كارثة مطروح

[sniper2010]

يا جماعة أنا عايز على إخواتي اللي في مطروح من أعضاء نايل موتورز بعد الكارثة اللي حصلت دي

ربنا يرحم اللي ماتوا و يرحمنا من السواقين معدومي الضمير و (الآدمية) و أنا آسف إني أقولها لكن هما يستاهلوا

آل ماشي من غير فرامل آل عامل فيها برم _ _ _ _ _ ربنا يجازيه على فعلته

[wawoo]

يا جماعة أنا عايز على إخواتي اللي في مطروح من أعضاء نايل موتورز بعد الكارثة اللي حصلت دي

ربنا يرحم اللي ماتوا و يرحمنا من السواقين معدومي الضمير و (الآدمية)

امين , و ربنا على كل ظالم و مفترى .

[MoToRiZeR]

انا اعتقد انه كان نايم مش معهوش فرامل
اصل مش معقول طول الطريق مستعملش الفرامل

[Akram]

أو إن الفرامل حصل فيها مشكلة و فوجيء بأنه مفيش فرامل ,

[kareem_Ashmawy]

طيب أنا فى حاجة محيرانى
المزلقان ده أنا عارفه بعدى عليه كل سنة
و المزلقان بيبقى باين من بعيد أوى
و العربيات كانت واقفة مستنية القطر يعدى
يعنى لو هو جاى من بعيد هيبقى شايف ان فى عربيات واقفة سواء باليل او الصبح
يعنى مش اتفجئ بيهم
ولو كان جه يدوس فرامل ملقاش
كان فيه مليون طريقة يوقف بيها العربية و هما بيبقوا عرفين الحاجات دى
بيبقوا اتعرضولها قبل كده
و حتى لو كان اصطدم بالعربيات اللى واقفة مش هتبقى الصدمة بالقوة دى لو كان هو
حاول يوقف العربية قبل ما يوصلهم يعنى مش الصدمة اللى تزق أتوبيس بحاله بركابه
.
.
متيألى انه كان نايم أو شارب حاجة
ولا انتم ايه رأيكم؟؟

[Ramy.Gamal]

بجد يا جماعه الله يرحمهم جميعا وربنا يحتسبهم من الشهداء كل ما افتكر منظر الحادثه ( الحادثه لحظه وقوعها متصوره فيديو على موقع مصراوى ) اتخيل لو الواحد مكانهم ونزل هو واللى معاه تحت القطار من غير زنب . الله يرحمهم واقرؤا الفاتحه ليهم ولاموات المسلمين

[MMamdouh]

معظم السواقين بيبقوا محششين عشان يقدروا يسهروا و يسوقوا بليل

MMamdouh

[zozza]

سبحان الله الحمدلله و لا حول و لا قوة الا بالله و انا لله و انا اليه راجعون
رب احتسب المتوفين عندك من الشهداء و اغفر لهم ذنوبهم و اعف و اصفح عنهم برحمتك يا ارحم الراحمين و صير اهلهم و اجمعهم في جنة النعيم يا رب يا كريم.

المزلقان ده انا عرفوا كويس للاسف المزلقان ده في قلب منحدر عالي للي بيبقي ماشي في الاتجاهين و الطريق عند المزلقان ده مشقوق في وسط مرتفع صخري ارتفاعوا حوالي 5 متر يعني اللي بيبقا نازل المنحدر ده بيبقي علي يمينو و شمالو صخر علي و بعدين بييجي المزلقان في اكتر حتة منخفضة في المنحدر و بلييل بيبقي مستحيل ان تشوف المزلقان و بتاخدو بسرعتك و الواضح ان سواق النقل الفرامل هربت منه و هو نازل علي المنحدر بتقله و كان محمل رمل زي ما سمعنا.

قدر الله و ما شاء فعل و انا لله و انا اليه راجعون