فيزا زياره للامارات اجبها ازاى ؟

[Mshawky]

دلوقتى انا ان شاء الله على اجازه نص السنه رايح دبى 10 ايام

فكنت عايز اهندل انا الرحله كلها بمعنى :

1- حجز تذكره الطيران اونلاين من اى شركه طيران كويسه بالفيزا علشان عموله مكاتب الطيران

2- الذهاب للسفاره واستخراج التأشيره بنفسى للزياره لدبى بالتحديد


فهل هناك نصائح ؟ وديه افضل طريقه ولا اتعامل مع شركه سياحه احسن لانى بحسهم مش مريحين بصراحه وشايف الموضوع مش صعب للدرجه

[mohamed_selim]

احجز على الامراتيه من غير مكتب سياحه و هم بيجيبولك الفيزا

[Mshawky]

احجز على الامراتيه من غير مكتب سياحه و هم بيجيبولك الفيزا

طيران الاماراتيه ؟ وهل اقدر احجز اونلاين وبيطلعولى التذكره والفيزا وكله ؟ ولا ايه ؟

[hossam_elwani]

وهيا فيزا دبى سياحه بتطلع بدون اى شروط للمصريين ؟؟؟

[Karim_Monir]

اي شركة سياحة ويظبطولك الحوار ان شالله في اوتيل نجمتين
الاهم انت طالع في وقت مهرجان السياحة والتسوق وده بتكون الاوتيلات هناك غالية فانت كدة متاخر في الحجز كان المفروض تحجز من شهرين فاتو عشان تاخد عروض احسن

[Ahmed Selim]

احجز على الامراتيه من غير مكتب سياحه و هم بيجيبولك الفيزا

صح الكلام ده

طيران الاماراتيه ؟ وهل اقدر احجز اونلاين وبيطلعولى التذكره والفيزا وكله ؟ ولا ايه ؟

لأ طبعاً.....لازم تروح لفرع ليهم و عادي لو فشلوا يطلعوها بيدولك الفلوس تاني

وهيا فيزا دبى سياحه بتطلع بدون اى شروط للمصريين ؟؟؟

عادي...........دبي تحديداً عادي....الباقي فيه كلام.

اي شركة سياحة ويظبطولك الحوار ان شالله في اوتيل نجمتين
الاهم انت طالع في وقت مهرجان السياحة والتسوق وده بتكون الاوتيلات هناك غالية فانت كدة متاخر في الحجز كان المفروض تحجز من شهرين فاتو عشان تاخد عروض احسن

بالظبط كده.........دلوقتي أسعار الطيران و الفنادق هتلاقيها فحت

لو أنت مش فارق معاك المهرجان يبقى خليها بعد نص فبراير.......هتلاقي عروض أقل كتير.

و على فكرة أنت لو رحت تطلع الفيزا بنفسك بيبقى فيه شوية حاجات بتحكم رفض أو قبول الفيزا

يعني مثلاً لو متجوز و مسافر سواء لوحدك أو مع مراتك بتبقى أسهل

لو ليك شغل ثابت بتبقى اسهل برضه.

و فيه حل تاني أنك تراسل فندق فى دبي و تقولهم أنك عاوز تحجز عندهم بس يطلعولك فيزا

هتدفع أونلاين و تبعت مستنداتك و هما يطلعوا الفيزا و أنت تحجز الطيران.

بس خليك مع الإماراتية أضمن.........و لو عندك إستعداد تسافر من إسكندرية إسأل على مكتب ل فلاي دبي عندك و شوف لو بيطلعوا فيزا............هتلاقي أسعارهم أرخص من الإماراتية بس سفر و رجوع من إسكندرية.

[Mshawky]

والله معلومات قيمه وغاليه مكنتش اعرفها

ربنا يجازيكم خير


انا كده هحجز بعد نص فبراير علشان اعدى فتره المهرجان مش فارق معايا حاليا

[hossam_elwani]

فعلا فلاى دبى ارخص كتير بس خدمه اقل لو مش فارقه معاك

[M.Elwan]

بالنسبة للتأشيرات السياحية .. ورجال الأعمال

لا يتم إصدار تأشيرات من السفارة ، ولكن يتم إصدارها:
إما عن طريق شركات الطيران ( طيران الإمارات ، العربية للطيران ، فلاي دبي ) ،
أو أحد الفنادق ، أو شركات السياحة

[url=http://uae-embassy.ae/Embassies/eg/Content/3143]سفارة الامارات العربية المتحدة في القاهرة

[ABO MALEK]

متابع

[Mshawky]

هو انا هجبها زياره بس الباسبور والبطاقه مكتوب فيهم انى صاحب شركه

[Ahmed Selim]

شوف دي........شوفتها على جروب على الفيس بوك
السلام عليكم
انا ممكن اخدمكم فى موضوع الفيزا السياحية للامارات باسعار كويسة....محاسب بشركة سياحة وسفر ... finance@travexuae.com
Moh_ismael89@yahoo.com

[Mshawky]

شوف دي........شوفتها على جروب على الفيس بوك
السلام عليكم
انا ممكن اخدمكم فى موضوع الفيزا السياحية للامارات باسعار كويسة....محاسب بشركة سياحة وسفر ... finance@travexuae.com
moh_ismael89@yahoo.com

جزاك الله كل خير