اسعار الكهربا ها تزيد

[aminibrahim]

هانعيش ع الشموع-- الحكومه دي بتخلص مننا

أكد المهندس محمود بلبع، وزير الكهرباء والطاقة، فى تصريحات خاصة لـ"اليوم السابع"، إنه لا مساس بمحدودى الدخل مع تطبيق زيادة رفع الأسعار لكهرباء المنازل خلال الأسبوع الجارى، وذلك بعد قرار مجلس الوزراء بالموافقة على رفع الأسعار نتيجة الأزمة التى تعانى منها الوزارة.

وأشار الوزير إلى أن الزيادة ستكون على الشرائح الاستهلاكية الكبرى فقط وليس الشريحة الأولى، موضحا أنه سيجرى عملية تصويت من داخل الوزارة على أهم الشرائح الكبرى التى سيتم رفع زيادة الأسعار عليها.

تأتى هذه الزيادة متناقضة مع ما صرح به وزير الكهرباء والطاقة من قبل كثيرا بأنه لن يتم أى زيادة فى أسعار كهرباء المنازل، وأن أسعار الكهرباء ثابتة بالنسبة للقطاع المنزلى منذ أكتوبر 2008 ولم يطرأ عليها أى تغيير، ، وأن قطاع الكهرباء يتحمل حوالى 12,5 مليار جنيه سنوياً دعماً لكهرباء للمنازل، وأن ما تم رفع الدعم عنه هو الصناعات كثيفة الاستهلاك فقط.

[Imhotep]

كذب و فجر علنى. . . قال الوزارة بتعانى ازمة و يا حرام بتتحمل مليارات فى دعم الكهربا. . . بأمارة شهور الارباح اللى زى الرز اللى بياخدوها من فوائض الارباح من فلوسنا بسبب القرايات الجزافية و انه يخرجك من الشريحة بتاعتك عشان الواحد يتحاسب على الشريحة اللى الكيلو فيها بأعلى سعر و بأمارة ان اللى عايز يتعين فى الكهربا دلوقت بيدفع رشوة شئ و شويات عشان السبوبة اللى فيها. . . فلوسهم حرام فى حرام و لا ربنا هيبارك لهم و هينتقم منهم جميعا ان شاء الله علشان ربنا ميرضاش بالسرقة و الظلم

[aminibrahim]

احنا اللي شعب يستاهل

المفروض الجاجات دي هي اللي عايزه احتجاجات زي ما في كل دول العالم

[Elawany13]

اعرف واحد كان متعين فى الكهرباء بالدبلوم
لما خرج معاش أخد نصف مليون جنيه مكافئة نهاية الخدمة

طبعا مرتباتهم احسن من قطاعات كتير جدا فى الدولة

[Imhotep]

البيه المحصل عمره ما بيجيلى شهر بشهر. . . لكنه تملى ييجى كل تلات اربع شهور ياخد قراية اكتر من الف كيلو. . . و لما حسبتها لقيت انىبتحاسب على تمن الكيلو تقريبا نص جنيه بسبب الحركة القذرة دى فى الوقت اللى لو هو احترم نفسه وخد القراية اللىبسيبهاله علىالباب كل شهر مش هتكلف ربع الفاتورة المجمعة . . . و لما مرة اتخانقت معاه بسبب الحركةالقرعة بتاعة القراية المجمعة. . . قالىخلاص هظبطهالك و كل سنة و و انت طيب و الكلام ده. . . و طبعا لهف اللى فيه القسمة و فعلا معرفش عمل ايه فى القراية رجعها مظبوطة. . . سرقة عينى عينك

[Khaled Online]

اعرف واحد كان متعين فى الكهرباء بالدبلوم
لما خرج معاش أخد نصف مليون جنيه مكافئة نهاية الخدمة

طبعا مرتباتهم احسن من قطاعات كتير جدا فى الدولة

أأقدم فين لو سمحت؟ :)

[Imhotep]

أأقدم فين لو سمحت؟ :)

ههههههههههههههههه ضحكتنى و انا مليش نفس عشان سيرة البعدا دول بتحرق دمى الله لا يبارك لهم

[Khaled Online]

ههههههههههههههههه ضحكتنى و انا مليش نفس عشان سيرة البعدا دول بتحرق دمى الله لا يبارك لهم

اضحك يا باشا أحسن ما تتفقع مرارتك ههههههههههههههههه

[Imhotep]

اضحك يا باشا أحسن ما تتفقع مرارتك ههههههههههههههههه

بس خلى بالك لازم تشخشخ جيبك كويس لحسن وظايف الكهربا مهرها عالى و بيقبضوا ملايين و هم طالعين معاش. . . بيقولك دبلوم وخد نص ارنب. . . اومال لو مؤهل عالى كان خد كام.،؟ . حار و نار فى جتة كل حرامى منهم

[Khaled Online]

بس خلى بالك لازم تشخشخ جيبك كويس لحسن وظايف الكهربا مهرها عالى و بيقبضوا ملايين و هم طالعين معاش. . . بيقولك دبلوم وخد نص ارنب. . . اومال لو مؤهل عالى كان خد كام.،؟ . حار و نار فى جتة كل حرامى منهم

ده اللي أنا مستغربله
الأرقام العالية دي بسمعها في قطاع البترول... والاتصالات والإعلام كمان بس لو مديرين
بس في الكهرباء؟
ربنا يستر عالراجل اللي طلع معاش ده ممكن يكون اتكهرب أربع مرات لحد دلوقتي من كلامنا :)

[Imhotep]

ده اللي أنا مستغربله
الأرقام العالية دي بسمعها في قطاع البترول... والاتصالات والإعلام كمان بس لو مديرين
بس في الكهرباء؟
ربنا يستر عالراجل اللي طلع معاش ده ممكن يكون اتكهرب أربع مرات لحد دلوقتي من كلامنا :)

لأ هو لو اتكهرب يبقى من اعماله سلط عليه :-) . . يا ريت كان كلامنا بيحوق ده احنا الحيطة المايلة اللى مبتقدرش غير تدفع و الا ارجع بقى لعصر اللمبة نمرة خمسة :-)

قصص وظايف الكهربا دى انا عارفها من زمان و السبوبة ظهرت من اول ما اخترعوا حاجة اسمها القراية الاعتبارية و هى دى سبب الفلوس اللى ملهاش اول من اخر كأرباح للشركة و بالتالى للموظفين

[ghostmido]

هههههههههه.
زمانه مسك السلك العريان*.
(العريان مش بتاع البرلمان)

[Khaled Online]

لأ هو لو اتكهرب يبقى من اعماله سلط عليه :-) . . يا ريت كان كلامنا بيحوق ده احنا الحيطة المايلة اللى مبتقدرش غير تدفع و الا ارجع بقى لعصر اللمبة نمرة خمسة :-)

قصص وظايف الكهربا دى انا عارفها من زمان و السبوبة ظهرت من اول ما اخترعوا حاجة اسمها القراية الاعتبارية و هى دى سبب الفلوس اللى ملهاش اول من اخر كأرباح للشركة و بالتالى للموظفين

طيب كمالة الأر بقى بتوع الضرايب :)
واحد اتنين انطلقوا! ههههههههه

هههههههههه.
زمانه مسك السلك العريان*.
(العريان مش بتاع البرلمان)

ياعم ماتقلبهاش سياسة الله يخليك دحنا عندنا في الشغل الناس كلها بقت محللين سياسيين واقتصاد وقانون ولسه هربان منهم من خناقة كانت هتدب هناك :(

[Imhotep]

طيب كمالة الأر بقى بتوع الضرايب :)
واحد اتنين انطلقوا!

عندى انا الطلعة دى :-)
اعرف واحد جاتله شغلانة مأمور ضرايب. . . كان قرفان و مش عايز يروح و بيقول ايه القرف ده شغل حكومة لانه ما كانش جد لما قدم فى المسابقة بتاعة التعيين. . . لغاية لما سأل و عرف ان عيشتهم ارتاحت و الدنيا اتغيرت و نشنشت جامد. . . و راح وعلى اللى شافه. . . مبنى جديد لسه مبنى و فرش مكتبى على اعلى مستوى و راح لقى مكتبه مستنيه و اللاب توب بتاعه كمان. . . حاجة و لا فى الاحلام. . . و عرف ان كل ده كان فى حاجة زى اعادة هيكلة و تطوير للضرائب و ده من حظه الحلو. . . مش عايز ازود فى الوصف عشان الكلام ده كان قبل الثورة و بقالى فترة كبيرة مكلمتوش. . . و مش عايز اكلمه الاقيهم رفدوه :-)

[al_manara]

الجميل ان نفس الطريقة شغاله زي ماهي .
شوف الناس مشغولة في اية وهما بيعملوا اية .

انا سمعت ان من سنتين كدة كان في حاجة اسمها ثورة !!
الكلام دة صحيح ؟