♠▲▼↑↓ سؤال لمهندسين البترول (بخصوص البنزين والسولار) !

[Y a r i s]

♠▲▼↑↓ سؤال لمهندسين البترول (بخصوص البانزين والسولار) !



سؤال بعد ئزنكم (ومعليش اعذروا جهلي بالموضوع )
وبسبب ازمة البانزين والسولار. فكنت عاوز اسئل ، دلوقتي انا لو عندي بترول
هل من البترول ده اقدر استخلص منوا الي انا عاوزوا مثلاً سولار بس او بانزين بس ولا هو برميل البترول الواحد لمن يكرروا بيطلعلك نسب متساوية مقدرش العب فيها ... زي مثلاً البرميل الواحد بيطلعلي. ٥٠٪ بانزين و٢٥ ٪ سولار و ٢٥٪ جاز ... ولا الواحد بياخود برميل البترول. وبيقدر يصنع منوا الي هوا عاوزوا ؟؟

وسبب السؤال اني بستعجب ان سعر السولار ارخص من البانزين
واغلب دول اوروبا بيستخدموا السولار في عربياتهم ... فكنت بسئل نفسي هل هما بياخدوا السولار الرخيص ليهم ويبعتولنا البانزين الغالي ولا هما بياخدوا البترول مننا وبيصنعوه كلو سولار !

@@@@@@@@@@@@@@

سؤال تاني مينفعش يخلو الرصاص في البانزين. (زي زمان) منها ان العربية عزمها يزيد
ومنوا ان البانزين يرخص ويكونوا وفروا تكفلة مرحلة فصل الرصاص عن البانزين
ومنوا برضوا يا اخي البانزين يفضل في تانك العربية وميفضاش بسرعة ويتبخر !

@@@@@@@@@@@@@@

سؤال ثالث كمان بعد ئذنك : ليه الوطن العربي مفهوش محطات تكرير بترول ... وليه لازم احنا نصدر البترول للغرب ونستورد منهم بانزين وسولر وزيت وجاز .... هل محطات التنقية او التكرير دي تكنولوجيا صعبة او محروم منها الوطن العربي ؟. ولا دي اتفاقيات دولية ؟



@@@@@@@@

وتحياتي

[Elawany13]

الله ينور ياباشا
أسألتك لها وجاهتها ومنتظرين الإجابة عليها من المتخصصين فى هذا المجال
مصر فيها محطات تكرير بترول
بجوارى فى شركة كبيرة جدا لتكرير البترول

[S O P H O S]

انا معاك فالاسئلة
وفي اسئلة تانية كتير ملهاش اجابة ..,,

[power]

♠▲▼↑↓ سؤال لمهندسين البترول (بخصوص البانزين والسولار) !



سؤال بعد ئزنكم (ومعليش اعذروا جهلي بالموضوع )
وبسبب ازمة البانزين والسولار. فكنت عاوز اسئل ، دلوقتي انا لو عندي بترول
هل من البترول ده اقدر استخلص منوا الي انا عاوزوا مثلاً سولار بس او بانزين بس ولا هو برميل البترول الواحد لمن يكرروا بيطلعلك نسب متساوية مقدرش العب فيها ... زي مثلاً البرميل الواحد بيطلعلي. ٥٠٪ بانزين و٢٥ ٪ سولار و ٢٥٪ جاز ... ولا الواحد بياخود برميل البترول. وبيقدر يصنع منوا الي هوا عاوزوا ؟؟
لا طبعا مش بتاخد اللي انت عايزه هو البترول الخام بيعدي علي مراحل تكرير مختلفه كل مرحله بيطلع منتج معين طبعا في منتجات تقيله زي القار والمازوت و في منجات خفيفه زي البنزين والسولار

وسبب السؤال اني بستعجب ان سعر السولار ارخص من البانزين
لا السولار ارخص بسبب الدعم بس
واغلب دول اوروبا بيستخدموا السولار في عربياتهم ... فكنت بسئل نفسي هل هما بياخدوا السولار الرخيص ليهم ويبعتولنا البانزين الغالي ولا هما بياخدوا البترول مننا وبيصنعوه كلو سولار !
لا الفرق مش في السعر خالص
هو السولار احتراقه اقل من البنزين فالتر البنزين بيتحرق اسرع من السولار

@@@@@@@@@@@@@@

سؤال تاني مينفعش يخلو الرصاص في البانزين. (زي زمان) منها ان العربية عزمها يزيد
ومنوا ان البانزين يرخص ويكونوا وفروا تكفلة مرحلة فصل الرصاص عن البانزين
ومنوا برضوا يا اخي البانزين يفضل في تانك العربية وميفضاش بسرعة ويتبخر !
طبعا مينفعش لاسباب بيئيه و لاسبابالصحه العامه
الرصاص ده مصيبه

@@@@@@@@@@@@@@

سؤال ثالث كمان بعد ئذنك : ليه الوطن العربي مفهوش محطات تكرير بترول ... وليه لازم احنا نصدر البترول للغرب ونستورد منهم بانزين وسولر وزيت وجاز .... هل محطات التنقية او التكرير دي تكنولوجيا صعبة او محروم منها الوطن العربي ؟. ولا دي اتفاقيات دولية ؟
مين قال لا طبعا في شركات تكرير امال العامريه لتكرير البترول دي ايه بس هو المستوي مش قوي



@@@@@@@@

وتحياتي

[Y a r i s]

تسلم يا باشمهندس بور
بس كده حضرتك ايجاباتك بتدفعني لسؤال تاني ... هو ليه مصر بتصدر بترول للخارج هل عندنا فائض ... وليه احنا بنستورد. بانزين وسولار من الخارج هل بسبب عندنا عجز في البترول ام في المصافي .... واذا كانت مصر مكتفية ذاتياً بالبترول الي عندها .... فليه عاوزين يبيعو البانزين بالاسعار العالمية وليست الاسعار المحلية !!! .... وتحياتي

[Xander2010_Evo]

♠▲▼↑↓ سؤال لمهندسين البترول (بخصوص البانزين والسولار) !



سؤال بعد ئزنكم (ومعليش اعذروا جهلي بالموضوع )
وبسبب ازمة البانزين والسولار. فكنت عاوز اسئل ، دلوقتي انا لو عندي بترول
هل من البترول ده اقدر استخلص منوا الي انا عاوزوا مثلاً سولار بس او بانزين بس ولا هو برميل البترول الواحد لمن يكرروا بيطلعلك نسب متساوية مقدرش العب فيها ... زي مثلاً البرميل الواحد بيطلعلي. ٥٠٪ بانزين و٢٥ ٪ سولار و ٢٥٪ جاز ... ولا الواحد بياخود برميل البترول. وبيقدر يصنع منوا الي هوا عاوزوا ؟؟

بص يافندم الخامات أنواع أولآ بس معظم الموجود ف مصر خامات تقيلة ومعظمها من الآبار البرية .. الخامات من الآبار البحرية خامات خفيفة .. إيه الفرق بقي؟؟
الخامات التقيلة تتميز إن معظمها بيتكون من المازوت بنسبة كبيرة والأسفلت وبالتالي تكون نسبة النافتا إللي بيتصنّع منها الأنواع المختلفة من البنزين قليلة وبكده فالغالب بيبقي النوع ده مش مفيد إقتصاديآ لأن بيتصرف علي المعالجة بتاعته كتير جدآآ
وعندي فالشغل بنعتبره من الخامات السيئة
فبالتالي عشان نكفي حاجة البنزين بنستورد من برة بكميات كبيرة جدآآآ فبالتالي تكون التكلفة بتاعت البنزين أعلي
فيه بقي حاجة إسمها التكسير الهيدروجيني
بإني آخد المازوت أو الأسفلت أعمله تكسير وأحوّله لنافتا ثم النافتا بقي أحولها بقي زي مانا عاوز بنزين 80 أو 90 أو92 أو95
مثلآ مشروع التكسير الهيدروجيني ده كان هيتعمل عندنا فالشركة تحت مسمي شركة "موبكو" لكن سامح فهمي .. ربنا يسامحه:!@#$%^ وقف المشروع قبل مايبدأ بعد ماخلصت دراسة الجدوي وباع الفكرة لشركة "ميدور" ودي شركة بينه وبين حسين سالم .. حسبي الله ونعم الوكيل
المشروع كان كان هيوفر البنزين بكل أنواعه بدون أي زيادات وكان ممكن نصدر كمان أو نستخدمه فالبتروكيماويات

وسبب السؤال اني بستعجب ان سعر السولار ارخص من البانزين
واغلب دول اوروبا بيستخدموا السولار في عربياتهم ... فكنت بسئل نفسي هل هما بياخدوا السولار الرخيص ليهم ويبعتولنا البانزين الغالي ولا هما بياخدوا البترول مننا وبيصنعوه كلو سولار !

سعر السولار أرخص لأنه مش بيحتاج معالجة كتير
دول أوروبا عندهم الموضوع بتاع التكسير الهيدروجيني ده عادي جدآآ ومن زماااان كمان

@@@@@@@@@@@@@@

سؤال تاني مينفعش يخلو الرصاص في البانزين. (زي زمان) منها ان العربية عزمها يزيد
ومنوا ان البانزين يرخص ويكونوا وفروا تكفلة مرحلة فصل الرصاص عن البانزين
ومنوا برضوا يا اخي البانزين يفضل في تانك العربية وميفضاش بسرعة ويتبخر !

الرصاص أو الـ mtbe إكتشفوا إنه مادة مسرطنة وإتمنع من كل الدول تقريبآ ماعدا أبوظبي أو السعودية مش فاكر بالظبط
والرصاص علي فكرة مكنش ليه علاقة بتبخر البنزين
كل الفكرة إنه محسّن أداء

@@@@@@@@@@@@@@

سؤال ثالث كمان بعد ئذنك : ليه الوطن العربي مفهوش محطات تكرير بترول ... وليه لازم احنا نصدر البترول للغرب ونستورد منهم بانزين وسولر وزيت وجاز .... هل محطات التنقية او التكرير دي تكنولوجيا صعبة او محروم منها الوطن العربي ؟. ولا دي اتفاقيات دولية ؟

ههههههه ياباشا عندنا شركات تكرير بس الفكرة إن التكرير لوحده مش كفاية من ناحية لأنه بيديك مثلآ البنزين ف صورة مش نهائية ..بينتج ف صورة نافتا يعني ممكن تقول بنزين 65
بيدخل بقي بعديه ف مراحل معالجات لحد مايوصل للبنزين المطلوب
لو كان إتعمل التكسير الهيدروجيني ده كنا زماننا عايشين ف نعيم :')
ومن ناحية تانية إحنا مربوطين بإتفاقيات للتصدير من أيام سامح فهمي :!@#$%^&* لحد دلوقتي مخلصتش
ده غير إن معظم الخامات عندنا زفت خامات تقيلة



@@@@@@@@

وتحياتي

أرجو أن أكون قدرت أجاوب علي معظم أسئلة حضرتك يافندم :)

[Elawany13]

أرجو أن أكون قدرت أجاوب علي معظم أسئلة حضرتك يافندم :)

شكرا يابشمهندس
انا مستغرب انك بتكون عندنا زفت كتير
أمال الطرق مش عليها زفت زى الناس ليه ؟؟
والأسفلت رديئ ليه ؟ بالرغم من ان خامة البترول عندنا ثقيلة

[DarkMagician]

اختصارا للموضوع بص في الشكل التالي وهو ده عمود التقطير وده اللي بيدخل عليه البترول الخام عشان تاخد منو كذا حاجة من ضمنها الديزل اللي هو السولار

[Elawany13]

اختصارا للموضوع بص في الشكل التالي وهو ده عمود التقطير وده اللي بيدخل عليه البترول الخام عشان تاخد منو كذا حاجة من ضمنها الديزل اللي هو السولار

الصورة ديه شكلها مش غريب عليا
انا شوفتها قبل كده فى المرحلة الإعدادية أو الثانوية

[DarkMagician]

الصورة ديه شكلها مش غريب عليا
انا شوفتها قبل كده فى المرحلة الإعدادية أو الثانوية

الصورة جبتها بسرعة من جوجل موقع اجنبي

[Ahmed_Adham]

على كده يا بشمهندس Xander2010_Evo احنا بدل موضوع الدستور والسياسه المفروض نعمل مليونيات "نعم للتكسير الهيدروجيني" ونجبر الحكومه انها تنفذه.

[Xander2010_Evo]

شكرا يابشمهندس
انا مستغرب انك بتكون عندنا زفت كتير
أمال الطرق مش عليها زفت زى الناس ليه ؟؟
والأسفلت رديئ ليه ؟ بالرغم من ان خامة البترول عندنا ثقيلة

لأن للأسف إللي بيعمل الأسفلت ع الطريق مش بيراعي ربنا أولآ ومش بيحط طبقات كفاية
وثانيآ المعدات إللي بيستخدمها أصلآ سيئة وقديمة ومبتديش الكفائة المطلوبة زي بلاد برة
يعني شوف مثلآ لما حصل زلزال فاليابان والطريق إتكسر .. كل الناس كانت بتستعجب علي سُمك طبقة الأسفلت .. لنا الله وربنا هيكرمنا قريب بإذن الله

على كده يا بشمهندس xander2010_evo احنا بدل موضوع الدستور والسياسه المفروض نعمل مليونيات "نعم للتكسير الهيدروجيني" ونجبر الحكومه انها تنفذه.

بص أكلمك بصراحة -مع إني مكنش نفسي أقلب الموضوع سياسيآ- فيه تضليل فالإعلام بإنهم عاملين كل التركيز علي البورصة بس .. أينعم آه بتأثر بنسبة بس مش دي الدليل بردو
المشكلة مثلآ ممكن تقول الخامات بتاعتنا سيئة ومعندناش منها بردو كتير ..طب إي الحل؟
يقوموا يفتحوا الباب لشركات الحفر وبتبقي بنسب مشتركة بين القطاع العام والشركة الأجنبية ومنها الشركة تدور علي آبار جديدة ويوم ماتلاقي يا تأخد حصتها علطول يا ممكن تستفاد أكتر وتعمل مصنع مثلآ وتصنّع عنها وتأخد بردو حصتها ع الجاهز وكذلك القطاع العام يأخد حصته
المشكلة بقي ف إيه؟؟ لما تيجي شركة زي -ولابلاش ذكر أسماء d: -أجنبية تتقدم إنها عاوزة تستثمر فلوسها بإنها تحفر عندنا وتأخد نسبة من إللي بيطلع .. كده الشركة دي بتدفع فلوس وفلوسها هتأخدها تاني ع الأقل بعد شغل 5 سنين .. لما يلاقي البلد بقي فيها عدم إستقرار وضرب نار وعك حكومي كدا هوا يخاف إنه يدفع فلوس كتير وتضيع عليه فيأخدها من قاصرها ويخلع
أيام الثورة شركات كتير مشيت زي توتال الفرنسية صفّت حاجاتها هنا ومشيت مثلآ
فكرة إجبار الحكومة علي التكسير الهيدروجيني فالوقت ده صعبة جدآآآآآآآآ
لأنه مكلف بغبااااء توصل لمثلآ 12 مليار دولار .. وف نفس الوقت ممكن أبشّرك إن فيه أمل شوية
لأن كان مجموعة شركات سعودية وإمارتية وصينية كانوا إجتمعوا مع المحافظ بس إللي هوا قبل ده وكانوا عاوزين يعملوا هنا ف ظرف 6 سنوات المحافظ وافق وبعت للهيئة بس للأسف لسه منعرفش أي خبر .. وربنا يقدم إللي فيه الخير بإذن الله

[Ahmed_Adham]

وف نفس الوقت ممكن أبشّرك إن فيه أمل شوية
لأن كان مجموعة شركات سعودية وإمارتية وصينية كانوا إجتمعوا مع المحافظ بس إللي هوا قبل ده وكانوا عاوزين يعملوا هنا ف ظرف 6 سنوات المحافظ وافق وبعت للهيئة بس للأسف لسه منعرفش أي خبر .. وربنا يقدم إللي فيه الخير بإذن الله

وقبل ما ياخدو القرار هيكون يا اما المحافظ او حد من رؤساء الشركات دي اتغير ويندفن المشروع. عمار يا مصر يا أم الروتين.

[Y a r i s]

اشكرك اشد الشكر يا باشمهندس اكس تندر وباشمهندس اسامة دارك ماجيك ولكل الشباب الي تفاعلوا مع الموضوع ... وفعلاً مشكلت الهيجان الي في البلد الي مش عاوزة تخلص دي بتساعد على طفشان وخوف المستثمرين لان بطبيعة الحال راس المال جبان .... واحنا مش زي ليبيا. رغم عدم الاستقرار في ليبيا الا ان الشركات. بتبوس ايد الثوار انها تشتغل عندهم لان فيها فلوس بتتعمل بالهبل بس احنا اساساً اساساً بلد فقران. والنجاح فيه غير مضمون

وفعلاً انا لاحظت في دول تانية وهما بيسفلتوا الشارع عندهم حبت معدات كفيلة انها تفرش (الزفت) الاسفلت وتساوية وتخططو وتركب عين القطة الي على الطريق وكلوا بالليزر مع. بلدوزر كده في مروحة بهواء ساخن لتجفيف. الاسفلت ... بس احنا عندنا هنا بيفرشوا الاسفلت بطريقة بلدي. وكام عامل وصلى الله وبارك

وربنا يسمع منك ويدخلوا طريقة التبخير الهيدروجيني وميغلوش سعر البانزين .... وتحياتي