هل هذا الخبر صحيح ----مجلس الوزراء يقرر زيادة أسعار الكهرباء

[hossam_elwani]

في المتوسط ....... بس في الصيف اما استهلك 2000 كيلو ابقى اسحب من اللي مشتريهم في الصيف



مين قال؟ مانا مشتري اول الف كيلو اللي تحت ال 48 قرش

حسب الجدول 1000 كيلو يعنى 39 قرش و 1001 بـ 49 قرش ولا انا فاهم غلط ؟؟ جت منين سعر الكيلو بـ 25 قرش دى !!!!!!! يارت توضحلى

[m707707]

باشتري كيلوواط

اروح اشتري 1000 كيلوواط كل شهر ب 255 جنيه و ارشقهم في العداد

معلش يعنى اية اشترى الف كييلو ؟!!!!!

هو فى كهرباء بتشترى مقدما ؟؟

[أحمد كمال]

حسب الجدول 1000 كيلو يعنى 39 قرش و 1001 بـ 49 قرش ولا انا فاهم غلط ؟؟ جت منين سعر الكيلو بـ 25 قرش دى !!!!!!! يارت توضحلى

على التسعيرة القديمة

اول 50 كيلو بشلن = 2.5
ثم 150 ب 11 = 16.5
ثم 150 ب 16 = 24
ثم 300 ب 24 = 72
ثم 350 ب 39 = 136.5

مجموعهم 251.5

+ 2% رسوم ادارية = 256.53

يعني الف كيلو ب 256 جنيه يعني متوسط الكيلو بربع جنيه

معلش يعنى اية اشترى الف كييلو ؟!!!!!

هو فى كهرباء بتشترى مقدما ؟؟

العداد بتاعي مدفوع مقدما و باشتري الكيلوواطات مقدما و الشرائح بتتحسب عليا بوقت الشراء لا وقت الاستهلاك

[horas3000]

و لسه
الغاز جاي في الطريق

[hossam_elwani]

يا استاذ احمد انا اول مره اعرف الكلام ده طبقا للجدول فى خانة حاليا الاسعار اكتر من كده دى حاجه

الحاجه التانيه وده بيطبق عليا شخصيا وطبقا لفواتير الكهربا الشريحه الى بقبى عليها هيا الى بيتحاسب عليها الاستهلاك يعنى مثلا لو استهلكت 400 كيلو مثلا بتحاسب على سعر 24 قرش للكيلو من اول كيلو لاخر كيلو لانى وقعت فى شريحة من (351 الى 650 الى سعر الكيلو فيها 24 قرش) .. اما كلام حضرتك معناه ان استهلاكك متشرح كا فلوس وده مش عندنا خاااالص

[أحمد كمال]

يا استاذ احمد انا اول مره اعرف الكلام ده طبقا للجدول فى خانة حاليا الاسعار اكتر من كده دى حاجه

الحاجه التانيه وده بيطبق عليا شخصيا وطبقا لفواتير الكهربا الشريحه الى بقبى عليها هيا الى بيتحاسب عليها الاستهلاك يعنى مثلا لو استهلكت 400 كيلو مثلا بتحاسب على سعر 24 قرش للكيلو من اول كيلو لاخر كيلو لانى وقعت فى شريحة من (351 الى 650 الى سعر الكيلو فيها 24 قرش) .. اما كلام حضرتك معناه ان استهلاكك متشرح كا فلوس وده مش عندنا خاااالص

انا متاكد من كلامي زيليون في المية

مفيش حاجة اسمها دخلت في الشريحة يبقى من اول كيلوواط على الشريحة العالية


و مش مصدقني دور على اي وصل نور عندك

شوف القراءة فيه كام كيلو

و شوف المبلغ كام (من غير فلوس الزبالة و الدمغة الخ الخ)

هتلاقيه زي ما انا حاسبهولك كده

[mohamed_selim]

باكد على كلام احمد كمال
كل شريحه بتتحاسب على سعرها و تكمل من اللى اعلى منها

[Elawany13]

إرحمنا يااااااااااااااارب برحمتك

[hossam_elwani]

شكرا يا استاذ احمد على التوضيح

[م/مصطفى محمود]

كلام أحمد كمال سليم 100 % ، أنت بتستفيد من كل شريحة وبعد كده تكمل فى اللى بعدها يعني بتتحاسب بكل لشرائح

وموضوع غلاء أسعار الكهرباء لا مفر منة (وكنت متوفع أكتر من كده بصراحة بس واضح أنهم هيغلوهم على فترات)

وأنا مش معترض أبدا على لاء الكهرباء بالعكس انا مقتنع بيها جدا علشان الناس ترشد بجد ، والغاوي ينق بطاقيتة ، والله بحكم شغلي بشوف الناس اللى فعلا بتسرف فى الطاقة الكهربائية بشكل بشع والله ، والله العظيم أسراف بمعنى الكلمة

لازم الناس تفهم ان عصر الطاقة الرخيصة أنتهى ، برة لما بيركبوا العجل مش رفاهية ، لأ علشان هو بيحسبها بيلاقيها أرخص + أنضف

اللى أنا معترض علية هو عدم رفع الأسعار عن كبار المستهلكين (شريحة محدش بيشوفها فى موقع وزارة الكهرباء ولا مرفق حماية المستهلك) ، الشريحة دي للمباني اللى فى القرية الزكية وغيرها من مباني الشركات (شركتنا واحدة منهم ) ودول بيتحاسبوا على الكهرباء .26 قرش للكيلو وات ساعة ، بجد أنا شايف انهم المفروض كانوا يبدأوا بيهم الأول قبل المستهلك العادي

[ahmedkhairy]

للاسف خبر صحيح

[ahmedwagdy03]

حد عنده تفاصيل عن الخبر ده تاكيد او نفي او أسعار الشرائح


مجلس الوزراء يقرر زيادة أسعار الكهرباء

صرح مسئول بوزارة الكهرباء والطاقة، اليوم الأحد، بأن مجلس الوزراء وافق على ''تصويب أسعار الكهرباء''، وذلك دون المساس بمحدودي الدخل.
وأكد أن الزيادة في الأسعار تنطبق على ''كبار المستهلكين''، بما يعظم دور الدولة نحو ترشيد الاستهلاك، موضحًا أن القرار يقضي بعدم المساس بالزراعة والري بصفة عامة.
وقال المصدر إن القرار يستثني أيضًا محدودي الدخل، وهم الشريحة الأولى التي تمثل 25% من إجمالي مستهلكي الكهرباء، وأن الزيادة التي تسري على باقي الشرائح هي (زيادة طفيفة في الأسعار ) تنطبق على (المستهلكين الذين يتجاوز استهلاكهم 650 كيلو وات - ساعة).

الأسعار تم تطبيقها فعلا من شهر بس تم الإعلان عنها قريبا
أنا جاتلى الفاتورة الشهر اللى فات عالية أكتر من الشهور اللى فاتت حتى فى الصيف نفسه

[MotorX]

على التسعيرة القديمة

اول 50 كيلو بشلن = 2.5
ثم 150 ب 11 = 16.5
ثم 150 ب 16 = 24
ثم 300 ب 24 = 72
ثم 350 ب 39 = 136.5

مجموعهم 251.5

+ 2% رسوم ادارية = 256.53

يعني الف كيلو ب 256 جنيه يعني متوسط الكيلو بربع جنيه





العداد بتاعي مدفوع مقدما و باشتري الكيلوواطات مقدما و الشرائح بتتحسب عليا بوقت الشراء لا وقت الاستهلاك

احمد بك كمال ، ممكن فكرة عن كيفية شحن العداد بالتفصيل وهل العداد يقبل الشحن اكثر من مره خلال الشهر وهل المتبقي من شهر يمكن ترحيله للشهر التالي ، وشكرا لك مقدما.

تحياتي .

[أحمد كمال]

احمد بك كمال ، ممكن فكرة عن كيفية شحن العداد بالتفصيل وهل العداد يقبل الشحن اكثر من مره خلال الشهر وهل المتبقي من شهر يمكن ترحيله للشهر التالي ، وشكرا لك مقدما.

تحياتي .

المدفوع مقدما مش نفس النظام في كل الاماكن

في بعض الاماكن ممكن تشحن كيلوواط (يعني تشتري كيلوواطات ..... و العداد رصيده كيلوواطات)

و في بعض الاماكن ممكن تشحن فلوس (العداد رصيده فلوس)


بتشحن بكارت و بتحط الكارت في العداد يسحب الشحنة منه


الباقي بيترحل

طبعا ينفع تشحن كذا مرة في نفس الشهر بس تطبق الشرائح


يعني عالنظام القديم لو اشتريت ب 100 جنيه كنت باخد 579 جنيه

بس لو اشتريت ب 100 جنيه تاني في نفس الشهر باخد 280 كيلو بس


و هكذا

[yyy]

و فى بقى حيلة لطيفة جدا بيعملوها عشان يلبسوا الزبون فى الكيلو ابو نص جنيه على طول من اولها يعنى اعلى شريحة..... ييجى البيه بتاع القراية كل كام شهر ياخدله قراية اكتر من الف كيلو و بالتالى الزبون يلبس فى اعلى شريحة و بدل ما كان يدفع 40 خمسين جنيه كل شهر على مدى 3 او 4 شهور يروح لابس فى 500 او 600 جنيه فى شهر واحد بفارق يزيد عن الضعف.... و حسبنا الله منهم و من سرقتهم اللى كمان عايزين يزودوها

لما يعملو كدة تقدم طلب تشريح بيقسم الوصل دة على متوسط 6 شهور اللى قبلة