بـعـد أذنـكـم أنـا أجـازة يـا جـمـاعـه ... (payoo)

[PAYOO]

يا جماعه أنا مش قادر على بعدكم بجد مش هزار
و البعد عن المنتدى مخلي قلبي مولع نار
وكل يوم أدور على مكتب "نت كافيه" وأنا محتار
أقول لكم أيه وللا أيه على العرض الجبار (أضغط هنا للأطلاع على العرض الخاص بشرم الشيخ)
أستاذ "محمد فاضل" طلع من الناس الأخيار
عرضه طلع جد الجد والراجل ده مايعرفش هزار
رحت بنفسي وشفت المكان حاجه كده 7 أستار
والناس هناك بشوشه وهاين عليهم يجبولك كافيار
وواجب علينا نشجع سياحة بلدنا ونبعد كل البعد عن الدولار
لو شجعنا سياحة بلدنا صدقوني هانبقا أحرار
وأستاذ "محمد فاضل" أنا بعتبره من الأحرار
لأنه فعلا عند كلمته بالرغم من الأضرار
المكان عباره عن جنه محاطه بالأشجار
وأستاذ "محمد" لما وصف كانت كلماته مش كـُتار
ووصفه كان قليل عن إللي شوفته بعيوني من الأسرار
بقول أسرار لأن المكان مأخدش حقه من الأشعار

"شرم ريف" خلاني أحجز فورا وأخلع من المكان إللي كنت مقيم فيه
مع أن المكان إللي كنت مقيم فيه مكان جميل ومايعبهوش عيب
لكن بعد ماتشوف "شرم ريف" والعرض الجميل هاتمسك فيه
وأنا من بكره هانقل لـ "شرم ريف" بكل تأكيد
إن شاالله أخد فلوسي ناقصه من المكان إللي أنا فيه
وأروح "شرم ريف" وأنا قلبي زي الحديد


كان معكم "هاني بايوو" من شرم الشيخ (الليله الأخيره في المكان إللي أنا فيه وغدا بإذن الله في "شرم ريف")

[mohamedfadel]

الحقيقة يا أستاذ هاني, كلام سيادتكم قد أثلج صدري و خصوصا بعد مكالمة سيادتكم ايضا,
تم عمل الحجز لسيادتكم بشرم ريف و اتمني لكم اقامة سعيدة و ان ترجع لنا سالما و اسرتك الكريمة.
و تحية مني لكل الاخوة في منتدي نايل موتورز الذي اتمني من الله ان يستمر في الازدهار و المزيد من النجاح

المخلص
محمد فاضل

[PAYOO]

أنا لسه راجع يا جماعه ، أرتاح شويه وهاكون معاكم إن شاء الله

الحقيقة يا أستاذ هاني, كلام سيادتكم قد أثلج صدري و خصوصا بعد مكالمة سيادتكم ايضا, 
تم عمل الحجز لسيادتكم بشرم ريف و اتمني لكم اقامة سعيدة و ان ترجع لنا سالما و اسرتك الكريمة. 
و تحية مني لكل الاخوة في منتدي نايل موتورز الذي اتمني من الله ان يستمر في الازدهار و المزيد من النجاح 

المخلص 
محمد فاضل

والله أنا مش عارف أقولك أيه يا أستاذ محمد

على أي حال أنا تعبتك معايا فعلا لكن العشم بقى هو إللي خالاني أتاقل عليك

ومتشكر جدا جدا

[اسلام المصرى]

حمد الله على سلامتك و نورت المنتدى :)

[hazem_khidr]

الف حمد الله علي سلامتك يا باشا و يا رب تكون قضيت اجازه سعيده :lol:

[Abdallah]

حمدالله على السلامة يا عم هانى, عاملنا ظيطة وظمبليطة كدهو, صحيح يا هانى انت تقرب حاجة لصلاح جاهين ؟ :mrgreen:

[Sharky]

السلام عليكم

حمدلله على السلام يا باشا

[معاذ الشرباصى]

حمدا لله على سلامتك يا بايو

افتقدناك بجد

[Karim_Monir]

حمدالله علي السلامة يا هاني
البطارية نامت عشان الدينامو كان بيصيف :mrgreen: :mrgreen: :mrgreen:

[Nader]

عوداً احمد :mrgreen: ....."مين احمد دة :D !!"

[bassam nagy]

حمد اللة على السلامة واجازة سعيدة

[PAYOO]

m_mostafa4
وائل عطية
hoko_mosha
Hossam Hassan
Labbody
Fady
Sebai
اسلام المصرى
abou ahmed
hazem_khidr
محمد المرسي
خالدابوالنجا
معاذ الشرباصى
درش
Mo3taz Selim
Abdallah
fahd_628
Nader
Pico
أبوسيف
Sharky
sh_masry
Hazem Salah
mbluethunder7000
ihab
mido777
karim_monir
bassam nagy
mohamedfadel

والله يا جماعه أنا متشكر جدا من هنا لغاية أسوان

وأستنوني شويه كده أحضر شوية مواضيع عن الرحله دي والمفاجائات إللي فيها بالصور عشان تعرفوا أني حتى في الأجازة مش ناسيكم وهاغرئكم حكايات
وعلى سبيل المثال لا الحصر
1- الكاوتش إللي أتخرم مني (بس على مين)نفخته وصلحته بنفسي
2- اليوم الغامق إللي أتطريت فيه أني أنزل القاهره وأرجع تاني في نفس اليوم
3- الأسبرانزا A620 ملاكي الأسكندريه إللي كانت معايا في نفس القرية
4- السفاري بالعربيه الجباره "تيوتا (لاند كروزور)" عربيه تجنن
5- ........
6- ..........

وحاجات كتيره جدا جدا جايبهالكم معايا إن شاء الله تعجبكم وتفيدكم وتضفي البسمه على وجوهكم

[mbluethunder]

حمد الله على السلامه ياهاني

أنت كده شوقتنا إننا نسمع مغمراتك هناك

متنساناش في أي تفاصيل بقى وصور وفيديو كمان

[sebai]

حمد الله على السلامه يا هانى واللة لك وحشة ... المنتدى كان نقصة حاجة كبيرة

بس من الواضح انك ماكونتش بتصيف بس .. المنتدى كان واخذ عقلك بردة :D متهيالى ان الواحد صعب علية انو يبعد

عن المنتدى ... ولا رايك اية :!: :?: :D

ربنا يزود المحبة بين الاعضاء :D :D :D :!:

[ابوحميد]

ترجع بالسلامة يا باشا
وهاتلنا معاك شوية هوا الواحد حيفطس
:mrgreen:
:mrgreen:
:mrgreen: