هل جمعية رسالة أهل للثقة ؟؟

[SHNORY]

ناس محترمين جدا
بيتصلوا يحددوا مواعيدهم
ويتصلوا تاني يستفسروا لو فيه شكاوي من مندوبيهم او اي تقصير
بصراحه لا غبار عليهم
كان فيه ملجاء ايتام جنبنا وكنا بنوديله تبرعات وفي الاخر اكتشفنا انها سبوبه وشغل نصب علي كبير
وفي الاخر قفلوا ومشيوا
لو حد حيتبرع يبقي يتبرع لاهل الثقه زي رساله وغيرها

[lanos2004]

شوف انا مش هتكلم عن رساله
بس غالبيه الجمعيات الخيريه دى مشاريع تجاريه اساسا للكسب الغير مشروع
نظام شحاته ونصب بس محترم
الفرق بينهم وبين الشحات الى فى الشارع -انه بيطلب المساعدة بنفسه وممكن يكون محتاج فعلا -او هوة مش محتاج اصلا ومحترف شحاته
الجمعيات دى بقه رفعت الحرج عن الشحاتين وبتشحت بدالهم-بصورة احنا بنعمل خير
الى بيحصل يلموا فلوس -او يعملوا دار ايتام يلموا عليهم فلوس وتبرعات
90 فى الميه من الفلوس الى بتتلم بيحطوها فى بطنهم والباقى فعلا بيصرفوهم على الخير
علشان تحس انهم عملوا حاجه
-نصبحه متتبرعش بفلوس نهائى--لو انته تعرف حد محتاج-او حد غلبان مقسط حاجه ومش قادر يدفع اقساطها-اتعامل بنفسك
لو عندك شويه هدوم عاوز تخلص منهم -ابقه اديهم لاى جمعيه وخلاص-واحتمال اصلا ميجوش يا خدوها-ويقولوا عاوزين تبرعات ماديه عندنا هدوم كتير
--خلاصه الموضوع دة مشروع تجارى بحت-وبيكسب دهب

[احمد المصرى]

جمعيه رساله من اكبر الجمعيات فى مصر تقريبا والحمد لله على مدار السنوات ال فاتت مشفتش اى شى وحش من الاداره العليا ولكن اكيد فى سرقات من الموظفين العاديين ودا شى موجود فى كل مكان كبير ذى رساله ولكن الرقابه عندهم كل يوم اعلى من اليوم ال قبله وبيظبتوا الرقابه عندهم جدااااااااااااااااااااا


ودكتور شريف نحسبه على خير ان شاء الله وراجل فعلا محترم جدااااااااااااااااااااا


نسيت اقول ان فى خلال السنوات ال كنت فيها فى رساله لقيت ان بعض المتطوعين بيسرقوا برضوا يعنى شباب عندهم 18 سنه او اقل بيعملوا خير فى التطوع وبرضوا حراميه تيجى اذاى مش عارف


خلاصه الكلام اى مكان كبير بيكون فى حراميه ودا شى اكيد بس الاهم ان الاداره العليا مش حراميه ومش بتساعد على السرقه بالعكس كل يوم بتخلى الرقابه اعلى من اليوم ال قبله علشان السرقه تقل

[amrelsha3er]

متعاملتش معاهم قبل كده
بس الافضل هو ان تعطى المحتاج حاجته بيدك يدا ليد منعا للشك والريبه
وكده انت تكون مطمن
كده كده ثوابك واجرك ان شاء الله محسوب لان انما الاعمال بالنيات سواء هم بقو قبلوها على نفسهم
او اعطوها لمستحقيها
فكلا الحالتين انت ان شاء الله مثاب وستأجر
انما افضل بالنسبه لى راى الشخصى منك للمحتاج افضل

[tarekmomo]

انا كنت بروح جمعية الرسالة والحاجات دى كنت بعملها انا واصاحبى
1 توزيع شنط غذائية شهريا لغير القادرين
2 توزيع كفالات نقدية شهرية لغير القادريين على العمل
3 تقسيم لحوم الاضاحى وتعبئتها وتوزيعها طول العام
4 علاج غير القادريين
5 تجهيز بنات الاسر غير المحتاجة

[Mahmoud Nagieb]

بصوا يا جماعة , اولا انا قولت جمعية رسالة كويسة ومقلتش انها نصابة ولا سبوبة ولا الكلام ده

ثانيا انا بصراحة مش عاوز اخوض فى تفاصيل

بس الفكرة بشكل عام , ان رسالة قايمة على تبراعات , وفيها انشطة كتيييرة اوى ماشاء الله , ومع كبر حجم الانشطة والجمعية وسمعتها ادى لزيادة الاعمال الخيرية وبالتالى زيادة المتطوعين

ده ادى ان فيه مصاريف كتيرة بتتصرف على حاجات زى نقل المتطوعين والترفيه عنهم واكلهم وكل ده من فلوس التبرعات

ده غير حاجات تانية

الخلاصة , رسالة اتطوع فيها واكسب ثواب

بس انا لو معايا فلوس عاوز اتبرع بيها , هشوف حالات انا عارفها وهساعدهم بنفسى , وتبقى حاجة بينى وبين ربنا

مع ذلك انا مبقولش رسالة نصابة ولا حاجة , بالعكس هيا مثال كويس لمساعدة المحتاجين

بس برضه , التبرع النقدى يفضل يكون لحالات معروفة للمتبرع بشكل شخصى او جمعيات تانية معروف انها مش بتضيع فلوس التبرعات فى اتجاهات تانية

تحياتى

[احمد المصرى]

بصوا يا جماعة , اولا انا قولت جمعية رسالة كويسة ومقلتش انها نصابة ولا سبوبة ولا الكلام ده

ثانيا انا بصراحة مش عاوز اخوض فى تفاصيل

مينفعش يا اخى الكريم تقول كلام وتقول مش عايز اتكلم فى تفاصيل احيانا لازم تقول تفاصيل علشان الناس تتعلم الصح فين والغلط فين


بس الفكرة بشكل عام , ان رسالة قايمة على تبراعات , وفيها انشطة كتيييرة اوى ماشاء الله , ومع كبر حجم الانشطة والجمعية وسمعتها ادى لزيادة الاعمال الخيرية وبالتالى زيادة المتطوعين

متفق معاك جدااااااااااااااااا


ده ادى ان فيه مصاريف كتيرة بتتصرف على حاجات زى نقل المتطوعين والترفيه عنهم واكلهم وكل ده من فلوس التبرعات

وليه متقولش ان دا من فلوس الورق او المناديل ال بتتباع ..... طيب والعمره ال بتتعمل وال بيطلع من رساله 1200 فرد بتكون من فلوس ايه احب اوضح انها من فلوس الورق ال بيتباع ةالمناديل يعنى حوالى نص مليون واكتر بيتصرف على المعتمرين من الورق القديم والمناديل ولو فرضنا ان نقل المتطوعين من فلوس التبرعات ما شى طبيعى جدا ان على الاقل لازم انقل المتطوع دا اقل واجب


ده غير حاجات تانية

الخلاصة , رسالة اتطوع فيها واكسب ثواب

بس انا لو معايا فلوس عاوز اتبرع بيها , هشوف حالات انا عارفها وهساعدهم بنفسى , وتبقى حاجة بينى وبين ربنا

مع ذلك انا مبقولش رسالة نصابة ولا حاجة , بالعكس هيا مثال كويس لمساعدة المحتاجين

بس برضه , التبرع النقدى يفضل يكون لحالات معروفة للمتبرع بشكل شخصى او جمعيات تانية معروف انها مش بتضيع فلوس التبرعات فى اتجاهات تانية

تحياتى

[Mahmoud Nagieb]

حضرتك انا عارف سكك الفلوس بتيجى منين وبتروح فين

لعلمك , تكلفة العمرات اللى بتطلع اكتر من مليون و300 الف فى السنة مش نص مليون

ومصدرها مش المناديل والورق اللى بتتباع ,

ومعلش ده اخر مشاركة ليا فى الموضوع

[Ahmed_Adham]

للعلم فقط يا جماعه بس فيه قاعده عامه ان حوالي 25% من التبرعات للجمعيات الخيريه بتتصرف في التنظيم والاعمال الاداريه. سواء ده شيء سلبي أو ايجابي وجب التنبيه ليس الا. والافضل دايما هوه التبرع المباشر لو تعرف حد يستاهل التبرع واللجوء للجمعيات بس في حاله انك مش عارف حد يستاهل مساعده ماليه.

[CaptaiN-AhmeD]

ياجماعه انا فاهم الاستاذ محمد نجيب بيتكلم في ايه بالظبط

من الاخر انت بتكون نيتك لله عز وجل تعمل خير وربنا بيجازيك عليه

تاني حاجه بيكون ليك هدف ان التبرع بتاعك بيوصل لمستحقيه (رساله بتوصله لمستحقيه بنسبة مليون في الميه )
وعن تجربه وشفت بعيني ووالدتي والحمد لله بتطلع ال فيه النصيب ليهم

لكن عشان تضمن دا انصحك نفس نصيحته تبقى الحاجه عباره عن حاجات قديمه اجهزه ملابس الى خلافه

لكن مش بحبذ موضوع التبرع المادي بالفلوس عشان انا هدفي الاول والاخير ان جنيه ادفعه يوصل لمستحقيه
لكن ميهمنيش ان الجمعيه تعمل من الفلوس دي بدل انتقال او اي غيره للمتطوعين

انا هدفي اساعد المحتاج وعشان اضمن دا مش ضروري ادي فلوس لكن ضروري ادي حاجه قديمه جاكت لبس انشالله اكل اي شئ صدقني هيوصل لمستحقيه عن طريق رساله

[amr5500]

طبعا لو الواحد استطاع ان يوصل التبرعات بنفسه اكيد حيكون احسن
المشقه في انك تبحث عن الناس المحتاجه وتوصلهم اللي ناقصهم بيكون عليه اجر عظيم
وفي نفس الوقت تكون ارتحت من الارتياب والشك
انا ليا تجربه مع رساله في التبرع ببعض الاشياء العينيه
بصراحه بيشيلوا الاشياء باهمال وعدم مبالاه
يعني ممكن تكسر او يحصل لها اعطال
ودي مفروض امانه توصل لصاحبها بحاله جيدة

[احمد المصرى]

ربنا يتقبل منا جميعا ان شاء الله

[ahmed4000]

طيب مطبيعى يصرف جزء من التبرعات على الادارة والتنظيم...لان علشان الموضوع يستمر مش حينفع كلهم يبقوا متطوعين...لازم ناس تبقى موظفينفى الجمعية وبيشتغلوا وبيقبضوا اخر الشهر ومش معقولة حيشتغلوا ببلاش

انا راى دايما ان التبرع للجمعيات احسن من انك تدى فلوس لواحد فى الشارع متعرفش هو محتاج ولا اغنى منك
ولا تدى لواحد تعرف انه محتاج بس يمكن فى الصعيد ولا فى القرى واحد معدم اكتر منه مليون مرة

على الاقل الجمعيات دى بتوجه لناس درست حالتهم بواسطة ناس متخصصين ورتبتهم وفقاً للاكثر احتياجاً