مشكله زوجيه ...... ارجو النصيحه

[احمد المصرى]

السلام عليكم

انا عايز اخد رايكم فى موضوع شخصى لانى مش عارف انا صح ولا غلط ومش عارف اعمل ايه
الموضوع انا بقالى حوالى 3 سنوات متزوج والحمد لله ربنا رزقنى بابن ذى العسل ربنا يخليه بس من يوم ما اتجوزت وربنا رازقنى بانسانه عصبيه جدا ونكديه وعلى طول بوز محترم فى البيت طيب نحكى بالتفصيل اكتر علشان تعرفوا تحكموا وعلشان اخرج ال جوايا لانى مخنوق جدااااااااااااااااااااااااااااااا

زوجتى عارفه ربنا جدا وبتصلى وبتصوم وبتقرا قرأن كتير والحمد لله ولكن المشكله الجوهريه العصبيه يعنى ممكن موقف بسيط جدا يتقلب خناقه ملهاش اى داعى اطلاقا وتقعد تتكلم كتير وطبعا هيا على طول صح وكل الناس غلط اشتكيت لاهلها الحمد لله مامتها معاها فى كل موقف وانا لازم اكون غلطان وخلاص هيا كدا كلام مامتها ليا ان ابنى وان حبيبى والكلام الاهبل بس افعال منيله ب60 نيله الخلاصه ان لو اشتكيت لاهلها مفيش حد بيقلها كدا عيب وعلشان كدا بيتتمادا اكتر فى العصبيه وفى العناد والمشاكل


النكديه
يكون عندنا ناس مثلا او نكون خارجين واليوم جميل وذى الفل اول ما نقعد مع نفسنا او نرجع البيت الاقى وش بوووووووووووووز ذى الفل يا بنتى فى حد زعلك مثلا فى حد من اهلى قالك كلمه وحشه تقولى لاه طيب ليه البوز والنكديه دى فى البيت ابتسمى لربنا حتى بس قدام الناس لازم تكون مثاليه جدااااااااااااا ومع جوزها تكون عصبيه ونكديه ونسيت اقول انها بتعلى صوتها وتزعق وانا بعمل عبيط لان لو انا كمان اتنرفزت مفيش قدامى غير انى اطلقها واخرب البيت واشرد ابنى احيانا كتير ابص لابنى واتمنى انه يكون مش موجود ( استغفر الله العظيم ) بس ساعدها كان الحل هيكون سهل


مش عارف هل كل البيوت كدا ولا انا مراتى مش طبيعيه ولا مثلا محسودين ولا حد عاملنا عمل مثلا ولا فى ايه يالظبط مش فاهم

[TFSI]

طلقها

[ahmad--ezzat]

دة ايه العيشه المنيله دى

قلها انا مش هقدر اعيش معاكى باسلوبك دة

انا لا عارف استريح ولا انام ولا اركز فى شغلى

كلمها باسلوب جد

[A.Saad]

طيب حلل عصبيتها سببها ايه
طبع
ولا مسئوليات اكتر منها
ولا مشاكل فى شغلها لو بتشتغل
وبعد كدة حدد العلاج

[احمد المصرى]

دة ايه العيشه المنيله دى

قلها انا مش هقدر اعيش معاكى باسلوبك دة

انا لا عارف استريح ولا انام ولا اركز فى شغلى

كلمها باسلوب جد

عيشه وسخه بصراحه فين ايام العزوبيه .... كلمتها كتير وخرجتها علشان نغير جو مفيش اى فايده خالص .... خليت امى تكلمها برضوا لدرجه انى ايقنت ان اى حد هيتكلم ملوش اى قيمه كلامه لانها مش عايزه تتغير .... وامها وابوها ربنا (.......) مش بيقللها كدا عيب حتى

طيب حلل عصبيتها سببها ايه
طبع
ولا مسئوليات اكتر منها
ولا مشاكل فى شغلها لو بتشتغل
وبعد كدة حدد العلاج

لا طبع ما كل الناس عندها مسؤليات وكل الناس مخلفه بس العصبيه دى طبع فيها هيا كانت قاعده فى البيت نزلت اشتغلت بقالها 10 ايام قلت يمكن الشغل يرحمنى من المشاكل دى ولا فى اى فرق اطلاقا شغاله نفس المشاكل قاعده فى البيت نفس المشاكل برضوا

[محمد عز]

خد موقف....... ازاى

انها بتعلى صوتها وتزعق وانا بعمل عبيط

لما تعلى صوتها وتزعقلك تانى هو ده الوقت المناسب

كلمها جامد انك مش هتقبل الاسلوب ده مع خصام كام يوم ولا تكلمها وسيبها

والله اتعدلت ، كان بها

متعدليتش يبقى المرحلة الثانية

طبعا بعد الخصام اللى كام يوم ونك تتجاهلها تماما ولا كلام ولا سلام ولا كأنها موجودة فى البيت

ابدا كلمها تانى على خفيف لحد ما الامور ترجع طبيعية تانى وفهمها غلطها وانك بتستاء من الامور ده

وحاول ترقق قلبها وطالما هى ملتزمة دنينا حاول انك تكلمها من وجهة نظر الدين

رجعت ريما لعادتها القديمة

انها بتعلى صوتها وتزعق وانا بعمل عبيط

يبقى كده هى جنت على نفسها ، تقوم تدب معاها الخناقة المحترمة لحد ما توصلها انها تسيب البيت بس اوعى تتهور فى الخناقة وتضربها يعنى تقولها اللى ميحترمينيش يبقى ميقعدش معايا فى البيت وكل واحد يروح لحاله (تهديد )

وتسيبها تروح لبيت اهلها كام يوم لحد ما الاهل يحاولوا يصلحوا ما بينكم

ساعتها تحط الشروط والاطار الحياة ما بينكم من اول وجديد

[احمد المصرى]

خد موقف....... ازاى



لما تعلى صوتها وتزعقلك تانى هو ده الوقت المناسب

كلمها جامد انك مش هتقبل الاسلوب ده مع خصام كام يوم ولا تكلمها وسيبها

والله اتعدلت ، كان بها

انا حاليا فعلا فى المرحله دى فعلا ولا سلام ولا كلام ولا حتى اكل فى البيت


متعدليتش يبقى المرحلة الثانية

طبعا بعد الخصام اللى كام يوم ونك تتجاهلها تماما ولا كلام ولا سلام ولا كأنها موجودة فى البيت

ابدا كلمها تانى على خفيف لحد ما الامور ترجع طبيعية تانى وفهمها غلطها وانك بتستاء من الامور ده

وحاول ترقق قلبها وطالما هى ملتزمة دنينا حاول انك تكلمها من وجهة نظر الدين

رجعت ريما لعادتها القديمة

بترجع على طول للعاده القديمه خلال دقائق مش حتى ايام ولا ساعات


يبقى كده هى جنت على نفسها ، تقوم تدب معاها الخناقة المحترمة لحد ما توصلها انها تسيب البيت بس اوعى تتهور فى الخناقة وتضربها يعنى تقولها اللى ميحترمينيش يبقى ميقعدش معايا فى البيت وكل واحد يروح لحاله (تهديد )

وتسيبها تروح لبيت اهلها كام يوم لحد ما الاهل يحاولوا يصلحوا ما بينكم

المشكله ان اهلها مش ناس عاقله ممكن يعملوا ذى الناس المحترمه اصل الموقف دا حصل فعلا من كام شهر ومش تصرف اهلها الغبى كان هيكون فى طلاق .... مش كل الناس بيكون تصرفها حكيم فى الامور دى فى ناس بتكون غبيه وبتخليك اغبى منهم كمان فى رد فعلك واكتر حاجه بكرهها فى حد انه مش عايز يطلع نفسه غلطان مهما حصل ومش عايز يعالج من نفسه لو هو غلطان


ساعتها تحط الشروط والاطار الحياة ما بينكم من اول وجديد

[mostafa3000]

سيدي الفاضل الحل لمشكلتك هو مواجهتها مش الهرب منها
اولا عمر الشكوي لأهلها ما هيجيب نتيجة حضرتك جربت مرة وما حصلش تغيير
طول ما الزوجة حاسة ان زوجها متعقل ورزين وهادئ يبقي عرفت أخرة أية وبالتالي هتستمر في العصبية والنكد
خدها قاعدة لو لقيت مراتك منكدة بدون سبب متحاولش تسألها عن السبب وخليك منكد وعصبي هتلاقيها لمت نفسها واتعدلت
ولو مرة أعتصرت بدون سبب. فاجاها برد فعل عصبي جداً وعنيف جداً وما تقلقش من التصعيد وصدقني هتلاقيها هي اللى بتحاول التهدئة

[lonedoctor]

لا يفرك مؤمن مؤمنة إن كره منها خلقا رضي منها آخر!

وعن أبي هريرة رضي الله عنه قال : قال رسول الله صلى الله عليه وسلم : (( لا يفرك مؤمن مؤمنة إن كره منها خلقا رضي منها آخر)) رواه مسلم

وقوله يفرك : هو بفتح الياء وإسكان الفاء معناه يبغض يقال فركت المرأة زوجها وفركها زوجها بكسر الراء يفركها بفتحها أي : أبغضها والله أعلم.

قال : لا يفرك مؤمن مؤمنة إن كره منها خلقا رضي منها خلقا آخر.

الفرك يعني :البغضاء والعداوة يعني لا يعادي المؤمن المؤمنة كزوجة مثلا لا يعاديها ويبغضها إذا رأي منها ما يكرهه من الأخلاق وذلك لأن الإنسان يجب عليه القيام بالعدل وأن يراعي المعامل له بما تقتضيه حاله والعدل أن يوازن بين السيئات والحسنات ؛

وينظر أيهما أكثر وأيهما أعظم وقعا فيغلب ما كان أكثر وما كان أشد تأثيرا لأن هذا هو العدل .

لا يفرك مؤمن مؤمنة يعني لا يبغضها لأخلاقها إن كره منها خلقا رضي منها خلقا آخر إذا أساءت مثلا في ردها عليك مرة لكنها أحسنت إليك مرات أساءت ليلة لكنها أحسنت ليالي أساءت في معاملة الأولاد مرة لكن أحسنت كثيرا .

وهكذا فأنت إذا أساءت إليك زوجتك لا تنظر إلى الإساءة في الوقت الحاضر ولكن أنظر إلى الماضي وانظر للمستقبل واحكم بالعدل .


وهذا الذي ذكره النبي صلى الله عليه وسلم في المرأة يكون في غيرها أيضا ممن يكون بينك وبينه معاملة أو صداقة أو ما أشبه ذلك.

إذا أساء إليك يوما من الدهر فلا تنس إحسانه إليك مرة أخرى وقارن بين هذا وهذا وإذا غلب الإحسان على الإساءة فالحكم للإحسان وإن غلبت الإساءة على الإحسان فانظر إن كان أهلا للعفو فاعف عنه.

ومن عفا وأصلح فأجره على الله وإن لم يكن أهلا للعفو فخذ بحقك وأنت غير ملوم إذا أخذت بحقك لكن انظر للمصلحة فالحاصل أن الإنسان ينبغي له أن يعامل من بينه وبينه صلة من زوجية أو صداقة أو معاملة في بيع أو شراء أو غيره أن يعامله بالعدل إذا كره منه خلقا أو أساء إليه في معاملة أن ينظر للجوانب الأخرى الحسنة حتى يقارن بين هذا وهذا .

فإن هذا هو العدل الذي أمر الله به ورسوله كما قال تعالى { إن الله يأمر بالعدل والإحسان وإيتاء ذي القربى وينهى عن الفحشاء والمنكر والبغي يعظكم لعلكم تذكرون }

شرح رياض الصالحين لابن عثيمين - رحمه الله-

[أحمد كمال]

كأنك بتحكي عني بالمللي من سنة و نص ........ و برضه بنتي اللي ابص لها و اقول لو ماكانتش موجودة (بعد الشر عليها) كان زماني طلقت من زمان ...... و نفس القرف و المشاكل

[yalahwy2010]

ليه كدة بس يا رجالة....طلاق ايه بس......أعوذ بالله من الشيطان الرجيم
أنا متأكد أن أغلب اللى قالوا ان حضرتك تطلقها مش متجوزين.....ومش عارفين يعنى ايه انك تكون متجوز وعندك ابن وشايل مسؤلية بيت
مبدئيا كدة.....إلغى فكرة الطلاق عشان نعرف نفكر فى حل.........لأن مافيش مشكلة مافيهاش حل
هو الموضوع هيحتاج وقت......بس كله يهون عشان الكتكوت الصغير


الحل الأول:-
المعاملة بالمثل...وكما تدين تدان........زى ما هى بتعمل....حضرتك تعمل بالظبط.......وزودها كمان حبتين
ولو سألتك مالك زعلان من ايه......ماتردش.....وخللى مودك علطول مش مظبوط
وإنزل من البيت.....اقعد مع أصحابك.....ولما ترجع إضرب البووز المتين.....تسألك فى ايه....قولها مافيش
وتفضل على الوضع ده فترة حلوة..........لغاية ما توصلها الشعور بأن شريك حياتك او شريكة حياتك لما بيضرب البووز ....بيضر التانى....وبيسود عيشته
أنا من وجهة نظرى ان الست لما تلاقى جوزها مروق ومبسوط....وهى مالهاش مزاج تبقى مبسوطة....تروح منكدة على اللى فى البيت كله ........والله الرجالة دول غلابة

المهم.....نفس الكلام بقى لما تبقى فى زيارة مع معارفها ...أهلها.....برضه اعمل زى ما هى بتعمل.....تبقى حلو كدة وجميل فى القاعدة.....وأول ما توصل......سبق بالبووووز المحترم............ومن غير سبب كدة......مالك يا عم الحاج....مافيش....هو أنا كدة ......مرة فى التانية فى التالتة......وتروح مجاوب وتقولها....انك اتعودت انك تبقى متضايق وانت فى البيت..........لما بتشوف البيت والعيشة الزوجية بتكتئب.....تعود بقى......ساعتها هى تحس انها السبب فى الجو ده.....وليها دور ان الخناقات اللى من غير سبب والبووز اللى بدون داعى.....بيجيب حزن وهم والقلب والسكر والمرارة.....ربنا يبعد عننا الأمراض اللى بتييجى للناس اللى بتشيل جواها لغاية ما تفرقع

لو لا قدر الله الطريقة دى ماجابتش نتيجة.....عليك وعلى الطفشان
تبتدى الأول بأنك تتأخر برة البيت......كنت فين.....كنت مع أصحابى.....كنت عند باباك....كنت عند قرايبك.....المهم حسسها انك مش مبسوط من قاعدة البيت ....لأنك مابتحبش جو الكآبة ....والخناقات والكلام ده
بس ده احساس بس....من غير ماتقول انك متضايق من القاعدة فى البيت عشان الزعل ة والكلام ده
أهم حاجة انك ما تغلطش......خليك بارد......وكووووووول.....وأوعى تغلط خالص......ولا يتمسك عليك غلط
يعنى لما تخرج ...ترجع فى المواعيد العادية......يعنى بالكتير 11 ونص تكون فى البيت
ترجع تنام علطول......ملتزم....وبتصللى وعارف ربنا......
المهم حسسها انك أتغيرت .....ومابقتش طبيعى.....بس من غير ما تغلط زى ما قولتلك

ولا تعللى صوتك......حتى لو هى لو مؤاخذة علت صوتها عليك.....أمسك عليها الغلط ....وقولها ان الدين ما بيقولش ان الست تعللى صوتها على جوزها......المهم انك تحاسبها وتعد عليها غلطها بدون أى رد فعل منك.....خليك انت الكبير

وكل شوية كدة قولها إبقى أدعى وانت بتصللى ان ربنا يهديكى.....وكلمها وقولها ان الحسد مذكور فى القرآن.....فا ممكن يكون المشاكل والجو اللى فى البيت ده من الحسد........يعنى انت لو متضايق بدون سبب فا يبقى انت اتحسدت
فا يبقى اشمعنى هى بتزعل وبتتحسد وانت لأ

على فكرة موضوع الحسد ده بقى اللى ممكن يكون هو السبب فى اللى فى انت فيه
والسبب هو العنوسة اللى فى البلد ......بنات كتير محرومين من الجواز .....واللى متجوزة ممكن يكون تكون محرومة من نعمة الأطفال............فا انت بتروح فى أى مكان.....بترجع واخد عين محترمة من جميع الجهات........عشان كدة أنا من رأى تصبر وتطول بالك .......لأنك انت الراجل....

لما تحس بقى انها بدأت تتغير.....والتغيير مش هيحصل الا لما تحس انها بتحاول تطلعك من المود (وطبعا انت هتبقى عامل زعلان خالص).....المهم انت تمسك نفسك وخلليك تقيل

ولو هى فى أى وقت زعلت وضربت البوز.....علطول .....بوز واضرب انت كمان.......أدام من غير ما انت تعمل اى غلط يبقى البوز مالوش لزمة
يبقى زى ما انت هيتنكد عليك,....تنكد انت كمان على البيت كله

هو الموضوع بصراحة متعب وممل........بس هتعمل ايه........وزى ما قولتلك .....كله يهون عشان خاطر الأموور الصغير
وربنا يخليهولك......ويهدى الجميع

[mero100]

خد موقف....... ازاى



لما تعلى صوتها وتزعقلك تانى هو ده الوقت المناسب

كلمها جامد انك مش هتقبل الاسلوب ده مع خصام كام يوم ولا تكلمها وسيبها

والله اتعدلت ، كان بها

متعدليتش يبقى المرحلة الثانية

طبعا بعد الخصام اللى كام يوم ونك تتجاهلها تماما ولا كلام ولا سلام ولا كأنها موجودة فى البيت

ابدا كلمها تانى على خفيف لحد ما الامور ترجع طبيعية تانى وفهمها غلطها وانك بتستاء من الامور ده

وحاول ترقق قلبها وطالما هى ملتزمة دنينا حاول انك تكلمها من وجهة نظر الدين

رجعت ريما لعادتها القديمة



يبقى كده هى جنت على نفسها ، تقوم تدب معاها الخناقة المحترمة لحد ما توصلها انها تسيب البيت بس اوعى تتهور فى الخناقة وتضربها يعنى تقولها اللى ميحترمينيش يبقى ميقعدش معايا فى البيت وكل واحد يروح لحاله (تهديد )

وتسيبها تروح لبيت اهلها كام يوم لحد ما الاهل يحاولوا يصلحوا ما بينكم

ساعتها تحط الشروط والاطار الحياة ما بينكم من اول وجديد

انا مع العضو / محمد عز تماما تماما ...... الحل اللي قاله منطقي جدا .......

المشكله متزعلش مني : إنك طبع و زوجتك طبع ......و من كلامك ووصفك هيه طبعها كده .... و انت طبعك مختلف ..... بصرف النظر مين الصح .......

طيب حنقول انت مخدتش بالك من طبعها ده قبل الجواز ؟؟؟؟؟ لكن خلاص اللي حصل حصل و لا ينفع الندم علي اللبن المسكوب ......

بص : لازم يكون لك موقف و تدافع بصراحه عن كيانك و شخصيتك و أسف لو قلت ( رجولتك )
لأن احنا مجتمعنا شرقي و مش أي راجل بيقبل ان مراته تتعصب عليه و تعلي صوتها .
ممكن الواحد يستحمل مره فلته كده من باب ضغوط الحياه و هكذا ....
لكن : بالشكل الدائم ده ..... انصحك انك تطبق كلام العضو / محمد عز .

لو حنتكلم دينيا ( و انت بتقول ان زوجتك مصليه ) ....يبقي الواحد المتدين اللي بيصلي مبياخدش جزء من الدين و يسيب جزء ....من باب ( من لم تنهاه صلاته عن الفحشاء و المنكر فلا صلاه له )..... لازم تفهمها كده .... و الزوجه اللي بتنكد علي زوجها بتكون مصدر قلق في البيت و بتشوش زوجها .....

لازم يكون لك موقف صارم .... متستسلمش للحياه النكديه ......حرام .

قال صلى الله عليه وسلم " استوصوا بالنساء خيرا فإنهن عندكم عوان ليس تملكون منهن شيئا غير ذلك إلا أن يأتين بفاحشة مبينة فإن فعلن فاهجروهن في المضاجع واضربوهن ضربا غير مبرح فإن أطعنكم فلا تبغوا عليهن سبيلا إن لكم من نسائكم حقا ولنسائكم عليكم حقا فأما حقكم على نسائكم فلا يوطئن فرشكم من تكرهون ولا يأذن في بيوتكم لمن تكرهون ألا وحقهن عليكم أن تحسنوا إليهن في كسوتهن وطعامهن "
وإنما كان النبي صلى الله عليه وسلم يكرر وصيته بالنساء، لما يعلمه من حالهن الذي بينه في الحديث السابق، وهو الحال الذي قد لا يقدر على تحمُّله بعض الرجال الذين لا يملكون أنفسهم عند الغضب فيحمله عوج المرأة إلى أن يفارقها فيتفرَّق شمله، وتَتَشتَّتُ أسرته وأهله .
ولذا أرشد النبي صلى الله عليه وسلم الأزواج في حديث آخر إلى ما فيه صلاح حاله مع أسرته بقوله

" لا يفرك - أي: لا يبغض - مؤمن مؤمنة، إن كره منها خُلُقاً رضي منها آخر "
وقال لهم أيضاً: " إن من أكمل المؤمنين إيماناً أحسنهم خُلقاً وألطفهم بأهله "
وقال: " خيركم خيركم لأهله وأنا خيركم لأهلي

ومع تلك المعاشرة التي كان النبي صلى الله عليه وسلم ينتهجها مع أهله أمهات المؤمنين - رضي الله عنهن -: رحمة ورأفة وعطفاً وتلطفاً، إلا أنها لم تكن على ذلك الحال في جميع الأحوال؛ لأن النبي صلى الله عليه وسلم كان حكيمًا يضع كل تصرف في مكانه اللائق به، فالنساء بما فطرن عليه من الاعوجاج، وحدة العاطفة، يحتجن حتماً إلى تقويم وتربية وتأديب، ولأجل هذا خوَّل الله تعالى الرجال هذه المسؤولية حيث قال: ( الرجال قوامون على النساء بما فضل الله بعضهم على بعض وبما أنفقوا من أموالهم فالصالحات قانتات حافظات للغيب بما حفظ الله واللاتي تخافون نشوزهن فعظوهن واهجروهن في المضاجع واضربوهن فإن أطعنكم فلا تبغوا عليهن سبيلا إن الله كان عليا كبيرا ) النساء: 34.
والنبي صلى الله عليه وسلم في عشرته مع أهله لم يستغن عن اتخاذ هذا الأسلوب ليكون أسوة لأمته في التربية والتأديب.
فإنه عليه الصلاة والسلام لما سأله نساؤه النفقة الخارجة عن حده، وأردن التوسع في الدنيا ولذَّاتها، خلاف ما اختاره لنفسه منها، هجرهُنَّ وآلى من الدخول عليهن شهراً، حتى أنزل الله تعالى عليه: ( يأيها النبي قل لأزواجك إن كنتن تردن الحياة الدنيا وزينتها فتعالين أمتعكن وأسرحكن سراحا جميلا * وإن كنتن تردن الله ورسوله والدار الآخرة فإن الله أعد للمحسنات منكن أجراً عظيما ) ( الأحزاب : 28 - 29 ) ، فخيَّرهن النبي صلى الله عليه وسلم في البقاء معه على الكفاف، أو المفارقة فاخترن الله ورسوله صلى الله عليه وسلم كما تقدمت الإشارة إلى ذلك من حديث أنس وأم سلمة وابن عباس في الصحيحين وغيرهما.
وهكذا كان عليه الصلاة والسلام إذا جد الجد في معاملته لهن، بأن أخطأن خطأ لا يمكن التغاضي عنه، وذلك بأن كان دينياً، فإنه لا تأخذه في الإنكار عليهن وزجرهن في الله لومة لائم، فكان يعظ، ويوجِّه، ويخوف، ويغضب،.. بحسب مقام كل قضية مما هو معلوم ولا يخفى أمره.

وهذا مما يدل على تكافؤ أخلاقه صلى الله عليه وسلم وتوازنها، حيث يضع كل أمر في نصابه ومحله اللائق الذي لا ينبغي غيره . ( منقول )

المشكله فيك انت يا سيدي ..... انت كنت طيب ..... انت معرفتش تأخد زوجتك علي طبعك ......

[lonedoctor]

الموضوع محتاج علاج نفسى يعنى حاول تجلس معاها فى مكان هادئ ومنفصل وتتكلم معاها بصراحة وتغوص فى اعماق شخصيتها لتعرف سبب هذه العصبية وتشرح وجهة نظرك بهدوء فى انزعاجك من هذا الاسلوب وتطلب منها انها تتغير للافضل علشان خاطر حياتكم وابنكم ربنا ينبته نباتا حسنا
والاخير انظر الى نفسك هل انت مقصر فى شئ مع الله فكانت هذه عقوبة لك لتنتبه الى ذلك؟
يقول سبحانه:
- {ظهر الفساد في البر والبحر بما كسبت أيدي الناس ليذيقهم بعض الذي عملوا لعلهم يرجعون}..

- {وما أصابكم من مصيبة فبما كسبت أيديكم ويعفو عن كثير}.

- {ما أصابك من حسنة فمن الله وما أصابك من سيئة فمن نفسك}.

فما يصيب الانسان في خاصة نفسه وأهله من مصائب، فسببه التعدي على حدود الله والتجاوز إلى المحرمات، وما يصيب الناس من مصائب عامة، فسببه مجموع معاصيهم وتعديهم على حدود الله، لعلهم يتذكرون ويرجعون، لذلك من الخطأ الشنيع أن نربط هذه الأحداث الكونية من خسوف وفيضانات وزلازل ونحوها بالطبيعة، ونفسرها تفسيرا علميا محضا، ولانربطها بالمعاصي والمخالفات، وأن لا نقول للناس: لما خالفتم أمر الله، خلف الله عليكم أمر دنياكم فقلبها وأفسدها عليكم، يقول سبحانه:

- {ولو أن أهل القرى آمنوا واتقوا لفتحنا عليهم بركات من السماء والأرض ولكن كذبوا فأخذناهم بما كانوا يكسبون}.
إن المؤمن التقي البصير هو الذي يرد كل مصيبة تقع عليه أو على أهله أو على أمته الى المعاصي والذنوب، قال بعض الصالحين : " إني لأجد أثر معصيتي في خلق دابتي وزوجتي ".
تقبل تحياتى

[احمد المصرى]

لا يفرك مؤمن مؤمنة إن كره منها خلقا رضي منها آخر!

وعن أبي هريرة رضي الله عنه قال : قال رسول الله صلى الله عليه وسلم : (( لا يفرك مؤمن مؤمنة إن كره منها خلقا رضي منها آخر)) رواه مسلم

وقوله يفرك : هو بفتح الياء وإسكان الفاء معناه يبغض يقال فركت المرأة زوجها وفركها زوجها بكسر الراء يفركها بفتحها أي : أبغضها والله أعلم.

قال : لا يفرك مؤمن مؤمنة إن كره منها خلقا رضي منها خلقا آخر.

الفرك يعني :البغضاء والعداوة يعني لا يعادي المؤمن المؤمنة كزوجة مثلا لا يعاديها ويبغضها إذا رأي منها ما يكرهه من الأخلاق وذلك لأن الإنسان يجب عليه القيام بالعدل وأن يراعي المعامل له بما تقتضيه حاله والعدل أن يوازن بين السيئات والحسنات ؛

وينظر أيهما أكثر وأيهما أعظم وقعا فيغلب ما كان أكثر وما كان أشد تأثيرا لأن هذا هو العدل .

لا يفرك مؤمن مؤمنة يعني لا يبغضها لأخلاقها إن كره منها خلقا رضي منها خلقا آخر إذا أساءت مثلا في ردها عليك مرة لكنها أحسنت إليك مرات أساءت ليلة لكنها أحسنت ليالي أساءت في معاملة الأولاد مرة لكن أحسنت كثيرا .

وهكذا فأنت إذا أساءت إليك زوجتك لا تنظر إلى الإساءة في الوقت الحاضر ولكن أنظر إلى الماضي وانظر للمستقبل واحكم بالعدل .


وهذا الذي ذكره النبي صلى الله عليه وسلم في المرأة يكون في غيرها أيضا ممن يكون بينك وبينه معاملة أو صداقة أو ما أشبه ذلك.

إذا أساء إليك يوما من الدهر فلا تنس إحسانه إليك مرة أخرى وقارن بين هذا وهذا وإذا غلب الإحسان على الإساءة فالحكم للإحسان وإن غلبت الإساءة على الإحسان فانظر إن كان أهلا للعفو فاعف عنه.

ومن عفا وأصلح فأجره على الله وإن لم يكن أهلا للعفو فخذ بحقك وأنت غير ملوم إذا أخذت بحقك لكن انظر للمصلحة فالحاصل أن الإنسان ينبغي له أن يعامل من بينه وبينه صلة من زوجية أو صداقة أو معاملة في بيع أو شراء أو غيره أن يعامله بالعدل إذا كره منه خلقا أو أساء إليه في معاملة أن ينظر للجوانب الأخرى الحسنة حتى يقارن بين هذا وهذا .

فإن هذا هو العدل الذي أمر الله به ورسوله كما قال تعالى { إن الله يأمر بالعدل والإحسان وإيتاء ذي القربى وينهى عن الفحشاء والمنكر والبغي يعظكم لعلكم تذكرون }

شرح رياض الصالحين لابن عثيمين - رحمه الله-

الكلام دا لو هيا اسائت مره بس لما تكون العيشه كلها بالشكل دا الواحد مش بيستحمل

كأنك بتحكي عني بالمللي من سنة و نص ........ و برضه بنتي اللي ابص لها و اقول لو ماكانتش موجودة (بعد الشر عليها) كان زماني طلقت من زمان ...... و نفس القرف و المشاكل

ربنا يكون معاك ومعايا والله حاسس بيك جدااااااااااااااااااااااااااااااا ربنا يعمل ال فيه الخير ان شاء الله

[khaled_legend]

سبب العصبيه هو صعوبه تربيه الاولاد و ضغوط العمل تلك الايام و لكن

حل تلك المشكله في الخطوات التاليه :

تعدوا قعده رومانسيه كده بليل و تسألها مالها و ايه اللي مزعلها و و و بس بهزار و بحنيه
اتكلمت خير يبقي تسمع بس و لما تخلص كلام تعمل اي حاجه عشان تحل المشاكل اللي هتقولك عليها
متكلمتش يبقي تقلب علي الوش الخشب و بمنتهي البرود تسيبها تروح تنام في الصاله
يوم اتنين عشره الف مش مشكله و متنساش الوش الخشب في الكلام و بمنتهي الهدوء
هي لو بتحبك فعلا هتيجي تعتذرلك و ساعتها تدي كلام في الجناب بهدوء برضه
و لو مجتش اعتذرت قدامك حل من الاتنين
يا تطلقها و ترتاح و لعل و عسي ربنا يهديها ساعتها
يا اما تعصر جردل لمون علي نفسك عشان خاطر ابنك
و اعتبر نفسك مش متجوز اصلا و كأنك عايش في لوكانده و خلاص

انا بعمل كده علي فكره