مش هنسبنا من العنطزة ولا ايه؟

[drmsadek1979]

دي حتة من مقال في مصراوي

أكد المستشار رؤوف أنه لا يجوز للمواطن ولا يحق له أن يطلب الاطلاع على هوية القاضي رئيس لجنة الاقتراع أو أن يشترط عليه أن يبرز تحقيق شخصيته أمام المواطنين قبل إجراء عملية التصويت.. مؤكدا على أنه مثل هذا الأمر يمثل إهانة لموظف عام أثناء تأدية عمله وإخلالا بنظام العمل، معاقب عليه بموجب قانون مباشرة الحقوق السياسية وقانون العقوبات.


لما رئيس امريكا اتطلب منه انه يظهر هويته من موظفة في الانتخابات معترضش ومكنش فيها اهانة له وظهر الهوية للموظفة مع ان اصغر عيل في امريكا يعرفه
انما في مصر اظهار هوية القاضي الي محدش يعرفه اصلا فيه اهانه له ودا كمان جرم يعاقب عليه القانون
لا تعليق

[Khaled Online]

وإحنا هنجيب برضه سعادة المستشار المبجل لحتة رئيس ولايات متحدة أمريكية لا راح ولا جه! مصر ولادة يا جماعة

[speed_magnum]

الاله لا يوجد الا في السماء....
ليتهم يقتنعوا. .......
:)

[drmsadek1979]

العادي ان احنا نطلع البطاقة ونضرب على قفانا كمان انما القضاه فوق القانون

[Elawany13]

عنطزه فارغه طبعا

[Khaled Online]

لا أنا مسمحلكش أنا لو هنضرب على قفايا يبقى مش مطلع البطاقة! ههههههه

[beshomilan]

بجد حاجه فى قمة القرف..والبلد دى عمر حالها ماهيتعدل مهما عملنا ثورات

[عمر ياسين]

الفكرة مش بس عنطزة القاضى..المشكلة فينا وفى اللى حوالينا..يعنى انت ممكن تتردد 100 مرة قبل ماتطلب الطلب ده خوفا من رد الفعل..وحاتلاقى 100 واحد حواليك يقولوا لك ياللا يا أستاذ ماتعطلناش ورانا أشغال

[S O P H O S]

سبحانك اللهم وبحمدك ، أشهد أن لا إله إلا أنت أستغفرك وأتوب إليك
معرفش فعلا فيها ايه يعني ده مش من حقي ان اسئل علي اي حاجة فالدنيا ..

[ahmedteam]

يا استاذى مفيش فايده فى البلد دى و الناس هتفضل كده و مش هتتغير

مع احترامى للجميع حد يفكر لمده دقيقه ان القضاه اللى ليهم حصانه كانهم ملائكه هما مين؟ تعليمهم ايه؟ تقديراتهم ايه؟ دخلوا سلك القضاء ازاى؟

انا مش ضدهم خصيصا لان فى كتير كده الشرطه و غيرهم كتييير

ربنا يرحمنا

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ

[D . a .\ AYMAN]

ليا بس ملحوظة صغيرة على موضوع إن أوباما لما الموظفة العمومية طلبت منه بطاقته طلعها ومقارنتها بالقاض المشرف على اللجنة الانتخابية

وهي إن أوباما لم يطلب من الموظفة الاطلاع على بطاقتها بالمقابل ... وهنا نلاحظ أن أوباما داخل اللجنة بصفته مواطن وليس رئيس الدولة ... وكانت الموظفة تطلب منه تحقيق شخصيته بصفتها موظفة عمومية تؤدي عملها المكلفة به من قبل الدولة

يعني من الآخر أوباما مش من حقه إنه يطلب من الموظفة إبراز تحقيق شخصيتها لأنها أصلا المسئولة عن المكان بحكم تعيينها فيه من قبل الدولة ...

وبعدين هوأصلا ما طلعش البطاقة لأن حضرته كان ماشي من الأي دي بتاعه البطاقة الشخصية .. لكن طلعلها رخصة القيادة وكانت قديمة كمان والصورة اللى فيها قديمة عشان كدة قعدت تبصله كتير وهو علق عليها وهو مش مصدق اللى بتعمله للي شاف الفيديو



نيجي بقى للقاض المسئول عن اللجنة في مصر هنلاقي إن الوضع أصلا معكوس ... انتوا عايزين تطلعوا على إثبات شخصية القاضي اللى أصلا مكلف في المكان من قبل الدولة في حين إن انتوا المواطنين .. ولستم الموظفين العموميين المسئولين عن اللجنة

المشرف المسئول عن اللجنة هو اللي بيطلع على بطاقة المواطن وليس العكس

يعني هل من المعقول إن القاض دخل اللجنة الصبح وقعد في مكان رئيسها من غير ما يبرز تحقيق شخصيته مثلا للضباط المسئولين عن تأمينها واللي بيكونوا موجودين من قبله ويتأكدوا من شخصيته ومن إنه القاض المسئول عن اللجنة فعلا .. ولا هما هايسلموا اللجنة لأي حد

وهل من المعقول إن لجنة فيها 4000 ناخب -وهو متوسط عدد الناخبين في كل لجنة في هذا الاستفتاء- ان يكون من حق كل ناخب إنه يطالب القاضي -اللى هو الموظف العمومي المعين من قبل الدولة- بإبراز تحقيق شخصيته في أقل حال من الأحوال حوالي 1500 مرة على مدار اليوم ... وهو في مكان عمله أساسا

القاضي لما بيخرج بره مكان عمله وبيتم مطالبته بإبراز تحقيق شخصيته بيقوم بإبرازه من غير كلام لأنه أول واحد عارف من له الحق في الاطلاع عليه ومن ليس له الحق


وقضاة كثيرين جدا من الذين لم يقوموا بالإشراف على الانتخابات نزلوا وأدلوا بأصواتهم ووقفوا في الطوابير ولما المسئول عن اللجنة طالبهم ببطاقتهم طلعوها وماحدش منهم قاله إزاي تطلب مني الطلب كدة


ولو الدولة كانت قررت إنها تخلي غير قضاة يشرفوا على اللجان بصفتهم قضاة ... كان أول ناس قلبوها دم للركب هم القضاة أنفسهم لأنهم بالتأكيد لن يسمحوا بمثل هذا لأن ده تشويه لسمعتهم قبل أي حاجة تانية

وبعدين هي الدولة بإمكانياتها لو عايزة تخلي ناس عادية تشرف على اللجان من غير القضاة ده لو فرضنا إن القضاة هايسكتوا أساسا مش هاتعرف تعملهم شوية كارنيهات تحقيق شخصية ومش مزورة طبعا ماهي الدولة هي اللى عاملاها باسمهم وصورتهم وصفتهم فيها تكون قاضي


ياريت نعقل الأمور ونوزنها بالمنطق ... مش عشان إشاعة انتشرت بين الناس لإحداث الوقيعة والفتنة في المجتمع يبقى كلنا نجري وراها ونصدقها من غير ما نعقلها ونوزنها ونتأكد من صحتها


وبالرغم من كدة الأغلب الأعم من القضاة والمستشارين ورؤساء النيابة ووكلائها اللى نزلوا للإشراف على الاستفتاء ... لم يترددوا في إبراز تحقيق شخصيتهم لمن طلب الاطلاع عليه من الناخبين درأً للفتنة الدائرة في البلاد .. ومن لم يقم بإبرازه فهو فقط تمسك بحقه وبوجهة نظره في أن هذا سيعطل سير عملية التصويت بسرعة وانتظام

[AHMED12345678]

ليا بس ملحوظة صغيرة على موضوع إن أوباما لما الموظفة العمومية طلبت منه بطاقته طلعها ومقارنتها بالقاض المشرف على اللجنة الانتخابية

وهي إن أوباما لم يطلب من الموظفة الاطلاع على بطاقتها بالمقابل ... وهنا نلاحظ أن أوباما داخل اللجنة بصفته مواطن وليس رئيس الدولة ... وكانت الموظفة تطلب منه تحقيق شخصيته بصفتها موظفة عمومية تؤدي عملها المكلفة به من قبل الدولة

يعني من الآخر أوباما مش من حقه إنه يطلب من الموظفة إبراز تحقيق شخصيتها لأنها أصلا المسئولة عن المكان بحكم تعيينها فيه من قبل الدولة ...

وبعدين هوأصلا ما طلعش البطاقة لأن حضرته كان ماشي من الأي دي بتاعه البطاقة الشخصية .. لكن طلعلها رخصة القيادة وكانت قديمة كمان والصورة اللى فيها قديمة عشان كدة قعدت تبصله كتير وهو علق عليها وهو مش مصدق اللى بتعمله للي شاف الفيديو



نيجي بقى للقاض المسئول عن اللجنة في مصر هنلاقي إن الوضع أصلا معكوس ... انتوا عايزين تطلعوا على إثبات شخصية القاضي اللى أصلا مكلف في المكان من قبل الدولة في حين إن انتوا المواطنين .. ولستم الموظفين العموميين المسئولين عن اللجنة

المشرف المسئول عن اللجنة هو اللي بيطلع على بطاقة المواطن وليس العكس

يعني هل من المعقول إن القاض دخل اللجنة الصبح وقعد في مكان رئيسها من غير ما يبرز تحقيق شخصيته مثلا للضباط المسئولين عن تأمينها واللي بيكونوا موجودين من قبله ويتأكدوا من شخصيته ومن إنه القاض المسئول عن اللجنة فعلا .. ولا هما هايسلموا اللجنة لأي حد

وهل من المعقول إن لجنة فيها 4000 ناخب -وهو متوسط عدد الناخبين في كل لجنة في هذا الاستفتاء- ان يكون من حق كل ناخب إنه يطالب القاضي -اللى هو الموظف العمومي المعين من قبل الدولة- بإبراز تحقيق شخصيته في أقل حال من الأحوال حوالي 1500 مرة على مدار اليوم ... وهو في مكان عمله أساسا

القاضي لما بيخرج بره مكان عمله وبيتم مطالبته بإبراز تحقيق شخصيته بيقوم بإبرازه من غير كلام لأنه أول واحد عارف من له الحق في الاطلاع عليه ومن ليس له الحق


وقضاة كثيرين جدا من الذين لم يقوموا بالإشراف على الانتخابات نزلوا وأدلوا بأصواتهم ووقفوا في الطوابير ولما المسئول عن اللجنة طالبهم ببطاقتهم طلعوها وماحدش منهم قاله إزاي تطلب مني الطلب كدة


ولو الدولة كانت قررت إنها تخلي غير قضاة يشرفوا على اللجان بصفتهم قضاة ... كان أول ناس قلبوها دم للركب هم القضاة أنفسهم لأنهم بالتأكيد لن يسمحوا بمثل هذا لأن ده تشويه لسمعتهم قبل أي حاجة تانية

وبعدين هي الدولة بإمكانياتها لو عايزة تخلي ناس عادية تشرف على اللجان من غير القضاة ده لو فرضنا إن القضاة هايسكتوا أساسا مش هاتعرف تعملهم شوية كارنيهات تحقيق شخصية ومش مزورة طبعا ماهي الدولة هي اللى عاملاها باسمهم وصورتهم وصفتهم فيها تكون قاضي


ياريت نعقل الأمور ونوزنها بالمنطق ... مش عشان إشاعة انتشرت بين الناس لإحداث الوقيعة والفتنة في المجتمع يبقى كلنا نجري وراها ونصدقها من غير ما نعقلها ونوزنها ونتأكد من صحتها


وبالرغم من كدة الأغلب الأعم من القضاة والمستشارين ورؤساء النيابة ووكلائها اللى نزلوا للإشراف على الاستفتاء ... لم يترددوا في إبراز تحقيق شخصيتهم لمن طلب الاطلاع عليه من الناخبين درأً للفتنة الدائرة في البلاد .. ومن لم يقم بإبرازه فهو فقط تمسك بحقه وبوجهة نظره في أن هذا سيعطل سير عملية التصويت بسرعة وانتظام

حضرتك جبت من الاخر الكلام الصح
هو دلوقتى المفروض لما اروح بنك اقول للموظف ورينى كارنيهك الاول
وكذلك الحال فى المستشفى او مجلس المدينة او المدرسة
ومش بعيد ان طلاب سنة اولى كلية يطلبوا من الدكتور فى اول محاضرة الكارنية بتاعة علشان يتأكدوا من شخصيتة
وصحيح يعنى هى الدولة لو جابت ناس غير القضاة يشرفوا هتغلب انها تضربلهم كارنيهات
بس مين يفهم
بلد اشاعات صحيح

[AHMED12345678]

ثم بيتهيألى الموضوع دة مكانه أحوال الشارع المصرى مش المنتدى الاجتماعى

[Ahmed_Adham]

فيديو اوباما أهو. شايفين الدنيا بسيطه ازاي والراجل داخل من غير حراسه ولا مصورين تصور حضرته وهوه بيصوت الصوت التاريخي اللي ب 100 الف صوت. ولا هزاره مع الناس. محدش قافش ومحدش بيترعش ومحدش بيقول سعادتك ولا معاليك.

كم اتمنى ان يحكم أوباما مصر.

President Obama Shows Photo ID to Vote - YouTube

[Khaled Online]

وهل من المعقول إن لجنة فيها 4000 ناخب -وهو متوسط عدد الناخبين في كل لجنة في هذا الاستفتاء- ان يكون من حق كل ناخب إنه يطالب القاضي -اللى هو الموظف العمومي المعين من قبل الدولة- بإبراز تحقيق شخصيته في أقل حال من الأحوال حوالي 1500 مرة على مدار اليوم ... وهو في مكان عمله أساسا

أيوة معقول وضروري كمان
الأصوات اللي اتجمعت دي بتأثر بشكل أو بآخر على الطريقة اللي بلدنا هتتحكم بيها وأي تفصيلة وطلب في حدود المعقول من واجبنا نهتم بيه
وحلها بسيط --زي أي شركة قطاع خاص على مستوى من الاحترافية-- وإنه يكون فيه Name tag فيه اسم و job title الشخص
وفعلا فيه قضاة من اللي أشرفوا على الانتخابات حسوا بكدة وكتبوا اسمهم على السبورة في الفصل وعلقوا الكارنيه جمبه --حل شكله سخيف لكن بيعبر عن روح متعاونة ومحترمة جدا للقضاة اللي قامو بيها أحييهم عليها

ومن لم يقم بإبرازه فهو فقط تمسك بحقه وبوجهة نظره في أن هذا سيعطل سير عملية التصويت بسرعة وانتظام

لن يحدث تعطيل من أي نوع فرؤية الكارنيه من بعيد كافية
ووجهة نظره يطبقها لما يكون بيطلب أكل هياكله لوحده يافندم
لكن لما ينزل يشرف على استفتاء و\أو انتخابات الشعب كله بيشارك فيها فلا مجال لوجهة نظره
اللي بيحكمنا وبيحكمه قانون
ولا هو شايف نفسه أعلى من القانون بما إنه هو اللي الأداة التي ينفذ (أو لا ينفذ) القانون من خلالها؟