مطعم و كافيه جديد

[LanCeLoT]

بصوا يا شباب .. انا كنت عايز اخد رأيكم في الموضوع ده و خصوصا سكان مصر الجديده و مدينة نصر .. لأن غالبا المشروع هيبقي هناك
نصايحكم للمكان .. ايه افضل مكان يكون مناسب للمشروع ده .. يعني اكتر مكان محتاج لمشروع زي ده في مدينة نصر و مصر الجديده ؟؟؟ مع العلم بانه غالبا هيبقى ستيل casual dining
زي سبكترا و تشيليز والكلام ده .. مع المزج بستيل الكافيه
كمان ايه اقتراحاتكم ؟؟؟ يعني ايه اللي نفسك تلاقيه في المكان والاكل ؟؟؟؟
وايه الي ممكن يضايقك من المكان .. وايه اللي يخليك زبون دائم للمكان ؟؟؟
يا ريت اسمع اقتراحاتكم

[bHa2]

بيعجبني مثلاً ف بينوس مكرم انه عامل Smokers area و Non-Smokers area
لو في حاجه تاني جت ف بالي هاجي اقولها
بالتوفيق :)

[LanCeLoT]

الف شكر يا باشا ..
وده اساسي ان شاء الله
ومستني باقي الاعضاء ينورونا باراءاهم و اقتراحاتهم

[Mohamed Amr]

المعامله الجيدة وجوده الاكل والمشروبات وتميزه من اهم اسباب النجاح

[RAPID]

النضافة وجودة الماكولات وسرعة نزول الاوردر

[dede_dodo88]

أهم حاجة تعمل دراسة الأول عن عوامل نجاح النوع ده من المطاعم..
يعني أيه اللي بيخلي سبكترا مثلاً عليه أقبال و زحمة على طول..
أختيارك لمنطقة مدينة نصر أو مصر الجديدة هيصعب المهمة بسبب وجود مطاعم و كافيهات ناجحة بالفعل هناك بالأضافة لنوعية العملاء في المناطق دي..
أعتقد من أهم الأسباب اللي بتجذب الناس لمطعم بعينه دوناً عن غيره هو أن المكان نفسه يكون نضيف و القعدة تكون مريحة و تسع عدد كبير للمجموعات مع مستوى خدمة كويس و الناس تكون بشوشة معاك في المكان و مرحبين بيك.. ده طبعاً مع وجود منيو متنوعة و مستوى أكل كويس..

مطعم زي سبكترا مثلاً.. مفيش فرع روحته و أتبسطت من مستوى الخدمة عشان كده بروحه كل فين و فين.. الخدمة بطيئة دايماً و الحاجة بتتأخر و دايماً مزيكا شغالة بصوت عالي بحيث معرفش أتكلم مع الناس اللي معايا فالمكان كله يتقلب دوشة عشان الناس كلها بقت بتزعق في بعض.. أكيد حاجات زي دي محبهاش تكون موجودة في مكان رايحه عشان أقضي وقت لطيف..

[Hossam_hassan4]

دايما الناس بتحب التجديد في مكان فتح في الزمالك جديد اسمه rokna كل الادوات اللي بيستخدموها مبتكره في الكوبايات و المعالق و طريقه تقديم الشيك.


لما بيبقي قدامي كذا كافيه مش. عارفهم بعقد في اكتر واحد الكراسي فيه مريحه :D

يفضل يبقي قدام زي تراس او مكان مفتوح علشان الشيشه :)

فيه مكان في المهندسين اسمه pannelo بيعملو زي حاجات من السراميك كوبايات و حاجات ديكور و بيدولك الوان و تلونها او تكتب عليها تاو ترسم عليها و بعد كده يحوطها في حاجه زي فرن تطلع برسمتك بماده شبه السيراميك حاول تفكر في فكره زي دي بسيطه و تبقي عندك ميزه مش موجوده في الكافيهات اللي حواليك :)

[LanCeLoT]

المعامله الجيدة وجوده الاكل والمشروبات وتميزه من اهم اسباب النجاح

طيب تفتكر ايه اللي يميزه من وجهة نظرك

النضافة وجودة الماكولات وسرعة نزول الاوردر

ده اكيد من معايير نجاح المكان

[LanCeLoT]

أهم حاجة تعمل دراسة الأول عن عوامل نجاح النوع ده من المطاعم..
يعني أيه اللي بيخلي سبكترا مثلاً عليه أقبال و زحمة على طول..
أختيارك لمنطقة مدينة نصر أو مصر الجديدة هيصعب المهمة بسبب وجود مطاعم و كافيهات ناجحة بالفعل هناك بالأضافة لنوعية العملاء في المناطق دي..
أعتقد من أهم الأسباب اللي بتجذب الناس لمطعم بعينه دوناً عن غيره هو أن المكان نفسه يكون نضيف و القعدة تكون مريحة و تسع عدد كبير للمجموعات مع مستوى خدمة كويس و الناس تكون بشوشة معاك في المكان و مرحبين بيك.. ده طبعاً مع وجود منيو متنوعة و مستوى أكل كويس..

مطعم زي سبكترا مثلاً.. مفيش فرع روحته و أتبسطت من مستوى الخدمة عشان كده بروحه كل فين و فين.. الخدمة بطيئة دايماً و الحاجة بتتأخر و دايماً مزيكا شغالة بصوت عالي بحيث معرفش أتكلم مع الناس اللي معايا فالمكان كله يتقلب دوشة عشان الناس كلها بقت بتزعق في بعض.. أكيد حاجات زي دي محبهاش تكون موجودة في مكان رايحه عشان أقضي وقت لطيف..

ما شاء الله رد وافي
طيب ياريت اعرف من حضرتك اجمد ٣-٤ مطاعم و كافيهات في المنطقه دي .. وايه اللي بيميزهم عن غيرهم .. او ايه اللي يخليك تروحهم وتبقى زبون مستمر؟؟؟

[Samah AbdAllah]

الديكور والالوان والاضاءة والاثاث عاومل مهمة جدا
بتدى راحة نفسية ودى اهم الاسباب اللى تخلى اى شخص يروح مكان اكتر من مرة
التميز فى الخدمة
بانك تحقق التوازن بين تلبية طلبات الجيست بسرعة وفى نفس الوقت متحسسوش انك مراقبه وفوق راسه بشكل مبالغ فيه يخنقه

[LanCeLoT]

دايما الناس بتحب التجديد في مكان فتح في الزمالك جديد اسمه rokna كل الادوات اللي بيستخدموها مبتكره في الكوبايات و المعالق و طريقه تقديم الشيك.

لما بيبقي قدامي كذا كافيه مش. عارفهم بعقد في اكتر واحد الكراسي فيه مريحه :d

يفضل يبقي قدام زي تراس او مكان مفتوح علشان الشيشه :)

فيه مكان في المهندسين اسمه pannelo بيعملو زي حاجات من السراميك كوبايات و حاجات ديكور و بيدولك الوان و تلونها او تكتب عليها تاو ترسم عليها و بعد كده يحوطها في حاجه زي فرن تطلع برسمتك بماده شبه السيراميك حاول تفكر في فكره زي دي بسيطه و تبقي عندك ميزه مش موجوده في الكافيهات اللي حواليك :)

افكار حلوه وممكن فعلا توحي بافكار تانيه
و يا ريت لو عند حضرتك افكار تانيه اكون شاكر لو شرحتها

[LanCeLoT]

الديكور والالوان والاضاءة والاثاث عاومل مهمة جدا
بتدى راحة نفسية ودى اهم الاسباب اللى تخلى اى شخص يروح مكان اكتر من مرة
التميز فى الخدمة
بانك تحقق التوازن بين تلبية طلبات الجيست بسرعة وفى نفس الوقت متحسسوش انك مراقبه وفوق راسه بشكل مبالغ فيه يخنقه

طيب ممكن حضرتك تديني امثله للاماكن اللي حضرتك بترتاحي فيها و تحبي تزوريها بشكل مستمر

[Samah AbdAllah]

انا فى اسكندرية مش فى القاهرة
بس هقولك مثال مكان حلو جدا وموقعه حلو جدا بس مكررتش الزيارة ليه
فى مطعم زانيللى عالبحر الفيو بتاعه رائع جدا
وهادى وشيك بس عيبه
الاضاءة الصفرا الضعيفة دى غير مريحة للعين نهائى
تحس انك قاعد فى ضلمة

[khaled_legend]

اهم الاشياء :

الديكور يجب ان يكون حديث و ملفت للنظر
الكراسي يجب ان تكون مريحه في الجلوس
النظافه النظافه النظافه
طقم ملابس موحد للعاملين
لو تقدر علي احضار شخص معروف و تصوره داخل المكان
صدقني هيفرق كتير مع الناس

و تلك هي معاييري لاختيار اي مطعم او coffee shop

[mohamedomar777]

خد بالك من الناس بتوع الصحه