ايه اخبار الجو والامن فى اسكندرية

[RAPID]

عايز اخطف لى يومين فى اسكندرية الاسبوع الجاى ان شاء الله
وكنت عايز اعرف هل الجو كويس ولا شتاء عاصف
واخبار الامن ايه الدنيا مستقرة ولا فيه قلق ...
ياريت اهل اسكندرية الكرام يفيدونى ولهم الشكر

[RAPID]

محدش عنده فكرة؟

[elewey]

الجو دلوقتى فى الاسكندرية امطار و يعنى مش عواصف اوى لان دى بدايه نوة الفيضه الصغرى و بتقعد بنتاع 5 ايام كدة اما الامن عادى يعنى زى كل المحافظات

[RAPID]

الجو دلوقتى فى الاسكندرية امطار و يعنى مش عواصف اوى لان دى بدايه نوة الفيضه الصغرى و بتقعد بنتاع 5 ايام كدة اما الامن عادى يعنى زى كل المحافظات

شكرا يا باشا على الرد بس افهم من كلام حضرتك ان الخروج صعب مع المطر ده معظم اليوم؟ ارجو التوضيح وعلى فكرة انا ناوى عالاسبوع الجاى ان شاء الله فهل هيكون فى نوة تانية ولا ايه؟؟

[ahmed_m_ashraf]

ياباشا تنور عروس البحر الأبيض المتوسط "سابقا" ... هههه

بص هو على حظك الإسبوع الجاى شكلة كده فيه أمطار حسب الأرصاد، والله أعلم. بس هو مين ميحبش إسكندرية في الشتاء، دي هي حلاوتها في الشتاء كده والمجاري طافحة من كتر المطر والشواع واقفة من كتر بحار المياه المتجمعة ههههه.

بالنسبة للأمن، يعتبر مفيش مشاكل إلا ناحية القائد إبراهيم وده في أوقات المظاهرات بس، يعني يوم جمعة كده وخلاص. أنا ساكن عند أول خالد إبن الوليد عند الترام مبحسش بأي مشاكل والحمد لله (ربنا يديمها نعمة).

بشكل عام الأمور هادية ٩٨٪ من الوقت، الجو شتاء بس حلو، الدنيا زحمة بس أكيد أرحم شوية من القاهرة.

تنورنا ياباشا :)

[RAPID]

ياباشا تنور عروس البحر الأبيض المتوسط "سابقا" ... هههه

بص هو على حظك الإسبوع الجاى شكلة كده فيه أمطار حسب الأرصاد، والله أعلم. بس هو مين ميحبش إسكندرية في الشتاء، دي هي حلاوتها في الشتاء كده والمجاري طافحة من كتر المطر والشواع واقفة من كتر بحار المياه المتجمعة ههههه.

بالنسبة للأمن، يعتبر مفيش مشاكل إلا ناحية القائد إبراهيم وده في أوقات المظاهرات بس، يعني يوم جمعة كده وخلاص. أنا ساكن عند أول خالد إبن الوليد عند الترام مبحسش بأي مشاكل والحمد لله (ربنا يديمها نعمة).

بشكل عام الأمور هادية ٩٨٪ من الوقت، الجو شتاء بس حلو، الدنيا زحمة بس أكيد أرحم شوية من القاهرة.

تنورنا ياباشا :)

الله يطمنك احمد باشا
ان شاء الله لحد الاسبوع الجاى تكون الامور اتظبطت شوية
ومتشكر جدا لحضرتك على الافادة الوافية دى

[mazagngi2010]

لسه جاى من هناك وياريتنى مارحت مطر وحاجه تخنق

[S O P H O S]

علي كلام اصدقاء هناك مطر علطول ..

[ahmed_m_ashraf]

عايز اخطف لى يومين فى اسكندرية الاسبوع الجاى ان شاء الله
وكنت عايز اعرف هل الجو كويس ولا شتاء عاصف :w_022:
واخبار الامن ايه الدنيا مستقرة ولا فيه قلق ...
ياريت اهل اسكندرية الكرام يفيدونى ولهم الشكر

هو حضرتك منين؟ أنا دايخ على لمبات تونجسرام ١٠٠/١٤٠ مش لاقي نهائي في إسكندرية. لو حضرتك من القاهرة وتقدر تجيبلي معاك وإنت جاي وأقابلك أخدهم يبقى فل، لو مش طريقك أو بره القاهرة، مفيش مشكلة وتنورونا يافندم.

[RAPID]

لسه جاى من هناك وياريتنى مارحت مطر وحاجه تخنق

كدة بقى الكلام نهائى .. شكرا يا فندم على الرد

علي كلام اصدقاء هناك مطر علطول ..

اشكرك جدا

هو حضرتك منين؟ أنا دايخ على لمبات تونجسرام ١٠٠/١٤٠ مش لاقي نهائي في إسكندرية. لو حضرتك من القاهرة وتقدر تجيبلي معاك وإنت جاي وأقابلك أخدهم يبقى فل، لو مش طريقك أو بره القاهرة، مفيش مشكلة وتنورونا يافندم.

للاسف مش من القاهرة وكنت اتمنى والله انى اجيبهم لحضرتك احمد باشا بس بناء على كلام الزملاء هنا والبحث على النت شكل الرحلة هتتاجل لوقت تانى لظروف المطر والبرد .. وربنا ييسرها فى ظروف احسن ان شاء الله

[ahmed_m_ashraf]

معلش تتعوض، إن شاء الله الجو يتظبط على آخر الإسبوع، مشكور ياباشا.