كيفية التخلص من الكرش بسرعة ! ! ! ★★★

[mahgary]

انا بمشى لمدة 45 دقيقة فى الصباح عند زهابى الى العمل وكان عندى كرش محترم لقيته اختفه ده شجعنى على

المشى اكثر لانى بخس من المشى

[elhelwany188]

عن تجربة افضل حاجة للكرش المشى بس مش اقل من ساعة الا ربع يوميا مع شفط البطن

[mohamedrabia]

موضوع رائع بس للاسف انا مش بعرف اكل اي وجبه الا بتناول المياة في المنتصف وهو ده مسبب الكرش عندي وبحاول اشرب كتير زنجبيل اسمع انه بيحرق الدهون

[المنسي]

ياريت فعلا اللى جرب حاجة لموضوع الكرش ده يقوللنا

[omarmosalem]

1. الإرادة

2. المشي قدر المستطاع لمدة لا تقل عن نصف ساعة (وليكن كل يومين)

3. تقليل كمية الأكل حتى تعتاد المعدة على هذا القدر من الطعام

4. تجنب الأكلات الدسمة ليلا قدر المستطاع

[mikho83]

لاحظوا إن كلامكم جارح :)

[maheralsisi]

انا خسيييت  بقي لي شهر و نص. ""
انا الجري والمشي اهم شي يعيد توزيع الدهون في الجسم""
بالنسبة لمنطقة الوسط و الكرش ركز علي التمرينات اللي بتحرك المنطقة دي
مش تمرينات البطن هي مهمة بس ما بتخسسش اللي بيخسس السرعة
بس الموضوع متعب بس ممكن
انا نزلت من 110 ل 92 في شهر بس انت لو ماحافظنش هاتتبهدل عن الاول و ربنا يسترها بقي

و علي فكرة كنت باعمل حاجة غلط و ابتديت اغيرها كنت باكل طاقة واحدة في اليوم بس ايه هي الطاقة و بقية اليوم ما فيش اكل
دلوقتي
باكل 5 او 6 مرات معظمهم فاكهة
بس اكتر حاجة
مضايقاني
ان انت عشان تعمل ريجيم تنسي كل الاكلات اللي بتحبها و الله حرااام
لا رز و لا مكرونة و لا قشطة بلدي مع حلاوة و لا هاملورجر بالكاتشاب و لا قرع بالبشاميل عسل و لا رز معمر بالسمن البلدي و لا شوية الكشك مع الفراخ حراااااااام

سفندي و تفاح و برتقال و موز انا باعيط

[pro_samir]

البيريل أو الشعير المفروض انه بينزل الميه من الجسم ازاي يكون بيحوش ميه علي البطن ؟

وبعدين كلمة كرش قديمه دلوقتي اسمه منحني الرفاهيه :))

[AhMeD MeTwAlY]

أكرش
الكرش نتيجه الاكل الزياده يعني مش لازم لما تقعد علي الاكل تاكل لا كل الي يسد جوعك واكلات خفيفه يعني مثلا في اليوم الي فيه محاشي طبعا بيكون جمبه شربه او لسان عصفور اشرب شربه او لسان عصفور وبعد كدا كل وكمان طبق سلطه محترم هتلاقي نفسك شبعت ويا دوب هتاكل اي حاجه كمان وتقوم
شوية مشي كدا حلوين هتبقئ تمام وجسم جميل ورشيق وكل سنه وانتم طيبين

[AHMED_DINAMO]

تظل رائعاً ومتيزاً يا كبير