خدمة في السريع كده

[Moustafa.yonis]

السلام عليكم

كتب كتاب اخويا عقبال عندكم كده ان شاء الله الجمعة القادمة

وانا عايز اعزمة علي العشا بعد العقد

ياتري ايه الاختيارات المتاحة

حاجه تنفع للمناسبة وتكون ظريفة وسعرها في المعقول اقصد مش شرط يبقي مكان مش غالي بس برضة ميبقاش مبالغ فيه

وجزاكم الله خيرا

[mohamed_selim]

الاماكن كتير حدد ميزانيه للفرد عشان نقدر نساعدك و كمان العزومه كام فرد ( فى اماكن ممكن تجيب عدد و اماكن العدد الكبير مبيكونش قعده ظريفه) و برضه اكل و خلاص ولا خروجه باكل؟

[Moustafa.yonis]

نقدر نقول ان العدد من 4 ل 6
الميزانية للفرد يفضل تكون 100 او اكتر حاجه بسيطة

الموضوع عشا في مكان ظريف يناسب الحدث

[Eng_Doaa]

أحسن حاجة فى مركب على النيل الموضوع ده مشهور قوى و فى مراكب على النيل اسعارها مناسبة جدا

[شريف]

مركب قاصد خير في نادي البحرية للقوات المسلحة بجوار كازينو قصر النيل
بيطلع ساعتين و الفرد في حدود ال100 جنية
و في مركب فرعون النيل من امام فور سيزون الجيزة في حدود 175 جنية او اقل شوية

[mohamed_selim]

تمام بسلو الظروف حوالين الكورنيش والتحرير ما تسمحش لازم يكون عندك خطه اخرى .... هتفرق برضه كتب الكتاب فين .... يعنى مثلا لو ناحية شرق القاهره مش منطقى انصحك بمكان فى اكتوبر و العكس :)
انا عمال ادى نصايح من غير حاجه مفيده :))))
بص انا يوم كتب كتاب اخويا اخدته و عروسته و كنا حوالى ١٠ و طلعت على نادى المقاولين على المطعم القبه و كنت مظبط قبلها عشان العدد و الجو كان صيف و عملت قعده فى الجنينه بره
الاكل مش واو بس المكان والقعده تحفه و كان حوالى ٨٠ ( بالتيبس) الفرد حسب كل واحد ما طلب