إعـــــــلان

Collapse

.

,
See more
See less

هو ليه التناكه فى مصر بقت صفه اساسيه فى الشغل

Collapse
X
 
  • Filter
  • الوقت
  • Show
Clear All
new posts

  • هو ليه التناكه فى مصر بقت صفه اساسيه فى الشغل

    ليه كل ماواحد يعمل مشروع ولا حتى صفحه على الفيس ملهاش 30 لازمه يعملك فيها صاحب ببيزنس وقمه التناكه الى فى الدنيا لدرجه انه بيقطع رزقه بايده لما بيتنك على الناس وعلى الشغل مع الشركات المتعاونه معاه وفاكر ان ده صح بيعلى من مقامه وقيمه شركته

    وكذلك الموظفين لما تيجى اى شركه تتوطف فيها والشركه متنكتش عليه وعاملته باحترام متبادل واهتمام عالى يفتكرهم واقعين وملهمش لازمه ولما يتنكوا عليه وينفضوله بالسنه ولا بيعبروه تلاقيه بيجرو وراهم ليل ونهار ويتمنى يدخل بس جوا


    فهل الواحد بقا فاهم الناس غلط ولا ديه بقت صفحه مكتسبه عند الكبير والصفير فى مصر

    انا كلامى اكتر على الشركات او المشاريع الصغيره وغالبا اصحابها شباب مش ناس ذو خبره حتى

  • #2
    ديه صفه اساسيه في الانسان المصري
    مش حاجه غريبه
    وفي الشغل و غير الشغل
    انا كنت عامل موضوع زمان في كلام عن الموضوع ده

    والعباره اللي بقيت امشي بيها...(اللي تعبره مايعبركش واللي ماتعبروش يعبرك)
    [SIGPIC][/SIGPIC]

    [CENTER]خلوها تصـــــــــــــدي و موديلها يعـــــــــــــــدي[/CENTER]

    Comment


    • #3
      بص هاريحك، لو قابلت أي من هذه الكائنات ولقيته بيتنك عليك، ما تعبروش نهائي هاتلاقيه اتعدل على طول، وللأسف فعلا بقت سمة أساسية في الشعب المصري

      Comment


      • #4
        صفة التناكة دي أنتشرت جداً ومش في الشغل لأ في الحياة الإجتماعية كمان
        يعنى لما تتعامل مع بياع بطريقة أبن البلد يتعامل معاك بطريقة التطنتيش ويديك أسوأ اللي عنده
        لكن تعالى أتعامل معاه بتناكه يقوم لك ويقولك أومر يا بيه ويديك أحلى حاجة عنده
        صدقني جرب بنفسك عند بياع فاكهة مثلاً
        يعنى أنا مثلاً الساعي اللي عندي في الشغل راجل أكبر مني سناً فلما أطلب منه شاي أو أي حاجة أقول له : لو سمحت يا عم فلان ممكن شاي ، بتكون النتيجة إنه يتأخر وممكن ينسى ، رغم أنك بتراضيه مادياً ( بقشيش علشان عندنا المشروبات ببلاش )
        تعالى بأة شوف واحد تاني لما ينادي له : أنت ، روح هات لي بسرعة شاي - والله بتيجي له الحاجة في لمح البصر ، ومن غير بقشيشات .
        ومن هنا أتضح لي إن التناكة صفة أساسية في الحياة ولكن للأسف مش بعرف
        ومن تواضع لله رفعه
        [CENTER][SIGPIC]http://www.nilemotors.net/Nile/signaturepics/sigpic115286_2.gif[/SIGPIC][/CENTER]

        Comment


        • #5
          احنا اصلنا شعوب مريضه ومعقده نفسيا وفاهمه الدنيا بالشقلوبالدين جلبيه ودقنوالموضه تقليد اعمىوالقانون على الورق بسوكله بيكدب على كله وكله بتمنظر على كله....الخ
          ان الله لا يغير ما بقوم حتى يغيروا ما بأنفسهم

          Comment


          • #6
            السلام عليكم و رحمة الله و بركاته




            ده قلة احترام و العياذ بالله.

            الناس منها اللى فعلا بيعمل كده و منها اللى بيقدر الانسان اللى أودامه و بيتعامل باحترام مع المحترمين, لكن للأسف فيه كتير أوى, أما يلاقيك بتتعامل معاه باحترام, يفتكر ساذج و ضعيف, و أما أنت تلاقيه بيعمل كده, تقوم تقلب الوش التانى و تلبه, تلاقيه بقى زى الألف !!!!!!!!!!!!!, طاب ماكان من الأول يا روح ....*, حاااااااااااااااااجة غرييييييييييييييييييبة.

            الظريف أن الموضوع ده فيه منه حتى على مستوى القرايب, عارف أحيانا يكون حد قريبنا مثلا و أنا بزوره على فترات متقاربة, عادى مافيش مشاكل, تعرف لو أخويا مثلا -أنا ماليش أخوات صبيان- بيزوره مثلا كل سنتين مرة, ياااااااااااااااااااااااااه, تلاقى ساعة ماخويا ده يروحله, الدنيا تقف و ماتقعدش و تتشال و تتحط, طاب ما أنا بجيلك كتير, اشمعنى بقه !!!!!!!!!!!!!, عالم مايطمرش فيها الجميل !!!!!!!!!!

            و عجبى.

            هههههههههههههههههههههههه
            [CENTER][FONT=Comic Sans MS][SIZE=7][COLOR=cyan][B][I]Maserati Quattroporte[/I][/B][/COLOR][/SIZE][/FONT][/CENTER]
            [CENTER][B][FONT=Arial Black][SIZE=3][COLOR=#8b0000]بسم الله الرحمن الرحيم[/COLOR][/SIZE][/FONT][/B][/CENTER]
            [CENTER][B][COLOR=navy]لقد كفر الذين قالوا إن الله هو المسيح ابن مريم وقال المسيح يا بني إسرائيل اعبدوا الله ربي وربكم إنه من يشرك بالله فقد حرم الله عليه الجنة ومأواه النار وما للظالمين من أنصار(72)لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم(73)[/COLOR][/B][/CENTER]
            [CENTER][B][FONT=Arial Black][SIZE=3][COLOR=darkred]صدق الله العظيم[/COLOR][/SIZE][/FONT][/B][/CENTER]

            Comment


            • #7
              و الله انت برنس فعلاً ... تلاقي واحد عامل صفحة اول ما عدت ال20 fan يقلب بتناكة غريبة كل دا عشان هو الأدمن و الكلام دا واضح اوي في الصفحات العربية و طبعاً اصحاب المنتديات كمان :)
              People who worship money are very easy to spot, their favourite colour is green
              [shr71=http://i55.tinypic.com/15g9lk9.jpg]Physics[/shr71]

              Comment


              • #8
                لسه كانت خطبة الجمعة عن التواضع
                ودي من اهم صفات الانسان بصراحة ..

                Comment


                • #9
                  استغفر الله العظيم واحدة زميلتى فى الشغل قالتلى مثل ، للاسف شايف مضمونه صح:
                  "فى ناس الكبر عليهم صدقة"
                  المشكلة بقى انى بتضايق من نفسي لما اطبقه حتى لو مصلحتى قضيت او اشتريت الحاجة اللى انا عاوزها
                  انا كان فى صنايعي عندى قمة القرف والتناكة ومش عاوز اقولكوا كنت بعامله هو اللى معاه باحترام ازاى
                  جه واحد صاحبي هيشتغل فى شقته بعدى قالى ما ينفعش الكلام ده
                  الصنايعي يقول لصاحبنا ده هل فى بوتاجاز وشاي وسكر علشان بيحب يشرب شاى ، راح صاحبنا دخل فيه شمال وقاله شاى وسكر ايه الشقة فاضية وما فيش شاى وسكر ولا بوتاجاز ولا حد يعملك شاى ابقى جيب انت حاجتك معاك وتيجي بدرى علشان السيراميك فرز تالت وهتقعد انت تفرزه الاول قبل التركيب

                  تخيلوا معاملة الرجل اتقلبت ازاى والتناكة اللى كان رسمها على ومطلع عيني راحت.. وحاضر يا باشا وتحت امرك يا باشا انا كنت بسال بس ..لدرجة انه كان هيقوله انا بطلت اشرب شاى ههههه
                  [FONT=Arial Black][SIZE=6][COLOR=seagreen]يقول اللورد كرومر فى مذكراته: لم اجد فى مصر الا المصريين فقط.. بعضهم يصلى فى المسجد وبعضهم يصلى فى الكنيسة لكن كلهم مصريون.
                  [/COLOR][/SIZE][/FONT][CENTER][FONT=Arial Black][SIZE=6][COLOR=seagreen]أبو كمال[/COLOR][/SIZE][/FONT][/CENTER]

                  Comment


                  • #10
                    الموضوع ف الاول وف الاخر تربيه وأصول, يعني لو انت ابن ناس وحد اكرمك أكيد هتعامله باحترام مش بتكبر والعكس صحيح..
                    إن أكرمت الكريـم ملكـته وإن اكرمت اللئيم تمـردا
                    سبحانك اللهم وبحمدك ، أشهد أن لا إله إلا أنت أستغفرك وأتوب إليك
                    Ahmad Zarzora

                    Comment


                    • #11
                      للاسف اعتقادات تم توارثها زي سياسه في الشغل اسمها فرق التجمعات علشان ميحصلش تبادل اراء .هو شرط يكون فيه تجمعات يعني هو احنا ملناش مخ نفكر بيه وكمان متسلمش علي االموظفين الاقل منك واتعامل معاهم انك من الادارة العليا علشان يخافوا منك ويحترموك كل الكلام ده فاضي وملوش اي لزمة المعامله الطيبه افضل طريقه لاكتساب الاخرين وانجاح اي منظومة واي عضو فاسد هيظهر ومش هيلائم المكان من نفسه هيمشي لان المنظومة كلها هتكون بتتعامل باسلوب التفاهم مفيش خوف فيه حقوق فيه مشاركة اتمني ان اجد مكان بهذه المواصفات لان بجد ده فريق العمل الي كل واحد فينا بيتكلم عنه اتمني ان اعمل مع فريق عمل متعاون وده طبعا خيال
                      [OVERLINE]اذا لم تحارب من اجل شي اردته فلا تبكي علي شي قد خسرته[/OVERLINE]

                      Comment


                      • #12
                        المشاركة الأصلية كتبت بواسطة mohamedrabia مشاهدة المشاركة
                        للاسف اعتقادات تم توارثها زي سياسه في الشغل اسمها فرق التجمعات علشان ميحصلش تبادل اراء .هو شرط يكون فيه تجمعات يعني هو احنا ملناش مخ نفكر بيه وكمان متسلمش علي االموظفين الاقل منك واتعامل معاهم انك من الادارة العليا علشان يخافوا منك ويحترموك كل الكلام ده فاضي وملوش اي لزمة المعامله الطيبه افضل طريقه لاكتساب الاخرين وانجاح اي منظومة واي عضو فاسد هيظهر ومش هيلائم المكان من نفسه هيمشي لان المنظومة كلها هتكون بتتعامل باسلوب التفاهم مفيش خوف فيه حقوق فيه مشاركة اتمني ان اجد مكان بهذه المواصفات لان بجد ده فريق العمل الي كل واحد فينا بيتكلم عنه اتمني ان اعمل مع فريق عمل متعاون وده طبعا خيال
                        كلامك جميل جدا وبيطبق فى اكبر الشركات الناجحه

                        لكن للاسف انا عن نفسى تجربه شخصيه عملت كده جربت اقرب من الناس فى مكان عملى جدا
                        وبناكل سوا وبندردش فى كل حاجه ووقت الشغل شغل

                        للاسف استهانو جدا بالامور والموضوع جه على حساب الشغل كمان ولو فى حاجه بتتكلم فيها ليه متعملتش تلاقى عينه اد كده بكل بجاحه يقولك عادى يعنى مكنتش فاضى لما افضى اعملها حاضر وكان هو المدير وانت عامل او موظف

                        عايز اقولك لو انت فكرت تعمل كده الى حواليك مش هيسمحولك بكده وهتلاقى نفسك لوحدك وبتادن فى مالطه


                        لكن لما غيرت معاملتى بالطريقه الى حضرتك ذكرتها انى اتنك واتعامل معاه انى مدير وهو موظف وبس وصوتى يعلى وعينى تحمر كله ماشى زى الفل وبالطريقه الصح الى بيتعمل بيها الشغل

                        ديه تجربه شخصيه حبيتت اوضح وارد بيها على كلامك الجميل بس اتمنى انه يتطبق

                        Comment


                        • #13
                          على فكره الموضوع بيبدأ قبل الشغل بكتير: افتكر فى الجامعه مين الدكتور اللى الناس بتعمله الف حساب و عمرها ما بتتأخر عن ميعاد محاضرته؟ فى المدرسة مين المدرس اللى الكل بيخاف منه ؟ بلاش دى طيب فى الشارع مين اللى الناس بتخاف تركن قدامه : اللى كاتب يافطه ان ده جراج خاص رجاء ممنوع الوقوف و لا اللى بيقطع كاوتش اى عربيه تركن قدامه؟ مع الاسف الخطأ فى التربيه من الأول و كل اللى بيحصل ده مترتب عليه و أدى الى ان طيب = ساذج ؛ بلطجى= لابد من احترامه ؛ محترم= قليل الحيله و غلبان و ده اللى وصلنا الى مرحله الانحطاط الاخلاقى اللى وصلنا ليها و انتشار شريعه الغاب

                          Comment


                          • #14
                            على ما اعتقد دى عقد الناس بتطلعها على بعضها
                            كل واحد وصل لمنصب او حاجة بقى لازم يشوف نفسه على الناس علشان الى قبله كان بيشوف نفسه عليه

                            بس ابقى مدير و انا هطلع عين اللى هيشتغل تحت منى

                            Comment

                            Working...
                            X