جرس الباب ممكن يكون سبب فى كارثة

[RAPID]

انهاردة كنت عند محل اداوت كهربائية بشترى جرس باب فبقولو هات جرس برنة واحدة مش صوت عصافير عشان ساعات العيال بتعلق الجرس وصوته بيكون مزعج لكن ابو رنة واحدة Ding Dong هيرن مرة واحدة ويفصل بعد كدة، قالى مين قالك وراح مجرب واحد قدامى بعد ما رن الرنة فضل يزن من جوة زى صوت موتور بتاع لعب الاطفال لحد ما شال السلك من الكهرباء وقالى ابو عصافير افضل من التانى لانه بينبهك ان الجرس لسة شغال والكهرباء واصلة فبيكون قدامك فرصة انك تفصل المفتاح اما التانى فمش هتسمع شئ وممكن تحصل الكارثة وانت نايم طبعا استغربت من الكلام وقولتلو ياريت توضح

قالى ان جرس الباب هو اخطر شئ فى الشقة وبسببه شقته بالكامل اتحرقت واتفحمت بسبب انه حد رن الجرس وسابه معلق وفضل يرن لحد ما الدايرة ولعت والجرس ساح وولع ونزل عالستاير والسجاجيد وولع فى الشقة كلها عشان كدة لازم نشيك على مفتاح الجرس ونتاكد انه مش بيعلق ولو خارجين برة لازم نفصل الكهرباء الاول عشان ميجيش عيل صغير يزنق مفتاح الجرس بعود كبريت ويجرى مثلا لا قدر الله

والله يا جماعة الراجل كان بينصحنى من قلبه وواضح جدا انه متاثر بسبب شقته اللى اتحرقت بسبب تافه عشان كدة حبيت انبهكم وانصحكم بنفس كلامه:
لو مفتاح الجرس بيعلق غيره فورا
افصلوا الكهرباء عن الشقة وانتوا خارجين
وربنا يستر

[Mohamed Amr]

شكرا علي النصيحه

[khaled_legend]

احدي كوارث جرس الباب ايضا

ان حد متخلف يعد يرن يرن يرن و انت نايم لحد ما يجيلك حاله من الفزع او ازمه قلبيه ايهما اقرب

العبط لا دين له :)

[mohammedabdallh]

جزاك الله خير
وبرده اى فيشه بتعلق فى الشقه واجب اصلاحها فورا علشان كانت هتولع فى الشقه عندى من فتره بسسب تكبير الدماغ بس ربنا ستر

[Samah AbdAllah]

بلاش جرس خالص ولا عصافيرى ولا غيره ونريح نفسنا

[Y a r i s]

انا عندي انتركم
مرات العيال ولاد المهشتكة بيفضلو دايسين عليه ززززيييييزززززييييييييس.
وميعرفوش ان تمنو فوق ٣٠٠٠ جنية لدرجة مرة. لقيت. واد. بتاع المكوة كل مايجي يفضل حاطط ايديوو على الجرس وميشلهاش ايدو ابداً رحت في يوم لقيت المدام سايبة جردل مية وسخة من مسح الارض .... والواد جه وفضل برضو معلق ايدو على الجرس فطلعت بشويش من الشباك وقمت زيوووو راشش المية الوسخة على الواد ودخلت استخبيت بسرعة هههههههههه. تاني يوم اظاهر المية دخلت في الانتركم بوظتوو هههههه والانتر كم عمال يصفر . ومش لاقي حد لغايت دلوقتي كويس يعرف يصلحو .

[RAPID]

شكرا علي النصيحه

العفو

[RAPID]

احدي كوارث جرس الباب ايضا

ان حد متخلف يعد يرن يرن يرن و انت نايم لحد ما يجيلك حاله من الفزع او ازمه قلبيه ايهما اقرب

العبط لا دين له :)

عندك حق حاجة تشل فعلا
مرة قاعد لا بيا ولا عليا والاقى جرس الباب هينتحر من كتر الرن صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو صو وانا بعلو صوتى ايوة حاضر طيب جاى استنى ايوة وده مفيش انا قلت اكيد عيل رخم حشر المفتاح بحاجة وجرى... فتحت الباب ولسه هشتم الاقى جارتنا واقفة وصباعها لسه عالمفتاح وابتسامة سيجنال تو ناصعة البياض مغرقة وشها وبتقول هو انتو نمتو ولا ايه

بصراحة كنت هتشل ولميت لسانى بعد ما كنت مجهز قاموس سبيشيال
اللى عنده دم احسن من اللى عنده عزبة

[RAPID]

جزاك الله خير
وبرده اى فيشه بتعلق فى الشقه واجب اصلاحها فورا علشان كانت هتولع فى الشقه عندى من فتره بسسب تكبير الدماغ بس ربنا ستر

شكرا لحضرتك وربنا يسترها علينا جميعا

[RAPID]

بلاش جرس خالص ولا عصافيرى ولا غيره ونريح نفسنا

ونرجع لسقاطة الباب ام كورة حديد بتاعة العصور الوسطى

[RAPID]

انا عندي انتركم
مرات العيال ولاد المهشتكة بيفضلو دايسين عليه ززززيييييزززززييييييييس.
وميعرفوش ان تمنو فوق ٣٠٠٠ جنية لدرجة مرة. لقيت. واد. بتاع المكوة كل مايجي يفضل حاطط ايديوو على الجرس وميشلهاش ايدو ابداً رحت في يوم لقيت المدام سايبة جردل مية وسخة من مسح الارض .... والواد جه وفضل برضو معلق ايدو على الجرس فطلعت بشويش من الشباك وقمت زيوووو راشش المية الوسخة على الواد ودخلت استخبيت بسرعة هههههههههه. تاني يوم اظاهر المية دخلت في الانتركم بوظتوو هههههه والانتر كم عمال يصفر . ومش لاقي حد لغايت دلوقتي كويس يعرف يصلحو .

من دلق مية وسخة على اخيه وقع فيها هههههههه

[Y a r i s]

من دلق مية وسخة على اخيه وقع فيها هههههههه

اه والله ٍ ياربيد يا عزيزي. ... المهم الحج بيقول. العيال ولاد التييييييييت بوظولنا الجرس الانتركم. الله يشل ايدهم الله يقطعهم الله يخدهم الاهي مايكسبهم وانا اقولوا كفاية ياااااابه دعة عليهم. لايحصلهم حاجة ولا محتاجة حرام يمكن يكون عندهم عيال. ومتجوزين ومخلفين. ههههههههه. قامت مراتي داحكة. علشان عارفة اننا السبب ههههههه

بس انا بفكر بحل تاني. بفكر اخترع جهاز. اني اخلي الزراير الجرس حديد واي واحد يزود ويرن الجرس فوق العشر ثواني. يقوم الجهاز يديلو صاعقة كهربائية تخليه يرقص كده وهو واقف يرن الجرس عشرة بلدي

[S O P H O S]

انا عندي انتركم
مرات العيال ولاد المهشتكة بيفضلو دايسين عليه ززززيييييزززززييييييييس.
وميعرفوش ان تمنو فوق ٣٠٠٠ جنية لدرجة مرة. لقيت. واد. بتاع المكوة كل مايجي يفضل حاطط ايديوو على الجرس وميشلهاش ايدو ابداً رحت في يوم لقيت المدام سايبة جردل مية وسخة من مسح الارض .... والواد جه وفضل برضو معلق ايدو على الجرس فطلعت بشويش من الشباك وقمت زيوووو راشش المية الوسخة على الواد ودخلت استخبيت بسرعة هههههههههه. تاني يوم اظاهر المية دخلت في الانتركم بوظتوو هههههه والانتر كم عمال يصفر . ومش لاقي حد لغايت دلوقتي كويس يعرف يصلحو .

ههههههههههه حلوة اوي حتت دخلت استخبيت بسرعة
هههههههههههههههه

[omaroof]

مصر كلها ماشية بالبركه ربنا يستر

[BESO516]

النهارده بقى انا اللى كنت هعمل كارثه بسبب جرس الباب ده
رجعت من الشغل بدرى ( مزوغ ) وكنت محتاج اناااااااااااااام جامد اوى
والبيت فاضى والدنيا هدوء والجو جو نوم فعلا
ويدوبك مكملتش ساعه ساعه ونص كده
لقيت الجرس اتجنن تن تن تن تن تن تن تن تن تن تن تن تن تن تن تن تن تن تن تن تن تن تن
واما زهق من الجرس قام رازع الباب طاخ طاخ طاخ طاخ طاخ

قومت مفزوع واقولت بصوت عالى اشوف ابن .................. والله لطع تييييييييييييييييييييت وخارج بقى وبفتح الباب وانا بشتم كل شتايم الدنيا

الاقيلك عم الحج ابويا بيقولى انت نايم ولا ايه ؟؟؟
نسيت اخد مفتاحى انا شوفت عربيتك تحت قولت يبقى انت فوق اكيد
وكنت بتشتم مين من شويه ؟؟؟؟
قولتله لايحج ده واحد صحبى وقفلت معاه
قالى بحسب !!!!!!!!!!

والنبى فى كده فالدنيا