شراء السبائك الذهبية

[ahmed.awaad]

معذرة بفتح نقاش في موضوع قديم
انا اتصلت بالسرجاني وقاللي انهم مش بيشتغلوا في السبائك في دلوقتي
واتصلت بمحلين في شارع الصاغة واحد منهم قاللي هتاخد فاتورة عادية فيها الوزن والمبلغ المدفوع
فمش عارف هي دي كده شهادة السبيكة ولا لأ
وقاللي كمان إن السبائك منها أنواع
بالنسبة للجاي من برة (سويسرا - دبي)
لما تيجي تبيع بيتباع بنفس جودته وهياخد على الجرام 5 جنيه عند الشراء
وبيبقى عبارة عن كيلو ذهب بيقطع منه الوزن المطلوب

فياريت لو حد عنده خبرة في الموضوع يفيدنا في الكلام ده

[Dream_Man]

حد اشترى ياجماعة

[eslamrace]

حد اشترى ياجماعة

دي مشاركه ليا في موضوع مشابه برضه ممكن تفيد في الشراء

انا مش حقدر انصحك خالص لان اي نصيحه دلوقتى هى مخاطره جامده جداً البلد بتخضع لاحتمالات كبيره جدا ومحدش قادر يتوقع حاجه

الدهب شاد جامد ومحدش عارف يحدد اذا كان دلوقتى وقت شرا ولا جنى أرباح ولا استقرار يعنى اللي معاه حاجه يشيلها لان سوق الدهب نفسه مش مستقر من كام يوم ال٢١ طلع ل٥٠٠ جنيه في بعض المناطق وتأنى يوم نزل ١٠ جنيه وبعدها نزل ٣ كمان والموضوع اصبح بيتحكم فيه عوامل كتير تخليك مش قادر تتوقع اى حاجه سعره العالمي وسعر الدولار العرض والطلب جوه السوق المصرى جشع اى تاجر بيبيع اى منتج وغيره كتير من المتغيرات فأنت لو قدرت تحلل متغير من المتغيرات دي وتتوقع نتيجته مش حتقدر تتوقع الباقي خاصه وانه عالميا دلوقتى صعب التكهن باتجاهه

الدولار عمرى فمفهمته هو كده كده طالع بس خللي بالك انه لو اتعوم فعلا حيشد جامد وطبعا حيبقي ده وقت البيع لكل الناس " غير العاملين في المضاربه " واللي شايلينه في البيوت لأنهم يبيعوه وده حيخلق عرض كبير واقتصاديا أكيد لازم يريح تانى يريح لحد فين وهل حتلاقي تبيعه ساعتها قبل الترييحه دى ولا لا ده ممكن يخسرك كتير لو انت مش لعيب في العمله اللي انا شخصيا مبفهمش فيها وخد في اعتبارك برضه انك ساعه بيع الدولار بأى مكسب فأنت حتشترى منتج أكيد سعره زاد ممكن بنفس نسبه أرباحك فما بالك لو ملحقتوش تبيع في الوقت المناسب وحققت لا قدر الله خسائر

يفضل ودائعه البنوك ودي حاجه حتفضل ابسط حاجه وأسهل حاجه بعيد عن المخاطر بس غالبا انت بتحقق خسائر محسوبة وبما ان الناس كلها عارفه ده ففي الوقت الحالي محدش حابب يحط فلوسه بالشكل ده خاصه وأنك بتبني عارف انك كده كده خسران

شفت الحيره اللي الناس كلها فيها
ولكن خد بالك ان الأوقات اللي زي كده بتكون أحسن وقت تحقق فيه مكاسب بس حتعتبر نفسك بتلعب قمار يا تكسب جامد يا تخسر شويه لو انت قلبك جامد والفلوس دي فائضه عن احتياجاتك فأدرس السوق ونوع استثماراتك ومتقلقش لو اشتريت اى منتج دلوقتى فأنت غالبا كسبان

بالنسبة لشراء الدهب فده تعليق كنت كاتبه بخصوص الموضوع ده لعله يفيد

المشاركة الأصلية كتبت بواسطة eslamrace مشاهدة المشاركة
الذهب كاستثمار يعتبر من أفضل الطرق لحفظ القيمه لانه واخد منحنى صعودي بقاله فتره ولكن زي اي استثمار مرتبط بالاحوال العالمية فيه مخاطره برضه ولكن بتقل لكونك محتفظ بمعدن ذو قيمه في ذاته وده علي مر الزمن

الموضوع في مصر مختلف شويه وكل الكلام اللي حقوله ده رأي شخصي كونته من البحث في الموضوع والتعامل في الموضوع وبالتالي يحتمل الصواب والخطأ ولكن لعله يفيد

الذهب ٤ انواع ب٣ عيارات وهم دول المعروفين في مصر إنما في عيارات تانيه ولكنها مش مفصله في مصر
الأنواع هى الذهب الكسر والجنيهات الذهب والسبائك والذهب المشغول
العيارات هى ٢٤ و ٢١ و ١٨
الذهب الكسر ده ذهب كان مشغول واتباع وفي أوقات كتير بيبسي لونه اسود لانه بيتم حرقه علشان الصائغ يتأكد انه معلهوش اى حاجه خارجياً وبيكون مكسر ولكن مبيكونش عليه اى مصنعيه يعنى بيتوزن ويتباع ولكن المشكله انه ممكن في بعض الأوقات الصياغ مبترضاش تاخده كله وبالتالي بتكون مضطر تبيعه للي اشتريت منه خاصه انه ذهب مكسر مش حتقدر تعرف مصدره اذا كان بالفعل اتشرى من السوق ولا مسروق ولا قصته ايه وعلشان كده محدش بيشتريه كتير غير الخبره في المجال
تانى حاجه الجنيهات الذهب ، الجنيهات الذهب الاصليه دي مجموعه اتعملت سنه الف تمنمايه وحاجه وكانت النجليزى ودي مش متداولة كتير في السوق لان اللي معاه بيحط علي فلوسها زيادته لانها تعتبر نادره وبعد فتره حتبقي اثار إنما المتداول هو الجنيه المصري وده بيتعمل في مصانع في مصر وبيكون ٨ جرام عيار ٢١ وده بيكون عليه حاجه زي عموله من ٢٠-٥٠ جنيه حسب اللي بتشترى منه وممكن يزيد كمان شويه لو مدموغ إنما الغالب بيكون عليه ختم المصنع بس علشان تقل التكلفة لان الدمغه حتعلي سعره علي التاجر حوالي ٢٥ جنيه وبالتالي بيتداول غير مدموغ وبيتباع علي كده "بالرغم ان ده مش قانوني"
اما السبائك فالمعروف والأكثر انتشاراً هى السبائك عيار ٢٤ اللي بتكون ذهب صافي بيسموه ٩٩٩٩ او البندقي ودي بتكون اما جرام او ٢ جرام او ٥ جرام او نص اونصه ١٥ جرام وشويه او اونصه ودي بتكون ٣١.١ جرام والنص اونصه في منها أشكال ممكن تتعلق في سلاسل وبيكون عليها صور من جهه والجهه التانيه عليها معلومات السبيكة انها ٩٩٩٩ وإذا كانت سويسرى بيتكتب عليها وحجمها أد ايه وفي طبعاً اكبر من كده ولكن انتشارها اقل والسبائك بيكون عليها برضه عموله حوالي ٣٠٠ جنيه علي الأونصة
اما الذهب المشغول فهو الذهب الخاص بالزينة وبيكون عليه ضرايبه وعموله ومصنعيه وبالتالي مش بيكون للاستثمار غير طويل الأجل جداً علشان تعوض كل المصروفات دي

اما العيارات فَهى بتتقاس بنسبه النحاس للذهب فعيار ٢٤ بيكون ذهب صافي اما عيار ٢١ بيكون الكيلو فيه ٨٧٥ جرام ذهب و ١٢٥ جرام نحاس ومعيار ١٨ ٧٥٠ جرام ذهب و٢٥٠ جرام نحاس

يفضّل لينا كام حاجه نتكلم فيها الذهب بالرغم انه يعتبر ملاذ أمن بس محدش يقدر يتوقع اتجاهه ودايما فيه نسبه مخاطره والصايغ الشاطر مستحيل يأكدلك انه طالع ولا نازل لانه بيتأثر بحاجات كتير بره مصر وجواها ومن الحاجات دي البترول والدولار جوه وبره وتكاليف استخراجه والبورصة العالميه وهكذا
اما عن الغش في الذهب فهو زي اى حاجه تانيه بيتغش عادي جداً من اول العيار والوزن لحد الدمغه اللي عليه والموضوع مش سهل انه يتم اكتشافه خاصه العيار والدمغه

النهايه ان الذهب زي اى استثمار فيه مخاطره ولكن برضه بيحفظ قيمه الفلوس بشكل جيد جداً ولكن النصيحه يتم المضاربه فيه بفلوس زايده عن الحاجه علشان الخساره فيه مبتتحققش غير بالبيع ولكن لو الفلوس غير ضرورية ففي حاله نزول السعر حتستنى عليه فتره ياخد اتجاه صعودي وساعتها تقدر تبيع ومتخسرش خاصه انه مبيتأثرش بمرور الزمن فيتلف او يحصله حاجه

تحياتى وأتمنى لو حد عنده أضافه او تصحيح يفيدنا ،

ج

[Dream_Man]

دي مشاركه ليا في موضوع مشابه برضه ممكن تفيد في الشراء

شكرا جدا ليك على تعبك والله انا محتار بس اديك شايف انهيار الجنية المتواصل ومش عارفين اخرتها اية بس اللى متأكد من ان خرتها مش كويسة
انا شايف ان الدهب احسن ملاذ للحفاظ على فلوسك .. وممكن حتى تبيعة برة البلد وتسترد فلوسك , لكن لو شايل فلوسك بالجنية فابلمنظر دة فلوسك هتروح عليك

[eslamrace]

شكرا جدا ليك على تعبك والله انا محتار بس اديك شايف انهيار الجنية المتواصل ومش عارفين اخرتها اية بس اللى متأكد من ان خرتها مش كويسة
انا شايف ان الدهب احسن ملاذ للحفاظ على فلوسك .. وممكن حتى تبيعة برة البلد وتسترد فلوسك , لكن لو شايل فلوسك بالجنية فابلمنظر دة فلوسك هتروح عليك

كلامك مظبوط بس خد بالك من حاجه الدهب سعره عالميا دلوقتى متقلب وبيحصل فيه هبوط في أوقات كتير بس سبب صعوده في مصر الفتره الاخيره هى الزياده غير المبررة لسعر الدولار بالرغم ان الدولار عالميا لو طالع الدهب ينزل والعكس بس في مصر الموضوع ليه حسبه تانيه فأنت لو بعته بره وانت شاريه في مصر بالغالي فأنت كده حققت خساره
فالمشكلة والحيره هي ان لو في واحد بس في الحكومه بيفهم قدر ياخد قرار حاسم يقلل الدولار جنيه واحد بس بعيداً عن ضخ دولارات من الاحتياطي ده مفترض انه حيعمل سيوله جامده جداً خاصه مع صغار المضاربين اللي مؤكد حيبيع علشان يقلل خسائره وساعتها بس الدهب حينزل لسعره الحقيقي قصاد قيمته
ولكن طبعاً ده سيناريو سعيد في توقيت مظلم مش باين له ملامح او اتجاهات وبالتالي متقدرش تاخد قرار وتكون متأكد من نتايجه
وربنا يكرم ونتمنى البلد حالها ينصلح

[Ayman_saad]

شكرا جدا ليك على تعبك والله انا محتار بس اديك شايف انهيار الجنية المتواصل ومش عارفين اخرتها اية بس اللى متأكد من ان خرتها مش كويسة
انا شايف ان الدهب احسن ملاذ للحفاظ على فلوسك .. وممكن حتى تبيعة برة البلد وتسترد فلوسك , لكن لو شايل فلوسك بالجنية فابلمنظر دة فلوسك هتروح عليك

السلام عليكم
بص هقولك علي حاجة علشان تبقي ماسك العصاية من النص ، يعني لو المبلغ كبير شوية حاول أنك تنوع أستثماراتك ، بمعني أنك مثلاً تستثمر جزء من الفلوس في ( الدولار - الذهب - العقارات ) وده علشان تبقي المخاطر منخفضة ، من وجهة نظري يفضل الذهب هو الملاذ الأمن للحفاظ علي قيمة الفلوس ،
وربنا يسترها علينا جميعاً ونشوف الإمور في البلد هترسي علي أيه .

[Dream_Man]

السلام عليكم
بص هقولك علي حاجة علشان تبقي ماسك العصاية من النص ، يعني لو المبلغ كبير شوية حاول أنك تنوع أستثماراتك ، بمعني أنك مثلاً تستثمر جزء من الفلوس في ( الدولار - الذهب - العقارات ) وده علشان تبقي المخاطر منخفضة ، من وجهة نظري يفضل الذهب هو الملاذ الأمن للحفاظ علي قيمة الفلوس ،
وربنا يسترها علينا جميعاً ونشوف الإمور في البلد هترسي علي أيه .

كلامك صح بس حتة الدولار دى خلاص مبقاش ينفع الصرافات اتقفلت والبنك مش هيديك
دة اللى معاة 100 دولار بيتقبض علية
انا معرفش حد بيبع دولار . لو تعرف قولى

[Ayman_saad]

كلامك صح بس حتة الدولار دى خلاص مبقاش ينفع الصرافات اتقفلت والبنك مش هيديك
دة اللى معاة 100 دولار بيتقبض علية
انا معرفش حد بيبع دولار . لو تعرف قولى

طبعاً مش هتلاقي في مكاتب الصرافة وطبعاً البنوك مفيهاش اساساً ، ولكن أدخل عالفيس هتلاقي ناس كتيرة عارضة دولار للبيع وتقدر تشتري منهم بس خد أحتياطاتك ، زي مثلاً تخلي بالك من أن الورقة تكون ماسكة نفسها كويس ، وتكون طبعة جديدة وتاخد معاك حد صاحبك علشان تكون مأمن نفسك ،
حضرتك منين ؟

[Dream_Man]

طبعاً مش هتلاقي في مكاتب الصرافة وطبعاً البنوك مفيهاش اساساً ، ولكن أدخل عالفيس هتلاقي ناس كتيرة عارضة دولار للبيع وتقدر تشتري منهم بس خد أحتياطاتك ، زي مثلاً تخلي بالك من أن الورقة تكون ماسكة نفسها كويس ، وتكون طبعة جديدة وتاخد معاك حد صاحبك علشان تكون مأمن نفسك ،
حضرتك منين ؟

شكرا ليك من الافضل اشوف حد ثقة وبيفهم ويكون عارف الدولارات بتتجاب منين
علشان انا فعلا مفهمش فيها
شكرا ليك

[Ayman_saad]

شكرا ليك من الافضل اشوف حد ثقة وبيفهم ويكون عارف الدولارات بتتجاب منين
علشان انا فعلا مفهمش فيها
شكرا ليك

عفواً
ربنا يوفقك