حبيبتى من ضفايرها طل القمر

[amrico]

حبيبتى من ضفايرها طل القمر
و بين شفافيها ندى الورد بات

ضحكتها بتهز الشجر و الحجر
و حنانها بيصحى الحياة فى النبات

حبيبتى بتعلمنى احب الحياة
من حبى فيها حياتى شمس و ربيع

و الحب فى الدنيا دى طوق النجاة
لولاه يضيع قلبي المحب الوديع

يا حلوة يا بلدنا يا نيل سلسبيل
بحبك انت رفعنا راسنا لفوق

لو الزمن ليِّل ما يرهبنا ليل
شوقنا فى عروقنا يصحى شمس الشروق

للحلوة قلب كبير يضم الولاد
وزاد وزوادة وضلة وسبيل

الموت و الاستشهاد عشانها ميلاد
و كلنا عشاق ترابها النبيل


حبيبتى من تنهدها حن الوتر
غنت سحر صوتها الشجر والنخيل

و اتعلم النجم البعيد السهر
و ساب سماه و سرح فى موجك يا نيل

حبيبتى غنوتها غيطان الحنان
شموسة صافية نورها ما ينطفيش

فى حضنها بنرتاح و نلقى الأمان
نعيشه حتى ان متنا ليها نعيش

يا حلوة يا بلدنا يا نيل سلسبيل
بحبك انت رفعنا راسنا لفوق

لو الزمن ليِّل ما يرهبنا ليل
شوقنا فى عروقنا يصحى شمس الشروق

للحلوة قلب كبير يضم الولاد



و زاد و زوادة و ضلة وسبيل

الموت و الاستشهاد عشانها ميلاد

و كلنا عشاق
و كلنا عشاق ترابها النبيل

الشاعر سيد جحاب، الموسيقار عمار الشريعي

[Khaled Online]

ياخسارة كنت فاكر انت اللي كاتب الكلام الجامد ده وكنت هكتب قصيدة مدح في القصيدة! بس في حاجة مش فاهمها هو ليه مش عاجبه الليل؟ ده أحلى وقت :) وكمان هو لسه في حد بيكتب شعر في مصر؟ really really حاجة نادرة!

[A.Saad]

القصيدة دى تتر فيلم اعدام ميت
وهيا جميلة جدا
احييك على ذوقك

[ahmedkhairy]

الله يرحمه عمار الشريعى
ربنا يسكنه فسيح جناته

[S O P H O S]

الله يرحمه عمار الشريعى
ربنا يسكنه فسيح جناته

امين يارب ..

[amrico]

ياخسارة كنت فاكر انت اللي كاتب الكلام الجامد ده وكنت هكتب قصيدة مدح في القصيدة! بس في حاجة مش فاهمها هو ليه مش عاجبه الليل؟ ده أحلى وقت :) وكمان هو لسه في حد بيكتب شعر في مصر؟ really really حاجة نادرة!

هو في حد يقدر يكتب الكلام ده غير سيدحجاب؟

[egyptiandiver]

الله يرحمه عمار

[Y a r i s]

انا جي اقرى القصيدة من هنا
قلت اكيد امريكو بيحب. وضفايرها والقمر غنا والشمس طالعة من الشباك
شوية وانا عمال اتئمل بقيت ابيات القصيدة. لقيتها قلبت من حبيبه لام ضفاير لنيل ... واستعجبت وقلت الله هو حبيتوا فيها نيل دي ولا ايه ولا بتنزل ميه وهيا ماشيه هههه .... اعتقد كده القصيدة ضعيفة قوي لانها غير واقعية لان مفيش بلد حنينة على اولادها .... ولا في بلد بتدحك من اساساو .... ثم بلد ايه. الي عندها ضفيرة دي ههههههه. وتحياتي. وتسلم ايديك على القصيدة :)

[amrico]

انا جي اقرى القصيدة من هنا
قلت اكيد امريكو بيحب. وضفايرها والقمر غنا والشمس طالعة من الشباك
شوية وانا عمال اتئمل بقيت ابيات القصيدة. لقيتها قلبت من حبيبه لام ضفاير لنيل ... واستعجبت وقلت الله هو حبيتوا فيها نيل دي ولا ايه ولا بتنزل ميه وهيا ماشيه هههه .... اعتقد كده القصيدة ضعيفة قوي لانها غير واقعية لان مفيش بلد حنينة على اولادها .... ولا في بلد بتدحك من اساساو .... ثم بلد ايه. الي عندها ضفيرة دي ههههههه. وتحياتي. وتسلم ايديك على القصيدة :)

يا باشا دا العبقري سيد حجاب، تقول عليه كاتب قصيده ضعيفه؟؟؟ :) انا عارف انك بتهزر طبعا
شكرا على المرور

[amrico]

الله يرحمه عمار

البقاء لله
شخص لا يمكن تعويضه

[amrico]

الله يرحمه عمار الشريعى
ربنا يسكنه فسيح جناته

امين يارب