بلح في بلح

[AhMeD MeTwAlY]

بجد انا اتخنقت حاسس بفشل في حياتي كبير
تحس ان احلامك كلها اتحولت لسراب
وانا صغير كان نفسي اخش هندسه الحمد لله ربنا كرمني ودخلت تجاره بسبب اهمالي في الدراسه
ولما دخلت تجاره كبرت دماغي ومشيت في البرمجه وقولت هخلص البرمجه واشتغل بيها
وفاكس بشتغل بالحته زي الي بيفرشو علي الطريق
قولت بلاها برمجه ونركز في الجامعه والكلام دا كان في تالته جامعه
جبت اول ترم جيد جدا وتاني ترم امتياز
ودخلت ربعه وكان فاضلي فيها علي الامتياز حجات بسيطه بس قدر الله وما شاء فعل
ولما جيت ابص علي المجموع التراكمي لقيت جايب جيد عشان اولي وتانيه كنت شايل مواد
اتخرجت وقولت احضر ماجستير وفي الاخر بلح دكاتره معقد نفسيا جيه تقعدنا معاها
روحت اشتغلت في شرم الشيخ مكان مش مكاني وشغل غير تخصصي وبعدين طول اليوم في الشغل واخر اليوم في مارينا "زنوب بالعبيط"
بدور علي شغل وكل ما اقدم في شغل حكومي يطلع بلح عشان مبكلمش حد يزق الورق مع اننا الحمد لله معارفنا كتير وكان ولدي بيشغل ناس كتير ومقتنع جدا اني مش عايز اخد مكان حد وابدأ حياتي بوسطه وكوسه وكنت معتقد ان الثوره هتغير النظام البأس بس بردو بلح
وعايز اخد كورسات بس حاسس انها بلح في الاخر وبضيع فلوس ومجهود
بس ملاحظ حاجه في مصر مش بينجح فيها غير الناس المعفنه تلاقي واحد صوته ميتسمعش وبقئ مغني
عيل ابن ........... مره واحد بقئ راكب عربيه ومبيعرفش يسوق وناس تخبيط وابوه بقئ رجل اعمال
واحد بيتكيف وبيضرب ومره واحد بقئ حاجه كويسه ونضيف
ناس كانت معفنه ومش لقيه تاكل دلؤقتي بقو من اسرياء القوم
الناس دي ازاي بتوصل لكدا
واللهي العظيم اعرف واحد حرامي في شركة المصريه للاتصالات واتمسك ونقلوه فرع تاني وعلي علاقه برموز المجتمع مع انهم اساسا كان بيشتغلو عند الناس زمان
سبحان مغير الاحول
معلش دوشتكم معايا بس واللهي انا مخنوق ونفسي اتكلم مع حد وكل ما اكلم حد يقعد يبكتني

[eldell]

بص ياااحمد انت الى بتقوله اكتر الشباب مرت بيه وانا خصوصا مريت بيه وبالنسبه للحاجات الى بنتمناها اكيييد لو اجتهدنا كنا هنوصل ليها بس نقول قدر الله وماشاء فعل بالنسبه للوسايط وكده البلد كلها كده ومش هتتغير علشان النفوس نفسها الى بقت وحشه كله عااايز يكوش على حاجه وبالنسبه لشغلك عااادى والله انا نفسى مش بشتغل فى مجاله علشان احنا كتيييييييييييييير او اقولك خريجى تجاره كتيييييييييييييييير لو انت بقى تشتغل فى مجالك اكيييييييد لازم تبقى متميز عن غيرك يعنى اولا معاااك لغه وانت جايب كمان تقدير جييد ممكن تضرب معاااك وتشتغل فى بنك لو مش حااابب المجال نفسه شوف انت بتحب ايه وحاول تبقى متميز فيه او تعلى فيه لاكن متستناش ان حد يساعدك انت اسعى وربنا هيكافئك باذن الله وربنا معااااك

[AhMeD MeTwAlY]

بص ياااحمد انت الى بتقوله اكتر الشباب مرت بيه وانا خصوصا مريت بيه وبالنسبه للحاجات الى بنتمناها اكيييد لو اجتهدنا كنا هنوصل ليها بس نقول قدر الله وماشاء فعل بالنسبه للوسايط وكده البلد كلها كده ومش هتتغير علشان النفوس نفسها الى بقت وحشه كله عااايز يكوش على حاجه وبالنسبه لشغلك عااادى والله انا نفسى مش بشتغل فى مجاله علشان احنا كتيييييييييييييير او اقولك خريجى تجاره كتيييييييييييييييير لو انت بقى تشتغل فى مجالك اكيييييييد لازم تبقى متميز عن غيرك يعنى اولا معاااك لغه وانت جايب كمان تقدير جييد ممكن تضرب معاااك وتشتغل فى بنك لو مش حااابب المجال نفسه شوف انت بتحب ايه وحاول تبقى متميز فيه او تعلى فيه لاكن متستناش ان حد يساعدك انت اسعى وربنا هيكافئك باذن الله وربنا معااااك

قدمت في بنك واللهي العيظم وبدون انجلش ودخلت الامتحانات انا الحمد لله من صغري متفوق في الانجلش ونجحت في الاختبارات وعملت الانتر فيو وعلي الويتنج لست "يعني بلح"
انا واللهي ديما بقول الحمد لله بس بجد زهقت من البلد دي والي فيها حاسس انها مش بتاعتنا ليه مش عارف

[eldell]

قدمت في بنك واللهي العيظم وبدون انجلش ودخلت الامتحانات انا الحمد لله من صغري متفوق في الانجلش ونجحت في الاختبارات وعملت الانتر فيو وعلي الويتنج لست "يعني بلح"
انا واللهي ديما بقول الحمد لله بس بجد زهقت من البلد دي والي فيها حاسس انها مش بتاعتنا ليه مش عارف

والله فعلا احوال البلد الايام ديه مش مطمئنه خااااالص وخيرها للناس الى بتسرق بس مينفعش برضه ان احنا نستسلم يعنى نعمل الى علينا وربنا معاااااك يااحمد ومعانا جميعاااا

[Samah AbdAllah]

محدش يعرف الخير فين
اعمل اللى عليك وتوكل على الله
وخليك دائما واثق فى ان ربنا كاتبلك الخير
وان مش كل اللى انت فاكره خير هيكون خير ليك فعلا

[a_nbm]

ربنا ييسرلك الامور ياااااااااااااارب

[3mr Farrag]

كلنا هذا الرجل
والعن كمان
انت مش لوحدك اللي كده ماتقلقش
كلنا معاك

[hazoom2006]

انت مش لوحدك كلنا معاك انا بقالى 4 شهور واكتر بدون عمل و بعمل انترفيو واكسبتدد وكل حاجة بس بيطلع حاجة تبوظ الموضوع مش عارف الغلط فين
ربنا اللى بيرزق

[omar-saad]

عايز تشتغل
خد الcma

[khaled_legend]

لو تقدر تكمل دراستك بره توكل علي الله

[amrelsha3er]

والله كلنا هذا الرجل يابو حميد بس اقولك الل بيجتهد بيلاقى
خد كورسات وطور من نفسك واصرف على نفسك شويه واشتغل حتى لو براتب قليل خد خبره وبعد كده هتلاقى ان شاء الله الدنيا اتفتجتلك طالما انت بتجتهد
اما بالنسبه اللى الناس اللى كانت مش لاقيه تاكل وبقت حاجه فظيعه مناملاك وسيارات واموال دى كتير اوى فى البلد
كلنا واخدين بالنا ونقول ارزاق :d

[A7MED_PHARMA]

انا مش هرد عليك يامتولي
ابقا عدي عليا في الصيدلية
المسافة بيننا 10 دقايق
وشوف اطنان البلح المحلي الي عندي

[AhMeD MeTwAlY]

محدش يعرف الخير فين
اعمل اللى عليك وتوكل على الله
وخليك دائما واثق فى ان ربنا كاتبلك الخير
وان مش كل اللى انت فاكره خير هيكون خير ليك فعلا

دا الي مصبرني

ربنا ييسرلك الامور ياااااااااااااارب

اللهم امين

كلنا هذا الرجل
والعن كمان
انت مش لوحدك اللي كده ماتقلقش
كلنا معاك

ربنا يسترها والحال يتصلح بدل ما احنا عيشين فيها مش عرفين رايحه بينا علي فين

انت مش لوحدك كلنا معاك انا بقالى 4 شهور واكتر بدون عمل و بعمل انترفيو واكسبتدد وكل حاجة بس بيطلع حاجة تبوظ الموضوع مش عارف الغلط فين
ربنا اللى بيرزق

عايز تشتغل
خد الcma

اكيد ولي هرمي فلوس علي الفاضي؟؟

لو تقدر تكمل دراستك بره توكل علي الله

لا انا اكتفيت تعليم

والله كلنا هذا الرجل يابو حميد بس اقولك الل بيجتهد بيلاقى
خد كورسات وطور من نفسك واصرف على نفسك شويه واشتغل حتى لو براتب قليل خد خبره وبعد كده هتلاقى ان شاء الله الدنيا اتفتجتلك طالما انت بتجتهد
اما بالنسبه اللى الناس اللى كانت مش لاقيه تاكل وبقت حاجه فظيعه مناملاك وسيارات واموال دى كتير اوى فى البلد
كلنا واخدين بالنا ونقول ارزاق :d

اديني بدور علي كورسات محترمه اخدها وبقول يا رب

[AhMeD MeTwAlY]

انا مش هرد عليك يامتولي
ابقا عدي عليا في الصيدلية
المسافة بيننا 10 دقايق
وشوف اطنان البلح المحلي الي عندي

عارف واللهي من غير ما تتكلم ربنا يسترها وتعدي علي خير
لو نزلت عندكم هكلمك واجيلك

[yaserbasha2000]

للاسف حالنا بعد الثوره متغيرش كتير