قطة بلدى مجننانى !!

[nab!l]

دلوقتى ياجماعه عندى ف الشغل قطه من حوالى شهر شافتنى باكل جت ونونوت واديتها وياريته ما حصل :(
من يومها وهى ملازمانى ف المكان تاكل وتنام وتبات
وبقت تحوك نفسها فيه ... وهنا بقى بدات اقلق وقررت للاسف اضربها ومشيت وبعدها بكم ساعه رجعت تاااااااااااانى
انا المشكله مش فى اكلها ولا نومها جوه الشغل
السؤال الفنى بقى
مش هى اكيد بتحمل عدوى ؟ اكيد يعنى
القطط الشيرازى لازم بيكون ليها تطعيمات
مابالكو بالقطط البلدى
افيدونا افادكم الله

[S O P H O S]

يا باشا من غير ضرب دي روح
بص اكلها من بعيد بدون ما تقرب منها
ده ثواب عند ربنا ويمكن الحاجات البسيطة دي
تشيل من علينا كتير صدقني ..

[RAPID]

فى كل كبد رطبة اجر واطعهمها لوجه الله
مرة قطة بلدى دخلت بيتنا فى الشتا وصعبت عليا قلت حرام اخرجها عيل غبى يموتها ولا حاجة المهم فضلت فى البيت واتجوزت وخلفت قطة كمان والقطة الصغيرة دى مرضت وعينها ورمت خدتها عند دكتور بيطرى كتب لها على مرهم وقطرة وفضلت اعالجها لحد ما خفت ودلوقت تمام، ومش شيرازى ولا حاجة قطة عادية جدا، لكن الواحد عنده فطرة تلقائية تجاه الحيوانات خصوصا القطط والعيلة كلها كدة سبحان الله.. ودايما قصة المراة اللى دخلت النار فى هرة والراجل اللى دخل الجنة فى كلب سقاه قدام عينى وبادعى ربنا انها تكون سبب فى دخولى الجنة وفى النهاية دى مخلوقات ضعيفة

[moody_687]

باشا من غير ضرب الله يخليك ماهما كان دي روح زيينا ع وجه الارض كلنا مخلوقات الله
بص ياباشا انا بأكل 3 قطط ف الشارع كل يوم والتلاتة بيلتفوا حوليا ويتمحكوا عند رجلي متخافش القطط انضف من الكلاب عشان لسانهم فيه شوك بيشيل الاتربة والبكتريا من ع شعرهم فمتقلقش المهم بس لو اتمحكت عند البنطلون بتاعك نزل الشعر بايدك من ع البنطلون واغسل ايديك عادى قبل ماتاكل ومتقلقش ان شاء الله

[Mostafa.Mahran]

القطط اصلا بتقضى اكتر من نص حياتها فى تنضيف نفسها

هتلاقى اماكن كتيرة جدا فيها قطط بلدى متعودة تقف هناك و الناس عرفوها و بيأكلوها

كله بثوابه عند ربنا

[ahmed_m_ashraf]

القطط كائنات نظيفة أكتر مما تتصور، على فكرة القطط الشيرازي ليها تطعيمات آه بس خد بالك مش كل القطط زي بعضها ههه، لأ بجد أنا ربيت قطط كتير من وأنا صغير لحد ما كنت في الجامعة، كان زماني عندي قطط دلوقت لولا مراتي ههه. القطط الشيرازي ممكن تشتكي من أمراض أو بكتيريا مش شرط تيجي لكل القطط، ولو في دكتور بيطري هنا ممكن يفيدنا أكتر في المعلومة دي، وكمان بتصدر عن شعرها ريحة كريهه لو ما إستحمتش بإنتظام، الكلام ده سبحان الله مش موجود في البلدي، يمكن عشان بيئة دي مختلفة عن دي ربنا مديها قدرة تحمل ومقاومة أكتر.

أهم حاجة متكونش جربانة، غير كده ما تقلقش منها ولو لمستك أو لمستها إغسل إيديك عادي ومفيش أي مشكلة إن شاء الله، وبلاش ضرب زي الناس ما قالتلك.

[nab!l]

شكرا ياجماعه
والله بضربها ونا متضايق جدا
كل خوفى من العدوى وامراض وكده مش اكتر لانها اخدت عليا اوى
انا هأكلها وزنبى ف رقبتكو لو حصلى حاجة

[S O P H O S]

يا باشا اكلها من بعيد مش لازم تمسكها تاكلها بنفسك
حطلها الاكل وهي هتاكل لوحدها
وللامان اغسل ايدك ..

[nab!l]

يا باشا اكلها من بعيد مش لازم تمسكها تاكلها بنفسك
حطلها الاكل وهي هتاكل لوحدها
وللامان اغسل ايدك ..

بتقعد فى كل مكان
وبقت تصمم تبات ف المكان
وعملت بيبى وكده

[Adham]

بعد كلام الاخوة مش حازود, وجزاكم الله خيراً و فعلا دي روح, و بذمتك مش بتحس بالسعادة و انت بتأكلها و تحس ان فية مخلوق بيحبك و يستناك , يا راجل حن عليها و بلاش تضربها و ربنا يجعلها في ميزان حسناتك

و على فكرة انت تعرف ان فية في وسط القطط اللي بنقول عليها بلدي دي قط من نوع اسمة "الماو" و دة القط المصري الفرعوني بتاع زمان و دة يساوي الوف, و الاجانب بياخدوة ساعات لاوروبا و في السويد مثلا بيتباع فوق ال 10 الاف كرونة, و دة ذكي جدددددددددددداً

تعرفة ان بطن كفة من تحت بيبقى اسود مش بمبي على فكرة

ودة برة بيعرفوا قيمتة و يساوي اكتر من دستتين شيرازي اللي طالعين بية السماء دة و هو قط غبي و تنح اساسا

[nab!l]

فعلا بحس بالسعاده والله
ولما بتشوفنى بتعمل قلق ف المكان
لسه فاطره معايا جبنه نيستو ( شكلها فلول ) .. دى بتاكل السندوشتات بتاعتى :(
بس ايه حكايه الماو ده
يعنى اخدها واسافر اعمل المصلحة دى ؟

[Adham]

فلول فلول احسن ماتبقى من حازئون و تفطر عجول مع ولاد ابو سماعين هههههههههههه

مش لازم الكلب يبقى وولف او دوبرمان علشان تحبة و يحبك, ممكن كلب بلدي صغير من الشارع و تحن علية و تلاقية بيستناك و يهز ديلة و يمشي وراك لله فلله ويبقى عندك كلب دوبرمان و بتأكلة احس اكل و بتطعمه و بتصرف علية و هو ابن كلب واطي يفك الطوق و يجري ورا كلبةمن الشارع او يعض اخوك او مايسمعش كلامك (صدقني عن تجربة و خبرة معاهم)

و مش لازم قط سيامي و لا شيرازي, الحيوان برضة بيختار ساعات اللي يصاحبة و يحس في قلبة الحنية و الحنان, الكلاب اصلا تحس الحنين و الحرامي و الشرير من ريحتها , و قرارة انة يهاجمه او يبعد عنة او يقرب منة و يهز ديلة مش من فراغ, ربنا يحبب فيك خلقه هههههههههه

حوار الماو دة صح مش هزار بجد, تخيل انت بقى لو القط اللي بتاكلة دة و بيحبك اكتشفت انة ماو و يساوي 5000 جنية مثلا !!! طبعا معاملتك حاتتغير معاه و حاتطعمه و تصرف علية و تأكلة احسن أكل !!! شفت بقى !!! الانسان مادي و غير الحيوان !!! هو بيحبك علشان لقمة بنسو من اكلك مش بتكلفك ربع جنية, و لعلمك هو مش بيحبك علشان الأكل, و ممكن يلاقي اكل زي دة في الشارع في الزبالة بواقي سمك و فراخ احسن من جبنتك, هو بيحبك علشان حس فيك الحنية علية !! و انت بتحبة بس لو بيساوي الوف !!! الانســــــــــــان دعـــــيــــــــــف ..... على رأي محمود عبد العزيز هههههههههه

[nab!l]

الحنيه والحنان
ياباشا هى بنتى :) !!
هههههههههههههه

[S O P H O S]

هههههههههههه
والله تمام يا باشا انا حاسس ان الموضوع هيدخل فعلم النفس ..

[Karim_Monir]

والله يا اخي انت في نعمه مش حاسس قيمتها
حيوان يحبك ويقف يثق فيك انك مش هاتضربه ويهزلك ديله بيعبر عن سعادتة بيك دي تسوي كتير
انك تلاقي حد بيحبك مش عايز منك حاجة
ولما لقيتك اديتها اكل حبيتك اكتر
حاول بس ماتخليهاش تعمل (بيبي) في المكان لان ده اللي بيكون فيه الامراض اعزك الله