المقامة الفريدة في أصول السواقة الرشيدة

[sakr122]

بعد خبره في السواقة بقالي 16 سنة
جوه مصر وبره مصر بالهدوء والمسكنة
اكتشفت ان السواقه بالادب مش ممكنة
العافيايجه كانو صح واللي غلطان هو انا


من بكره هاعمل زيهم وامشي على طول ف الشمال
واللي هيفكر يعدي مش هاوسعله المجال
واخطف الغرزة السريعه دي الغرز طبع الرجال
اللي ماشيين بالهداوة يا إما ستات او عيال


هالغي فوانيس الإشارة مش انا عندي دراعين؟
عادي ابقى في الشمال وفجأة ادخل في اليمين
واللي جنبي يخلي باله هو يعني ملوش عينين
المهم اكون مهدي قبل ما ادخل ع الكمين


لو طريقي لقيته زحمه لازم اهرب م اللي حاصل
عادي جدا أمشي عكسي ومش مهم أعمل مشاكل
نوري عالي ومش في بالي اللي ماشي في المقابل
اصلي لو ممشيتش عكسي هابقى خيخه ومش مقاتل


أوعو بقى حد يعارضني أو يقولي ده مش كلام
هي دي اصول السواقه بالدراع والالتحام
السواقه ف مصر عافيه ومش هيعدلها نظام
لو قدرت تسوق بادبك قول وانا اضربلك سلام

[bido600]

جامدة جدا :d
انها الحقيقة :d:d:d:d:d:d

[SASA3]

يحكى ان فى قدبم العصر و الاوان كانوا بيقولوا السواقه ادب و فن و ذوق


الله يرحمهم بقا ماتوا قبل ما يطلعوا على الدائرى




بس و الله لو فيه قانون و شرطة و امن

[Esam Mosaad]

انا بعترف انى كنت من ضمن الى زنقوا على اخونا صقر
بس انا كنت بعمل كدا ياصقر من باب الرخامه
كنت واحشنى ياراجل

[sakr122]

انا بعترف انى كنت من ضمن الى زنقوا على اخونا صقر
بس انا كنت بعمل كدا ياصقر من باب الرخامه
كنت واحشنى ياراجل

وانت كمان يا عص

شفت منظر العربيه كان عامل ازاي ؟؟ مش بذمتك حاجه تحرق الدم

[midooo_119]

حتى لو الاغلبية كده يكفى انك جوه نفسك شايف انك بتسوق بالطريقه الصحيحه الامنة ليك و لاسرتك و لعربيتك و يكفيى انك لما تـقـف تعدى حد يفضل يرفعلك ايده و هو يشكرك لان مش كتير بيعمل كده دلوقتى و يكفى ان لما واحد يزنق عليك و انت تحرجه بادبك و قبل ماتيجى جنبه و تلومه تلاقيه هو رفعلك ايده يعتذرلك انه زنق عليك
يكفينى انى انا الصح و مش لازم ابقى مع الاغلبية الخاطئة عشان ارتاح نفسيا