Seagate 1TB FREEZE

[Khaled Online]

عندي هارد خارجي Seagate GoFlex 1TB
كان شغال تمام التمام وبعدين بقى يعمل حاجة غريبة قوي
أول ما أوصله عالـusb port
1. تظهر رسالة من Microsoft Windows بتقول:
Do you want to scan and fix GoFlex?
Scan & fix (Recommended
Continue without scanning
2. بختار التانية فيظهر الـautoplay وأختار Open folders ويفتح معايا طبيعي
3. هنا المشكلة بتظهر..أدوس على أي فولدر ياخد وقت بزياااادة على ما يفتحه وبسمع صوت تكتكة منه. أحاول آخد كوبي من أي حاجة عليه فينقل أقصى حاجة 200 أو 300 ميجا ويهنج

أنا مش موصل أي هاردات خارجية تانية في الوقت ده ولا مشغل أي apps ممكن تكون واكلة Processing power ومش مدياه حقه ولا بتعافى عليه وأفضل أكليك بالماوس هي دوسة وبستنى

معلومة كمان الهاردات الخارجية التانية مبتعملشي المشكلة دي ولما ظهرتلي رسالة مايكروسفت بتاعت الscan اخترت الأولانية وعمل سكان وملقاش حاجة وكمل عادي والهاردات دي WD
لكن في الSeagate ده لما سيبته يعمل سكان اشتغل دقيقتين وبعدها هنج


الهارد ده عليه فوق ال 900GB ومستحرم أوديه الصيانة يطيرو وده اللي هيعملوه وهو خارج الضمان خلاص عدى عليه سنتين

اللي يعرف حاجة يقولي الله يكرمكم وأنا شغال تدوير في حاجات أجنبية لحل المشكلة

[OMAR61995]

نصيحة انقل الداتا اللى عليه على هارد تانى فى أقرب وقت لأن كده الهارد بيودع
و ده عن تجربة قريبة نفس اللى بيحصل معاك حصل معايا
بس أنا كان هارد WD 500 و كنت مشغله بأدابتر sata to usb
و كل اللى عليه طار

و لو عرفت تنقل الداتا اللى عليه جربت تعمل write zeros بأى برنامج فورمات لعل و عسى يشتغل

[Khaled Online]

نصيحة انقل الداتا اللى عليه على هارد تانى فى أقرب وقت لأن كده الهارد بيودع
و ده عن تجربة قريبة نفس اللى بيحصل معاك حصل معايا
بس أنا كان هارد wd 500 و كنت مشغله بأدابتر sata to usb
و كل اللى عليه طار

و لو عرفت تنقل الداتا اللى عليه جربت تعمل write zeros بأى برنامج فورمات لعل و عسى يشتغل

بحاول بس مابيرضاش!
اللي مجنني إن ده بقاله سنتين بس وبيبوظ وغيره بقاله 4 سنين وشغال زي العفريت!
ومتشكر عالنصيحة
نفسي يكون فيه طريقة آخد اللي عليه

[Khaled Online]

بعد لفة طويلة في الforums ومواقع الـIT الأجنبية، معلومة عامة للي هيشتري هاردات إكستيرنال: ابعد عن الـSeagate عشان معظم موديلاته سواء 750GB أو 1.5TB أو 1TB أو 3TB عاملة مشاكل :(

In the wake of freezing issues with Seagate's 1.5TB drives comes yet another problem with the Barracuda 7200.11 series. Failure rates of the 1TB drives in particular are abnormally high, but Seagate has not acknowledged the problem.

http://www.tomshardware.com/news/seagate-7200.11-failing,6844.html

عن تجربة شخصية بقى الـWD لا يعلى عليه

[naser_56]

غريبه عندي ٣ هارادات سايجت اتنين منهم الواحد مساحته واحد ونص تيرا والتالت مساحته ٢ تيرا وشغالين بدون مشاكل بالرغم ان الاتنين الواحد ونص ليهم حوالي ٣ سنين وشغالين شغل حمير كوني اني بشغلهم ملتيميديا وكلهم افلام hd وطبعا معروف ان الملتيميديا الهارد بيكون شغال بأستمرار !!!!

طيب مافيش خبطه حصلته كده ولا كده وانته مشغله او بتحركه هو وشغال ؟؟

[Khaled Online]

غريبه عندي ٣ هارادات سايجت اتنين منهم الواحد مساحته واحد ونص تيرا والتالت مساحته ٢ تيرا وشغالين بدون مشاكل بالرغم ان الاتنين الواحد ونص ليهم حوالي ٣ سنين وشغالين شغل حمير كوني اني بشغلهم ملتيميديا وكلهم افلام hd وطبعا معروف ان الملتيميديا الهارد بيكون شغال بأستمرار !!!!

طيب مافيش خبطه حصلته كده ولا كده وانته مشغله او بتحركه هو وشغال ؟؟

ربنا يباركلك فيهم
مفيش خبطات أنا أساسا لا بنقل هاردات مع حد ولا حاجة ومكانهم ثابت. الفكرة إن المشكلة في هاردوير فبدورلها على تصريفة

[naser_56]

طيب صوت الهارد عامل اذاي معاك فيه حاجه غريبه ولا صوته الطبيعي ومفكرتش في كيبل usb يمكن فيه مشكله ولا حاجه وخلي بالك لو الكبل طويل شويه بكده ممكن يكون فيه فقد في الباور ومش هيشغل الهارد مظبوط.

[hazoom2006]

ممكن المشكلة تكون فى دايره الباور فى الهارد نفسة لو الهارد زى مابتقول ماتخبطش منك خالص

ودية لوحد بتاع صيانه متخصص (مش ويندوز وبرامج) وقوله الداتا مهمه وخد معاك هارد تانى علشان ينقلك الداتا عليه

كتر التكته دى لو الميديا سليمة بتبوظ

[Khaled Online]

طيب صوت الهارد عامل اذاي معاك فيه حاجه غريبه ولا صوته الطبيعي ومفكرتش في كيبل usb يمكن فيه مشكله ولا حاجه وخلي بالك لو الكبل طويل شويه بكده ممكن يكون فيه فقد في الباور ومش هيشغل الهارد مظبوط.

شكرا يا باشا عالملاحظة. صوته غريب. تكتكة كل ثانيتين وكل أربع ثواني زي صفارة خفيفة خالص (زي صوت الDos في الكمبيوترات القديمة أول ما نشغلها بس على خفيف)
والكابل هواه اللي بتسعمله مع هارد تاني وشغال

ممكن المشكلة تكون فى دايره الباور فى الهارد نفسة لو الهارد زى مابتقول ماتخبطش منك خالص

ودية لوحد بتاع صيانه متخصص (مش ويندوز وبرامج) وقوله الداتا مهمه وخد معاك هارد تانى علشان ينقلك الداتا عليه

كتر التكته دى لو الميديا سليمة بتبوظ

ممكن الله أعلم. هو الهارد بياخد الباور بتاعه من كابل الـusb ومالوش كابل لوحده
هستنى أجيب هارد كمان وأروح بيه لمكان مضمون
أنا مطمن لـcompume بس هما هيقولولي سيب الهارد وأنا مش عايز كدة
تعرف مكان صيانة جوه القاهرة؟ وألف شكر

[OMAR61995]

هى صوت الصفارة دى زى تا تات تا تات و بتتكرر ؟
لو كده يبقى أكيد الهارد اتخبط أو كنت بتحركه كتير
عشان هاردى المرحوم كنت كل شويه أوصله و أشيله و كنت بشيله من الكهرباء على طول لأن دى الطريقة الوحيدة لفصله

[hazoom2006]

الهاردات الاكسترنال بتكون عباره عن هارد لاب توب بداخل علبه بلاستك علشان توصلها بالكابل ده توضيح للفكرة بس

يعنى جوة العلبه دى هارد عادى جدا وفيه بوردة الهارد معرضة لمشاكل واعطال فى دايرة الباور بس محتاج حد فاهم ومتخصص جدااا

وانا للاسف ماعرفش حد فى القاهره فى الموضوع دة كنت عايز اساعدك والله

[Khaled Online]

الهاردات الاكسترنال بتكون عباره عن هارد لاب توب بداخل علبه بلاستك علشان توصلها بالكابل ده توضيح للفكرة بس

يعنى جوة العلبه دى هارد عادى جدا وفيه بوردة الهارد معرضة لمشاكل واعطال فى دايرة الباور بس محتاج حد فاهم ومتخصص جدااا

وانا للاسف ماعرفش حد فى القاهره فى الموضوع دة كنت عايز اساعدك والله

فهمت كده تمام وكفاية نصايحك يا باشا ألف شكر

[hazoom2006]

[youtube]http://www.youtube.com/watch?v=Lkakc7QEtFs[/youtube]

[Khaled Online]

[youtube]http://www.youtube.com/watch?v=lkakc7qetfs[/youtube]

ألف شكر :)
لما أروح هحاول معاه بالفيديو ده

[hazoom2006]

يفضل ماتجربش الا اذا كان عندك خلفية عن اللى هتعمله
انا لقيت الفيديو دة وحطيته عشان اوضح لحضرتك انه بيكون جواه هارد لاب وممكن يكون بوردة الهارد نفسها فى مشكلة
يفضل تروح لمتخصص صيانه (مش بتاع ويندوز وتجميع اجهزة) صيانه هاردات ولابات