانك و ريح دماغك :-)
                            انا طبعا مقدر اللى انت حكيته كله بس بحاول افكرلك فى حلول

                            Comment


                            • #15
                              حبيبي يا بوحميد موتّني من الضحك أولا على المواقف اللي حكيتها , ثانيا على اللغة العربية التي لا

                              تمت للعربية بصلة هههههههههههه

                              السلام عليكم ورحمة الله وبركاته على أحلى صحبة في الدنيا

                              شوف يا سيدي , أنا في خطبة الجمعة اللي فاتت - أول خطبة في شهر المحرم

                              يسر الله لي أن أذكر الناس بأن شهر المحرم هو أحد الأشهر الحرم التي قال الله عنها فلا تظلموا

                              فيهن أنفسكم


                              فالأشهر الحرام حرمتها كبيرة والطاعات فيها متأكدة وأفضل الطاعات أن تكف اذاك عن الناس

                              ومن صور كف الأذى عدم إلإزعاج وخاصة للجار الذي وصى به سيدنا جبريل سيدنا محمد صلى الله

                              عليه وسلم وقال ما زال جبريل يوصيني بالدار

                              والذي وصانا به النبي صلى الله عليه وسلم وقال من كان يؤمن بالله واليوم الآخر فلا يؤذي جاره

                              ونسأل الله الهداية لنا وللناس أجمعين

                              وصل اللهم على خير الناس لجيرانه صلى الله عليه وسلم



                              [CENTER][B][SIZE=3][FONT=Times New Roman][COLOR=purple][URL="http://www.nilemotors.net/Nile/189797-a.html"]الرّحْمَنُ عِلَّمَ القُرْءَانَ - دروس مُبَسَّطةُ في التَجْوِيدِ
                              [/URL][/COLOR][/FONT][/SIZE][/B][/CENTER]
                              [CENTER][URL="http://www.nilemotors.net/Nile/189553-a.html"][COLOR=Teal]منْ يُرِدِ اللهُ بِهِ خَيْرَا يُفَقْهُهُ في الدينِ - دروس فقهية مبسّطة[/COLOR][/URL]
                              [URL="http://www.nilemotors.net/Nile/224644-a.html"]مناسك العمرة - مناسك الحج (شرح مختصر وميسر )[/URL]
                              [URL="http://www.nilemotors.net/Nile/311983-a.html"][COLOR=Teal]أحكام الصلاة في السفر ( بشكل مختصر وميسر )[/COLOR][/URL]
                              [IMG]http://oi47.tinypic.com/699j.jpg[/IMG]
                              [IMG]http://oi50.tinypic.com/igk9px.jpg[/IMG] [/CENTER]
                              Shikh_Khaled سابقا

                              Comment

                              Working...
                              X