ابحث عن سكن مشترك بالقاهرة

[egyboy]

السلام عليكم يا شباب

انا ملقيتش حاجة فى المنتدى هنا بخصوص السكن المشترك واللى اكيد بيهم ناس كتير



::

ابدا انا
:)

انا بدور على حاجة فى القاهرة اهم حاجة تبقى قريبة من كورنيش النيل

يعنى نقدر نقول قريبة من التحرير او رملة بولاق او المظلات

او اى مكان قريب من مترو وبعدها مواصلة صغيرة تودينى على الكورنيش قريب من ماسبيرو:)

او لو حتى حد يعرف سمسار كويس او مكتب عقارات فى الاماكن دى

طبعا السكن لو مشترك افضل او حتى ايجار بس متكونش سعرها عالي اووووى

وبالتوفيق للجميع

[Khaled Online]

نظام roommate؟ بس ايش عرفك الطباع واحدة؟
صعب بس برضه تلاقي إن شاء الله

[egyboy]

صعب من ناحية ايه ؟

اعتقد الحكاية دى كتير قوى خصوصا بين طلبة الجامعة او حتى المغتربين

وحكاية الطباع دى مش شرط يعنى :) كل واحد ليه شخصيته وطباعه الخاصة وده ميمنعش :)

اللى عنده افادة اكون شاكر له

او حتى مكان فاضى لشخص واحد

بالتوفيق للجميع

[mahmoudselim]

يعني أنت ممكن تنزل تشوف الفنادق الي في وسط البلد اعتقد ايجار الغرف سعرها بسيط. ولو مش عاجبك موضوع الفنادق دا أنت ممكن تسأل الي شغالين هناك عن سكن مشترك في نفس المنطقة وأكيد هما هيدلوك وهيبقي قدامك فرصة انك تتفرج علي أكتر من شقة. دا الي اقدر افيدك بية وربنا يوفقبك

[Khaled Online]

جرب السكن المشترك وحضرتك تفهم قصدي

[amrelsaqqa]

والله فكرة حلوة
انا بدور على حاجة برضه نفس النظام كدة ، وتكون قريبة من مترو ، او في الدقى مثلا لان شغلي في الدقى
بس مش عايز حتت زي بولاق و ارض اللوا والكلام ده ، لان العيشة هناك صعبة بجد وغير ادمية

وطبعا الايجار في الاماكن الكويسة بيبقى غالي جدا حتى لو شقة استديو ، فالحل يبقى مجموعة مع بعض ياخدوا شقة مثلا 3 اوض ولا حاجة ويقسموا الايجار عليهم

موضوع الطباع والكلام ده ، المشكلة مش في الطباع ، طالما المعاملة باحترام وفي اساسيات موجودة زي النضافة وعدم الازعاج و كدة ، يبقى خلاص ، وطبعا يبقى من نفس الفئة الاجتماعية يعنى مثلا مجموعة مهندسين مع بعض ... وهكذا .. ، وطبعا الناس كلها بتشتغل 8 ساعات على الاقل وبيرجعوا على النوم ، فموضوع الطباع ده مش هتحس بيه اصلا طالما الاساسيات موجودة زي ما قلت


انما مثلا لو مهندس وراح سكن مع ناس عمال او كدة ، مش هينفع طبعا مع كامل احترامى لكل فئات المجتمع اللى بيشتغلوا بالحلال ، بس هيلاقى نفسه في بيئة مختلفة وطريقة معيشة مختلفة ، وهنا المشكلة ، انما غير كدة الطلبة كلهم بيعملوا كدة والمغتربين بيعملوا كدة

فلو جمعنا مجموعة كويسة وخدنا شقة مفروشة في حتة حلوة هيبقى كويس جدا ، وهنعيش في مكان محترم بدون تكاليف خيالية

بقالى فترة بفكر في الموضوع ده بس ماجاش في بالى اعمله موضوع ، احييك على الفكرة وان شاء الله تكون مجموعة كويسة وربنا يكفينا شر السماسرة و طمعهم و قرفهم

[egyboy]

يعني أنت ممكن تنزل تشوف الفنادق الي في وسط البلد اعتقد ايجار الغرف سعرها بسيط. ولو مش عاجبك موضوع الفنادق دا أنت ممكن تسأل الي شغالين هناك عن سكن مشترك في نفس المنطقة وأكيد هما هيدلوك وهيبقي قدامك فرصة انك تتفرج علي أكتر من شقة. دا الي اقدر افيدك بية وربنا يوفقبك

جزاك الله خيرا على الافادة
وربنا يكرمك يارب
وان شاء الله خير

جرب السكن المشترك وحضرتك تفهم قصدي

بارك الله فيك
يمكن برضه حضرتك عندك حق
والسكن زيه زى اى شى ممكن يبقى على اتفاق او لا يحدث توافق بين الاطراف
جزاك الله خيرا

والله فكرة حلوة
انا بدور على حاجة برضه نفس النظام كدة ، وتكون قريبة من مترو ، او في الدقى مثلا لان شغلي في الدقى بس مش عايز حتت زي بولاق و ارض اللوا والكلام ده ، لان العيشة هناك صعبة بجد وغير ادمية

وطبعا الايجار في الاماكن الكويسة بيبقى غالي جدا حتى لو شقة استديو ، فالحل يبقى مجموعة مع بعض ياخدوا شقة مثلا 3 اوض ولا حاجة ويقسموا الايجار عليهم

موضوع الطباع والكلام ده ، المشكلة مش في الطباع ، طالما المعاملة باحترام وفي اساسيات موجودة زي النضافة وعدم الازعاج و كدة ، يبقى خلاص ، وطبعا يبقى من نفس الفئة الاجتماعية يعنى مثلا مجموعة مهندسين مع بعض ... وهكذا .. ، وطبعا الناس كلها بتشتغل 8 ساعات على الاقل وبيرجعوا على النوم ، فموضوع الطباع ده مش هتحس بيه اصلا طالما الاساسيات موجودة زي ما قلت


انما مثلا لو مهندس وراح سكن مع ناس عمال او كدة ، مش هينفع طبعا مع كامل احترامى لكل فئات المجتمع اللى بيشتغلوا بالحلال ، بس هيلاقى نفسه في بيئة مختلفة وطريقة معيشة مختلفة ، وهنا المشكلة ، انما غير كدة الطلبة كلهم بيعملوا كدة والمغتربين بيعملوا كدة

فلو جمعنا مجموعة كويسة وخدنا شقة مفروشة في حتة حلوة هيبقى كويس جدا ، وهنعيش في مكان محترم بدون تكاليف خيالية

بقالى فترة بفكر في الموضوع ده بس ماجاش في بالى اعمله موضوع ، احييك على الفكرة وان شاء الله تكون مجموعة كويسة وربنا يكفينا شر السماسرة و طمعهم و قرفهم

كلامك 100 %
بس فكرة المجموعة خصوصا لو كبيرة بتبقى الحكاية زحمة قوووى
وزى ما استاذ خالد بيقول برضه الطباع مع العدد الكبير ممكن تبان حتى لو كان الشقة على قد النوم وكمان انتقاء الاشخاص عملية هامة جدااا وهى الاساس

وعلى فكرة برضه فى اماكن بتبقى فى المناطق اللى حضرتك بتقول عليها لكن بتبقى الى حد ما كويسة يعنى العملية على حسب رؤيتك للمكان وليس كل الشقق زى بعض فى المناطق دى

وكويس انى عملت الموضوع ليا وليك انا تحت امرك :)
وربنا يرزقنا بالمسكن الجيد والرزق الحلال
شكرا لمرورك :)

[fepsceasar]

انت مستعد تدفع لغاية كام شهريا
ممكن ادلك على شقة صغيرة فى الجيزة

[egyboy]

انت مستعد تدفع لغاية كام شهريا
ممكن ادلك على شقة صغيرة فى الجيزة

انا ممكن امشى نفسى باى مبلغ عادى معنديش مشكلة
ده لو الشقة تستاهل وبرضه هتفرق حسب نظافة المكان وامكانياته
عموما حضرتك وضحلى بس الشقة دى مشتركة ولا هى شقة صغيرة لشخص واحد
وشوية تفاصيل ومكانها بالظبط
وجزاك الله خيرااا والله

[egyboy]

Up
لو فى حد عنده افادة يبقى ممتاز جدا
حتى لو رقم سمسار او حد شاف اعلان :)

[ahmed4000]

هو اعتقد الخطوة الاول انك تحدد ميزانية علشان تقدر تعرف انهى منطقة تناسبك بالظبط

[egyboy]

الفكرة ليس الميزانية

يعنى لو شقة استديو مفروشة مثلا ممكن اوصل معاها ل 600 او 500

ولو شقة معدية الالف لو قولنا مثلا 1500 ممكن ادور على حد معايا وناخدها سوا

فالفكرة انى الاقى بس حاجة مناسبة