كورس mba

[egyboy]

السلام عليكم

محتاج يا شباب معلومات عن كورس mba

انا معرفش اى تفاصيل عنه غير انه ماجستير ادارة الاعمال

محتاج اعرف تكلفته كاملة شاملة كل حاجة

والشهادة بتبقى معتمدة من فين بالظبط

واحسن مكان ايه الجامعة الامريكية ولا الاكاديمية البحرية

جزاكم الله خيراااا

[dede_dodo88]

باب التقديم أتقفل خلاص سواء في الجامعة الأمريكية أو الأكاديمية البحرية..
أخر يوم في الـAUC كان 1 نوفمبر و في معاد تاني اللي هو 1 ديسمبر بس ده هيبقى أسمك على waiting list..
السنة دي في الـAUC المادة الواحدة كانت بـ11700 جنيه و الدراسة كلها من 12 لـ16 مادة حسب التخصص..
في الأكاديمية البحرية أخر معاد تقديم كان في نوفمبر الحالي و خلاص أمتحانات التقديم من TOEFL و GMAT المفروض تكون أتعملت..
الـsemester الواحد بـ2250$ يعني بـ13500 جنيه و هما 4 semesters بـ16 مادة.
و دي بتاخد منها شهادة من مصر و شهادة من جامعة Cardiff UK..
بس على الرغم من فرق السعر الرهيب بين الأكاديمية و الأمريكية فشهادة الأمريكية هي أقوى شهادة MBA ممكن تاخدها في مصر..

[egyboy]

تمام يا باشا كده اللى انا عرفته انه لازم التويفل اولا بعد كده اشوف mba

طيب حضرتك المواعيد الجديدة بتكون امتى فى 2013 يعنى

وشكرا جدا لحضرتك

[dede_dodo88]

تمام يا باشا كده اللى انا عرفته انه لازم التويفل اولا بعد كده اشوف mba

طيب حضرتك المواعيد الجديدة بتكون امتى فى 2013 يعنى

وشكرا جدا لحضرتك

لازم TOEFL و GMAT و الـAUC أعلى من الأكاديمية في الـScores اللي بتحتاجها في الأمتحانين..
لأ معنديش فكرة الصراحة بمواعيد 2013 هتكون ايه.. بس لما بيفتحوا باب الحجز بيعلنوها في الجرنال..

[egyboy]

جزاك الله خيرا
افدتنى كثيرا
وفقك الله :)

[VTC]

طيب معلش اسمحلي اسأل سؤال

هيا ال mba لازم اكون دارس تخصص اداره اعمال في الجامعه ولا عادي مثلا خريج اداب او هندسه او باقي الكليات يا خدها ؟
وهل لازم الي يا خدها يكون متخرج , ماينفعش بالثانويه مثلا ؟

وشكرا مقدما

[dede_dodo88]

طيب معلش اسمحلي اسأل سؤال

هيا ال mba لازم اكون دارس تخصص اداره اعمال في الجامعه ولا عادي مثلا خريج اداب او هندسه او باقي الكليات يا خدها ؟
وهل لازم الي يا خدها يكون متخرج , ماينفعش بالثانويه مثلا ؟

وشكرا مقدما

لازم يكون خريج جامعة بتقدير جيد على الأقل مع 2-3 سنين خبرة..
بس أنا مش متأكد الصراحة هل لازم يكون خريج تخصص أدارة أعمال ولا ممكن أي حاجة تانية!!..

[Khaled Online]

لازم يكون خريج جامعة بتقدير جيد على الأقل مع 2-3 سنين خبرة..
بس أنا مش متأكد الصراحة هل لازم يكون خريج تخصص أدارة أعمال ولا ممكن أي حاجة تانية!!..

+1
ممكن يكون من أي تخصص.

[tkamal]

ممكن تلحق فى

ESLSCA Business School

والتويفل يوجل الى الترم الثانى بس قدم بسرعة

[hh]

فيه كمان riti في الزمالك من أحسن الأماكن اللي بتدي mba و من الأماكن القليلة اللي معتمدة من جامعة أجنبية

[egyboy]

شكرا جدا يا شباب

بس هل القيمة اللى بتساويها الحصول على الشهادة حوالى 60 الف جنيه تقريبا

فعلا تستحق ان الواحد ياخد الشهادة دى

[tkamal]

اعرف ناس بتدفع حوالى 250 الف عشان تاخدها
كل واحد وتقديره لها وامكانياته