سيراميك الفجاله

[tamer.soliman8]

مين جرب و اشترى سيراميك و بورسلين من الفجاله
أصلي لقيت في فرق في الأسعار بين المعرض و الفجاله فقلت أنا أولى بالفلوس دي
بس عايز حد يطمني ان السيراميك و البورسلين اللي هناك مضمون مش حاجه مضروبه
وياريت اللي اشتر من هناك يقولي تجربته و لو في أي ملاحظات أو تحذير

[amrelsha3er]

توكل على الله واشترى
النصيحه متدفعش الفلوس كلها الا لما تروح المخزن وتبص على الكراتين
عشان فى كزا محل هناك بعد ماتفدع الفلوس تروح تحمل من المخزن هتلاقى الكراتين مبهدله ومقطعه والمخزن ضارب فى مياه مجارى وحاجه تقرف حصل مع واحد قريبى من شهرين الموقف ده
طبعا اعترض وقالهم مش عاوز قالولو هنخصم50ج تعب العمال ومرواحهم وكانو شالو كم كرتونه على العربيه
وبالخناق خد فلوسه بعد الخصم فعلا
بس دى عينه مش كلهم كده يعنى
انت لو عاوز كليوباترا فى محل اسمه المصريين هناك ده اخرص واحد فى كليوباترا فى الجمهويه تقريبا بيبع كليوباترا بس
بورسلين انا جايبه من السلاب صينى وسعره احسن من الفجاله بعد الخصم ودخلت لمدير الفرع وعملى خصم تانى
اما باقى السيراميك متجبش من السلاب طبعا هات من الفجاله بس خلى بالك من الملحوظه دى فقط لاغير

[عمر ياسين]

سيراميك الفجالة بيبقى غالبا فرز تانى وتالت ..أنا اشتريت منها زمان

أنصحك البورسلين بالذات لازم المعرض..لكن السيراميك غالبا حايبقى حمام أو مطبخ فالفجالة مش وحشة

بس خد بالك اللى بيتحمل من المخزن ممكن يكون غير اللى بتشوفه فى العرض..وممكن تلاقى جوه الكرتونة كام

بلاطة مشطوفة أو لونها أو نقشتها متغيرة

[egyegy]

الفجالة فعلا ارخص من معارض الشركات والاغلب من التجار بيبيع فرز أول، انا اشتريت من هناك سيراميك الجوهرة وكانت المعاملة ممتازة والسيراميك زي الفل بس انا ناسي اسم المعرض، توكل على الله واشتري من هناك انت أفيد بفرق الفلوس

[tamer.soliman8]

توكل على الله واشترى
النصيحه متدفعش الفلوس كلها الا لما تروح المخزن وتبص على الكراتين
عشان فى كزا محل هناك بعد ماتفدع الفلوس تروح تحمل من المخزن هتلاقى الكراتين مبهدله ومقطعه والمخزن ضارب فى مياه مجارى وحاجه تقرف حصل مع واحد قريبى من شهرين الموقف ده
طبعا اعترض وقالهم مش عاوز قالولو هنخصم50ج تعب العمال ومرواحهم وكانو شالو كم كرتونه على العربيه
وبالخناق خد فلوسه بعد الخصم فعلا
بس دى عينه مش كلهم كده يعنى
انت لو عاوز كليوباترا فى محل اسمه المصريين هناك ده اخرص واحد فى كليوباترا فى الجمهويه تقريبا بيبع كليوباترا بس
بورسلين انا جايبه من السلاب صينى وسعره احسن من الفجاله بعد الخصم ودخلت لمدير الفرع وعملى خصم تانى
اما باقى السيراميك متجبش من السلاب طبعا هات من الفجاله بس خلى بالك من الملحوظه دى فقط لاغير

وايه رايك في البورسلين الصيني .. كويس وكده ولا ليه مشاكل ؟؟ وبالنسبة للسيراميك جبته منين ف الفجالة وبكام المتر ؟؟

[tamer.soliman8]

سيراميك الفجالة بيبقى غالبا فرز تانى وتالت ..أنا اشتريت منها زمان

أنصحك البورسلين بالذات لازم المعرض..لكن السيراميك غالبا حايبقى حمام أو مطبخ فالفجالة مش وحشة

بس خد بالك اللى بيتحمل من المخزن ممكن يكون غير اللى بتشوفه فى العرض..وممكن تلاقى جوه الكرتونة كام

بلاطة مشطوفة أو لونها أو نقشتها متغيرة

شكرا يا عمر .. مهو ده اللي مقلقني تيجي توفر فلوس تلاقي نفسك هندفع اكتر .. وايه رايك في البورسلين الصيني .. كويس وكده ولا ليه مشاكل ؟؟ وبالنسبة للسيراميك جبته منين ف الفجالة وبكام المتر ؟؟

[tamer.soliman8]

الفجالة فعلا ارخص من معارض الشركات والاغلب من التجار بيبيع فرز أول، انا اشتريت من هناك سيراميك الجوهرة وكانت المعاملة ممتازة والسيراميك زي الفل بس انا ناسي اسم المعرض، توكل على الله واشتري من هناك انت أفيد بفرق الفلوس

وبالنسبة للسيراميك جبته منين ف الفجالة وبكام المتر ؟؟ هو ده المهم اني لعرف محلات موثوق فيها عشان ابقي في الامان

[amrelsha3er]

وايه رايك في البورسلين الصيني .. كويس وكده ولا ليه مشاكل ؟؟ وبالنسبة للسيراميك جبته منين ف الفجالة وبكام المتر ؟؟

كويس ياباشا مفهوش مشاكل
المتر بكم سيراميك مش فاكر بس رنج من 32ل40
كل بلاطه ليها سعر انت اكيد عارف كده
بالتوفيق

[عمر ياسين]

شكرا يا عمر .. مهو ده اللي مقلقني تيجي توفر فلوس تلاقي نفسك هندفع اكتر .. وايه رايك في البورسلين الصيني .. كويس وكده ولا ليه مشاكل ؟؟ وبالنسبة للسيراميك جبته منين ف الفجالة وبكام المتر ؟؟

مافيش مشاكل من البورسلين الصينى...السيراميك كان المتر فى حدود 36 ج..مش فاكر اسم المحل بس هو لو دخلت الفجالة من شارع رمسيس موجود فى أخر الشارع على الشمال

[Angel_wolf]

طيب يا جماعة البورسلين الصينى بكام و منين احسن مكان اجيبة منه
وهل فى مشاكل يعنى فى ناس اشتكت منه قبل كدة بس مش فى مصر انه لما تنقل عفش فوقية بيعلم مكان العفش

[canner]

بصراحة انا مجربتش اشترى سيراميك من هناك بس اشتريت خلاطات و قاعدة حمام و زى ما الزملاء ما قالوا لازم تبص على الكراتين و تلف عليهم لحد ما تاخد احسن سعر

تحياتى

[tamer.soliman8]

بصراحة انا مجربتش اشترى سيراميك من هناك بس اشتريت خلاطات و قاعدة حمام و زى ما الزملاء ما قالوا لازم تبص على الكراتين و تلف عليهم لحد ما تاخد احسن سعر

تحياتى

ممكن اعرف المحلات اللي اشتريت منها .. وخلاطات نوعها ايه .. وهل كل المحلات كويسة هناك ولا فيه اسامي معينة

[Angel_wolf]

محدش رد علينا بخصوص احسن سعر واحسن مكان للبورسلين الصينى