للي عنده خبره بمارينا

[ZALABANY]

انا يا جماعه هاكون في مطروح من يوم الخميس ولازم اعمل تحليل يوم السبت والدكتور قالي تعمله في معامل المختبر ودورت على اقرب فرع لقيته في مارينا يعني هانزل اعمله في مارينا وارجع مطروح تاني
المشكله دلوقتي انا سمعت انا مارينا ما بتدخلش غير لو معاك باصات دخول هل في حالة دخول المستشفى او المعمل هايعملوا كده برده ولو حد يعرف هل في تذار دخول وسعرها كام بالظبط وشكرا

[Karim_Monir]

طب ليه ما تعملش في مستشفي راس الحكمة
ودي قبل مطروح ب 60 كم بس
دخول مارينا سهل مش صعب
ولو حد غلس عليك في بوابة 3 مثلا ادخل من بوابة 5 وهكذا

[ZALABANY]

شكرا على ردك يا كريم باشا
هي الفكره إن الدكتور عايز التحليل في معمل المختبر مؤمنه كامل تحديدا

[goodwave]

دخول مارينا مش مشكلة عويصة طالما الواحد شكلة إبن ناس وراكب عربية ومرسوم :) ممكن تعدي بسهولة وتتعامل على إنك واحد من الملاك القدامى وتعدى عادي خالص :) ده طبعا في الصيف لانه بيختلط في مارينا الحابل بالنابل.

معمل المختبر حتلاقية في مارينا بوابة رقم 2 وفي الداخل بالقرب من سي جل بتاع السمك
إتصل بيهم وأتأكد إنهم شغالين قبل ما تروح

لو حوار الرسمة على البوابة ما نفعش يبقى إقطع تذكرة على بوابة 2 وسعر التذكرة من 20 ل 25 جنية.... لو حصل غلاسة طول لحد بوابة بورتو مارينا وقول داخل الفندق وبعد ما تدخل إسأل ترجع مارينا 2 إزاي من داخل القرية.

بالتوفيق

[ZALABANY]

شكرا goodwave وجزاك الله خيرا على المعلومة

[kareem_Ashmawy]

متأكدين يا جماعة من الواحد ممكن يقطع تذكرة و يدخل
لأنى رايح ان شاء الله يوم واحد
و عمال أدور على حد يجيبلى باس
فلو ينفع بتذكرة يبقى تمام أوى

[Ahmed Selim]

السنة اللى فاتت كان فى تذاكر دخول ب 20 جم للفرد
الموضوع ده ممكن يتغير من سنة لأخرى

ربنا يطمنا عليك

[kareem_Ashmawy]

شكرا يافندم لردك:)

[AHMEDCAR]

ولا تذكره ولا حاجه انت ممكت تقوله اناداخل ادور على شقه ايجار و تديله رخصه العربيه بس ماتتاخرش كتير و تخرج تانى تاخد الرخصه و تمام التمام و او تقولهم الحقيقه و ممكن يكونوا متفاهمين و برضوا هتاديهم الرخصه انا بعمل كده