تكملة تعليمى فى امريكا

[fady554]

مساء الخير عليكم
انا فى كلية تجارة جامعة عين شمس
فى سنة تالتة اول ههههه
و معروض عليا السفر امريكا
(احتمال ضعيف جداا)
ددلوقتى انا عايز استفسر عن نظام تعليمى هناك هيكون ازاى
يعنى مثلا هكمل على الثلاث سنين اللى انا درستهم هنا و ادخل على سنة تالتة او رابعة
هناك على طول؟
ولا هعيد من الاول و هدخل اى جامعة هناك من سنة اولى على طول ؟

[Land_Cruiser]

ادخل على موقع اى جامعه انت عايزها و حتى لو مش عارف اسم جامعه معينه دور على الجامعات اللى قريبه من المنطقه اللى هتسكن فيها مثلا و هتلاقيهم كاتبين الشروط بتاعه الالتحاق و كمان حاطين الايميل بتاعهم و التليفونات وتقدر تبعت لهم و تسألهم عن اى استفسار عندك و هما بيردوا عليك بكل المعلومات اللى محتاجها

[mohamed_selim]

يعنى ايه معروض عليك السفر؟ سفر للدراسه ولا سفر عام و انت هتكمل دراسه هناك؟
الدراسه هناك بفلوس و فلوس كتير ... هتبدأ من الصفر لأن معندناش جامعات معتمده فبالتالى حسب الجامعه اللى هتقدم فيها هتقبل اللى درسته ولا لأ... هتحتاج شهادة الثانويه العامه مترجمه و موثقه من الخارجيه و تجيب trans cript للى درسته فى الكليه مترجد و موثق برضه و بعدين هتشوف الجامعه اللى انت عايزها ايه المطلوب كمان مع الورق ده (ممكن toefl او gmat او ما شابه)
الاستفسارات دى كلها ممكن تتعمل online من هنا قبل ما تسافر عشان تروح جاهز

[fady554]

طب دى مشكلة كبيرة اصل انا كنت فى ثانوية عامة دفعة السنة الفراغ اللى نتجت عن وجود سنة سادسة و التنسيق كان ساعتها بيقبل مجاميع فى الارض يعنى انا داخل تجارة انتظام من 71 %
و بعدين موضوع ان مفيش جامعات معتمدة هنا فى مصر موضوع يقلق يعنى انا ممكن اتشيع هناك بسبب مجموعى الزبالة دة

[fady554]

اة نسيت السفر هيبقى
سفر عام

[3mr Farrag]

اللي اعرفه ان مش بيتاخد بالتنسيق خالص بتاعنا
و الجامعات المصريه معتمده بره عادي بس ماعتقدش كلها
جامعه القاهره معتمده عادي
و تكاليف الدراسه غاليه جداااااا في امريكا يعني ممكن تدفعلك في السنه مش اقل من 15 الف دولار
مش عايز اقلك 20 و 30 الف كمان
خلص هنا ولو بتجيب تقدير كويس ممكن تكمل ماجستير منحه
بس برضوا مش سهله ...لازم تكون مميز برضوا في الاجراءات الطبيعيه بتاعت المنح

[mohamed_selim]

ملهومش دعوه انت جايب مجموع كام لانك مش هتقدم على منحه ... انت هتدفع ...
الجامعات المصريه غير معتمده فى امريكا ... لازم بتعمل معادله للدرجه العلميه ... بالنسبه للثانويه العامه احتمال يطلب منك تعمل امتحان ال sat زى طلبة الثانوى هناك ... عشان كده بقولك ابعتلهم و اسال على موقفك هيكون ايه

[3mr Farrag]

ملهومش دعوه انت جايب مجموع كام لانك مش هتقدم على منحه ... انت هتدفع ...
الجامعات المصريه غير معتمده فى امريكا ... لازم بتعمل معادله للدرجه العلميه ... بالنسبه للثانويه العامه احتمال يطلب منك تعمل امتحان ال sat زى طلبة الثانوى هناك ... عشان كده بقولك ابعتلهم و اسال على موقفك هيكون ايه

مين قال ان الجامعات المصريه مش معتمده!!!!!
جامعه القاهره لوحدها ليها ترتيب علي العالم بس طبعا في اخر الترتيب
والاعتماد حاجه و المعادله حاجه ثانيه
لو هي الجامعات المصريه او القاهره بالاخص مش معتمده ماكنش بقي فيه حاجه اسمها منحه ماجستير و دكتوراه
انا اعرف ناس اخدت منحه ماجستير و دكتوراه في امريكا و خريجي القاهره

[mohamed_selim]

حسب الكليات المختلفه يعنى خريج طب لازم معادله .. خريج هندسه بيعمل gre غالبا خريج تجاره هيعمل gmat
الفكره هنا انك معاك شهاده و الاخ مسافر فى النص عشان كده قلتله هتعتمد على الجامعه اللى هيروحلها

[fady554]

حسب الكليات المختلفه يعنى خريج طب لازم معادله .. خريج هندسه بيعمل gre غالبا خريج تجاره هيعمل gmat
الفكره هنا انك معاك شهاده و الاخ مسافر فى النص عشان كده قلتله هتعتمد على الجامعه اللى هيروحلها

عليك نور يا باشا المشكلة انى مش معاية شهادة يعنى مش خريج كلية انا فى النص و عايز اعرف هكمل على السنتين اللى انا درستهم ولا ممكن ابدأ من جديد

[fady554]

فى مشكلة تانية انا جامعة عين شمس مش جامعة القاهرة فا انا مش عارف معتمدة ولا لا

[mohamed_selim]

حبيبى محدش هيقولك الدنيا فيها ايه الا لو حد مر بنفس ظروفك و ماظنش فى حد بظروفك دى عشان كده محتاج تكلم الجامعه اللى هتكمل فيها و تشوف نظامهم ايه

اقتراح تانى خلص تالته و رابعه و سافر بشهادتك بس لو هتشتغل فى مجالك الموضوع مش زى هنا هتحتاج تشوف شهادتك متعادله ولا لا و تعمل زىcpa او حاجه مشابهه

[fady554]

up up up