ادمان الفيس بوك

[nonetta]

السلام عليكم اهل نايل موتورز
بقالي كتير مش باشارك على نايل موتورز
الحقيقة اني بقيت مدمنة فيس بوك
باحاول اعالج نفسي منه مش عارفة
جروبات وصفحات بتشدني وباتنقًل من هنا لهنا
اخبار اعلانات كوميكس ازياء طبخ معلومات طبية وغيره وغيره
كتير بابقى متضايقة بس مش باقدر امنع نفسي
حتى لو مشغولة بادخل من الموبايل اوبادخل بالليل قبل النوم
ممكن تشاركوني الرأي
هل ادمان الفيس ظاهرة صحية ولا مرض لازم الواحد يتعالج منه
حد يعرف كيفية العلاج من هذا الادمان
هل كم الاستفادة من الفيس زي الاستفادة من اي منتدى او اي مواقع اخرى

[mastr_n]

للاسف قدرو يبعدونا عن دين اللة وزكر اللة وقراءة القراءن
والى بيتكلم دة مش احسن منك انا بردة واخد من وقتى جزء كبير

ربنا يهدينى ويهدى جميع المسلمين

[nonetta]

تصدق فعلا
دايما اقول لنفسي
الوقت اللي انا قاعداه دة
مش المفروض اني اقرا القران او اصلي قيام
ممكن الواحد يسهر وهوا قاعد
لكن لو قعد للعبادة بيبقى نعسان ومش قادر

[aminibrahim]

انا مش بحبه خالص وبحس انه مش حاجه خصوصيه

بحب تويتر اكتر

[alfath8]

نفس الاحساس
ادخل من الباب جرى علشان اقعد على الفيس بوك

[amrelsha3er]

انا بالنسبالى روتين اكتر منه ادمان
يعنى بطبيعه شغلى وانا طول منا عالى الجهاز او بشتغل بكون فاتحه بس لو مش قدامى الجهاز خلاص مش بعد بتلهى فى اى احاجه لو بره فى مشوار مش بفتح من الموبايل مليش خلق افضل ادقق فى الخط الصغير ده الموبايل ماهو الا وسيله اتصال الصراحه
حاولو تبعدو عنه لو الموضوع فعلا ادمان كده انك تلهى نفسك فى اى شىء او افصل النت عن البيت خالص بقى :d

[nonetta]

نفسي ابعد عنه بس الاقي نفسي جريت عشان اشوف الجديد
رغم ان اغلب معلوماته مغلوطة
وليس له مصداقية

[micromoud]

اقفليه فترة اسبوع او اتنين واهتمى بأى حاجة تانيه تنسيكى الفيسبوك

[BESO516]

من سنتين كنت بكره حاجه اسمها الفيس ومبقعد ش عليه غير ريع ساعه ممكن كل شهر
وعامل اكونت قديم

لحد معرفت ناس اصحابى وبقيت ادخل واشوف الجروبات والكلام ده كله بقيت مدمن ادمان غير طبيعى
لو مش قاعد على كومبيوتر البيت بفتحه على اللاب لو مش اللاب يبقى كمبيوتر الشغل لو مش كل دووول بيقى الموبايل

وبصراحه مش هقولك مبفوتش يوم ده انا مبفوتش ثانيه علطول اون لاين

وبصراحه اكتر واكتر واخدنى من دينى ومخلينى مقصر فى الصلاه والقرأن حتى بدأ يجى على حساب اقرب الناس للواحد

بس بجد مش عارف اعمل ايه ؟

[S O P H O S]

الحمد الله اخر حاجة بفكر فيها
لاني مش بحب اتعود علي شئ ..

[SHNORY]

الفيس بالنسبالي = المنتدي +ماسينجر
مش بتابع فيه غير اخبار اصحابي وبتكلم معاهم
بجانب اي خبر ينط قدامي
مش مشترك في جروبات كتير ولا في صفحات كتير
و90% من اللي عندي عامل انهم يجيلي عنهم البوستات المهمه بس
فحتي لو اتقفل الفيس اي ماسينجر حيؤدي الغرض
بس عموما بقي انا عندي ادمان للكمبيوتر
بصحي الصبح افتح عيني وافتح الكمبيوتر بعدها افكر البس النضاره
اروح المحل افتح الكمبيوتر
ادخل من باب البيت افتح الكمبيوتر
مره النور قطع وكنت قاعد في المحل وعندي واحد صاحبي
اكتشف اني ماسك الماوس برضه وبتكتك بيه ههههههههههههههههههههههههه

[monamize4]

ما ينفعش يا جماعة الواحد يحبس نفسه ف الكمبيوتر بسبب حبه للفيس او للعبة معينة (متستهتروش بكلمة لعبة و silk road خير دليل )
اولا الدراسات بتشير لاحتمالية عالية للاصابة بالاكتئاب و العزلة الاجتماعية و انخفاض المهارات الاجتماعية (الكلام دا انا شوفته ف ناس كتييييييييير و اكيد كتير منك يعرفوا ناس ليهم شخصية ساحرة ع الفيس لكن ف الحقيقة هو ميعرفش يتكلم كلمتين ع بعض )
ثانيا و دا الاهم انه بيلهى عن ذكر الله يعنى ممكن يعدى على الواحد 4 ساعات من غير ما يحس و ميفكرش حتى يسبح ف 5 دقائق
غالبا بيكون سبب ادمان الكمبيوتر هو الفراغ لكن المشكلة الاكبر لما الواحد يقصر ف شغله او دراسته عشان يزود عدد ساعات استخدام الكمبيوتر
الحل التقليدى اللى اكيد كل الناس عرفاه بس يظل هو الحل الامثل هو شغل الوقت بشئ مفيد و اداء الفروض الدينية
باختصار كدة لازم الواحد يكون ف حياتة حاجة مهمة ما ينفعش يبقى الواحد كل همة انه يشوف ال notifications او يتابع جروب معينة او انه يعدى الlevel اللى هو فيه و عامة اللى حياتة تسمحله انه يعد ع ال pc اربع او خمس ساعات ,,, قدام لما يتحمل المسئولية غصب عنه هيبطل الا لو كان شخص ....
انا طبعا ما بقولش ان الكلام دا حرام ,, انا بس اقصد ان يبقى فى حدود و الحاجات دى تبقى تحت رجلينا مش فوق راسنا

[magid1010]

انا فعلا بقعد عليه مده كبيره و مش لاقى حاجه اعملها غير اشوف بوستات و اشير و فعلا الواحد حاسس انه انطوائى من ساعه ما جاب اللاب توب

[mohammedabdallh]

اولا حمد لله على السلامه والرجوع بعد غياب
مش حضرتك لوحدك كلنا هذا الشخص
افضل حاجه فصل النت عن الجهاز يوم كامل هتلاقى الدنيا جميله من غير النت ده خالص
والشغل كله بيخلص فى وقته وهتلاقى نفسك رجعتى لربنا يالتسبيح وقيام الليل