مقابلة شهر 8 (اغسطس) 2008

[Karim_Monir]

بما اننا وعدناكم بمفاجئة في الصيف فان شاء الله مقابلة شهر 8 هاتكون مميزة
قام العضو المميز جدا والغاللي عندنا كلنا محمد بك الطويل (ايون لازم بك يا صعاليك):)
بدعوة اخواتة الصغيرين لفيلة حضرتة بكينج مريوط بالاسكندرية لقضاء يوم رائع بين الحديقة والبسين
واحنا شاكرين دعوتة الجميلة وبنقولة ربنا يوفقك في الامتحانات بتاعت الماستر بتاعة
الترتيب عشان يكون هو خلص امتحان ويكون مش فاضل كتير على رمضان هايكون انسب يوم الجمعة 15-اغسطس تالت جمعة في الشهر
وممكن نعملها ديش بارتي كل واحد يجيب اكل معاه ونقعد ناكل كلنا
وممكن نجيب لحمة متبلة ونجهز الشواية ونشوي واحنا هناك
واللي مش هايقدر يجي بعربيتة ممكن نرتب العدد وناجر ميكروباص مكيف او ميني باص حسب العدد اللي رايح ان شاء الله
ومستنين بقية افكاركم واقتراحتكم لقضاء اليوم
كل سنة وانتم طيبين ونتمنالكم مقابلة صيف رائعة

كريم منير

[Islam_galal]

الحمد لله اسكندرية ، طلع تخميني صح
ربنا يسهل و لو اني منتظر قادم سعيد في الفترة دي

و شكرا يا محمد باشا الطويل (قال بك قال . . . يا عم بحبح إيدك شوية يا عني هيا بفلوس)

اسكندرية اشرقت بنور زائريها (يافطة غبيه قوي معلقاها المحافظة بعد مدخل الزراعي)
المهم ان اسكندرية حتنور بيكوا يا شباب

[aliabutaleb]

ان شاء الله اكون وقتها في اسكندرية وأشوفكم بقى

[Migo123]

دعوه كريمه من أخ كريم

بس ما حدش عارف العدد كام يا كيمو

و كده ممكن البيسين يحتاج ان يتفور ويتعمل من اول وجديد بعد المقابله دي


في الكينج اوتيل اسمه ادهم اوتيل ........... اسمعه انه كويس
ما تيجو نعمل داي يوز هناك ........ وبعدين نعدي على الخديوي/ محمد الطويل نتعشى هناك وخلاص :)

[aliabutaleb]

في الكينج اوتيل اسمه ادهم اوتيل ........... اسمعه انه كويس
ما تيجو نعمل داي يوز هناك ........ وبعدين نعدي على الخديوي/ محمد الطويل نتعشى هناك وخلاص :)

أدهم كومباوند :)
سمعت انه كان ملك عادل ادهم الله يرحمه
وفعلاً سمعت انه كويس جداً

في غمرة الرد (حلوة غمرة دي) نسيت أشكر محمد الطويل :)
جزاه الله خيراً

[Sharky]

حلو قوى الميعاد دا يا كريم

أنا إن شاء الله حكون فى الساحل فى الميعاد دا

شكرا للزميل العزيز محمد الطويل

[goodwave]

طويييييل طويييييل اوووه اووه

إسكندرية حتنور يا جدعان .... حلوة قوي فكرة اللحمة المشوية دي يا كيمو وبسين ولعب كورة وممكن نغسل العربيات كمان :) اصل محمد الطويل كان قال إن عنده عدة غسيل العربيات كاملة في الكينج .... وطبعا لازم نستغله اسوء إستغلال :)

[mohamed ibiza]

س سؤال مين محمد الطويل؟؟؟؟

يعني هو اسمه كده في المنتدي ولا ليه nick name تاني؟؟؟

[Islam_galal]

محمد الطويل هو الاسم الحقيقي
الـ nick name هو mido777

[mo7amed_omara]

معاكم إن شاء الله بس بقترح اية رايكم مثلا نتقابل الاول فى كارفور مثلا (مكان عام) الاول و بعد كدة نشوف مين حيروح الفيلا و كدة يعنى
وفى كارفور نزبط الغدا فى ال (food court ) و يبقى كلة فى التمام

[Akram]

طويل العمر يطول عمره و يزقزق عصره و ينصره على مين يعاديه ,
هاي
هيييييييييييي

شكراً يا محمد بك على الدعوة الكريمة دي ,
ربنا يسهل و نقدر نتجمع و نقضي يوم جميل ان شاء الله ....

[Nile_Storm]

دعوه كريمه من اخ كريم
مش كريم منير اصدي محمد الطويل هههههههههههههههههههههههههههههه

بهزر معاك يا كريم باشا :)

[islambana]

دعوه من اخ كريم لأخواته اعضاء نايل موتورز نشكره عليها ط
انا هحاول اجي عشان نفسي اتعرف علي احلي ناس بس هلاقي صعوبه في المواصلات

[cobraa2008]

والله بصراحة انا كمان نفسي اجي بس هلاقي صعوباااااااااات بالهبل


طب انا عندي اقتراح ايه رايكم اللي ما يقدرش يروح سواء للظروف او اي حاجة يبقى مقابلة في السكندرية واخرى في القاهرة ولا انتم ايه رايكم

[Moh.Fahmy]

و الله انا بقدر فرحتي جدا بالدعوة الكريمة الغير مستغربة من اخونا محمد الطويل بقدر حزني الشديد و الله لاني حكون ان شاء الله في مرسي مطروح في الفترة منة 12 اغسطس الي 22 اغسطس

محمد فهمي