تصليح شاشة تليفيزون سوني lcd

[essamcne]

السلام عليكم و رحمة الله و بركاته:
عندي تليفيزون سوني 32 بوصة lcd و حدث في الشاشة بتاعته مجموعة من الخدوش على السطح الخارجي لها و بدون تأثير على الشاشة من الداخل.
لو حد عارف ازاي تتصلح و هل لازم اغير الشاشة كلها و لا لأ.
مين هو توكيل و صيانة سونى ياريت يقولى

[mramzy]

بى تك

[Salamonti]

الخارجية دي بلاستيك ولا زجاج ؟؟
وهل الغلاف ده جزء من الشاشة نفسها ولا ده حاجة منفصلة قدام الشاشة ؟

لو مطبوخ في الشاشة بمعنى انه جزء من الشاشة يبقا مالهوش أي حل إلا تغيير الشاشة بالكامل..
لأن أي محاولة لإزالة الخدوش هاتستلزم بعض الضغط على الجزء المخدوش وده أكيد هايبوظ الشاشة نفسها

لو الغلاف ده خارجي منفصل عن الشاشة هنا بقا حسب هو زجاجي ولا بلاستيكي
لو زجاج أعتقد تروح بيه لحد بتاع ازاز نضيف بيكون عندهم حاجة شبه الصاروخ بيلمعوا بيها الازاز
لو بلاستيك دور على منتج اسمه Plastics كنت شفته من فترة في شوب بنزينة وده مخصص لمعالجة خدوش البلاستيكات

[Survival]

انا ليا تجربة مع شاشة كمبيوتر LCD Dell كان فيها خدش جامد و شكله باين لكنه غير مأثر على الشاشة نفسها
جبت تنر و بقطنه صغيرة ابتديت امسح الخدش
النتيجة ان الخدش حروفه دابت و بقت مية واحدة مع الشاشة لكن عمق الخدش لسه موجود و لكنه مش ظاهر
كنت طبعا مرعوب فى الاول احسن الشاشة تسييح لكن لاقيت التنر و لا بيأثر فيها خالص و الشاشة اهى شغالة بقالة يجي 6 شهور الحمد لله مفيهاش مشاكل
ملحوظة الشاشة ممكن يكون نوعها مختلف من بره و يحصل عندك مشكلة لان شاشة الكمبيوتر السطح بتاعها مش بيلمع.

[essamcne]

الخارجية دي بلاستيك ولا زجاج ؟؟
وهل الغلاف ده جزء من الشاشة نفسها ولا ده حاجة منفصلة قدام الشاشة ؟

لو مطبوخ في الشاشة بمعنى انه جزء من الشاشة يبقا مالهوش أي حل إلا تغيير الشاشة بالكامل..
لأن أي محاولة لإزالة الخدوش هاتستلزم بعض الضغط على الجزء المخدوش وده أكيد هايبوظ الشاشة نفسها

لو الغلاف ده خارجي منفصل عن الشاشة هنا بقا حسب هو زجاجي ولا بلاستيكي
لو زجاج أعتقد تروح بيه لحد بتاع ازاز نضيف بيكون عندهم حاجة شبه الصاروخ بيلمعوا بيها الازاز
لو بلاستيك دور على منتج اسمه plastics كنت شفته من فترة في شوب بنزينة وده مخصص لمعالجة خدوش البلاستيكات

للاسف الغلاف غير منفصل يعنى زي ما حضرتك قلت مطبوخ. الحمد لله قدر الله و ما شاء فعل شكلي هغير الشاشة.

[essamcne]

انا ليا تجربة مع شاشة كمبيوتر lcd dell كان فيها خدش جامد و شكله باين لكنه غير مأثر على الشاشة نفسها
جبت تنر و بقطنه صغيرة ابتديت امسح الخدش
النتيجة ان الخدش حروفه دابت و بقت مية واحدة مع الشاشة لكن عمق الخدش لسه موجود و لكنه مش ظاهر
كنت طبعا مرعوب فى الاول احسن الشاشة تسييح لكن لاقيت التنر و لا بيأثر فيها خالص و الشاشة اهى شغالة بقالة يجي 6 شهور الحمد لله مفيهاش مشاكل
ملحوظة الشاشة ممكن يكون نوعها مختلف من بره و يحصل عندك مشكلة لان شاشة الكمبيوتر السطح بتاعها مش بيلمع.

بصراحة اخاف اعمل الحركة دي

[essamcne]

بى تك

شكرا بس سؤال هل ليهم مراكز صيانه. لأنى أعرف المعارض بس للبيع

[mramzy]

ايوة فى امتداد رمسيس او فى الحى الثامن كلمهم وهما هيبعتهولك

[Salamonti]

تجربة التنر دي فكرة حلوة برضه لاستخدامها مع الشاشات المطبوخة

لكن نصيحة دائمة وأبدية كل يوم بنقولها
لما تيجي تعمل حاجة زي كده جربها الأول في حتة من عالحرف ماتكونش ظاهرة ولا مؤثرة عشان لا قدر الله لو طلع ليها أي آثار جانبية مزعجة أو مش لطيفة يبقا مابوظناش الشاشة

[dedi]

انا اعرف انة التنر مادة مذيبة يعنى فية انواع بلاستيك ممكن تتفاعل معاة و تبقى مشكلة كبيرة