ما هى أفضل أنواع الأجهزه الكهربائيه المنزليه؟

[a_samy]

السلام عليكم يا سباب المنتدى الكرام
بعيدا عن الأحداث السياسيه التى تشهدها بلدنا الحبيب مصر أود أخذ آرائكم وخبراتكم فى الأجهزه الإلكترونيه والكهربائيه المنزليه حيث انى مقبل على الزواج بإذن الله والآن فى مرحلة البحث واللف والدوران لشراء الأجهزه وتجهيز شقة الزوجيه
أرجوكم لا تبخلوا بالمساعده عن طريق ترشيح أفضل الأنواع والماركات لأجهزه التليفزيون والثلاجه والبوتاجاز والمكنسه إلخ
وياريت لو ترشحولى أفضل الأماكن الى سأقوم بالشراء منها وأسعار هذه المنتجات.

وأخيرا وليس آخرا لا تنسونى من صالح دعائكم
وجزاكم الله خير الجزاء

[sakr84]

الف مبروك يا باشا وربنا معاك بص افضل اماكن تشترى منها من وجهة نظرى كارفور وسبينس وده علشان كذا ميزا
أولا : عندهم ميزة استرجاع الاجهزه خلال 15 يوم بدون إبداء اى اسباب يعنى لو حتى سليمه يعنى لو الجاهز استعماله معجبكش بترجعه وده انا جربته .
ثانياً : توصيل الاجهزه للبيت مجانا بدون اى مصاريف وده ابتداءً من التلفزيون ال 29 بوصه .
ثالثا: بيعملوا عروض بتكون ممتازه جدا وفعلا تخفيضات حقيقيه مش اى كلام .
رابعا : الحاجه مضمونه يعنى مش ملعوب فيها يعنى شارع عبد العزيز ممكن يكون جهاز بايظ وهما مصلحينه ويبيعوه على اسا انه جديد ولا اى حد بيعرف .
خامساً : البياع اللى واقف مش مصلحته انه يدبسك فى حاجه معينه يعنى بيعرض بكل أمانه (فى الغالب طبعا)
سادساً : معظم أنواع الاجهزه عندهم بكل ماركاتها .
علشان كده صدقنى افضل مكان تشترى منه كارفور وسبينس وانا عملت كده واشتريت من ده وده وفى الغالب كانت عروض
أما بالنسبه للأنواع أنصحك انك تبعد عن اى حاجه مصرى أو صينى أو حتى تقفيل مصرى لأنها فى الغالب هباب واكتر حاجه تركز على أنها تكون نوع حلو الثلاجه والغساله لكن البوتجاز يعتبر فى الغالب كله واحد (الغساله فى واحده اتوماتيك نوعها زانوسى بس تقفيل اتحاد اروبى فعلا ممتازه واحسن من الزانوسى التقفيل المصرى) والثلاجه كان فى واحد بيكلمنى على ماركه مش فاكر ايه قالى انها ايطالى والسخان عندك اريستون ممتاز سواء كهرباء او غاز وكمان عندك سخان المصانع الحربيه س 10 ممتاااااااااز لأقصى مدى لأنه المانى وعندك التلفزيونات كلها تعتبر مكونات واحده بفروق بسيطه
ربنا معاك ولو عايز اى مساعده انا اطحنت فى المواضيع المهببه دى

[misry]

الف مبروووووك وربنا يوفقك ...


بالنسبة للأجهزة الكهربائية فهي كالتالي :::

1- غسالة اتوماتيك Samsung Diamond

2- تليفزيون باناسونيك أو سوني

3- ثلاجة الكتروستار

4- بوتاجاز , مش عارف افضل نوع بس اللي عندنا يونيفرسال وهو كويس مش وحش

5- مايكروييف Black & Decker

6- مكنسة , ممكن باناسونيك


واكيد افضل الاماكن كارفور ...


بالتوفيق

[mohamed_selim]

مش هقدر افيدك فى الماركات قوى بس اخويا هيتجوز بعد اسبوعين و بعد لف كتير (معرفش استقر على ماركات ايه) بس راح اشترى من مركاتو اللى عند اول عباس العقاد لانه زىه زى سبينيس و كارفور (فى مشاركه مفصله بالمميزات فوق) و لقى احسن سعر هناك على كلامه (راح كارفور و شارع عبدالعزيز و القاهره للمبيعات و كذا مكان تانى)

[sakr84]

بلاش ميكرويف لانك مش هتستخدمه الا فى تسييح الحاجه المجمده او التسخين السريع لكن العملى جدا الفرن الكهربائى و احسن حاجه الصناعه التركى وفيه منه كذا مركه بس اوعى الصينى

[ossamayk]

فيه ماركة اسمها ارستون ممتازة وعن تجربة مجربين منها الغسالة والسخان

[AlGazar2]

زى ما الاعضاء قالولك احسن مكان تشترى منه هوه كارفور و الاماكن الى زيه و خصوصا اوقات الخصومات
و ده عشان ميزه مهمه انهم بيوصلولك الحاجة و يطلعوها و لو حصل فيها حاجة ممكن ترفض الاستلام نهائى و يجيبولك غيرها

افضل الانواع بقى
تلفزيون sony
تلاجة الال جى الجديده ممتازه
سخان ( مش عارف )
بوتاجاز ( اهم حاجة يبقى ايطالى او على الاقل مكوناته ايطالى - فى نوع اسمه البا ممتاز )
غساله ( الايديال بس مش عارف ظروفها ايه دلوقتى و فى السامسونج برضه )
مكنسه ( باناسونيك او توشيبا )
و اهم حاجة متشتريش الحاجات الى بتتقفل فى مصر بتبوظ بسرعه جامد اوى

و مبروك مقدما على الزواج

[i_Am_Legend]

انا في نفس الحيرة دي.. لاني هاشتري التلاجة والبوتاجاز في الجهاااز...

[h_shahin]

ربنا يتمم بخير

[شريف]

مطلوب مساعدة انا في مرحلة تجهيز المطبخ و عايز اجيب البوتاجاز و الفرن بيلت ان
اي نصايح ببلاش ؟

[a_samy]

الف مبروك يا باشا وربنا معاك بص افضل اماكن تشترى منها من وجهة نظرى كارفور وسبينس وده علشان كذا ميزا
أولا : عندهم ميزة استرجاع الاجهزه خلال 15 يوم بدون إبداء اى اسباب يعنى لو حتى سليمه يعنى لو الجاهز استعماله معجبكش بترجعه وده انا جربته .
ثانياً : توصيل الاجهزه للبيت مجانا بدون اى مصاريف وده ابتداءً من التلفزيون ال 29 بوصه .
ثالثا: بيعملوا عروض بتكون ممتازه جدا وفعلا تخفيضات حقيقيه مش اى كلام .
رابعا : الحاجه مضمونه يعنى مش ملعوب فيها يعنى شارع عبد العزيز ممكن يكون جهاز بايظ وهما مصلحينه ويبيعوه على اسا انه جديد ولا اى حد بيعرف .
خامساً : البياع اللى واقف مش مصلحته انه يدبسك فى حاجه معينه يعنى بيعرض بكل أمانه (فى الغالب طبعا)
سادساً : معظم أنواع الاجهزه عندهم بكل ماركاتها .
علشان كده صدقنى افضل مكان تشترى منه كارفور وسبينس وانا عملت كده واشتريت من ده وده وفى الغالب كانت عروض
أما بالنسبه للأنواع أنصحك انك تبعد عن اى حاجه مصرى أو صينى أو حتى تقفيل مصرى لأنها فى الغالب هباب واكتر حاجه تركز على أنها تكون نوع حلو الثلاجه والغساله لكن البوتجاز يعتبر فى الغالب كله واحد (الغساله فى واحده اتوماتيك نوعها زانوسى بس تقفيل اتحاد اروبى فعلا ممتازه واحسن من الزانوسى التقفيل المصرى) والثلاجه كان فى واحد بيكلمنى على ماركه مش فاكر ايه قالى انها ايطالى والسخان عندك اريستون ممتاز سواء كهرباء او غاز وكمان عندك سخان المصانع الحربيه س 10 ممتاااااااااز لأقصى مدى لأنه المانى وعندك التلفزيونات كلها تعتبر مكونات واحده بفروق بسيطه
ربنا معاك ولو عايز اى مساعده انا اطحنت فى المواضيع المهببه دى

الله يبارك فيك وجزاك الله خيرا على المساعده

[hossam_chixo]

ابعد عن تلاجات كريازى خااااااالص
نصيحة و عن تجربة

[a_samy]

الف مبروووووك وربنا يوفقك ...


بالنسبة للأجهزة الكهربائية فهي كالتالي :::

1- غسالة اتوماتيك samsung diamond

2- تليفزيون باناسونيك أو سوني

3- ثلاجة الكتروستار

4- بوتاجاز , مش عارف افضل نوع بس اللي عندنا يونيفرسال وهو كويس مش وحش

5- مايكروييف black & decker

6- مكنسة , ممكن باناسونيك


واكيد افضل الاماكن كارفور ...


بالتوفيق

الله يبارك فيك وجزاك الله خيرا على الرد..بس انا عندى سؤال،هو ليه الباناسونيك مدة الضمان بتاعته 4 سنين والسونى سنتين وكمان سنه؟هلى فى فرق بين الضمان فى المنتجين؟

[a_samy]

ابعد عن تلاجات كريازى خااااااالص
نصيحة و عن تجربة

شكرا على النصيحه :)
بس ليه كده؟

[MohssenRashed]

انا هقولك على اللي انا جبتة من سنتين دلوقتي:

1- غسالة اتوماتيك بمجفف اريستون و بصراحة تحفة

2- تليفزيون سوني

3- ثلاجة lg بس صغيرة من جوة 14 قدم نصيحتي ليك هات اكبر

4- بوتاجاز كريازي تمام

5- مايكروييف عندي بس ماركة مجهولة كان جايلي من السعودية :)

6- مكنسة سامسونج كوري

7- غسالة اطباق وايت ويل ال 45 سم

8- سخان كهرباء اريستون