لو عايز اجيب ميزان..منين؟؟

[beshomilan]

انا عايز اجيب ميزان ديجيتال اللى الواحد بيتوزن عليه
بيعمل فحدود كام ومنين؟؟
يشيل وزن حتى 110 كيلو

[beshomilan]

وياترى بيظهر الوزن مظبوط ولا اى كلام؟؟

[amrelsha3er]

عند الحسين كل بتوع الموازين

[Land_Cruiser]

ممكن تشتريه من اى صيدلية كبيره او لو مش لازم ديجيتال و العادى اللى فيه مؤشر ده ممكن تلاقيه ارخص فى التوحيد و النور اى فرع و السعر بيبقى حسب ماركته . انا مش عارف سعر الديجيتال بس اللى بمؤشر العادى بيبدأ سعره من ٤٠ جنيه و هو كويس و يمكن الاعتماد عليه طبعا و الاسعار بتعلى بعد كده معاك حسب الماركه و الديجيتال أغلى طبعا

[mostafa3000]

شارع القصر العيني عند بتوع المستلزمات الطبية

[karimmagdy50]

بتوع الموازين موجودين كلهم فى الجمالية قريب من باب الشعرية
اسعارهم مية مية ومحلات كتير تسال وتلف براحتك

[beshomilan]

اشكركم اخوتى للردود
بس اللى فى الحسين والجماليه دول بيبيعوا موازين للجسم وللا للسوبر ماركت والخضار..اصلى مش عارف
انا كنت حابب ديجيتال عشان الدقه وشفت ماركات ب 100 جنيه فى موقع سوق ووفر وحتت كتير بس خايف ميكونش دقيق وابقى معملتش اى حاجه
انا كنت سمعت ان فيه ماركه اسمها باريور يابانى دى ممتازة مش عارف حد عارفها ولا لا

[sayed911]

بص عشان انا اصلا لفيت مصر كلها الشهر اللي فات عشان اجيب ميزان !! عايز سواء ميزان للاكل او للجسم ! عليك وعلى شارع الأزهر ! تحت الكبري ! الشارع كله كله عبارة عن تجار موازين كهرباء من اول 5 كيلو لحد 10 / 20 / 40 / 500 كيلو وزن ! من اول 40 كيلو بيبقى كهرباء تحت الـ 40 كيلو بيبقى بطارية ! انا جايب واحد بيوزن لحد 40 كيلو بـ 150 جنيه ! الأسعار هناك متفاوتة من محل للتاني حوالي 20 جنيه !

[beshomilan]

لا لالا انا عاوز ميزان للجسم..اللى هو ميزان حمام
يشيل لحد 110 كيلو عشان اتابع وزنى عليه

انا مش عارف يعنى ايه ميزان كهربا
انا اعرف ان الموازين بتاعت الجسم بتشتغل ببطاريات ال aa+

[sayed911]

منى فاهم يا فندم ! موازين كهرباء يعني بتتوصل بالكهرباء ! روح وها تلاقي هناك كل الأوزان لحد 100 كيلو ولحد 120 ولحد 150 كمان !