ملتقى: اين تذهب بمفردك؟

[Ahmed_selmy]

السلام عليكم
كتير من الاوقات بيكون عندى فترات اجازه محدش فاضى فيها, او عندى مشكله ومخنوق وعايز اخرج وطبعا مبالقيش حد اخرج معاه, بحثت على جوجل يمكن الاقى حل او نصيحه من حد ملاقتش, فنطت فى دماغى فكره مش عارف هى كويسه ولا وحشه .
ايه هى الفكره دى؟؟
انى اعمل بيدج واسميها "ملتقى :اين تذهب بمفردك"

http://www.facebook.com/Moltakawheretogoalone#!/Moltakawheretogoalone

فكرتها بسيطه
فكرتها ان زى مانا لوحدى اكيد فى بردوا حد تانى لوحده ,وعايز يخرج او يتكلم مع حد ومش لاقى, فقلت اعمل مكان يجمعنا كلنا,
يعنى لو عايز تخش سينما, اكتب "انا عايز اخش سينما حد جاى" اكيد اكيد حتلاقى حد بردوا عايز يخش سينما ومش لاقى حد يجى معاه.
عايز تلعب بولينج او بلياردو او تلعب كوره, خش واكتب " انا عايز العب....." واكيد حتلاقى حد يلعب معاك ويشاركك.

فلو الفكره عجبتكم, شاركوا فيها , واللى عندوا افكار تانيه زى مثلا كان عايز يغير جو وراح مكان عجبوا , او كان مخنوق عمل حاجه حش انه ارتاح بعدها, او مخنوق وعايز يفضفض , او عايز نصيحه؟

ارجو ان الفكره تكون جديده وتنول اعجابكوا.

[S O P H O S]

والله يا باشا هي فكرة حلوة
واعتقد الصفحة هتنجح ..

[Ahmed_selmy]

متشكر يا باشا و اتمنى ذلك, ونفسى تعود بالنفع على الناس.
اهم حاجه الناس تتفاعل معاها ويبقى فى منها استفاده للجميع.

[Ahmed_selmy]

55 مشاهده ومحدش قال رايه حتى فى الفكره, سبحان الله.

[a_nbm]

100/100

[Ahmed_selmy]

بجد يا استاذ a_nbm الفكره عجبت حضرتك, ياريت الناس كلها تتبنى الفكره علشان نكبرها ونميها.

[mohamedrabia]

هي الفكرة كويسه . بس مع اختلاف الميول والطباع وعدم وجود سابق معرفه في خروجات زي السينما او رحلات طويله يفضل سابق المعرفه . لو لقاءات بتمر مرور الكرام وبعدها يتم التعارف وتبادل ثقافات وخبرات تبقي اكيد فكرة ممتازة وربنا يكرمك وتنجح

[speed_magnum]

فكرة رووووعه

[Ahmed_selmy]

هي الفكرة كويسه . بس مع اختلاف الميول والطباع وعدم وجود سابق معرفه في خروجات زي السينما او رحلات طويله يفضل سابق المعرفه . لو لقاءات بتمر مرور الكرام وبعدها يتم التعارف وتبادل ثقافات وخبرات تبقي اكيد فكرة ممتازة وربنا يكرمك وتنجح

هى فعلا للقاءات السريعه بدون سابق ترتيب, مثلا نفسك تلعب كوره ومش لاقى حد من اصدقائك عنده استعداد , تدخل على الصفحه وتكتب اللى انت عايزه اكيد اكيد حتلاقى ناس تانيه بردوا عايزين يلعبوا كوره ومحدش محمسهم,طبعا دا على سبيل المثال لا الحصر, وقيس على كدا انت عايز تقعد على القهوه تلعب دومنا او طاوله ومحدش وساعدك من معارفك اكيد اكيد فى واحد تانى بردوا عايز يقعد على القهوه ومش لاقى حد يشجعه, قيس على كده كل حاجه انت عايز تعملها ومش لاقى حد معاك ممكن تلاقى واحد او مجموعه او تجمعوا انتوا مجموعه .
هى فكره غريبه شويه بس فعلادى حقيقه, لو حد يعرف موقع el3abالى فيه كوتشينه وطاوله ودومنا, الناس دى كلها اللى على الموقع عايزين يلعبوا الحاجات دى بس معهوش مجموعه او ميعرفش حد ,انا عملت نفس الفكره بس بتطبيق اكثر واقعيه.

[RAPID]

فكرة جميلة جدا

[BESO516]

جميله جدا الفكره روعه بس يارب تستمر فى النجاح ومتوقفش وانا معاكم ياريس ان شاء الله

[Ahmed_selmy]

جميله جدا الفكره روعه بس يارب تستمر فى النجاح ومتوقفش وانا معاكم ياريس ان شاء الله

تشرف يا باشا, وانا متاكد ان شاء الله لما الفكره تكبرشويه ودايرة المعارف والمشاركين تكبر حيستفيد منها ناس كتير , اهم حاجه المشاركه الفعاله وتفاعل الناس مع الفكره.