بتقول الكافيار ده بيض السمك؟ هو إحنا لاقيين بيض الفراخ!

[Khaled Online]

الشركة المصرية للاتصالات هتنزل tablet لطلبة الإعدادي!
عاملين إحنا زي اللي صباعه الكبير طالع من الشوز اللي معاه بقاله 5 سنين وبينقي كرافت من Armani

https://www.facebook.com/photo.php?fbid=454099787982438&set=a.150370518355368.31603.126352000757220&type=1&relevant_count=1&ref=nf

[NaderNabil]

من كام شهر تركيا وزعت Ipad على كل طلبة المدارس عندها....و إحنا ساعتها قعدنا نقول فين و فين أما يحصل كده عندنا و عايزين نهاجر تركيا و الكلام ده...

و دلوقتي يوم ما في مصر يقرروا يحذوا حذوهم برضو مش عاجبنا :)

طب إيه؟ :)

[Khaled Online]

من كام شهر تركيا وزعت Ipad على كل طلبة المدارس عندها....و إحنا ساعتها قعدنا نقول فين و فين أما يحصل كده عندنا و عايزين نهاجر تركيا و الكلام ده...

و دلوقتي يوم ما في مصر يقرروا يحذوا حذوهم برضو مش عاجبنا :)

طب إيه؟ :)

ليا أصحاب في تركيا درسوا طول عمرهم في مدارس حكومية وساعات الكلام بيتفتح
شتان بين مستوى المدرسة الحكومية هناك وهنا
حتى الدخول للجامعات الحكومية هناك شبيه بالنظام الأمريكي، غير النظام العقيم بتاع الثانوية العامة عندنا والجامعات الحكومية نفسها هناك حاجة تانية خالص وفي جامعات حكومية في تركيا عاملة شراكة مع جامعات أوروبية تصنيفها الأكاديمي عالي على مستوى العالم
لما يبقى نظام تعليمنا الحكومي يرقى للمستوى التركي نبقى نقلدهم
نقلدهم عمياني كدة صعب

إحنا معندناش بنية تحتية أساسا -- لا مدرس ولا دكة ولا كمبيوتر ولا معمل
يبقى ندي للطالب iPad ؟

[OMAR61995]

تراهن أن الطلبة هيبيعوها و ياخدوا فلوسها ؟ :)

[mahmoud_afifi]

تراهن أن الطلبة هيبيعوها و ياخدوا فلوسها ؟ :)

ماهو التابليت بدل الكتب يعني الي هيبيعها يبقى هيسقط

[S O P H O S]

الافضل من انك تجبلي اكل كتير هو انك تعلمني اقول بسم الله واكل الي يكفيني وبطريقة سليمة
والافضل من انهم يجبوه للطلبة ان يبقي في تعليم من الاساس ..

[Khaled Online]

تراهن أن الطلبة هيبيعوها و ياخدوا فلوسها ؟ :)

مش عارف
لو حد اداك tablet في السن ده هتبيعه ولا تمسكه ليل نهار؟

ماهو التابليت بدل الكتب يعني الي هيبيعها يبقى هيسقط

:)

الافضل من انك تجبلي اكل كتير هو انك تعلمني اقول بسم الله واكل الي يكفيني وبطريقة سليمة
والافضل من انهم يجبوه للطلبة ان يبقي في تعليم من الاساس ..

بالضبط هو ده مربط الفرس ولب الموضوع وكبد الحقيقة :)

[SHNORY]

الافضل من انك تجبلي اكل كتير هو انك تعلمني اقول بسم الله واكل الي يكفيني وبطريقة سليمة
والافضل من انهم يجبوه للطلبة ان يبقي في تعليم من الاساس ..

الله ينور عليك
يشيلوا الحشو من الكتب الاول
لو عدد صفحات الكتب من اولي ابتدائي لحد 3ثانوي 10000 صفحه مثلا
لو شالو الحشو حيبقوا 1000 او 1500 صفحه مش اكتر
العمليه مش عوجان وتابلت وخلاص
ولا يظهر جايلهم شحنه تابلت وعاوزين يبيعوها بسعر عالي
زي شحنه احزمه الامان كده زمان
ويا رب تطلع بتهنج علشان اشتغل انا بقي
نديها سوفت وير ونعيش هههههههههههههه

[Khaled Online]

الله ينور عليك
يشيلوا الحشو من الكتب الاول
لو عدد صفحات الكتب من اولي ابتدائي لحد 3ثانوي 10000 صفحه مثلا
لو شالو الحشو حيبقوا 1000 او 1500 صفحه مش اكتر
العمليه مش عوجان وتابلت وخلاص
ولا يظهر جايلهم شحنه تابلت وعاوزين يبيعوها بسعر عالي
زي شحنه احزمه الامان كده زمان
ويا رب تطلع بتهنج علشان اشتغل انا بقي
نديها سوفت وير ونعيش هههههههههههههه

التابلت هيبقى مع التلامذة وأكيد هيطلعوا عينه وساعتها هتتنغنغ يا باشا هههههههههه

[SHNORY]

التابلت هيبقى مع التلامذة وأكيد هيطلعوا عينه وساعتها هتتنغنغ يا باشا هههههههههه

احبيبتي احكومه

[Khaled Online]

احبيبتي احكومه

هههههههه
والله أي حكومة سهل جدا تكسبنا في صفها
المطلوب بس تخفف الغلا وتوفر الأمن
حاكم أي الشعب زيه زي الست بالزبط، كل اللي عايزه الستر! هههههههه

[abogogo]

حاجة كويسة طبعاً خصوصاً ان الجيل ده غيرنا خالص متفتحين
بنتي الكبيرة جنة ماشاء الله ثانية ابتدائي كانت طلبت من عمتها تابلت هدية وعمتها جابتهولها ...!! يعني ماطلبتش عروسة ولا اورج ولا بيت لعب ... تااااابلت ...!!!
والله واكبر عليها شغالة عليه كأنه لعبة عادي وبتخش على الفيس بوك على صفحتها ... !!!

افتكرت نفسي وانا في سنها لابس البيجامة الكاستور والشبشب البلاستيك وجيب فيه بلي والجيب التاني فيه كازوز وبلعب سبعاوية وتريك تراك وبلعب في

[SHNORY]

هههههههه
والله أي حكومة سهل جدا تكسبنا في صفها
المطلوب بس تخفف الغلا وتوفر الأمن
حاكم أي الشعب زيه زي الست بالزبط، كل اللي عايزه الستر! هههههههه

حاليا الناس بتشتغل فترتين وتلاته لمجرد انهم ياكلوا ويشربوا يا باشا
ولا بياكلوا احسن اكل
ولا احسن شرب
بس خلاص التابلت جاي ومشاكلنا حتتحل هههههههههه

[Khaled Online]

حاجة كويسة طبعاً خصوصاً ان الجيل ده غيرنا خالص متفتحين
بنتي الكبيرة جنة ماشاء الله ثانية ابتدائي كانت طلبت من عمتها تابلت هدية وعمتها جابتهولها ...!! يعني ماطلبتش عروسة ولا اورج ولا بيت لعب ... تااااابلت ...!!!
والله واكبر عليها شغالة عليه كأنه لعبة عادي وبتخش على الفيس بوك على صفحتها ... !!!

افتكرت نفسي وانا في سنها لابس البيجامة الكاستور والشبشب البلاستيك وجيب فيه بلي والجيب التاني فيه كازوز وبلعب سبعاوية وتريك تراك وبلعب في

ربنا يباركلك فيها ويخليها قرة عين ليك :)
بس المقارنة دي ظالمة! إحنا كان عندنا مدرسين بيشرحوا وقلبهم على الطلبة وأنا عن نفسي المرة الوحيدة اللي خدت فيها درس كان math في تانية ثانوي وبس كدة.
طيب الولاد دلوقتي بياخدوا دروس من سنة كام؟
طيب بلاش الدروس وخلينا في مذاكرة الأب والأم بالتناوب مع الولاد. دلوقتي لازم وده الطبيعي..مكنشي بيحصل الكلام ده على أيامنا خالص وكانت المناهج معقدة برضه مش أسهل ولا حاجة

نقطة تانية معلش: كام واحد هيمسك التابلت ويتعلم coding وdesign ؟
ولا معظمنا هنروح لYouTube و Facebook ؟
يعني بدل ما هيبقى التابلت وسيلة للتعلم هيبقى وسيلة استهلاكية مش أكتر

نقطة أخيرة: المناهج عشان تتحول لتابلت موااااااااااااااااااااااااااااااااااااال
وبتكلم عن دراية لأنه شغلي

لو اللي واخد القرار ده فعلا فاهم وقلبه على ولادنا كان فرض مادة زي الtouch typing على الولاد من ابتدائي. ومش محتاجين تابلت مخصوص ولا ميزانية
كام واحد من اللي عالمنتدى هنا بيعرف واتعلمه صح؟ قليل عشان ماتعلمناش على الرغم إن الكل محتاجه سواء اشتغل في البرمجة أوالديزاين أو فضل user عادي

حاليا الناس بتشتغل فترتين وتلاته لمجرد انهم ياكلوا ويشربوا يا باشا
ولا بياكلوا احسن اكل
ولا احسن شرب
بس خلاص التابلت جاي ومشاكلنا حتتحل هههههههههه

الله على دماغك! بتفكرني بموضوع البرنامج الفضائي في الهند. ناس هناك بالملايين تحت خط الفقر وفي الصيف اللي فات على طول من كتر الضغط على محطات الكهرباء انهارت وفضلت محافظات كاملة بدون كهرباء وعلى الرغم من كل ده الحكومة هناك عمالة تضخ مليارات في برنامج فضائي لا يفيد المواطن العادي ولا هيفيد ابنه ولا حفيده حتى
الاسم تقدم ومواكبة للتطور لكن بص على مستوى المعيشة قلبك يتقطع عالناس واللي شاطر فيهم بيهرب يهاجر استراليا ولو نص نص عالخليج

سوء الإدارة اللي ماشيين بيه في كل شركة ووزارة ونادي كورة حتى لازم نشوفله حل
نزف الموارد ده في الآخر هياخدوه من جيوبنا في شكل رفع دعم وزيادة ضرايب واللي مرتبه يدوبك دلوقتي ربنا يسترها معاه بكرة بقى

[dr.hazem]

حاجة كويسة طبعاً خصوصاً ان الجيل ده غيرنا خالص متفتحين
بنتي الكبيرة جنة ماشاء الله ثانية ابتدائي كانت طلبت من عمتها تابلت هدية وعمتها جابتهولها ...!! يعني ماطلبتش عروسة ولا اورج ولا بيت لعب ... تااااابلت ...!!!
والله واكبر عليها شغالة عليه كأنه لعبة عادي وبتخش على الفيس بوك على صفحتها ... !!!



افتكرت نفسي وانا في سنها لابس البيجامة الكاستور والشبشب البلاستيك وجيب فيه بلي والجيب التاني فيه كازوز وبلعب سبعاوية وتريك تراك وبلعب في

الله يحميها ويبارك فيها ما شاء الله...
على وقتي كان قمة المتعه ركوب العجلة....
ههههههههههه
ويا ناس يا عسل التابلت وصل!!
ههههههه
وكل تابلت وانتو طيبين..

Sent from my SE Arc S using Forum Runner