جربت تعمل حاجة بسيطة جدا تفرحك أوى ؟ أنا جربت و أتبرعت فى كذا مكان

[MaNoLa]

فى الفتره الأخيره كدة حسيت أننا مخنوقة لأن مفيش حاجة جديدة
فكرت كدة مليون مرة قبل ما أقرر هعمل أية
بالنسبالى أنا بما أنى بشتغل ومش بصرف حاجة من مرتبى إلا نادرا جدا فكرت أعمل حاجة بمرتب شهر كامل
وزعت الفلوس على 5 أجزاء و روحت أماكن أتبرعت بيهم كلهم
على فكرة طلع أحساس رهيــــب عمرى ما حسيت بيه قبل كدة
بالأخص فى الأماكن الموجود فيها أطفال سواء كانوا أيتام أو مرضى
بجد هتفرق جدا
على فكرة ممكن يكون أحسن أحساس فى الدنيا كلها لأى بنى أدم أنه يعمل حاجة صح و حاجة دينيه فى زمن أنتهى فيه حتى الصلى و الصوم
متنسوش الزكاة لأنها ثالث ركن من أركان الإسلام و متقلقوش الفلوس إلى هتدفعوها عشان الفقرا دى مش هتروح زى ما قال الرسول (صلى الله عليه و سلم) حصنوا أموالكم بالزكاة وداووا مرضاكم بالصدقة واستقبلوا أمواج البلاء بالدعاء والتضرع
وعشان كدة حبيت أفكركم و لو بالتصرف البسيط دة طبعا مش شرط تعملوا زى مانا عملت و تفلسوا نفسكم طبعا لكن على الأقل خلوا الزكاة لسه موجودة فحياتكم و لو بجنيه واحد

[S O P H O S]

جزاكي الله خيرا

[RAPID]

جزاك الله كل خير على التذكرة

[Ahmed_selmy]

جعله الله فى ميزان حسناتك

[mado83]

على فكره ممكن مايبقاش بالمرتب كله
فى حاجه تانيه جميله اوى انك تعمل 1% من مرتبك يعنى لو بتقبض 1000ج خرج كل شهر 10ج
حاجه جميله جدا هتقول مانا بعمل باكتر من كده بس ممكن شهر تعمل حاجه ب100ج لله
وتقعد 10 شهور ماتعملش اقولك لا
كل شهر اعمل حاجه ب10 هتبقى احلى

[Eng_Doaa]

ربنا يتقبل يارب منك العمل الصالح .

و اجعلى الصدقة جزء من حياتك و ربنا يرزقنا جميعا العمل الصالح يارب

[mesaharaty]

جرب وانت ماشى مع ابنك او بنتك وتديله فلوس فى إيده وتخليه يديهم لحد محتاج ماشى فى الشارع .
شعورك بإدخال السرور على المحتاج سينعكس أيضا على إبنك أو بنتك ويتعلم حب مساعدة الناس منذ الصغر وينشأ عليه .
وجزاكم الله كل خير على الفكر الجميل لمساعدة الناس

[Karim_Monir]

احساس رائع وبيولد احساس غريب بالرضا النفسي
خاصة لما تعمليها بنفسك
ونصيحة تانية
ابقي جربي تعملي اطعام
اشتري لحمه واعملي رز ووزعيها وجبات رز في اطباق مع قطعة لحمه
او رز في رغيف ولحمه برضه
وحطيهم في اكياس وانزلي وزعيهم بايدك على الغلابة وخاصة في الجو ده
وابقي ادعيلي على الاحساس
بس اخلص النية وتخلصي من اي شبهة رياء عشان اجرك ما يضيعش

[MaNoLa]

شكرا جدا على الردود و أنا حبيت أشارككم عشان الناس تفتكر بس أن فيه حاجة أسمها زكاة و صدقة لأنى أعرف ناس زمايلى كتير جدا نسيت الموضوع دة خالص من حياتها و لما بتكلم عليه كأنى بتكلم على الحياة فى كوكب المريخ للأسف

و بالنسبه لتعليقاتى على الردود و أسفة أنى مش هقدر أرد على كل التعليقات لكن بجد كل تقديرى لكل الناس إلى رديت

mado83 فعلا أضافة جميلة و إن شاء الله تدوم كل شهر بجزء من المرتب

Eng_Doaa إن شاء الله يا دعاء لأن بجد إلى حس بالأحساس دة أستحاله يبطلة و لو محدش حس بيه قبل كدة بجد أنا بدعوة أنه يجرب فرحة الأطفال و الناس الكبيرة و المرضى هتكون عاملة أزاى و إن شاء الله محدش هيبطلها و هتكون جزء من حياتة

mesaharaty فعلا أضافة جميلة عشان يتربى فيهم الجزء الدينى (بس أنا معنديش لسه)

Karim_Monir حلوة أوى الفكرة دى بجد و إن شاء الله المرات إلى جايه أحاول أنوع فى الطريقة

[MaNoLa]

شكرا جدا على الردود و أنا حبيت أشارككم عشان الناس تفتكر بس أن فيه حاجة أسمها زكاة و صدقة لأنى أعرف ناس زمايلى كتير جدا نسيت الموضوع دة خالص من حياتها و لما بتكلم عليه كأنى بتكلم على الحياة فى كوكب المريخ للأسف

و بالنسبه لتعليقاتى على الردود و أسفة أنى مش هقدر أرد على كل التعليقات لكن بجد كل تقديرى لكل الناس إلى رديت

mado83 فعلا أضافة جميلة و إن شاء الله تدوم كل شهر بجزء من المرتب

Eng_Doaa إن شاء الله يا دعاء لأن بجد إلى حس بالأحساس دة أستحاله يبطلة و لو محدش حس بيه قبل كدة بجد أنا بدعوة أنه يجرب فرحة الأطفال و الناس الكبيرة و المرضى هتكون عاملة أزاى و إن شاء الله محدش هيبطلها و هتكون جزء من حياتة

mesaharaty فعلا أضافة جميلة عشان يتربى فيهم الجزء الدينى (بس أنا معنديش لسه)

Karim_Monir حلوة أوى الفكرة دى بجد و إن شاء الله المرات إلى جايه أحاول أنوع فى الطريقة

[A.Saad]

ممكن توزعى زى ما كيمو قال
لحمة + رز
لحمة + عيش
لحمة + مكرونة
رز بلبن
وممكن تحطى مع اللحوم
خيار او موزة او برتقال

وكل ده فى اكياس بلاستيك
وممكن تجيبى عصاير من محلات الجملة او الهايبر
والعاب من محلات الجملة وتوديها لدور الايتام
سواء اكياس تلاجة من الماركت او اكياس بلاستيك من محلات الاكواب والبلاستيكات
الناس الغلابة كتير
وحنا مش بنحس بالنعمة الا لو راحت مننا زى ما صبحى صديقنا قال الله يرحمه