فودافون ...... موبينيل ....... اتصالات

[amz2011]

يارجاله المنتدى انا عايز اعمل زى استطلاع للتلات شركات بتوع الموبايل فى مصر.

-انهى احسن شركة محمول و ياريت كل واحد فينا يقول المواقف الايجابية و السلبيه مع شركة الموبايل بتاعته اللى بيتعامل معاها .

-انهى شركة فيهم احسن من حيث انظم الباقات الكلام او باقات النت؟.

- ارقام موبيلات اصحابك بتكون اغلابها فودافون ولا موبينيل ولا اتصالات

[Ahmed_selmy]

موبينيل افضل تغطيه(بحكم انى بسافر الصحرا كتير) وبحسبوا مظبوط....بس جوده الشبكه مش اوى يعنى ممكن تسمع نفسك وانت بتتكلم او الصوت يبقى مخروش او الخط يقطع.
فودافون افضل شبكه من حيث جوده الصوت.....بس بيحسبوا على مزاجهم
اتصالات افضل عروض.....الشبكه بتقطع كتير (كنت بستخدم usb اتصالات وطلع عين اللى خلفونى)
انا عن نفسى موبينيل ومعايا خط فودافون مش اساسى بستخدمه.

[BESO516]

بصراحه ال3 شبكات عايزين الحرق لأن الخدمه تعتبر سيئه جدا بالمقارنه بالشبكات اللى فى السعوديه زى موبايلى او الأمارات زى اتصالات برده ( ده لو هنقارن نفسنا بيهم ) من حيث العروض والباقات والخدمات
لكن ترتيبهم من وجه نظرى لأنى معايا ال3 خطوط :
اتصالات
فودافون
موبينيل

[sayed911]

انا استخدمت الثلاثة واحسن واحد يقولك على اللي فيها
موبينيل : تاخد تغطية في اماكن غريبة وكويسة ولكن عروض من سيئة وخدمة عملاء الى حد ما مرضية
فودافون : عروض دائما فيها مشاكل يعني كان فيه مرة عرض الدقيقة بـ 9 قروش ! وبعد ما اشتركت قالوا انه العرض بيسري على المكالمات اللي من 1 صباحا الى 7 صباحا !! مش دائما صريحين ! وخدمة العملاء طين الطين !
اتصالات : تغطية زفت الزفت ! فعليا زفت الزفت ! مصر الجديدة تلاقيها وحشة الرحاب وحشة ! والـ 3g لو بتحلم تستخدمه لازم تبقى محظوظ عشان يشتغل معاك ! بس بتعمل عروض ممتازة جدا جدا جدا ! خدمة عملاء كويسة جدا جدا جدا وبيحاولوا دايما يراضوك بأي شكل وفعلا بينجحوا في ده وبيتحسنوا شبكتهم !

[Adham]

فودافون و بس

اتصالات خدمة العملاء بتوعه نادرا ماتلاقي حد فيهم كويس, كلهم بيئة تحس مركز خدمع العملاء بتاع اتصالات دة شغال في الميكروباااااااظ هههههههههههههههه

موبينيل خدمة العملاء زفت برضة و ماتاخدش منهم لا حق و لا باطل و تناكة متناهيه و هو كدة و ان كان عاجبك

اتصالات شكبة زفت اساسي طبعا و اسوأ شبكة فيهم

الشبكات : فودافون و موبينيل اضل

خدمة العملاء: فودافون

العروض : انا شايف التلاتة متقاربين جدا و اللي بيعملوة في واحدة التانية وراها على طول يا زية يا منافس عنة