power Nap .... للناس اللي بتفصل في نص اليوم أو عايزة تسهر

[Eng.Geo]

اللي بيحس انه فجأة مش مجمع علي نص اليوم ومش حاسس باللي بيحصل وممكن يكون عنده شغل ولازم يبقي فايق ... أو اللي عايز ياخد راحة وسط اليوم عشان يقدر يكمل باقي اليوم
مش لازم تناملك بتاع ساعتين عشان تقوم فايق
هتدور علي مكان ترتاح فيه لمدة ربع ساعة فقط .... 15 دقيقة
مش لازم تنام علي ضهرك ... ممكن تفرد علي كرسي
أشرب حاجة فيها كافيين وانت في مكان الراحة
مجرد ما تخلص اللي بتشربه أظبط منبه يرن بعد 15 دقيقة بالظبط .... 20 لأ
غمض عينك وأسترخي .... حتي لو تعبان تعب الدنيا ... حاول ماتفكرش
المنبه يرن .... قوم أغسل وشك
هتقوم فايق وكويس جدا
انا مجرب الموضوع ده من فترة
اللي عايز يفهم الليلة وليه 15 دقيقة وليه يشرب قبل النوم مش بعده ممكن يدور في جوجل
أو ممكن يبص هنا بصة
How to Power Nap: 5 steps - wikiHow
معلش بقي عندي أمتحانات ومشغول فمش عارف أكتب بتفاصيل كتير

[beshomilan]

اووووووووووه ياريت.. دانا لازم اتخمد الضهر عشان اقدر انزل شغل بليل

[zkralla]

شكرا يا بشمهندس
نفس القيلولة التى تعتبر شائعة فى بلاد كثيرة
وهى من الموروثات الثقافية لدى كثير من الشعوب وبالذات في البلاد الدافئة. فالقيلولة تعتبر شائعة جدا في منطقة حوض البحر الأبيض المتوسط، في دول مثل اليونان وإيطاليا وأسبانيا وتعرف بالسيستا، وتقل أو تكاد تختفي في أماكن أخرى مثل أمريكا الشمالية وشمال أوروبا.

كما اوصى بها النبى صلى الله عليه وسلم
ونومة القيلولة مستحبة عند جمهور العلماء، لقول النبي صلى الله عليه وسلم: قيلوا فإن الشياطين لا تقيل. والحديث حسنه الألباني في صحيح الجامع برقم4431.[/color]

اللي بيحس انه فجأة مش مجمع علي نص اليوم ... أو اللي عايز ياخد راحة وسط اليوم

والذي يُرجح أن القيلولة هي الراحة بعد الزوال -يعني بعد الظهر- ما رواه البخاري ومسلم عن سهل بن سعد رضي الله عنه قال: ما كنا نقيل ولا نتغذى إلا بعد الجمعة في عهد النبي صلى الله عليه وسلم. واللفظ لمسلم.

[color=blue
هتدور علي مكان ترتاح فيه لمدة ربع ساعة فقط .... 15 دقيقة

[color=blue

مش لازم تنام علي ضهرك ... ممكن تفرد علي كرسي

غمض عينك وأسترخي .... حتي لو تعبان تعب الدنيا ... حاول ماتفكرش
المنبه يرن .... قوم أغسل وشك

وقال الصنعاني في سبل السلام: المقيل والقيلولة: الاستراحة نصف النهار، وإن لم يكن معها نوم. انتهى.

[zkralla]

الموضوع الاصلى لما قمت لنقل بعضه
http://www.islamweb.net/fatwa/index....ang=A&Id=31661

http://www.qwled.com/vb/t121169.html

[dr.hazem]

شكرا وهقرا الموضوع واعلق تاني ان شاء الله
تحياتي

Sent from my SE Arc S using Forum Runner

[S O P H O S]

هجرب ..

[RAPID]

شكرا على الفكرة الهايلة، فى برضه فكرة تانية ممتازة اتعلمتها من دكتور ايام الجامعة كانت محاضرته فوق الساعتين وكان يجى فى نص المحاضرة لما يحس اننا فصلنا منه يقولنا كله يحط دماغه على البنش ويغمض لمدة 5 دقايق ويفكر فى منظر هادى (جزيرة ساعة الغروب او شلال فى غابة) ويركز ويتخيل، كنا بنرجع انشط وبنفوق بجد، وساعات بعملها دلوقت وبرضه بحس بفرق :)

[AhMeD MeTwAlY]

كنت بعمل الموضوع دا ايام الامتحانات
الساعه 12 بليل انام علي المكتب لمدة نص ساعه بظبط اقوم فايق واكمل مذاكره

[amrelsha3er]

اتمنى انها تنفع معايا :d

[khaled sabry]

بس ازاى الواحد يشرب حاجه فيها كفايين و ينام ربع ساعه بعدها على طول ؟؟؟
المفروض ان الكفايين ده بيصحصح و بيمنع النوم
ده غير الناس اللى زى حلاتى (مدمن نسكافيه) ممكن افضل صاحى على السرير نص ساعه قبل ما انام

[ahmedkhairy]

فكرة ممتازة فعلا

[eng_sh]

فعلا فكرة جميلة كنت بعملها ساعات و بتنفع

شكرا على الفكرة الهايلة، فى برضه فكرة تانية ممتازة اتعلمتها من دكتور ايام الجامعة كانت محاضرته فوق الساعتين وكان يجى فى نص المحاضرة لما يحس اننا فصلنا منه يقولنا كله يحط دماغه على البنش ويغمض لمدة 5 دقايق ويفكر فى منظر هادى (جزيرة ساعة الغروب او شلال فى غابة) ويركز ويتخيل، كنا بنرجع انشط وبنفوق بجد، وساعات بعملها دلوقت وبرضه بحس بفرق :)

دى جديدة جدا بس واضح انها كويسة اوى

[magid1010]

شكرا يا جو حنجرب و نقولك و الموقع برده جميل

[METOELESSAWY]

شكرا على الموضوع