عاوز اجيب ماتور مياة لشقة ف التاسع بماذا تنصحونى

[inceptor]

السلام عليك لدى شقة فى التاسع العمارة مكونة من 14 دور

ويوجد العديد من مواتير المياة واريد تركيب ماتور مياة جيد فباى نوع تنصحونى وباى ماركة؟ وياريت اللى يعرف سعره يقولى
ولو حد يعرف اماكن بيعه ف الاسكندرية ياريت يخبرنى

وكمان استفسار اخر انا لو ركبته وشغلته شوية وبعدها مشغلتهوش لمدة سنة ولا حاجة حيبوظ ؟؟ ولا ايه؟؟ شكرا لكم مقدما

[sayed911]

كالبيدا شارع الجمهورية بس لف شوية ! ونصيحة ابني خط كامل ليك وريح نفسك !

[inceptor]

أنا اشكر حضرتك للرد بس اعتقد شارع الجمهورية ده ف القاهرة مش ف الاسكندرية ، تانى حاجة انا ليا ماسورة ماية للشقة فقط بس هى ف التاسع وفى مواتير مياة يامة ف عشان كدة مش عارف اجيب ماتور كام حصان؟ وماهى الكماليات اللى احتاجها عشان اضمن ان الماتور يشتغل كويس ومش يبوظ؟؟

ولو شغلته شهر كدة وسبته سنة ولا حاجة حيبوظ ولالا؟؟
ياريت الافادة

وكمان ف نقطة عاوز افهمها هو ف ماتور فيه بطارية؟؟ بحيث ان لو النور راح ممكن يشتغل ؟؟

[mado83]

انته ايه اللى سكنك فى التاسع اصلا

[mesaharaty]

62, 64 ش الجمهورية, وسط البلد, القاهرةالتليفون:0122-3986098, 0122-5522967, 02-25914279الفاكس:02-25907807شركة الشرق للهندسة والتوكيلات

هو ده وكيل كالبيدا فى مصر كلها
حضرتك اتصل بيهم واسألهم عن فرع ليهم فى الإسكندرية أو حد من اللى بيتعاملوا معاهم فى الإسكندرية محل ثقة وهما حيدلوك .

[inceptor]

انته ايه اللى سكنك فى التاسع اصلا

هههههههههه هى المشكلة بقت ف الدور بتاع الشقة؟؟؟ غصب عنى مضطر الاسعار عالية وف نفس الوقت فيها عداد كهرباء

62, 64 ش الجمهورية, وسط البلد, القاهرةالتليفون:0122-3986098, 0122-5522967, 02-25914279الفاكس:02-25907807شركة الشرق للهندسة والتوكيلات

هو ده وكيل كالبيدا فى مصر كلها
حضرتك اتصل بيهم واسألهم عن فرع ليهم فى الإسكندرية أو حد من اللى بيتعاملوا معاهم فى الإسكندرية محل ثقة وهما حيدلوك .

شكرا ليك بس انا بسمع ان اسعارهم بزيادة عن اسعار السوق صح ولا ايه؟؟
طب وكام حصان وحيعيش ولا لا لو فضلت قافلة لمدة سنة او اكتر؟؟

وكمان ايه موضوع الفلوماك والاضافات بتاعته ديه؟؟

[chicobon]

اكيد مش اقل من حصان و نص المتور مش بيجراله حاجة انما الكاوتشه بتاعت البالونه اكيد هتتغير من الوقفه الاسعار معرفش حضرتك اسئل السباك و شوف هو ينصحك بي ايه اضمن و كمان شوف فين في اسكندريه بيتباع المواتير اوو لو محل مشهور بيبيع ادوات سباكة و صحيه بيكون عندهم خلفيه برده عن قوة المتور

[inceptor]

اكيد مش اقل من حصان و نص المتور مش بيجراله حاجة انما الكاوتشه بتاعت البالونه اكيد هتتغير من الوقفه الاسعار معرفش حضرتك اسئل السباك و شوف هو ينصحك بي ايه اضمن و كمان شوف فين في اسكندريه بيتباع المواتير اوو لو محل مشهور بيبيع ادوات سباكة و صحيه بيكون عندهم خلفيه برده عن قوة المتور

شكرا ليك ياباشا ولو تعرف نوع حلو غير كالبيدا ياريت تقولى لان سعره غالى اوى كالبيدا

[mesaharaty]

أنا نصحت حضرتك بكالبيدا لأنك حتشتريه من مكانه المضمون وبالضمان ومكونات نضيفة .
أنا عن نفسى مركب موتور ماركة (ساير) إيطالى برضه وممتاز والحمد لله بس طبعا الكالبيدا أعلى حاجة بسيطة منه فى المكونات والخامة .
النصيحة :
ركب كالبيدا ولو بفرق سعر عالى شوية النهاردة وبكرة حضرتك حتستريح بفرق السعر ده .
طبعا أنا ما سمعتش عن مواتير ببطارية قبل كدة .
حضرتك ممكن تركبه عادى وتسيبه سنة وترجع تشغله عادى بس تبقى تغير البالونة الكاوتش الداخلية .
بالنسبة لقوم الحصان إتصل بالشركة وإسألهم وقول لهم أنا ساكن فى التاسع وعاوز موتور فيبقى كم حصان ؟ هما حيفهموك .
بالنسبة ل(فلوماك) فيه هنا أكتر من موضوع مستفيض عنه وحادور لحضرتك على اللينك وأحطها الك إن شاء الله .

[inceptor]

أنا نصحت حضرتك بكالبيدا لأنك حتشتريه من مكانه المضمون وبالضمان ومكونات نضيفة .
أنا عن نفسى مركب موتور ماركة (ساير) إيطالى برضه وممتاز والحمد لله بس طبعا الكالبيدا أعلى حاجة بسيطة منه فى المكونات والخامة .
النصيحة :
ركب كالبيدا ولو بفرق سعر عالى شوية النهاردة وبكرة حضرتك حتستريح بفرق السعر ده .
طبعا أنا ما سمعتش عن مواتير ببطارية قبل كدة .
حضرتك ممكن تركبه عادى وتسيبه سنة وترجع تشغله عادى بس تبقى تغير البالونة الكاوتش الداخلية .
بالنسبة لقوم الحصان إتصل بالشركة وإسألهم وقول لهم أنا ساكن فى التاسع وعاوز موتور فيبقى كم حصان ؟ هما حيفهموك .
بالنسبة ل(فلوماك) فيه هنا أكتر من موضوع مستفيض عنه وحادور لحضرتك على اللينك وأحطها الك إن شاء الله .

أنا شاكر لحضرتك جدا

بالنسبة لكالبيدا يعنى انا لسه بشطب ف الشقة ف حقفلها بعد ما اخلص السيراميك ف مش حستفيد بضمانه كدة كدة ف عاوزواحد يكون كويس ويعيش لحد مايبوظ انا ناس قالوا لى فى لينز تقريبا ايطالى برضه ممكن اسال ع اللى حضرتك بتقول عليه لو الاسعار واحد اجيب واحد منهم حاليا.

لو حضرتك سمعت عن لينزا ده ياريت تخبرنى وانا شاكر لحضرتك مرة تانية للرد والمتابعة

[Ahmed_Adham]

أنا شاكر لحضرتك جدا

بالنسبة لكالبيدا يعنى انا لسه بشطب ف الشقة ف حقفلها بعد ما اخلص السيراميك ف مش حستفيد بضمانه كدة كدة ف عاوزواحد يكون كويس ويعيش لحد مايبوظ انا ناس قالوا لى فى لينز تقريبا ايطالى برضه ممكن اسال ع اللى حضرتك بتقول عليه لو الاسعار واحد اجيب واحد منهم حاليا.

لو حضرتك سمعت عن لينزا ده ياريت تخبرنى وانا شاكر لحضرتك مرة تانية للرد والمتابعة

يبقى متركبش الموتور الا لما تيجي تسكن عشان تستفيد بالضمان كامل.

[inceptor]

أنا شاكر لحضرتك للرد ماهو عشان كدة حاجيبه ان شاء الله ايطالى بس مش كالبيدا عشان مش يبقى غالى اوى عليا وانا مش حستفيد بالضمان وف نفس الوقت الصنايعى يعرف يشتغل ويبقى ف ماية ف الشقة واهوه حيعيش برضه بس اكيد مش زى كالبيدا
عشان كدة بسال ع ماركة تانية غير كالبيدا ايطالى وسعره ف المعقول برضه

[ahmedwagdy03]

السلام عليك لدى شقة فى التاسع العمارة مكونة من 14 دور

ويوجد العديد من مواتير المياة واريد تركيب ماتور مياة جيد فباى نوع تنصحونى وباى ماركة؟ وياريت اللى يعرف سعره يقولى
ولو حد يعرف اماكن بيعه ف الاسكندرية ياريت يخبرنى

وكمان استفسار اخر انا لو ركبته وشغلته شوية وبعدها مشغلتهوش لمدة سنة ولا حاجة حيبوظ ؟؟ ولا ايه؟؟ شكرا لكم مقدما

ما تسألش كتير كالبيدا من 3/4 إلى 1 حصان . جيب الأوتوماتيك بس جيب الإيطالى الأصلى و خد بالك إن فيه صينى مضروب
إسم المحل الأبطال تقاطع ش 30 مع القاهرة .على الشمال و إنت داخل ش القاهرة من مصطفى كامل قبل ما توصل 30

أنا جبته كله بالأوتوماتيك 550 جنية بس 1/2 حصان فأكيد عندك يبقى أغلى

عن تجربة

[inceptor]

ما تسألش كتير كالبيدا من 3/4 إلى 1 حصان . جيب الأوتوماتيك بس جيب الإيطالى الأصلى و خد بالك إن فيه صينى مضروب
إسم المحل الأبطال تقاطع ش 30 مع القاهرة .على الشمال و إنت داخل ش القاهرة من مصطفى كامل قبل ما توصل 30

أنا جبته كله بالأوتوماتيك 550 جنية بس 1/2 حصان فأكيد عندك يبقى أغلى

عن تجربة

الف شكر ليك هو فعلا المضمون هو الكويس لكن ماكنش كدة بيقولولى هات لنز حلو برضه