لو واحد فى الشارع شتمك تعمل ايه

[Mshawky]

لو انت ماشى بعربيتك او فى الشارع وحصل اى موقف بسيط خالص والراجل كان قليل الادب مثلا وتطاول جامد بالكلام والسب والشتيمه

هيكون موقفك ايه ؟


هتمسك فيه تضربه

ولا مش هتحتك بالاشكال ديه ؟

ياريت كل واحد ينقلنا تجربته لانى ببساطه امبارح كنت هخش السجن فى واحد وللاسف جرى بالفزبا

[tutankhamoun]

أتعلمت بعد تجربة
أن الشتيمة مش بتلصق و مفيش داعي الواحد يتنرفز أو يتعصب على حد و ساعة الغضب يعمى البصر .

بكبر دماغي تماما .......... و أي حد بيشتمني بقوله الله يسامحك و أسايبه و أمشي (إلا بقى لو جى ورايا - ساعتها هادافع عن نفسي )

بس في أغلب الأحوال لو واحد شتمك
و أنت كلمته بأدب ....... هو بيلم لسانه و غالبا بيعتذر و الموضوع بينتهي .

[Imhotep]

أتعلمت بعد تجربة
أن الشتيمة مش بتلصق و مفيش داعي الواحد يتنرفز أو يتعصب على حد و ساعة الغضب يعمى البصر .

بكبر دماغي تماما .......... و أي حد بيشتمني بقوله الله يسامحك و أسايبه و أمشي (إلا بقى لو جى ورايا - ساعتها هادافع عن نفسي )

بس في أغلب الأحوال لو واحد شتمك
و أنت كلمته بأدب ....... هو بيلم لسانه و غالبا بيعتذر و الموضوع بينتهي .

+1
بالاضافة الى انى انا شتايمى اخرها يا حمار يا غبى و عمرى ما انحط اسلوبى لما تحت كده..... و بالتالى سأدخل معركة خاسرة بالتأكيد

[ahmed4000]

مهى المشكلة لو معاك حد او مراتك وولادك
الواحد مبيبقاش عايز يتخانق علشان المواضيع متكبرش وبقى فى احتمال كبير يبقى معاه سلاح فى الاوقات المنيلة دى
وبرده مبيبقاش عايز يسكت ويتهزق قدام عيلته

[Motaz.Habib]

أتعلمت بعد تجربة
أن الشتيمة مش بتلصق و مفيش داعي الواحد يتنرفز أو يتعصب على حد و ساعة الغضب يعمى البصر .

بكبر دماغي تماما .......... و أي حد بيشتمني بقوله الله يسامحك و أسايبه و أمشي (إلا بقى لو جى ورايا - ساعتها هادافع عن نفسي )

بس في أغلب الأحوال لو واحد شتمك
و أنت كلمته بأدب ....... هو بيلم لسانه و غالبا بيعتذر و الموضوع بينتهي .

+111111

[BESO516]

والله للأسف بتضطر الظروف الواحد يدخل فمعارك كلاميه ولفظيه مع ناس ااقل من اى مستوى شفته فحياتك بس نعمل ايه هى دى بلدك وهى دى اخلاق شعبك

وهحكيلك على موقف لسه حاصل امبارح
كنت ماشى فى السيده عايشه متجه للدائرى وانا تحت الكوبرى سواق مكروباص قفل عليا (من الشمال ) وعايز ينزل الركاب على الشمال برده وانا مسبتوش تييييييييييييييييييييييييييييييييييييييييييت بالكلاكس وخلعت من جنبه لقيته بيشتم رحت جاى قدامه وواقف بالعرض ونزلتله وقولتله بتقول ايه يابن..... ويابن...... ويابن......
وكان معايا زميل ليا بصراحه الراجل شاف كده سكت واعتذر وقالى انا اسف يابييه !!!!!!!!!!!!! ليه بقى ؟؟ عشان العربيه كانت كلها فاميه وحاطط عليها نسر من ورا فتقريبا افتكرنى ظابط ولا حاجه فراح راجع لورا

فألأشكل دى مينفعش معاها غير كده والله

[Imhotep]

مهى المشكلة لو معاك حد او مراتك وولادك
الواحد مبيبقاش عايز يتخانق علشان المواضيع متكبرش وبقى فى احتمال كبير يبقى معاه سلاح فى الاوقات المنيلة دى
وبرده مبيبقاش عايز يسكت ويتهزق قدام عيلته

دى مشاركة ليا فى موضوع قديم كنت بحكى فيها بعمل ايه مع الاساليب المختلفة فى التعامل.... بس ده عادة بيكون و انا سايق لان موضوع المشى فى الشارع ده نادر:

(و بما اننا فى منتدى سيارات..... انا معرفش انت لما لا قدر الله بتعمل حادثة بتتصرف ازاى..... بس هقولك انا بتصرف ازاى كتطبيق عملى على الكلام اللى انا كاتبه فوق كله...... الكام حادثة اللى حصلولى او اتسببت فيهم و بالذات اللى اتسببت فيهم..... كنت لما اللى قدامى بيركن اروح راكن على طول وراه.... و استناه ينزل اروح انا كمان نازل..... بس ايه مش اى نزلة..... بمنتهى الهدوء نزلة البرنس :) نضارتك الشمس هدومك النضيفة عربيتك اللى بتبرق من النضافة :) (و مش مهم الهدوم او العربية غالية و لا رخيصة المهم اللى هييجى بعد كده) و اروح قافل العربية و هو بيتفقد اللى حصل فى عربيته...... اروح مادد ايدى بالسلام عليه و قايله بمنتهى الهدوء..... حضرتك كويس؟ حمدا الله على السلامة..... و بعتذر عن خطأى و ابدى استعدادى لتحمل اى تكاليف تصليح او خلافه...... الكلام ده بيبقى مع النوع الهادئ اللى لسه مسخنش بسرعة و لسه ما حطش فى اعتباره انه نازل يتخانق حتى لو محصلش حاجة خالص فى عربيته......

هيفضل النوع الزبالة..... ده بقى قبل ما يحاول يهلل و يتمادى بروح قايله بلهجة حازمة...... و بدون اعتذارات حتى لانه بيبقى واضح انه ما يستاهلهاش...... بروح قايله اسمع..... شوف عايز ايه و هعملهولك...... او شوف عايز كام تمن للى حصل..... و لانه اصلا بيبقى كل غرضه الفلوس او رمى الزبالة اللى جواه و خلاص...... بيتلم لانه بيفهم كويس ان ديته عندى بتبقى شوية فلوس ياخدها و يغور فى داهية..... احيانا كتير تلاقيه بيتلم و يقعد يقولك انت عايزنى اقبل العوض مش شايف اللى انت عملته؟ لما بلاقيه هدى كده اهدى انا كمان اقوله شوف عايز ايه و ايه اللى يريحك و انا تحت امرك...... تلاقيه على طول اتلم اكتر و اكتر و غالبا يقولى طب خلاص حصل خير و ساعتها الموضوع بيتلم بسلام سلام و حصل خير و الكلام ده..... او ياخودله قرشين و يتكل على الله..... و هنا المثل بيقولك اللى تعرف ديته اقتله..... هو ده توبه و هى دى ديته..... شوية فلوس......)

اخر مرة حصلى الكلام ده كنت حكيت فى عربية واحد من ورا.... نزل بيبص و قابلته انا بالطريقة اللى كتبتها فوق..... لقيته بيقولى كده خبطتلى العربية؟ قولتله فين؟ بص ملقاش حاجة..... قولتله شوفت؟ ادينى انا اللى اتعورت اهه.... قاللى فين؟ قلتله مش عارف...... قعد يضحك و سلمنا على بعض و مشينا.....

[Mshawky]

لا احنا بقى فى انحطاط اخلاقى عند الشعب عالى

انا موقف امبارح الواد هو الى شاتمنى شتمته بالكلاكس لقيت بيركن الفزبا وعايز كمان ينزل يمسك فيا

روحت مطلع راسى ونازل شتيمه اول مره يمسعها وراح ماشى

مستغرب هو قليل الادب وكمان بيقف علشان يتخانق حاجه عجيبه فى الناس

[Mshawky]

[youtube]http://www.youtube.com/watch?v=pD5Maxr4WdM[/youtube]





انا بصراحه ماشى بالتونفا ديه معايا فى العربيه على طول الى بيعلوقها دايما الحرس الخاص فى جنبهم

ومتدرب عليها كويس بس للاسف باخد قرار الف مره قبل ماهجم على حد معرفش ده تردد ولا انى ماذيش حد وابقا ظالم وللاسف الناس بتتمادى

[drmsadek1979]

اعصابي بتفلت وبرد عليه الشتيمة بأسوأ منها,,,,,,,
مشكلة مش عارف اتخلص منها وهي النرفزة بسرعه

[bmw323]

لسة حاصل معايا موقف زى دا بسبب واحد زمرتلة جامد بالكلاكس لأنة مرة واحدة راح خاطف غرزة كانت هتأذيني لولا ستر ربنا فا انا زودتها فى الكلاكس فهدالى وراح شاتم رحت بصيتلة بقرف ومشيت وولا رديت علية بس بصراحة أمبسط أنة أتحرق دمة وأنا ولا أى حاجة :) الأشكال دى ميتردش عليها يتحرق دمها أكتر

[amrelsha3er]

بصراحه الواحد من النوع اللى مبيعرفش يسكت عن حقه
الحمد لله ان الواحد قعدته فى القاهره مش كتير بعيدا عن المشاكل والارف
فعلا سبحان الله الناس سولكها بقى فى النازل فى ناس نازله من بيتها تتلكك لاى حد عشان تتخانق
وتعمل مشكله
بس والله بحاول اجتنب المشاكل على قد ماقدر واحيانا الواحد بيغلط ومبسبش اللى ورايا اللى لما اتاسفله واقوله حقك عليا
ربنا يهدى الناس جميعا ويبعد عننا المشاكل

[amrelsha3er]

فعلا اللى بيضايقنى بحاول استفزه اكتر بالعربيه احسن مااشتم انا واقل ادبى وهو هيقل ادبه
عندك حركه البرود دى بتاعه الناس تلاقى واحد واخد شمال وماشى على سرعه 20 واليمين واقف تكلكس مفيش وقدامه الطريق فاضى فعلا والبيه بيتكلم فى الموبايل ولا هو هنا
بقوم جاى قدامه وماشى على سرعه 10 بقى 3 دقايق بس لما بخنقه واوريه نفسه هو بيعمل ايه فى الناس :d