جلاكسي نوت٢، أجيبة بضمان ولا من غير؟

[ahmed_m_ashraf]

إيه رأيكم يا شباب، الفرق حوالي ٤٠٠ جنيه!!!

كمان عندي إستفسار، حد معاه تليفون سامسونج من غير ضمان حصلت له مشكلة وراح التوكيل يصلحة على حسابة؟ ساعتها هل التوكيل بيقبل عادي ولا بيرفض؟؟؟؟؟

دي أول مرة أفكر أشتري من غير ضمان، وعمري ما إستخدمت الضمان قبل كده قمستخسر ال ٤٠٠ جنيه فرق، غير إني ناوي أعمل root فكده كده ممكن الضمان ميبقاش ساري ساعتها.

[naser_56]

طالما انك ناوي تعمل روت يبقي وفر انته ال ٤٠٠ جنيه افضل وبعدين كده كده الضمان بيصدقو ما بيتلككو علي حاجه ممكن يكون عيب تصنبع ويقلك ده عيب استخدام عموما مبروك الجهاز مقدما وتتهني بيه وهو فعلا جهاز اكثر من رائع

[beshomilan]

ولا ليه اى لازمة الضمان
انا جبت النوت 1 اول مانزل ب 4000 من غير ضمان وكان بضمان ساعتها ب 4600
وكان كويس وزى الفل لحد مابعته
وجبت ال s2 مستعمل بحالة الجديد وعايش وزى الفل

[Ahmed Selim]

أنا أعرف أتنين واحد معاه نوت 1 و التاني معاه تاب

كل واحد حصل معاه مشكلتين و بيتصلحوا في الضمان.

اللى أنا فاهمه منك أنك هتعمل روت يعني زي الجيل بريك فى الأيفون..........طيب لو حصل مشكلة بسبب عيب صناعة أيه المشكلة أنك تنزل ال os الأصلي تاني ؟

الأيفون ممكن تعمل فيه الحركة دي عادي.......طبعاً لو الجهاز بيفتح و الشاشة شغالة عادي......مع أنها برضه ممكن تتعمل لو الشاشة مش شغالة.

[BESO516]

بدل هتعمل رووت يبقى ملوش لازمه الضمان انا تليفونى اس 3 كان بيهنج بسيط وديته لتوكيل يونيون اللى فمصر الجديده قالى لو عملتله رووت يبقى الجهاز اوت من الضمان قولتله لأ معملتلوش وفعلا صلحوه

[omaroof]

اشترية بره الضمان واى حاجه بتتعمل ماتخفش
اما عيوب الصناعه فصعب تلقيه فى السامسونج معظم المشاكل بتبقى سوفت وير ودى سهله

[ahmed_m_ashraf]

اشترية بره الضمان واى حاجه بتتعمل ماتخفش
اما عيوب الصناعه فصعب تلقيه فى السامسونج معظم المشاكل بتبقى سوفت وير ودى سهله

بدل هتعمل رووت يبقى ملوش لازمه الضمان انا تليفونى اس 3 كان بيهنج بسيط وديته لتوكيل يونيون اللى فمصر الجديده قالى لو عملتله رووت يبقى الجهاز اوت من الضمان قولتله لأ معملتلوش وفعلا صلحوه

طالما انك ناوي تعمل روت يبقي وفر انته ال ٤٠٠ جنيه افضل وبعدين كده كده الضمان بيصدقو ما بيتلككو علي حاجه ممكن يكون عيب تصنبع ويقلك ده عيب استخدام عموما مبروك الجهاز مقدما وتتهني بيه وهو فعلا جهاز اكثر من رائع

ألف شكر والله يبارك فيكو، ربنا يسهل عموما المحل بيدي ضمان ١٤ يوم لو ظهر أي مشكلة في الفتر القصيرة دي.

أنا أعرف أتنين واحد معاه نوت 1 و التاني معاه تاب

كل واحد حصل معاه مشكلتين و بيتصلحوا في الضمان.

اللى أنا فاهمه منك أنك هتعمل روت يعني زي الجيل بريك فى الأيفون..........طيب لو حصل مشكلة بسبب عيب صناعة أيه المشكلة أنك تنزل ال os الأصلي تاني ؟

الأيفون ممكن تعمل فيه الحركة دي عادي.......طبعاً لو الجهاز بيفتح و الشاشة شغالة عادي......مع أنها برضه ممكن تتعمل لو الشاشة مش شغالة.

هو مش بالضبط كده (أنا مليش خبرة في الخيل بريك خالص)، ممكن عمل root فقط بدون عمل flash للسوفت وير وده بيبقى أقل مخاطرة وبيحافظ على السوفت وير الأصلي للجهاز وبيتهيألي ممكن عمل unroot ولا كأن حاجة حصلت. بس بصراحة بقول لنفسي أوفر ال ٤٠٠ جنيه ولو لاقدر الله حصل حاجة حتى لو إتغيرت أو إتصلحت بأكتر من المبلغ ده شوية، بس ده في علم الغيب وممكن ما يحصلش.

توافقوني على المنطق ده ولا أنا غلطان؟

[S O P H O S]

راي مدام معندكش خبرة فيه ومتعرفش مكان موثوق اشتريه بالضمان افضل
لو تعرف مكان مضمون خلاص من غير ضمان وربنا يجيب الخير ..

[ahmed_m_ashraf]

راي مدام معندكش خبرة فيه ومتعرفش مكان موثوق اشتريه بالضمان افضل
لو تعرف مكان مضمون خلاص من غير ضمان وربنا يجيب الخير ..

لأ يافندم أنا أقصد مليش خبرة بالجيل بريك بتاع الأي فون.

[Mahmoud Nagieb]

معلش استفسار

هو من غير الضمان بكام دلوقتى ؟

[assaf]

معلش استفسار

هو من غير الضمان بكام دلوقتى ؟

انا اخر مره سألت عليه كان ب 3900
لو تعرف حد بره خليه يجبهولك احسن في السعوديه دلوقتي بضمان الحداد 2100 ريال

[amribrahim]

انا اخر مره سألت عليه كان ب 3900
لو تعرف حد بره خليه يجبهولك احسن في السعوديه دلوقتي بضمان الحداد 2100 ريال

إيه دة أنا لسة سائل عليه في سراج من اسبوعين و سعر كان 4200 من غير ضمان و 4880 بضمان

[tamerosman]

3650 جراى و اﻻبيض 3800 من غير ضمان و علبة مبرشمة صناعة كورى
اسكندرية

[مواطن مصرى]

من غير ضمان 3800-3900
بالضمان 4400 الى 4600 ...

الفارق اكثر من 500 جنيه مش مجرد 400 جنيه ...

لو يهمك الفلوس اشتريه من غير ضمان و انت مغمض بس راجع محتويات العلبه كويس قبل ما تشترى و اشتريه من مكان مضمون

لو يهمك الضمان و خايف من موضوع الروت اعمل التالى :

1- فيه برنامج اسمه temp root بيعمل root لفتره مؤقتة و بعدين تلغيه

2- لو هاتعمل root على طول قبل ما تعمله ادخل على SamMobile.com | Everything for your Samsung Mobile | SamMobile و نزل الروم الرسميه بتاعت سامسونج و احتفظ بيها عندك و لو حصل اى مشكله فى الجهاز قم بعمل فورمات للجهاز و إعاده تحميل الروم الرسميه تانى عن طريق برنامج اسمه ODIN ووديهولهم التوكيل و هما مش هايعرفوا انك عملت root من اصلوا

[masterzmind]

معلش يا جماعه يعنى ايه root ؟