محتارة ما بين سماعات كمبيوتر عاديه و السماعات الكبيرة أوى

[MaNoLa]

عايزة أجيب سماعات كمبيوتر جديدة بس أهم عوامل عندى (البيز يكون قوى + الصوت نقى + عالى)

فشوفت الفتره الأخيره سماعات كتيرة جدا أشكال وألوان

بس إلى فهمته أن فيه



سماعات عاديه (صب ووفر و سماعاتين أو 4 صغيرين) و دا بيبتدى من 80 جنيه لحد فوق
و دة بيبقى شكله







سماعات كبيرة (بتاع ضخم كدة وفيه كذا فتحه) و دا بيبتدى من 180 جنيه لحد فوق
و دة بيبقى شكله






لو حد له خبره فى الحاجات دى يقولى أية الأفضل
و يا ريت يحدد الماركة بالظبط و أخر سعر شافة ليها أية

[eng.m7md.ali]

الصبات دي بالذات متتجبش غير ماركة نضيفة زي كريتف مثلا عشان يعيش ويطلع انقى صوت

انزلي حضرتك كومبيومي في شارع الاهرام او اي مول كومبيوتر محترم وهاتي منه صب نضيف بس بلاش اللي في الصورة التانية ده لاني زفت

[koshary]

بلالاش الصب الكبير ده صوته زبااله والصغير ده لو فضل شغال عالى لمدة ربع ساعة مثلا بيسخن ويبوظ فيه نوع اسمه mazoree و كريتيف وانواع تانية كويسة بس اهم حاجه يكون من مول كمبيوتر علشان بتبقى البضاعه بتبباع بسرعه ومفيش حاجه مركونة وحاجات كتير قدام وبلاش الاسترخاص يعنى لو نوع ب 120 مثلا 1200 وات ونفس الماركة ب 160 بس 2200 وات يبقا اللى ب 160 احسن وعلى حسب استخدامك بردو يعنى لو صب وسماعتين وهيشتغلو فى اوضة مثلا هيبقو تمام وهيطلعو بيز وتريبل حلوين وياسلام لو تحت مكتب مثلا يبقا الصوت فى الجون انما مثلا لو هيتحطو فى ريسبشن او ليفنج كبيرة يبقى لازم سماعات كبيرة ونوع حلو علشان لما الصوت يعلى يطلع بيز وتريبل حلوين ويستحسن يكون الصب فيه اوبشنات كتير مش بيز وتريبل واون واوف بس .... ده ملخص تجربتى مع 3 صبات اشتريتهم واخيرا جالى صب من السعودية واستقريت عليه

[S O P H O S]

بلاش دولا اشتري كريتف من مكان موثوق فيه افضل
والله اعلم ..

[dede_dodo88]

Logitech طبعاً..

في الموديل ده أو في حاجات تانية أرخص..
Logitech Z506 5.1 Subwoofer Speaker - e3050 Egypt

[ابو لؤى]

بصى بلاش الكبير اوى ده شكل بس انما صوته معفن انا عندى كريتيف 5*1 صوته مش عالى جدااااا بس حلو مظبوط للبيت وفى نوع تانى فانتوم تقريبا بيقولو حلو جداا

[Mohab.Nabil]

creative

صوته حلو جدا و معقول جدا جدا للبيت

[hazoom2006]

انتى عايزة حاجة فى حدود كام وعايزه سماعتين وصب ولا 4.1 ولا اية ؟

[aw2100]

انا اشتريت كرييتف 5.1 m4500 من كارفور الأسكندرية صوت ممتاز وبيز معقول وفية a 520 صوتها اقوى اما اقوى بيز الموديل t6160 انصحك تبعدى عن mazoree بتتحرق بسرعة وخصوصا لو انت من هواة الصوت الجبار كرييتف معمرة بس خلى بالك اشترى الأصلى فية مضروب كتيير ودة موقع بيوضح صورة وامكانيات كل نو ع منهم ومبروك مقدما!!!
Creative :: Brands :: nefsak.com

[Elawany13]

الماركات النظيفة
من الأعلى جودة الى الأقل
من وجهة نظرى
Zoltrix
creative
tiger

[shaddadfalcon1]

انا عندي الكبير JPL وكنت شاريه ب 320 وصوته غبي عايز فرح ولازم اعليه عشان استمتع بيه

لو عايز تستمع بالصوت والبيز علي الواطي والعالي يبقي ال Creative 5.1 وده هيظبطك بس حاول تيجيب حاجه ياباني لان الموجود كله صيني وفين منه مضروب

[Land_Cruiser]

انصح برضه ب creative لان صوتها نقى و معمره و ممكن بعدها genius كمان عندهم كام موديل كويس و بعد كده logitech . الحاجات الكبيره مجهوله الماركه دى صوتها ردئ و بتبوظ بسرعه و لذلك حرام فيها الفلوس

[Mahmoud_ezzo]

بلالاش الصب الكبير ده صوته زبااله والصغير ده لو فضل شغال عالى لمدة ربع ساعة مثلا بيسخن ويبوظ فيه نوع اسمه mazoree و كريتيف وانواع تانية كويسة بس اهم حاجه يكون من مول كمبيوتر علشان بتبقى البضاعه بتبباع بسرعه ومفيش حاجه مركونة وحاجات كتير قدام وبلاش الاسترخاص يعنى لو نوع ب 120 مثلا 1200 وات ونفس الماركة ب 160 بس 2200 وات يبقا اللى ب 160 احسن وعلى حسب استخدامك بردو يعنى لو صب وسماعتين وهيشتغلو فى اوضة مثلا هيبقو تمام وهيطلعو بيز وتريبل حلوين وياسلام لو تحت مكتب مثلا يبقا الصوت فى الجون انما مثلا لو هيتحطو فى ريسبشن او ليفنج كبيرة يبقى لازم سماعات كبيرة ونوع حلو علشان لما الصوت يعلى يطلع بيز وتريبل حلوين ويستحسن يكون الصب فيه اوبشنات كتير مش بيز وتريبل واون واوف بس .... ده ملخص تجربتى مع 3 صبات اشتريتهم واخيرا جالى صب من السعودية واستقريت عليه

1200 و 2200 وات من صب ؟؟ ازاي يعني انا عندى home theater 900 وات بس وبيرج البيت !!!!

[AhMeD EzZ]

Logitech او Edifier

[chicobon]

هو انتم بتعملو فرح بي السمعات ديه و تزعجو الجيران ؟ ربنا يعينهم