☆★〓 وزير الصحة يحتفل بدعم حبة الفايجر في مصر

[Y a r i s]

☆★〓 وزير الصحة يحتفل بدعم حبة الفايجر في مصر



كتب – أحمد عاطف

روجت شركة “فايزر” للأدوية اليوم الثلاثاء خلال احتفال النقابة العامة للصيادلة بيوم الصيدلى المصرى الـ31 بأحد فنادق مصر الكبرى، عن منتجاتها من حبوب الفياجرا بـ10 جنيهات بدلا من 27 جنيهًا، وهو الاحتفال الذي حضره وزير الصحة الدكتور فؤاد النواوي.

يذكر أن شركة “فايزر” هى أول شركة أدوية مصرية حصلت على تصريح للعمل بعد قيام ثورة 25 يناير، حيث صرح أحد الصيادلة فى الشركة بأن الشركة قد قامت بعمل بحوث ودراسات عن حالات الضعف الجنسى عند الرجال، ولذلك رأت ان تخفيض سعر حبوب الفياجرا هو سبب استراتيجى سيحقق انتشارًا واسعًا للشركة.





@@@@@@@@@@@@@

انا سمعت الخبر على الراديوا ... ودحكت بصراحة وخدتوا بتريقة كعادتي .... بس لمن فكرت فيها ايه اهمية خبر زي ده (وقلت لنفسي مشاء الله هيا الحبوب دي بقت رغيف عيش علشان تدعم ) بس بصراحة في ناس كتير ربنا يشافيهم ويعافيهم بيعانوا .... دي نقطة ا الحاجة التانية المهمة في الخبر ان دوى زي ده علشان ينتج في مصر شوووف كام ايد عاملة. هتشتغل وكم بيت هيتفتح في مصرررررر .... شوف الفلوووس الي كانت بتدفع لدول اجنبية. وتخرج بره مصر .... اهو دلوقتي بقه صناعة محلية .... بشوف في الخبررررر. بريق امل لتقدم على صعيد الصناعة الدوائية في مصر واهتمام وزارة الصحة .... بشوف في خبر زي ده بشرى خير قد ايه حلووو المستشمرين بقوو يرجعوو لبلدنا .... بشوووف في خبر زي ده ان الحكومة ابتدت تشتغل .... وبتحاول ترفع المعناة عن كاهل المواطن ..... ويااااااه قد ايه قلبي انشكح. اول ما نزلت سووق الخضار ولقيت اسعار غريبة عجيبة. اسعار الخضار بملاليم وقرووووش كيلو الاوطة. ب ٧٥ قرش. كيلو الخيار ب ٣٠٠ قرش. عشر حزم بقدونس بجنية. كيلو اللمون ب ٣ جنية كبووتشة قاد كده ب ٧٥ قرش وايه. كل الخضروات بسم الله مشاء الله فرز اول. مفهاش غلطة

الفكهة. المنجا. اجعصها منجا ب ٧ جنية .... احلى برتقان الكيلو ١٥٠ قرش و ١٧٥ قرش الموز برضو رخيص واليوستفندي كزالك كل شيء ررررخيص وجميل .... لذلك حبيت انقل لكم الخبر ده لاقولكم فيه الناس دي ورب النعمة شغالة كويس وبتحاول تجذب الاستثمرات لمصر. وترخص كل السلع الغذائية او الدوائية ( وربنا يعافي ويشافي كل الناس)

@@@@@@@@@@@@@@@@@@

وتقبلوا تحياتي
وامنياتي لمصر بمستقبل زاهر وواعد
وعووودة الاستثمرات لبلدنا ووطنا الغالي مصر الحبيبة

[BESO516]

يمكن كان محتاجها اوى ومش لاقيها !!

[Medicalist]

على رأى عادل امام فى الواد محروس هو انا اتجوزتكم عشان ايه
عشان ادى

[Y a r i s]

ههههههههههههه
صباح الفل .... لا انا بقول بصراحة كدة غلط المفروض بدل مايدعم الحباية .... انها متتصرفش غير عن طريق البطاقة الذكية او بطاقة التموين هههههه علشان توصل الحباية لكل مستحقيها ههههههه

[أحمد كمال]

يذكر أن شركة “فايزر” هى أول شركة أدوية مصرية حصلت على تصريح للعمل بعد قيام ثورة 25 يناير،

ايه الكلام الفارغ ده


اختي كانت شغالة في فايزر مصر سنة 1995 !!!!

[M.Radwan]

البانر اللى ورا الوزير مفيهوش أي حاجة عن الفياجرا أساسا!

[ahmedkhairy]

متابع

[Y a r i s]

ايه الكلام الفارغ ده

اختي كانت شغالة في فايزر مصر سنة 1995 !!!!

حبيبي يا ابو كمال ... ده كلام الصحفي مش كلامي :) ... بس ممكن هما خدوا ... تصريح. بانتاج الدوى محلياً ... او تصريح بفتح فرع جديد الله اعلم

البانر اللى ورا الوزير مفيهوش أي حاجة عن الفياجرا أساسا!

معاك حق المرة الجية .... يبقوا يصوروا الوزير ووراه حبيتين ولا علبتين كده هههههههههه علشان يفرحنا ههههههه. حبيبي يا مشهندس رمضان. :) وتحياتي

[أحمد كمال]

عارف انه كلام الصحفي مش كلامك عشان كده باقول انه كلام فارغ (ما يصحش اقول على كلامك انت فاخر)

[yyy]

الفكهة. المنجا. اجعصها منجا ب ٧ جنية .... احلى برتقان الكيلو ١٥٠ قرش و ١٧٥ قرش الموز برضو رخيص واليوستفندي كزالك كل شيء ررررخيص وجميل .... لذلك حبيت انقل لكم الخبر ده لاقولكم فيه الناس دي ورب النعمة شغالة كويس وبتحاول تجذب الاستثمرات لمصر. وترخص كل السلع الغذائية او الدوائية ( وربنا يعافي ويشافي كل الناس)

استثمارات ايه و شغل كويس ازاي ؟
الاسعار دي كلها علشان التصدير في مصر واقف بقالو سنتين مفيش تصدير للفاكهه تقريبا الدول ال كانت بتستورد من مصر بتعاقبها علشان الثوره او بتعاقبها علشان اختارت مرسي !!!

[أبو صلاح]

هو اسعار الفاكهة والخضار دي صحيحة ولا انت بتحلم ؟

[Rsarabia]

حاجة مسخرة بجد الوزير سايب الاطباء و اضراب الاطباء و الناس اللى بتموت عشان مفيش دكاترة و مفيش امكانيات و رايح يحتفل بدعم الفياجرا

[bobbozo4b]

استثمارات ايه و شغل كويس ازاي ؟
الاسعار دي كلها علشان التصدير في مصر واقف بقالو سنتين مفيش تصدير للفاكهه تقريبا الدول ال كانت بتستورد من مصر بتعاقبها علشان الثوره او بتعاقبها علشان اختارت مرسي !!!

تصحيح ياباشا لسه مصر بتصدر فاكهه وخضروات بس بنسبه اقل من الفترات السابقة ومعظمها الى دول الخليج وذلك لان الفاكهة والخضروات المصرية يوجد بها اعلى نسبة من النسب المصرح بها فى المعايير الاوروبية والاسترالية والامريكية من الاسمدة الكيماوية
السبب الثانى انشاء مزارع واعدة جديدة تلتزم بالمواعيد والاشتراطات والمعايير المطلوبه واقرب من الدول المستورده مثل اسبانيا والمغرب للاتحاد الاوروبى وهى من الدول حديثة العهد فى تصدير الفاكهة والخضراوات

[A7MED_PHARMA]

وإيه يعني
هو السوق المصري مافيهوش فياجرا يعني
اشهر 3 انواع فياجرا في السوق المصري
1.ايريك القرص بـ 4 ج .. بتاع شركة ادويا
2.فاروفيجا القرص بـ2.5 ..بتاع شركة الفرعونية
3.فايركتا القرص ب 3 ج .. بتاع شركة ايفا فارم
وكلهم خصمهم حوالي 70 %
بيتباعو كلهم بـ 2 ج في الارياف


غير المنتجات الصيني الي مهيصة الدنيا ..ورخيصة بهبل ..وفعالة بغباء



الخير ده ولا هيعمل اي حاجة

[Y a r i s]

عارف انه كلام الصحفي مش كلامك عشان كده باقول انه كلام فارغ (ما يصحش اقول على كلامك انت فاخر)

لا يباشا العفو ده انتا حبيبي يا ابو كمال .... ومتعرفش معزتك عندي قد ايه .... وانا لايمكن ازعل ابداً ابداً منك يا ابو كمال ... احنا بندحك مع بعضينا عادي .... حبيبي يا بوكمال تحياتي ليك يا غالي

هو اسعار الفاكهة والخضار دي صحيحة ولا انت بتحلم ؟

واللهِ يا بوصلاح حقيقية بجد. .... انا كنت زيك كده مش مصدق عنيا ان الحجات رخصت بالشكل المهول ده. وقعدت اضرب كف على كفففف واقول عمااااااااااااااار يا مصر .... انزل السووق بنفسك وشوف ياباشا. هتلاقي البيعين حطين حبت. خضار وفاكهة. وزي الفلللللل. فرز اول مفهمش غلطة ومش لاقين الي يشتري ... انتا ممكن تنزل تجيبلك النهرده عداية ( قفص ). اوووطة. بسبعة جنية ونص. فرز اول .... وتعصرهم. وتجمدهم واوفرلك من علب الصلصلة ولا تتجبلك قفص برتقان ب ١٥ جنية وتعصروا وهيبقى اوفرلك من الحاجة الساقعة واهو غزى للعيال والاولاد .... اسعار خرافية بجد. وعلى فكرة مش اليومين دول ده بقالها فتررررررة وهيا على ده الحال علشان كده عملت موضوع. اشكر فيه بجد السيد الرئيس. .... انو خلاني اقدر اكلك عيالي واشربهم بشوية فتات وملاليم. من الفلوس

http://www.nilemotors.net/Nile/321209-a.html

ده حتى المدام الي هيا متابعة تعليم العيال وبتذاكرلهم ومكنش بيعجبها العجب ولا الصيام في رجب. بتشكرلي قوووووي. في الوزير الجديد بتاع التعليم .... والمدرس هب في ابني. لمن قلوا. بابا بيسلم عليك يا مستر وبيقولك لو تقدر تيجي تديني درس في البيت قالوا سلم على بابا وقلوا مبقناش ندي دروس دلوقتي ممممممممممنووووع. الي مش فاهموا قلي عليه وانا افهمهولك هنا في الفصل. .... في خيرررر بجد في بلدنا والله في خيرررر وتحياتي يا ابو صلاح