هو الجبس بيتفك امته؟؟

[AhMeD MeTwAlY]

انا الحمد لله متجبس تجبيسه حلوه
روحت للدكتور قالي رجلك لسه شوية انما دراعك الاسبوع الجي نفكه انا عايز افهم بيحدد علي اي اساس ؟؟
شكله في الاخر هيعملي ترمرات ويمحر

[youssef_u]

الف سلامه يا باشا هو بييبقا على حسب شدة الكسر و كمان سرعة الالتئام يعني ممكن يعمل اشعه يلاقي لسه العظم ملحمش فا ياجلك اسبوعين كمان

[BESO516]

الف سلامه عليك
وخدها نصيحه متستعجلش خاااااااالص غير لما الدكتور هو اللى يحدد ان الكسر التئم تمام وعادى وحمدالله على سلامتك

[AhMeD MeTwAlY]

الف سلامه يا باشا هو بييبقا على حسب شدة الكسر و كمان سرعة الالتئام يعني ممكن يعمل اشعه يلاقي لسه العظم ملحمش فا ياجلك اسبوعين كمان

الله يسلمك يا غالي وشكرا علي الافاده

الف سلامه عليك
وخدها نصيحه متستعجلش خاااااااالص غير لما الدكتور هو اللى يحدد ان الكسر التئم تمام وعادى وحمدالله على سلامتك

مش مستعجل بس الواحد اتخنق من كتر الحبسه

[hazoom2006]

انا مرة فضلت مجبس ايدى شهرين ونص ولما روحت للدكتور قالى انت كدة ايدك هتقف بس مكنتش بفك الجبس علشان كنت فى الجيش و كنت بنزل بيها اجازات

الدكتور بيعمل اشعه وبيشوف الكسر لم ولا لسة ولازم علاج طبيعى بعد فك الجبس

والف سلامه عليك

[AhMeD MeTwAlY]

انا مرة فضلت مجبس ايدى شهرين ونص ولما روحت للدكتور قالى انت كدة ايدك هتقف بس مكنتش بفك الجبس علشان كنت فى الجيش و كنت بنزل بيها اجازات

الدكتور بيعمل اشعه وبيشوف الكسر لم ولا لسة ولازم علاج طبيعى بعد فك الجبس

والف سلامه عليك

لا هي وصلت لعلاج طبيعي كله الا الحرام

[S O P H O S]

الف سلامة عليك
الطبيعي ان الايد 3 اسابيع والرجل تقريبا 45 يوم
وبعد ما تفك الرجل تحديدا في علاج طبيعي لو الكسر فالركبة
وربنا يقومك بالسلامة ..

[AhMeD MeTwAlY]

الف سلامة عليك
الطبيعي ان الايد 3 اسابيع والرجل تقريبا 45 يوم
وبعد ما تفك الرجل تحديدا في علاج طبيعي لو الكسر فالركبة
وربنا يقومك بالسلامة ..

3 اسابيع و 45 يوم
اللهم امين

[abokoko]

كنت مركب شريحة ومسامير وقعت حوالى شهر
وبعدها شال الجبس ووضع جبس نصف اللى كان وبقيت افرد ايدى ورجعت بعد اسبوع او اقل
فبالاشعه اعاد الجبس زى ما كان لمده 10 ايام تقريبا
هههههههههههههههه

عموما بعد ما شلت الجبس لم اعمل اى علاج طبيعى
فقط هتلاقى حركة اليد شوية مش زى الاول لكن يوم ورا التانى بترجع
مش 100% لكن بترجع كويسه والف مليون حمد وشكر لله

على فكرة الذراع اليمين هى اللى كانت متجبسه وكنت بسوق العربيه
وعدت بفضل الله وبنعمته على خير يمكن علشان ربنا مش رايد الاولاد والمدام يتبهدلوا فى زحمة المواصلات

الف سلامة على حضرتك
وبعد الشفاء على خير
قول
الحمد لله الذى عافانى وعافانا من كثير مما ابتلى به بعض خلقه
الحمد لله الذى بنعمته تتم الصالحات