عايز أأجر شقة في أكتوبر ومحتاج استفسر عن الاسعار

[رزق]

عايز أجيب شقة في أي حي من الاحياء مش فارقة بس يفضل قريبة من المحور

عايزها ستوديو و لشخص واحد أو تكون اصغر مايمكن

إيه متوسط اسعار المفروش هناك؟ ولو عايز الاقي سماسرة فين يدلوني؟

مش عايز أقعد مع حد بصراحة مع إن دي ارخص.

[youssef_u]

انتا عايز قريب من المحور يبقا شوف الحي الاول او المتميز دول قريبين

[رزق]

مفيش مشاكل بس أنا اهم حاجة عندي السعر

عشان كده لو مفيش رخيص غير بعيد ممكن برده

[youssef_u]

حضرتك هتلاقي بس محتاج تلف شوية هو في الحي ال١١ معروف ان اسعاره معقوله بس بعيد شويه عن المحور

[احمد المصرى]

متوسط الاسعار 700 جنيه وانت طالع

[mohamedrabia]

واضح انك عايز شقه رخيصه ولفرد واحد يبقي بلاش مغالاه في المكان اكتوبر كلها قريبه من المحور يبقي تجيب شي مش مكلف ويفي بالغرض فيه بالحي السادس والثاني عشر والعاشر شقق ب 500 جنيه والحي الحادي عشر شقق ب 650 وباقي الاحياء اغلي من كده

[A.Saad]

المتميز من اغلى الاحياء
الشعبى 12
700- 800 كويس

[رزق]

ألف شكر :)

الاسعار دي شقق فاضية ولا مفروشة؟

حد يعرف سماسرة

[mohamedrabia]

لا مفروووش هيبقي اغلي من كده بكتير فاضيه طبعااااااااااا

[رزق]

طب أنا عايز مفروش عشان أنا مش حقعد فيها كتير عشان افرشها بنفسي

حتبقى في حدود كام في المناطق دي؟

[Ahmed_Adham]

أنا سمعت ان الفاضي في السادس ب 500-600 والمفروش بيزيد 100-150 جنيه بس فرش أي كلام طبعا بس هتقضي الغرض.

[رزق]

تمام هو ده المطلوب ياريت لو حد يأكد أو يزيد عالكلام الحلو ده

[رزق]

محدش يعرف مكتب سمسرة هناك؟

وباقي المناطق إيه اخبارها

[رزق]

هو الحي ال 11 ده فين؟

[ooosha_14]

السلام عليكم ..
والى يقولك ان انا عندي غرف على المحور المركزى يادوب مابينا ومابين الشقه 500م على الشارع
وبتاجرها تقريبا باليوم لو عايز او بالشهر .. مافروش وفاضى .. والسعر كويس جدا .. والمصيبه انى مش فاكر السعر كام .. لكن اسعار كويسه وكمان مكانها كويس جدا جدا يعني احسن من السادس والعاشر والكلام دا .. بالضبط قريبه جدا من ميدان فودافون ..