فودافون ...... موبينيل ....... اتصالات

[amz2011]

يارجاله المنتدى انا عايز اعمل زى استطلاع للتلات شركات بتوع الموبايل فى مصر.

-انهى احسن شركة محمول و ياريت كل واحد فينا يقول المواقف الايجابية و السلبيه مع شركة الموبايل بتاعته اللى بيتعامل معاها .

-انهى شركة فيهم احسن من حيث انظم الباقات الكلام او باقات النت؟.

- ارقام موبيلات اصحابك بتكون اغلابها فودافون ولا موبينيل ولا اتصالات

[beshomilan]

موبينيل كانت خدمة العملاء بتاعتهم كويسه زمان بقت سيئة ومبيتعدلوش غير بتهديدهم بشكوى لجهاز حماية المستهلك
خدمة العملاء لا يفقهوا اى شىء وكل واحد كلامه غير التانى..اخطائهم كتيره وكبيرة وتعمل مشاكل كبيره
معظم الارقام اللى عندى فالموبايل موبينيل يليها فودافون وبعدها اتصالات

اتصالات كويسه كخدمة عملاء الى حدا ما وانا بارتحلهم اكتر وليا كانت مشكله معاهم وحاولوا استرضائى بكافة الطرق
شبكتها افضل من موبينيل
باقات الكلام كلهم زى بعض لان اى نظام بينزل بيكون بالاتفاق مابينهم
باقات الانترنت نفس الحوار

باقات انترنت منزلى اتصالات تتفوق بمراحل يليها لينك دى اس ال التابعة لموبينيل

ال usb جربت اتصالات بس فمقدرش احكم على الباقى

-مجربتش فودافون خالص عشان احكم عليه

[bHa2]

90% من الـ .......s عندي اتصالات
انا عامل نظام Etisalat Club ومريح جداً
اشتراك سنوي 349 جنيه و بيديني 1500 ق اتصالات و 45 ق لباقي الشبكات شهرياً
خدمه عملاء محترمه ومحصلش معاهم اي مشاكل.

[Mostafa.Mahran]

موبينيل شبكتها زى الزفت معايا و فودافون برقيتها مليون مرة

[amz2011]

انا كنت موبينيل من سبع سنين و حولت فودافوان من حوالى 3 سنين و دلوقتى شايف ان موبينيل الباقات بتاعتها احسن من فودافون

[MohammedAladel]

الشبكة بتختلف من مكان لمكان فى نفس المحافظة كمان فى نفس المركز كمان !!!!!!

ال 3 شبكات ليهم نقاط مش بتبقى مغطية كويس

أفضلهم على الإطلاق موبينيل كعروض و خدمات وبالنسبة لخدمة العملاء ال 3 مش عاجبنى إطلاقا

فودافون كويسة

إتصالات الأسوأ على الأطلاق بصراحة

دا حتى فى أنظمة الأشتراك النت الشهرى بعد ما الباقة تخلص السرعة بتاعتهم بتقل ل 32 كيلو بايت أما موبينيل بتقل 64 كيلو واتصالات كانت كدا بس خفسوها دلوقتى

[S O P H O S]

من راي بالترتيب
فودافون
اتصالات
موبينيل ..

[م.احمد زكريا]

موبينيل تجسسك انك بتتعامل مع هيئة النقل العام

فودافون تحس انك بتدفع فلوس كتير من غير فايدة وهو كدة ان كان عاجبك

اتصالات عروض كتير واوبشنز وبرضه بتدفع فلوس كتير بس مش زي فودافون

وهي احسن الوحشين

[beshomilan]

موبينيل تجسسك انك بتتعامل مع هيئة النقل العام

اتصالات عروض كتير واوبشنز وبرضه بتدفع فلوس كتير بس مش زي فودافون
وهي احسن الوحشين

كلام سليم

% من الـ .......s عندي اتصالات
انا عامل نظام etisalat club ومريح جداً
اشتراك سنوي 349 جنيه و بيديني 1500 ق اتصالات و 45 ق لباقي الشبكات شهرياً
خدمه عملاء محترمه ومحصلش معاهم اي مشاكل.

سؤالين بس
حضرتك بتدفع ال 349 كلهم مره واحده ولا اشتراك كل شهر لوحده؟؟
بتظهر لحضرتك رسالة استعمال الدقايق الباقيه بعد كل مكالمه ولا لا؟؟

[bHa2]

كلام سليم


سؤالين بس
حضرتك بتدفع ال 349 كلهم مره واحده ولا اشتراك كل شهر لوحده؟؟
بتظهر لحضرتك رسالة استعمال الدقايق الباقيه بعد كل مكالمه ولا لا؟؟

بدفع المبلغ كله مره واحده ف السنه
وبعرف الدقايق اللي استهلكتها عن طريق اكواد مجانيه