مشكله مع رقم تليفوني

[bHa2]

في شركه كمبيوتر نصابه
اعلاناتها بتطلع ف قنوات الهلس الجديده دي بتاعه الرقص و المصارعه وتظبيط حجم المش عارف ايه
المهم
الشركه دي حاطه رقم تليفوني ف الاعلان و ف الضمان
الناس اشترت اجهزه و طلعت مقلب و كل يومين حد يتصل بيا ويتخانق معايا
امبارح دردشت مع حد من اللي اتنصب عليهم
بيحلفلي انه اتصل بالرقم بتاعي من شهر كذا مره و الشركه كانت بترد عليه عادي
"الخط معايا بقاله سنه و نص" وبإسمي من فرع اتصالات ذات نفسه مش من ع الرصيف
الخوف ان حد يرفع قضيه ع الشركه والمباحث تدور برقم التليفون زي الاعلان بتاع الممثله اللي خست
والبس انا ف الاخر ف حيطه
الشركه باين اسمها ابناء الروضه او حاجه كده ومش عارف اسم القناه اللي عليها الاعلان
معايا رقم تليفون تاني للشركه جبته من الراجل اللي كلمته امبارح
بس انا فعلاً مش عارف اعمل ايه
ايه الخطوه اللي المفروض اخدها يعني عشان اوقف الموضوع دا

[mohammedabdallh]

جديد الموضوع ده
روح مركز اتصالات وشوف المشكله دى

[bHa2]

اتصلت ب خدمه العملاء قالولي اتصل ب مباحث التليفونات
وطالما وصلت للحكومه ببقي عارف انها وصلت ل حاره سدّ

[Mohamed Amr]

شئ غريب فعلا

[mohammedabdallh]

طيب جربت ترن على نفسك
ههههههههه
لا بجد جرب كدا

[Ahmed_Rahem]

اعمل محضر علشان تأمن نفسك من اى قضية او شكوى قدام، وبعدين وكل محامى وحاول تتواصل مع القناة وتوصل للشركة او عن طريق المحضر تخلى القناة تشيل الاعلان. وربنا معاك

[bHa2]

طيب جربت ترن على نفسك
ههههههههه
لا بجد جرب كدا

بديني مشغول
بايني عمال احب ف التليفون
هفضل طول عمري رغاي كده مش عارف انا امري غريب اوي

اعمل محضر علشان تأمن نفسك من اى قضية او شكوى قدام، وبعدين وكل محامى وحاول تتواصل مع القناة وتوصل للشركة او عن طريق المحضر تخلى القناة تشيل الاعلان. وربنا معاك

منا هعمل كده ان شاء الله
بس انا للاسف مش عارف اسم القناه حتي عشان اشوف الاعلان

[khaled_legend]

change your number, if you can

[fouaa]

متابع

[lanos2004]

اهرب سيب البلد واهرب

[bHa2]

change your number, if you can

لا صعب :S

اهرب سيب البلد واهرب

اها هقول ان رقم تليفوني متطهد واعمل لجوء سياسي ل المانيا عشان عاوز اجيب I-Phone

[أحمد كمال]

اتصالات مالهاش اي دعوة اساسا ........ واحد و كتب نمرتك في اعلان ....... هما مالهم؟


بالنسبة لاقتراح تغيير النمرة برضه غلط ..... لان الخط باسمك يعني ممكن يوصلوا لك


انت تعمل محضر و تقول فيه بيجيلك اتصالات بكذا و كذا و ان المتصلين بيقولوا ان رقمك في اعلان و انك بتثبت حالة انك مالكش دعوة بالكلام الفاضي ده

[bHa2]

تمام
شكرا يا استاذ أحمد كمال :)

[mesaharaty]

معلش أنا حاتعب حضرتك شوية
لو ممكن حضرتك تتوصل للقناة وتحاول تسجل الإعلان فيديو بأى وسيلة متاحة ويا حبذا يكون مكتوب عليها تاريخ التصوير ... فاهمنى حضرتك ؟
طبعا ده بجانب المحضر اللى حضرتك حاتعمله ولو أمكن ترفق بيه صور الإعلان المذاع بالقناة إياها أو حتى سى دى .
أنا باقول كل ده ليه ؟ طبعا علشان تبقى خليت مسئوليتك من أى حد يشترى حاجة ضارة تموته ولا تؤذيه وتبقى حضرتك بعيد كل البعد عن الموضوع .

[sha2e]

طالما واحد بيقول انه اتصل قبل كده وردو عليه يبقى أكيد فى رقم غلط والناس بتغلط فيه وبتتصل بيك
حاول توصل لنمرة القناه الصحيحة وتعرف انهو رقم الناس بتغلط فيه من الـ 11 رقم
والى يتصل بيك بعد كده - امرك لله - ابقى صححله الرقم