افكارى الليليه للعكننه الزوجيه

[مدحت منيب]

طبعا المثل بيقول : " ما محبه الاّ بعد عداوه " .. فلازم الاول شوية عداوه عشان الصلح يبقى حلو بين الازواج

و بما ان اغلب الاجيال الجديده تريه شيك ، و اتيكيت قمه ، غالبا ها يحسوا بالملل بعد سنه بالكتير ..لذا اقدم لهم

نصائح ذهبيه نتيجة خبرة ربع قرن لحرق الدم و ما يتمسكش عليك حاجه .. تطلع براءه يعنى :

نتوكل على الله :

نصائح للعكننة على الزوجة

الصبح وانت رايح على شغلك وهى نايمة تعمد اسقاط
اى شيئ او خبط الباب بصوت عالى علشان تصحيها هى كمان 00 اشمعنى انت ؟ ولو
حاولت ترجع تنام تانى قالها مادام صحيتى حضري الفطار بقى ..
-------------

اذا كنت بتتفرج على التلفزيون وهى عايزة تغير
القناة 00 قالها معلش الحلقة دى مهمة جدا واحد صحبى شافها على القناة
الفضائية وقالى ان الحلقة دى هى المسلسل كلة 00 ولو كنت بتتفرج على ماتش
كورة هيبقى الموضوع اسهل 00 كل ما حد من اللاعبين من اى فريق يمسك الكورة
قالها معلش ثوانى بقى انا حاسس ان الكورة دى جون حتى لو كان حارس المرمى
ماسك الكورة والماتش واقف لان فى واحد مصاب
-------------------

( ملاحظة : اغلب النساء ذو ثقافة كروية ضعيفة )
-----------

اصح يوم الجمعة بهمة ونشاط وجهز الافطار لزوجتك
بس متنساش انك تستخدم 15 طبق واكبر كمية من الملاعق والشوك و 5 حلل من
اللى عندكم فى المطبخ و 10 كوبيات لاعداد طبق بيض وسندوتش جبنة

طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض..ها ها ها
--------------------

فى عيد ميلادها زينلها تورتة عيد ميلادها بخمسين
شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى
البيت وانت بتبص على النجفة اللى عندكم اللى فيها 30 لمبة مع ابتسامة
صفراء خفيفة
------------------

لو عملة ريجيم اجرى على السوبر ماركت ومحلات
الحلويات واملى التلاجة شكولاتة وحلويات وجاتوهات 00 يرعى التجول وانت
مستمتع بأكل الجاتوة امامها ....خخخخخ
-------------------------

متنساش رأيك فى طبيخها لو عاملة لحمة قالها حلو
اوووى الفراخ دى 00ولو طبخة بامية 00 جميلة اوى الملوخية دى حطة عليها اية
؟؟ ولو عملة كيكة قالها انا بحب اشرب شاى مع البسكويت الحلو دة !!
--------------

لو طلبت منك تنشر الهدوم قالها حاضر مع ابتسامة
حانية وبعد ما تخلص نشر الهدوم ادخل عليها وقولها انا نازل اجيب الهدوم
اللى وقعت منى فى الشارع ولو سألتك هو اية اللى وقع ؟ اذكر لها كل هدومها
اللى كانت مغسولة مع فردة شراب من بتوعك علشان متبقاش باينه ان الحركه النداله دىمقصودة منك !
----------------------

لو الزوجة قررت مسح الارضيات فى البيت حاول انك
تروح وتيجى على المناطق المبلولة متحجج بأنك محتاج تتصل ضرورى بواحد صحبك
ومرة عطشان ومرة تانية بتجيب الجرنال ومفيش مانع انك تقول انك حاسس ان
التليفون هيرن كمان شوية او تقولها بادور على حاجه ، هى تكون متكده انها فى البلكونه مثلا..( غباء يعنى )
----------------

لو كانت مشغولة فى نظافة البيت او مع الاولاد
وطلبت منك تغسل كوبتين الشاى بتوع الصبح الموجودين فى الحوض ارجعلها كمان
دقيقة من دخولك المطبخ وانت ماسك كوبية من الاتنين وهى مكسورة واسألها فى
براءة ارمى دى فين ؟؟ ( دى اوعى )
----------------------------

وانت قاعد تتفرج على التلفزيون وهى طالع عينها
فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها
حبيبتى معلش ممكن كوبية شاى علشان ضهرى بيوجعنى !!
-------------------

اة..تحذير بسيط: تخلص من كل السكاكين او خبيها فى الصندره قبل ما تنام، عشان افتكر ان لو راجل عمل كدة هيتعبى ف كياس تانى يوم ، فى ظروف غامضه..

انا حذركتم وبراحتكم.. ها ها ها ها

[OlaOsman]

مالكم و مال الزوجات يا أزواج؟ ما تسيبوهم في حالهم

و بعدين حد برضه يفضل ربع قرن في حرق دم؟ أكيد أكيد أكيد يعني مش كلهم حرق دم و إلا ما كانش اتبقى في الراجل دم يواصل بيه 25 سنة.. أكيد كان فيه أي حاجة حلوة في عشرة ربع قرن

يا أزوااااااااااااج.. بالراحة شوية الله يكرمكوا على اللي بيربوا ولادكوا ويحفظوكوا في مالكوا وأعراضكوا عمر بحاله.

على فكرة انا يمكن لهجتي تكون ناشفة شوية بس انا مش زعلانة من الموضوع.. و عارفة ان الموضوع تهريج و هزار و لايقصد به الجد.. انما انا بس مش باكون مرتاحة للطريقة دي في الكلام عن شريكات العمر.. حتى و لو هزار.

تقبل خالص مودتي :)

[AhmedGen2]

يا أستاذة علا حضرتك كلامك سليم جدا

[OlaOsman]

يا أستاذة علا حضرتك كلامك سليم جدا

جرررررررررررر

[ams]

جرررررررررررر

حضرتك هو بيقولك كلامك سليم بس يا أستاذه

[aif]

هههههههههههههههههههههههههههههه

والله حاجات ظريفة جدا .... بس انا خايف من ردود الفعل عند الزوجات
لو كانت غلبانة وطيبة وصبورة .... ممكن تبصلك من فوق لتحت و تكمل شغلها ببرود
اما لو كانت انسانة طبيعية ..... ممكن تنكد عليك و على اللي يتشددلك لمدة 3 او 4 قرون مع الرأفة
لكن بقي لو كانت حاميه شوية .... ممكن تحطلك الكوباية المكسورة في ساندوتش جبنة وتأكلهولك ....
اما بقى لو كانت ظربونه وعصبية ومجنونة بالوراثة من والدتها ....يبقى المنتدى خسر عضو عزيز ...... انت من الأحرار يا استاذ مدحت

موضوع لذيذ جدا ... وافكار عبقرية ......للأنتحار

[Noha.M]

ليه بس يا استاذ مدحت كدة؟؟؟ دة احنا حتة غلابة اوى و مش طالعلنا حس فى البيت .. تحس كدة اننا نسمة طايرة كدة ميتحسش بيهااا

كل التحامل دة على احلى و اجمل و ارق و الطف مخلوق على وجه الارض؟؟

[Ramy.Gamal]

الف شكر يا استاذ مدحت على النصائح الغاليه ده واوعدك ممكن اطبقها لما اتجوز وابقى اقولك على النتائج المبهره ولك كامل الشكر والتقدير

[Mohamed-Saoud]

يا أستاذ مدحت...معندكش حاجة علشان فترة الخطوبة؟؟؟ أهو سلاح في أيد الواحد ينفعه في المستقبل برده!! :)

[مدحت منيب]

حضرات الاساتذه الكرام .. انقسمت الاراء كما توقعت بين معارض للفكره اساسا

كالاستاذه اولا و الاستاذ ايه ام اس الاستاذ اسم جن2 .. ولهم حق الفكره جديده و خطره
ومن خاف سلم.

وقسم يحتوى على شجاعه و روح مغامره استكشافيه زى حالاتى ، بس مصحوبه بتحليل دقيق و

حساب للعواقب و النتائج لقرون قدام ولا يصدق كل ما يقال و الاستاذ ايه اى اف خير انموذج

لهذا النوع الحكيم

و قسم طيب موت و ما يتخلاش عن صاحبه ابدا ولو خش وراه جهنم و يمثله الاساتذه الكرام رامى

لانسر و محمدسعود .. و يا بخت اصحابهم بيهم دول من احسن و اخلص انواع الاصحاب

[Dr Ahmed]

شكرا أستاد مدحت على النصائح
.....فى الجون

عايزين بقى نفتح موضوع جديد عن المفقودين فى المنتدى نتيجة الموضوع ده

[مدحت منيب]

و لمن تضايق من كلامى اوعده ساشفى غليله بمقال قريبا الخص فيه قواعد السعاده الزوجيه

بطريقه عمليه منهجيه سهله و فوريه و ليست هزليه

ام بالنسبه للاستاذ ا ي ف ما تنساش ان الغرض مكتوب فوق و هو المسارعه بجنى لذائذ الصلح

اللى هو خير .. يعنى مش هادوس على الغتاته طوالى .. لاا

اذا كانت من النوع الغلبانه الطيبه الصبوره اعتقد يكفى فى عكننتها الصبح مع اول رشفه من كباية الشاى

ااييف ايهدا الكبايه ريحتها زفره .. اوووف
مرتين على الاقل

و الظهر بعد الغدا : سيبى يا حبيبتى المواعين انا ها غسلها .. و الله ابدا .. خشى انتى استريحى.

طبعا ما ها تصدق .. تروح مخبى الاطباق زى ما هى فى المطبقيه... و اذا اكتشفتهم وطبعا
ها يكون فى نفس اليوم : لا زم ردك يكون جاهز : فاكره يا حبيبتى صور خطوبتنا انا قعدت افكر

فى ذكرياتنا نسيت الدنيا ونفسى .. معلش يا هارتى

استئذن موقتا عسان جت لى تقول لى لو فاضى تع ساعد شويه

و طبعا قلت من عينيا
بالاذن دوائيتى

[مدحت منيب]

العفو يا دكتور احمد.. امال ايه فايدة الصحاب ؟

استاذه نها انتى ذكائك فوق قوى و هاتفقسيها من اولها وهاقعد يصالح شهر كده .. وهايحرم

عشان انتى الظاهر قريتى : جربنا السيف ، و جربنا اللطف

فوجدنا اللطف اقوى من السيف( زى النسمه )..

و بما انك شكلك كده لسه ما دخلتيش نادى المتزوجين اليك برضو شوية نصائح م الذهبيه

و ايضا استاذمحمد سعود بصفته لسه مخطوب :

************************************

منقول من حقل الغام :


(طرق لكشف أسرار الرجل)
فترة الخطوبة مرحلة تعارف بين الطرفين
يحاول فيها الرجل الظهور بأنه حمل وديع لتقع المرأة في شباك حبه
بعد الزواج قد يسقط القناع وقد يكشف عن وجه قبيح اخفاه
يقول:
استشاري تدريب وتطويرالبرامج السلوكية بالأكاديمية البريطانية بجدة
هناك ملامح ميسرة قد تبدوجلية وواضحة أحياناً يقوم بها الرجل دون أن تعيها المرأة أو تتنبه إليها
كما أنها لا تعتبرها ضمن الدلائل التي تشيربقربها من مرحلة خطرة أمام رجل
قد تفسر سلوكياته تلك عدم وجود تواؤم بينهما
يمكن للمرأة التعرف على ملامح الأشخاص من خلال تحليل سلوكيات وافعال
يقوم بها الرجل ضمن علاقته بالمرأة التي اختارها شريكة لحياته
قبل الدخول إلى عش الزوجية
إذا كنتِ تتحيرين في أمر خطيبك أوأنه يتقن دور المثالي دائماً
يمكنك كشفه بأسهل الطرق
(قائمة لكشف أسرارالرجل يكشفها لك محللو السلوك)
أولاً : خط يده
استخدمت هذه الطريقة بأوروبا لمعرفة كفاءة الموظفين وكشف نفسية المجرمين وللنساء لفتح ملفات الرجال
ولكي تبدئي استدرجي خطيبك في أوقات مختلفة كي يكتب رسالة لكِ
ولاحظي طريقته في كتابة الحروف ورسم الكلمات
1- إذا كانت الأسطر تميل نحو اليمين وتشطح نحو اليسار
فتأكدي أنه إنسان غير مستقيم
2 - إذا كان يرسم ذيولاً في نهاية الكلمات ويميل للأشكال الدائرية
في كتابة اللام والنون
شخصية ملتوية غير جديره بالثقه
3- إذا كان خطه جيد ويضبط أحرف الصاد والضاد والطاء والظاء
إنسان يحب المظاهر ومغازلة البنات
4- إذا كان يقف كثيراً عند ’ ح ، خ ، ج ، م
متردد ويحب الخطط والمكائد
5- إذا كان يكتب كلام مموج كلمة فوق وكلمه تحت
رجل متمرد ، عنيف ، حادالمزاج ، يميل إلى الكآبة
6- إذا كان يكتب الأحرف كبيرة
لديه عقدة نقص وإذا كانت صغيره فلديه شعور بالذنب
7- إذا كان يقذف بحرف الراء بعيد عن الكلام
غيور
8- إذا كان يلصق الهمزه فوق الألف
مغرور
9- إذا كان يترك مسافات كبيره بين السطور
أناني وإذا فعل العكس فهو عدواني
10- إذا كان يترك هامشاً على يمين الصفحة ولا يترك مسافه مماثله على يسارها هوا فوضوي واتكالي
11- إذا كان يدوس بالقلم كثيراً ليكتب النقاط فهو ممل
واذا كان لا يكتب النقاط فهو مهميل
12 - إذا كان يفضل الكتابة
بالحبرالجاف فهو شخص متهور
أما الحبر السائل فهوشخص متعصب
اما القلم والرصاص فهوشخص معقد
ثانياً : الفاكهة المفضلة
يمكنك اكتشاف شخصية خطيبك أيضاً من الفاكهة التي يحبها ويقبل على تناولها باستمرار
1- البرتقال :إذا كان خطيبك محب لهذه الفاكهة الشتوية
فهو شخص سعيد ولديه القدرة على النجاح في الحياة العامة ذو شخصية عنيدة يحب الكمال في كل شي كما أنه صعب مصادقته عصبي المزاج أمين ومخلص
2- التفاح: إذا كان من محبي التفاح
فهو يميل لممارسة الألعاب الرياضية وخاصة الألعاب الجماعية التي تحمل لواء المنافسة ؟
3- الموز: هو انسان يحقق نجاحا متميزاً في السياسة
يميل للاسترخاء يحتاج لمن يشجعه دوما على العمل ويحتاج لحافز قوي للاجتهاد
4- العنب :متقلب المزاج يحب العمل الجاد يصاب بالملل السريع ينقصه النظام والانضباط ويحقق نجاحاً اذانظم وقته ينجح في العلاقات العامة
5- الفراولة :محب الفراولة شخص مقبل على الحياة يحب مباهجها ويحب السفروالرحلات ينجح كثيرا في أي مهنة مرتبطة بالسفر والحضور بين الناس
6- المشمش: هو شخص عصبي سريع الحركة يميل لتغيير عمله باستمرار
ثالثاً : طريقة تناول الطعام
كما يقولون ’أقرب طريق للرجل بطنه لذا عليكِ التأكد بنفسك من السلوك الذي يتبعه عند تناول الطعام ومن اهتمامه بالطعام يمكنك معرفة الكثير والكثير عن شخصيته
1- إذا كان معتدلا في سرعة تناول الطعام وليس ملهوفاً على الأكل فأنه معتدل القرارات والعواطف
2- إذا كان يعشق الأكل أكثر شيء في حياته وأول كلمة يقولها
عند زيارتك’رائحة الطعام قوية جداً
بدل أن يقول ’ كيف حالك حبيبتى ’
فهو هوائي وطائش
3- إذا كان خطيبك لا يبدي رأيه أبداً فيما تقديمه له
فاعلمي انه سلبي ليس له لزوم الأفضل أن تصرفي النظر عنه وتبحثي عن رجل يتحمل المسؤولية
4- إذا كان عريسك سريعا جداً فى تناول الطعام
فهي تنبئك بعيب خطير جداً في شخصيته ألا وهو متهورومتسرع في كل شيء خاصة في اتخاذ القرارات فلا تتعجبي إن فجأك يوم وقال أنك لست العروس المناسبة لي
رابعاً : طريقة الضحك
يمكنك كشف خبايا وأسرار شخصية عريسك من خلال ضحكته
1- هز البطن فالشخص الذي يهز بطنه إذا ضحك يعكس شخصية اجتماعية تحب الناس والاختلاط فهو مرح وقلبه صاف ويتقبل الحياة بحلوها ومرها
2- الابتسامة بدون صوت مسموع صاحبها إنسان هاديء الطباع متعقل وقد يكون خجولا أو انطوائيا و متزن أيضاً انفعاليا لايستبد به القلق
3- القهقهة الضحكة العالية صاحبها هاديء وجاد ويعتمد عليها لحل المشكلات
اذا ضحك يشد انتباه الآخرين بطريقة ضحكه فهومرح واجتماعي وخفيف الظل
خامساً : طريقة عطسه
أن الطريقة التي يعطس بها الإنسان تكشف عن دواخله كما ترتبط بشدة بشخصيتهم
وتنقسم العطسه إلى أربع مجموعات
1- العطسة الحماسية :
أي الكبيرة القوية والمفعمة بلحيوية
وتصدرعن الشخصية القيادية الجذابة التي تتمتع بأفكار عظيمة ومنفتحة اجتماعية متفائلة
2- العطسة الرائعة:
وهي التي يجتهد صاحبها في خفض صوتها وصاحبها شخصاً ودوداً محباً للعشرة والأضواء وليس الضوضاء كما أنه شخص يمكن الاعتماد عليه وجدير بالثقة
3- العطسة الحذرة:
ويتمتع صاحبها بالوقار والاعتدال في شئونه وعادة ما يعمد إلي تغطية فمه أثناء العطس بيده أو بمنديل ويكون دقيقاً وحذراً وعميقاً في تفكيره
4- العطسة المخيفة :
وهي ذات الصوت القوي كأنه المدفع
وعادة ما يكون صاحبها سريع الحكم على الأشياء وحاسماً في قراراته
سادساً : طريقة الجلوس
أن طريقة الجلوس على المقعد تعكس الكثيرعن الشخصية والأحوال النفسية والعصبية
1- الجلوس على حافة الكرسي
متوتر، قلق ، لا يستطيع جمع شتات أفكاره
2- الجلسة المسترخية
و هي جلسة غير رسمية تدل على ثقة زائدة بالنفس
3- الجلسة المنبطحة أو التمدد
يحب الخصوصية أسلوبه متفرد فى التعبيرعن نفسه ويحترم تعاملاته من الآخرين
4- جلسة الساقين الملتقيتين
هذه الجلسة تعكس حالة رومانسية صاحبها يتعامل بحدسه أكثـر من استخدام قدراته الذهنية
5- جلسة الظهر المستقيم
حاسم ، دقيقة الملاحظة ، يقدم تضحيات مختلفة شرط أن يعترف من حوله بمزاياه
6- الجلسة المائلة
يحب المغامرة و التحدي و خوض الأخطار وحب التفوق دائماً
7- جلسة القدمين الثابتتين
شخصية مستقلة ، عملية و منظمة
8- جلسة القدمين المتباعدتين
إذا أخذ هذه الجلسة و جعل ظهر الكرسي للأمام و امتطي مقعدها و كأنه يمتطي حصاناً فهذا يعكس قوته و سيطرته و رغبته القوية في الهيمنة
9- جلسة الساقين المرتدتين
عملي و مكافح و صاحب مشاريع مستمرة عديم التحمل و يفتقر للصبر
********************************************
ادينى نورتكو كلكو .. و عملت اللى عليه

[SS]

************************************

منقول من حقل الغام :


(طرق لكشف أسرار الرجل)

أولاً : خط يده
استخدمت هذه الطريقة بأوروبا لمعرفة كفاءة الموظفين وكشف نفسية المجرمين وللنساء لفتح ملفات الرجال
ولكي تبدئي استدرجي خطيبك في أوقات مختلفة كي يكتب رسالة لكِ
ولاحظي طريقته في كتابة الحروف ورسم الكلمات
1- إذا كانت الأسطر تميل نحو اليمين وتشطح نحو اليسار
فتأكدي أنه إنسان غير مستقيم
2 - إذا كان يرسم ذيولاً في نهاية الكلمات ويميل للأشكال الدائرية
في كتابة اللام والنون
شخصية ملتوية غير جديره بالثقه
3- إذا كان خطه جيد ويضبط أحرف الصاد والضاد والطاء والظاء
إنسان يحب المظاهر ومغازلة البنات
4- إذا كان يقف كثيراً عند ’ ح ، خ ، ج ، م
متردد ويحب الخطط والمكائد
5- إذا كان يكتب كلام مموج كلمة فوق وكلمه تحت
رجل متمرد ، عنيف ، حادالمزاج ، يميل إلى الكآبة
6- إذا كان يكتب الأحرف كبيرة
لديه عقدة نقص وإذا كانت صغيره فلديه شعور بالذنب
7- إذا كان يقذف بحرف الراء بعيد عن الكلام
غيور
8- إذا كان يلصق الهمزه فوق الألف
مغرور
9- إذا كان يترك مسافات كبيره بين السطور
أناني وإذا فعل العكس فهو عدواني
10- إذا كان يترك هامشاً على يمين الصفحة ولا يترك مسافه مماثله على يسارها هوا فوضوي واتكالي
11- إذا كان يدوس بالقلم كثيراً ليكتب النقاط فهو ممل
واذا كان لا يكتب النقاط فهو مهميل
12 - إذا كان يفضل الكتابة
بالحبرالجاف فهو شخص متهور
أما الحبر السائل فهوشخص متعصب
اما القلم والرصاص فهوشخص معقد

********************************************
ادينى نورتكو كلكو .. و عملت اللى عليه

يعنى ما فيش نوع واحد يتيم فى الانواع ديه كلها عنده صفة كويسة يا استاذ مدحت.....ده ع كده كل الرجالة محتاجة تتعالج !!!

[مدحت منيب]

اهو النوع الواحد دا باه .. اللى كلنا بندور عليه

الاجانب بيسموه مستر رايت

وشاديه غنت له اغنيه زمان اسمها فارس احلامى